سراجاً منیراً Sirajan Muneera – صوفی سلطان شطاری

میں اس مجموعہ نعت کو اپنے دادا پیر
حضرت سید شاہ محمدؐ غوث شطاریؒ قادری گوالیاری
و حضرت شاہ وجہ الدین شطاریؒ قادری گجراتی
و حضرت سیدنا ہاشم پیر دستگیر شطاریؒ قادری بیجا پوری
و حضرت صوفی حسین علی شاہ شطاری نرملی
اور
اپنے والد بزرگوار وپیر حضرت صوفی محمدؐ عبدالمنان کشورؔنرملی
(عرف صوفی فیاض علی شاہ شطاری قادریؒ)
کے اسمائے گرامی سے
معنون کرنے کی سعادت حاصل کرتا ہوں
جن کے فیضان اور تعلیمات نے مجھے ہر طرح سنوارا۔

صوفی شاہ محمدؐ سلطانؔ شطاری قادری
عادل آبادی

Intsaab

mein is majmoa naat ko apne dada paiir
Hazrat Syed Shah Mohammad Ghaus Shuttari
Quadri Guwaliyari
w Hazrat Shah Wajah Uddin Quadri Gujrati
w Hazrat Syedna Hashim Peer Dastagir Shuttari
Beeja Puri
w Hazrat Sufi Hussain Ali Shah Shuttari Nirmali
aur
–apne waalid bzrgwar w peer
Hazrat Sufi Mohammad Abdul Mannan Kishwar
Nirmali ) urf Sufi Fayyaz Ali Shah Shuttari Quadri)
ke asmae giraami se
manon karne ki saadat haasil karta hon
jin ke faizan aur talemaat ne mujhe har tarha
sanvara.

Sufi Shah Mohammad Sultan Shuttari Quadri
adil abadi

انتساب
والد بزرگوار کے ۶۲؍ سالہ شعری سفر کے جشن کے اس تحفہ کو ہندوستان، پاکستان وسعودی عرب کی یونیورسٹیوں میں علم کے پیاسوں کو اور دیگر تحقیقی متوالوں کے لئے حضور اکرمﷺ سے عقیدت کو بنام ’’سراجاً منیرا‘‘ دوسری بار کتابت وطباعت کے ساتھ روانہ کرنیکی سعادت مجھے نصیب ہو رہی ہے۔ اور میں والد بزرگوار کے لئے قلب کی گہرائیوں سے دعا گو ہوں کہ اللہ تعالیٰ حضور اقدسﷺ کے صدقے میں لمبی حیات، صحت مندی کے ساتھ عطا فرمائے۔ اور ان کا سایہ ہمارے سروں پر تادیر سایہ فگن رہے۔ آمین ثمہ آمین
حقیر وفقیر

صوفی شاہ محمد سبحان قادری شطاری ہاشمی

قطعہ
کیا ہے خدا کی ذات دکھانے کے واسطے
آئے رسول پاک زمانے کے واسطے
سلطانؔ نعت پاک سراج منیر ہے
منزل کی راہ ہم کو دکھانے کے واسطے

Intsaab

waalid bzrgwar ke 62 sala sheri safar ke jashnn ke is tohfa ko Hindustan, Pakistan w Saudi Arab ki universition mein ilm ke peyason ko aur deegar tahqeeqi mtwalon ke liye huzoor akram (swas) se aqeedat ko banam’ ‘ Sirajan Muneera duosri baar kitabat w tabat ke sath rawana karney ki saadat mujhe naseeb ho rahi hai. aur mein waalid bzrgwar ke liye qalb ki gehraion se dua go hon ke Allah taala huzoor aqdas (swas) ke sadqey mein lambi hayaat, sahat mandi ke sath ataa farmaiye. aur un ka saya hamarey saron par tader saya aigan rahey. ameeen summa ameeen
haqeer w faqeer
Sufi Shah Mohammad Subhan Quadri Shuttari Gashmi

Qaata
kiya hai khuda ki zaat dikhaane ke wastey
aaye rasool pak zamane ke wastey
sultan naat pak Siraj Munir hai
manzil ki raah hum ko dikhaane ke

شاعری
آپ کا پورا نام صوفی محمد سلطان قادری شطاری ہے سلسلہ شطاریہ سے منسلک ہونے کی وجہ صوفی سلطانؔشطاری کے نام سے متعارف ہیں اس سلسلے کے بارے میں اکثر بیان کرتے ہیں کہ یہ سلسلہ سرکارغوث پاک کے بڑے صاحبزادے سے چلا ہے مشہور بزرگ حضرت سید شاہ محمدغوث گوالیاریؒ کے خلیفہ سید شاہ وجیہ الدین گجراتیؒ کے خلفا کچھ اورنگ آباد میں فروکش ہوئے کچھ بیجا پور میں مقیم ہوئے انہی میں حضرت ہاشم پیر دستگیر بھی ہیں ان کے خلفا کے سلسلے میں حضرت بابا تاج الدین ناگپوریؒ کے تایا زاد برادر صوفی حسین علی شاہ شطاری قادری نرملی ان کے دادا پیر ہیں ان کے سلسلہ میں صوفی محمد عبدالمنان کشورؔ نرملی ہیں جو صوفی سلطان شطاری صاحب کے والد بزرگوار ہوتے ہیں۔
آپ ۱۵؍اگست ۱۹۴۲ء کو نرمل میں تولد ہوئے جو ضلع عادل آباد کا تعلقہ ہے تعلیم بی۔ اے تک ہوئی پیشے کے اعتبار سے گورنمنٹ کنٹراکٹر ہیں شاعری میں تلمذ والد محترم سے ہی رہا غزلیات کا پہلا مجموعہ ’’خامۂ فکر‘‘ ۱۹۸۶ء میں زیور ِطبع سے آراستہ ہو کر منظر عام پر آیا اور بہت مقبول ہوا۔ جس کو مغربی بنگال کی جانب سے رقمی انعام اور ایوارڈ دیا گیا۔ شاعری کا آغاز ۱۹۵۹ء ہی سے ہوچکا تھا لیکن والد صاحب نے غزلیاتی شاعری کو بنظر استحسان نہیں دیکھا اور بڑے بزرگانہ انداز میں حمد ونعت کی ترغیب دلائی کہ یہ دولت دونوں جہاں میں کام آنے والی ہے چنانچہ اس کا اثر یہ ہوا کہ صوفی صاحب کا ذہن نعت ومنقبت کی جانب متوجہ ہوگیا۔ ۱۹۸۵ء میں پہلا مجموعہ نعت ’’متاعِ نجات‘‘ کے نام سے اشاعت پذیر ہوا جس کی کافی پذیرائی ہوئی اور اُردو اکیڈیمی آندھراپردیش کی جانب سے رقمی انعام وایوارڈ دیا گیا۔ ۱۹۵۸ء سے مستقل طور پر حیدرآباد منتقل ہوچکے ہیں۔ اب زیر نظر یہ دوسرا مجموعۂ نعت ’’سراجاً منیرا‘‘ نام سے منظر عام پر آیا ہے۔

نعت شریف کا کہنا سننا بھی داخل عبادت ہے خصوصاً مسلمان حضرات اپنے جذبات عقیدت واحساسات وارفتگی کو تازہ رکھنے کے لئے اس صنف ِسخن کی طرف بھی اپنی توجہ بڑے خلوص کے ساتھ مبذول کئے رہتے ہیں۔ یہ میدان اس قدر وسیع ہے جس کا احاطہ مشکل ہے۔ ہر صحیفہ میں سرکار ؐ کی نعت موجود ہے اس سے پتہ چلتا ہے کہ یہ سلسلہ بہت قدیم ہے۔ ہر زمانے اور مقام اور ہر زبان میں سرکار ِؐکائنات کی مدحت کو لوگوں نے متاعِ حیات وسرمایۂ نجات سمجھ کر بقدرِ استطاعت مدحت وثنا کی ہے اور کئے جارہے ہیں۔ عربی۔ فارسی والوں کی پیروی میں اردو والوں نے بھی بڑی کامیاب کوششیں کی ہیں اور اردو زبان میں بھی بحمداللہ نعت کا کافی ذخیرہ موجود ہے۔ میں نے اس سے پہلے بھی کہیں یہ وضاحت کی ہے کہ شعرائے کرام کے تین گروہ ہیں۔ ایک وہ جس نے تبرکا تیمناً نعت کہی ہے دوسرا گروہ وہ ہے جس نے صرف مذہبی شاعری (نعت ، سلام ومنقبت) پر اکتفا کیا۔ تیسرا گروہ ایسا ہے جس نے دیگر اصناف ِسخن کے مجموعہ کے ساتھ مذہبی شاعری کا بھی ایک علحدہ مجموعہ دیا ہے۔ فی زمانہ جہاں شاعری بہت آسان وارزاں ہوگئی ہے وہیں مذہبی شاعری(نعت وسلام ومنقبت) بھی کوئی مشکل نہیں رہی۔ اسلاف اک عمر شعر وادب میں گزارنے کے بعد مذہبی شاعری کے میدان میں بہت محتاط اور ڈرتے ڈرتے قدم رکھتے تھے لیکن آج معاملہ بالکل اس کے برعکس ہوگیا ہے۔ جیسے شاعر ویسی شاعری ہے سامعین کا حساب تو بس اللہ ہی اللہ ہے۔ (اِلاماشاء اللہ) رات دن کے مشاہدے اور قریب سے دیکھنے پر حقیقت کا پتہ چلتا ہے ورنہ ممکن ہے میری تلخ نوائی اور اظہار حقیقت لوگوں پر بار گزرے۔

آمدم برسرِ مطلب ! جہاں تک حضرت صوفی سلطان شطاری کی نعتیہ شاعری کا تعلق ہے وہاں بلا مبالغہ اور بلاخوف تردیدی یہ کہا جائیگا کہ شعروں میں سرکار سے عقیدت ووابستگی کا بدرجۂ اتم اظہار ہے سادگی۔ عجز واِنکساری۔ جذبات مودّت ، جاں نثاری کا ثبوت ان کی قلمی کاوشوں اور طرزِ ادا سے صاف مترشح ہوتا ہے۔ صاحب سلسلہ ہونے کے ناطے ان کے اشعار میں کافی گیرائی اور گہرائی موجود ہے چونکہ سرکار ِؐکائنات سے قلبی لگاؤ ہی ایمان کی بنیاد ہے۔ بفضل خدا صوفی صاحب بھی ان بزرگوں کے نقش قدم پر گامزن ہیں جو مقبول بارگاہ الہی ہیں۔ مزید تفصیلات میں جانے کی بجائے بہتر یہی کہ اس کا ثبوت انہی کے کچھ شعری انتخاب سے دیا جائے۔ قارئین کے لئے اس میں بڑا ذخیرہ ہے۔ بشرطیکہ عقیدت وخلوص سے پڑھا جائے۔

نعلین چھوڑنے کی بھی مہلت نہ دی گئی

دیکھو خدا کو کتنی محبت نبیؐ کی ہے

دنیاے آب و گل میں ہوئے جلوہ گر حضورؐ

راہِ نجات کیا ہے دِکھانے کے واسطے

کیا غم جو بہت تیز ہے حالات کی آندھی

روشن شہ ؐ طیبہ کی عنایت کا دیا ہے

سوتے ہیں نام لے کے اٹھتے ہیں نام لے کے

ہم بیکسوں کا آقاؐ اس پر ہی ہے گزارا

نظر آتے ہیں فتنے ہر طرف ایماں کی راہوں میں

بچالیجے ہمیں ان سے خدارا یا رسول اللہ

پہنچائیے اب اس کو سرکارؐ کنارے پر

امت کا سفینہ پھر طوفاں میں نظر آیا

ہر لمحہ یہاں بارشِ انوارِ خدا ہے

روشن ہے اسی نور سے دربار مدینہ

محشر میں گنہ گاروں پہ ہیں آپؐ کی نظریں

اور آپؐ پہ ہے چشمِ خدا سرورؐ کونین

آپؐ کا ذکر اگر ہو تو ہے جینے کا مزہ

ورنہ ہر سانس ہے بیکار رسولؐ عربی

ہیں دل شفاف آئینے تو چہرے آفتابی ہیں

محمدؐ کے غلاموں کی یہی پہچان ہے دیکھو

سرکارؐ کے طفیل میں عزت ملی ہمیں

ہم جی رہے ہیں سینے میں قرآں لئے ہوئے

اک آپ ہی کے جسم کا سایہ نہیں حضورؐ

قدرت نے سارے جسموں کے سائے دکھائے ہیں

ہر وقت تصور ہے سرکارؐ کے روضے کا

جاری رہے بس یونہی سانسوں کا سفر آقا

ہم کو بھی اپنے لطف وکرم سے نوازئیے

سرکارؐ رحمتوں کے طلب گار ہم بھی ہیں

حشر کے لمحے ہیں قیامت کے

سبھی محتاج ہیں شفاعت کے

نامِ نبی سے ہوتی ہیں آسان مشکلیں

ملتا ہے یہ ثبوت خدا کے کلام سے

آخر میں دست بہ دعا ہوں کہ خدا کرے یہ شغل نعت گوئی شب وروز جاری رہے ، اللہ کرے زور ِقلم اور زیادہ۔

امید کہ اہل ذوق حضرات میں اس کی پذیرائی ہوگی۔

خواجہ شوقؔ

Shairi

aap ka poora naam Sufi Mohammad Sultan Quadri Suttari hai silsila shuttariya se munsalik honey ki wajah Sufi Sultan Shuttari ke naam se mutaarif hain is silsiley ke barey mein aksar bayan karte hain ke ye silsila sarkar paak ke badey sahibzadey se chala hai mashoor buzurag hazrat Syed Shah Mohammad Ghaus Gowaliyari ke khalifa Syed Shah Wajeeha Uddin Gujrati ke khulafa kach Aurang Abad mein farokas huve kach beja poor mein muqeem huve unhi mein Hazrat Hashim Peer Dastagir bhi hain un ke khulafa ke silsilay mein Hazrat Baba Taaj Uddin Nagpuri ke taya zaad brother Sufi Hussain Ali Shah Shuttarii Quadri Nirmal un ke dada peer hain un ke silsila mein Sufi Mohammad Abdul Mannan Kishwar Nirmal hain jo Sufi Sultan Shuttari Sahib ke waalid bzrugwar hotey hain.
aap 15 Aug 1942 ko nirmal mein tawallud huve jo zila adil abad ka taalluqa hai taleem B.A. tak huvi peshey ke aitbaar se government contractor hain shairi mein talammuz waalid mohtaram se hi raha ghazliyat ka pahla majmoa’ Khama-e-Fikar1986 mein zewar taba se aarasta ho kar manzar aam par aaya aur bohat maqbool huwa. jis ko maghribi bengal ki janib se raqmi inaam aur award diya gaya. shairi ka aaghaz 1959 hi se hochuka tha laikin waalid sahib ne ghazliyati shairi ko banazar Istehsan nahi dekha aur badey buzurgana andaaz mein hamd wo naat ki targheeb dilai ke ye daulat dono jahan mein kaam aney wali hai chunancha is ka assar ye huwa ke Sufi Sahib ka zehen naat w manqabat ki janib mutwajjah hogaya. 1985 mein pahla majmoa naat ‘ ‘ Mata-e-Njaat’ ‘ ke naam se ishaat pazeer huwa jis ki kaafi pazeerai hui aur urdu acadme Aandhraprdesh ki janib se raqmi inaam w award diya gaya. 1958 se mustaqil tur par hyderabad muntaqil ho chukay hain. ab zair nazar ye dosra majmooa naat Sirajan Muneera ‘ ke naam se manzar aam par aaya hai.

naat shareef ka kahna sunna bhi daakhil ibadat hai khasosan musalman hazraat apne jazbaat aqeedat w ihsasat w warftagi ko taaza rakhney ke liye is sinf sukhan ki taraf bhi apni tawajah baday khuloos ke sath mabzol kiye rahtey hain. ye maidan is qader wasee hai jis ka ahata mushkil hai. har sahifah mein sarkar? ki naat maujood hai is se pata chalta hai ke ye silsila bohat qadeem hai. har zamane aur maqam aur har zabaan mein sarkar kaynaat ki midhat ko logon ne Mata-e hayaat w sarmaya najaat samajh kar baqadar istetat midhat w sana ki hai aur kiye jarahay hain. Arabi, Farsi walon ki pairwi mein urdu walon ne bhi badi kamyaab koshishen ki hain aur urdu zabaan mein bhi bihmdillh naat ka kaafi zakheera maujood hai. mein ne is se pahley bhi kahin ye wazahat ki hai ke shuraye kiraam ke teen giroh hain. ek wo jis ne tabrikan naat kahi hai dosra giroh wo hai jis ne sirf mazhabi shairi (naat, salam w manqabat) par iktefa kiya. teesra giroh aisa hai jis ne deegar asnaf sukhan ke majmoa ke sath mazhabi shairi ka bhi ek aleheda majmoa diya hai. fi zamana jahan shairi bohat aasaan w irzan hogayi hai wahein mazhabi shairi (naat salamm w manqabat) bhi koi mushkil nahi rahi. aslaaf ek umar shair w adab mein guzaarne ke baad mazhabi shairi ke maidan mein bohat mohtaat aur dartey dartey qadam rakhtey they laikin aaj maamla bilkul is ke baraks hogaya hai. jaisey shayar waisi shairi hai samaeen ka hisaab to bas Allah hi Allah hai (illa masha Allah ( raat din ke mushahedey aur qareeb se dekhney par haqeeqat ka pata chalta hai warna mumkin hai meri talkh nawai aur izhaar haqeeqat logon par baar guzray.

aamdm barsar-e-matlab! jahan tak hazrat Sufi Sultan Shuttari ki natih shairi ka talluq hai wahan bilaa mubaligha aur bilakhof tardeedi ye kaha jaayegaa ke shairoon mein sarkar se aqeedat w wabastagi ka badrajh atam izhaar hai saadgi ijaz wa inkisari jazbaat mawaddat jaan nisari ka saboot un ki qalmi kawishon aur tarz-e-ada se saaf mutrashah hota hai. sahib silsila honey ke natey un ke ashaar mein kaafi gaihrai aur gahrai maujood hai chunkey sarkar kaynaat se qalbi lagoo hi imaan ki bunyaad hai bafazle khuda Sufi Sahib bhi un buzurgon ke naqsh qadam par gaamzan hain jo maqbool bargaah ilahi hain. mazeed tafseelaat mein jane ki bajaye behtar yahi ke is ka saboot unhi ke kuch sheri intikhab se diya jaye. qaraeen ke liye is mein bara zakheera hai. bashart-e-kay aqeedat w khuloos se padha jaye.

nalain chodney ki bh mohlat na di gayi

dekho khuda ko kitni mohabbat nabi ki hai

dunyae aabb w gul mein huve jalva gar hozoor

raah-e-najaat kiya hai dikhaane ke wastay

kiya gham jo bohat taiz hai halaat ki aandhi

roshan sheh? tayiba ki inayat ka diya hai

sotey hain naam le ke uthte hain naam le ke

hum bekasun ka aaqa is par hi hai guzaraa

nazar atey hain fitne har taraf iman ki raahon mein

bchalijye hamein un se khudaaraa ya rasool Allah

pohnchayye ab is ko sarkar kinare par

ummat ka safena phir tufaan mein nazar aaya

har lamha yahan barish-e-anwaar khuda hai

roshan hai isi noor se darbaar madina

mahshar mein gunah garon pay hain aa ki nazrain

aur app pay hai chashm-e-khuda sarwar konain

aap ka zikar agar ho to hai jeeney ka maza

warna har saans hai bekar rasool-e-arabi

hain dil shafaaf aaine to chehrey aaftabi hain

mohammad ke ghulamoo ki yahi pahchan hai dekho

sarkar ke tufail mein izzat mili hamein

hum jee rahey hain seeney mein quraan liye huve

ek aap hi ke jism ka saya nahi hozoor

qudrat ne saaray jismon ke saaye dikhaay hain

har waqt tasawwur hai sarkar ke roze ka

jari rahey bas yuhin saanson ka safar aaqa

hum ko bhi apne lutaf w karam se nawazye

sarkar rahmatun ke talabb gaar hum bhi hain

hashar ke lamhay hain qayamat ke

sabhi mohtaaj hain shafaat ke

naam nabi se hoti hain aasaan mushkilain

milta hai ye saboot khuda ke kalaam se

aakhir mein dast ba dua hon ke khuda kere ye shugal naat goi shab w roz jari rahay, Allah kere zor qalam aur ziyada.

umeed ke ahal-e-zouq hazraat mein is ki pazeerai hogi.

Khwaja Shouq

دکن کا معتبر، زندہ دل اور قادرالکلام شاعر

صوفی سلطانؔ شطاری

یوسف روش ایم ۔ٹیک (عثمانیہ)

حضرت صوفی سلطانؔ شطاری قادری کانام نامی تاویل عام میں ہر فطری سخن ور کی طرح ’’تلمیذالرحمن‘‘ سے مربوط ہے تو تاویل خاص میں علمی ومذہبی گھرانے کے اس مبارک سلسلہ طریقت سے وابستہ ہے جو سلسلہ آل رسولﷺ ہاشم پیر دستگیرؓ ’’قادریہ شطاریہ‘‘ کہلاتا ہے جو کہ سرکار غوثؓ اعظم کے بڑے صاحب زادے سید شاہ عبد الرزاقؒ سے جاملتا ہے۔ صاحب موصوف حضرت صوفی محمد عبد المنان قادری کشورؔنرملی عرف صوفی فیاض علی شاہ شطاری قادری ؒکے تیسرے فرزند ہیں جو اپنے دور کے فارسی واردو کے نامور وممتاز شعراء میںشمار کئے جاتے تھے۔ اللہ کی عطا کردہ عنایتوں اور برکات وفیوض سے حضرت کشورؔنرملی نے اپنے معتقدین و مریدین کے قلوب کو عشق الٰہی سے گرمایا اور انھیں ظاہری وباطنی علوم سے بھی مالامال کیا۔آپ کے مریدین زیادہ تر ناگپور، نرمل، عادل آباد اور ناندیڑ کے متوطن ہیں۔آپ کے پردہ فرمانے کے بعد یہ سلسلہ رشد وہدایت اللہ پاک نے حضرت صوفی سلطانؔ شطاری کے توسط سے دکن کے کئی علاقوں میں جاری وساری رکھا ہے۔

روشنی نہ کم ہوگی ، اہل دل کی محفل میں

اِک چراغ بجھتاہے ، اک چراغ جلتا ہے

اصلاح باطن اور تبلیغ دین کے اس اہم فریضہ سے قطع نظر خدا نے سلطان شطاری صاحب کو کئی ادبی، ملی، سماجی اور سیاسی سرگرمیوں میں مصروف بہ کار رکھا۔ چناچہ ایک طرف آپ ممتاز شاعر، اچھے مقرر اور فعال شخصیت کے حامل بزرگ ہیں تو دوسری طرف سیاسی سرگرمیوں سے سماج ومعاشرے کے فلاحی کاموں کو سرانجام دینا اپنا اہم فرض سمجھتے ہیں۔

سلطان شطاری صاحب کا شعری سفر تقریباً نصف صدی یعنی 1959ء سے حمد، نعت، منقبت، غزلوں، نظموں، رباعیات اور مثنوی جیسی اصناف سخن کی طبع آزمائی میں گزرا اور ہنوز جاری ہے۔

آپ قادرالکلام، زندہ دل ، معتبر، خود اعتماد اور کہنہ مشق شاعر ہیں۔کئی زمینوں میں بے باکی اور سرشاری سے شعر کہتے ہیں۔آپ کی شاعری زیادہ تر داخلی کیفیات، جذبات اور احساسات سے لبریز اور آراستہ نظر آتی ہے جس میں روایت کی پاسداری بدرجہ اتم موجود ہے۔ جنابِِ والا کی نقل مکانی قابلِ توجہ ہے۔ آپ نے کئی ممالک مثلاً۔ہندوستان ، پاکستان، اور سعوی عرب اور ان کے کئی شہروں کے نہ صرف دورے کئے ہیں بلکہ بین الاقوامی سطح کے مشاعرے بھی پڑھ چکے ہیں۔خاص بات یہ ہے کہ خارجی ماحول اور نقل مکانی کے اثرات آپ کی شعر گوئی پر اثر انداز نہیں ہوئے جو اس بات کی طرف اشارہ کرتے ہیں کہ موصوف خارجیت کے بجائے داخلیت کو اہمیت دیتے ہیں۔ چنانچہ ترقی پسند شاعری اور جدید شاعری بھی آپ کے لب و لہجے کو متاثر نہ کر سکی تاہم آپ کے ہاں بعض چونکانے والے شعر موجود ہیں۔

آپ کے تاحال دو شعری مجموعے متاع نجات(نعتیہ مجموعہ) 1985 ء اور خامۂ فکر (غزلوں کا مجموعہ) 1987ء میں منظر عام پر آچکے ہیں اور تقریباً ۲۲ سال کی طویل خاموشی کے بعد اب آپ ایک ضخیم دیوان کی ترتیب میں منہمک ہیں۔ نیز اپنے والد ِماجد حضرت کشورؔنرملی کا مجموعۂ کلام بھی ترتیب دے رہے ہیں جو صاحب ِموصوف کے واحد استاد ورہنما رہے ہیں۔آپ نے ان کے سوا اپنے کلام پر کسی اور سے اصلاح نہیں لی شاید اس کی ضرورت بھی پیش نہیں آئی۔

اپنے ضخیم دیوان کی اشاعت سے قبل سلطان شطاری صاحب نے اردو اکیڈمی آندھراپردیش کے جزوی مالی تعاون سے اپنے تازہ نعتیہ مجموعہ ’’سراجاً منیرا‘‘ شائع فرمایا ہے۔

زیر نظر نعتیہ مجموعہ 4 حمد باری، 79 نعتیں ، 4 نعتیہ قطعات، 6 سلام، 2 مناقب حضرت علیؓ اوردیگر مناقب بضمن حضرت غوث پاکؒ، حضرت خواجہ غریب نوازؒ، حضرت خواجہ بندہ نواز گیسودرازؒ اور اپنے والد پیر کامل حضرت صوفی فیاض علی شاہؒ شطاری قادری درج ہیں۔ دیدہ زیب ٹائٹل، ( 152 ) صفحات پر مشتمل یہ مجموعہ (200) روپئے ہدیہ میں دستیاب ہے۔

مجموعہ کیا ہے؟ دراصل عقیدت وعشق رسول اکرم ﷺ میں ڈوبا ہوا کلام ہے جس میں نسبت و وابستگی کا اظہار برملا اور نمایاں ہے۔ اشعار میں سلاست وسادگی کے علاوہ دل میں اتر جانے والا انداز بے ساختگی سے ابھر آیا ہے۔ تمام اصناف سخن میں لفظوں کی مٹھاس، بندش خیال اور عام فہم تراکیب اپنی مثال آپ ہیں۔ بطور نمونہ چند شعر ملاحظہ ہوں۔

حمد باری تعالیٰ
تو پاس ہوکے دور ہے ، یہ اور بات ہے
ارض و سماء میں کون تجھے جانتا نہیں

بہت ممکن ہے تو مل جائے مجھ کو
فقط اک جستجو ہے اور میں ہوں

اے خدا تیرا بڑا احسان ہے
امت احمدؐ میں جو سلطانؔ ہے

نعت پاک
پھر تا ہوں لے کے بار تمنا یہ سر پہ میں
مرجاؤں سر پٹک کے محمدؐکے در پہ میں
٭
بس لکھ رہا ہوں نعت محمدؐ میں اس لئے
محشر میں سر چھپانے کا اک آسرا ہے یہ
٭
کیا ہے جزائے حج وزیارت نہ پوچھئے
حاصل ہوئی ہے کون سی دولت نہ پو چھئے
٭
ہے سلطاںؔ یہی آرزو میرے دل میں
رہوں بن کے میں خاک پائے محمدؐ
٭
حد سدرہ سے جبریل امیں آگے نہیں جاتے
حد قوسین کہلاتی ہے وہ آقاؐ جہاں تم ہو
٭
ذکر رب ، ذکر ہے محمدؐ کا
غیر ممکن ہے حق ادا کرنا
٭

منزل کی تمنا میں بھٹکتے ہی رہے لوگ
منزل کا پتہ ہم کو مدینے سے ملا ہے

سلام
کوئی فرات کی لہروں سے پوچھ کر دیکھے
غم حسینؓ میں دریا کا دل بھی پانی ہے
٭
اعدا سمجھ رہے ہیں کہ پیاسے ہی مرگئے
شبیرؓ پی کے جام شہادت گذر گئے
٭
کہاں ہو حضرت ایوبؑ آکر کربلامیں تم
ذرا عاشور کی شام غریباں دیکھتے جاؤ
٭
کہیں جھلک تو نہیں ہے یہ خون اصغرؓ کی
شفق کے چہرے پہ جو رنگ ارغوانی ہے

منقبت
کیا پو چھتے ہو ہم سے جو عظمت علیؓ کی ہے
ارض وسماء میں اب بھی حکومت علیؓ کی ہے
٭

یہ لازم ہے علیؓ کے ہر عمل کو پہلے اپنائیں
صداقت سے، شجاعت سے اگر کچھ کام لینا ہے
٭
درغوثؓ الوریٰ پر سر جھکا کر دیکھتے چلو
یہاں بن جاتے ہیں بگڑے مقدر دیکھتے جاؤ
٭
صدا دل سے زباں تک بھی نہ آئی آپ آ پہنچے
کیا شان دستگیری کا ہے منظر دیکھتے جاؤ
٭
کرکے یٰس کی تلاوت کو درون مرقد
شان اعجاز زمانے کو دکھائے فیاضؒ
٭

دولت ایماں سے بھر دیتے دامان طلب
جب بھی پیغام الٰہی کو سنائے فیاضؒ
آخر میں دعا ہے کہ آپ کا شعری سفر اسی توانائی اور جولانی کے ساتھ جاری وساری رہے اور مستقبل قریب میں آپ کے اک اور شعری مجموعہ اور دیوان کا پیش خیمہ بنے۔’’آمین‘‘ یوسف روش

daccan ka mooatbar, zindah dil aur qadir ul kalam shayar

Sufi Sultan Shuttari

Yousuf Rawish M.Tech (Osmania)

Hazrat Sufi Sultan Shuttari Quadri ka naam nami taawel aam mein har fitri sukhan war ki tarhan ”Tilmeez ur Rahman” ‘ se marboot hai tu taawel khaas mein ilmi w mazhabi gharane ke is mubarak silsile tareqat se wabasta hai jo silsila all rasool (swas) hashim peer dastagir’ ‘ qadriah shuttariya ‘ kahlata hai jo ke sarkar Ghous Azam ke baday sahib zade Syed Shah Abdul al Razaq se jamilta hai. Sahib Mausoof Hazrat Sufi Mohammad Abdul Mannan Qadri Kishwar Nirmali urf Sufi Fayyaz Ali Shah Shuttari Qadri Ke teesray Farzand hain jo apne daur ke farsi w urdu ke naamwar w mumtaz shouraa mine shumaar kiye jatay thay. Allah ki ataa kardah inayaton aur barkaat w fuyuz se Hazrat Kishwar Nirmali ne apne mutaqideen w murideen ke qoloob ko ishhq ilahi se garmaya aur unhein zahiri w batini uloom se bhi malamaal kiya. aap ke murideen ziyada tar Nagpur, Nirmal, Adil Abad aur Nanded ke mutawttin hain. aap ke parda farmaney ke baad ye silsila ruashd w hidayat Allah pak ne Hazrat Sufi Sultan Shuttari ke tavassut se daccan ke kai ilaqon mein jari w saari rakha hai.

roshni na kam hogi, ahale dil ki mahfil mein

ek chirag bujhta hai ek chairag jalta hai

islaah batin aur tableegh deen ke is ahem fareeza se qata nazar khuda ne Sultan Shuttari Sahib ko kai adbi, mili, samaji aur siyasi sar garmioun mein masroof bah kar rakha. chunache ek taraf aap mumtaz shayar, achay muqarrir aur fa’aal shakhsiyat ke haamil buzurag hain to doosri taraf siyasi sar garmion se samaaj w maashiry ke falahi kamon ko sar anjaam dena apna ahem farz samajte hain.

Sultan Shuttari Sahib ka sheri safar taqreeban nisf sadi yani 1959 se hamd, naat, manqabat , ghazlon, nazmun, rubaeyat aur masnvi jaisi asnaf sukhan ki taba aazmai mein guzra aur honooz jari hai.

aap qadirul kalam zindah dil, mooatbar, khud etmaad aur kuhna mashq shayar hain. kayi zaminun mein be baki aur sarshari se shair kahte hain. aap ki shairi ziyada tar dakhli kaifiyat, jazbaat aur ihsasat se labraiz aur aarasta nazar aati hai jis mein riwayat ki pasdari badarja atam maujood hai. janab-e-wala ki naqal makani qabil e tawajah hai. aap ne kai mumalik maslan Hindustan, Pakistan aur Saudi Arab aur un ke kai shehron ke na sirf duray kiye hain balkay bain al aqwami sateh ke mushairay bhi padh chuke hain. khaas baat yeh hai ke kharji mahol aur naqal makani ke asraat aap ki shair goi par assar andaaz nahi hue jo is baat ki taraf ishara karte hain ke mausoof kharijiyat ke bajaye dakhiliyat ko ahmiyat dete hain. chunancha taraqqi pasand shairi aur jadeed shairi bhi aap ke lab w lahjey ko mutasir na kar saki taham aap ke haan baaz chonkaney walay sher maujood hain.

aap ke ta haal do sheri majmoay Mataa Najaat (natih majmoa) 1985 aur Khama-e-Fikar (ghazlon ka majmoa( 1987 mein manzar aam par aachukey hain aur taqreeban 22 saal ki taweel khamoshi ke baad ab aap ek zakheem dewan ki tarteeb mein munhamik hain. neez –apne waalid majid hazrat Khishwar Nirmali ka majmooa kalaam bhi tarteeb day rahey hain jo sahib

mausoof ke wahid ustaad w rahnuma rahey hain. aap ne un ke siwa apne kalaam par kisi aur se islaah nahi li shayad is ki zaroorat bhi paish nahi aayi.

–apne zakheem dewan ki ishaat se qabal Sultan Shuttari Sahib ne urdu academy Aandhraprdesh ke juzwi maali taawun se apne taaza natih majmoa Sirajan Muneera ‘ shaya farmaya hai.

zair nazar natih majmoa 4 hamd baari, 79 naatain, 4 natih qtaat, 6 salam, 2 manaqib hazrat Ali aur deegar manaqib ba ziman hazrat Ghaus pak, hazrat khwaja Ghareeb Nawaz, hazrat Khwaja Bandah Nawaz Gaisu Draz aur –apne waalid peer kaamil hazrat Sufi Fayaz Ali Shah Suttari Qadri darj hain. deedaa zaib title 152 safhaat par mushtamil ye majmoa 200 rupiye hadia mein dasteyab hai.

majmoa kiya hai? darasal aqeedat w ishaq rasool akram? mein dooba huwa kalaam hai jis mein nisbat w wabastagi ka izhaar barmila aur numaya hai. ashaar mein salasat w sadgi ke alawa dil mein utar jane wala andaaz be sakhtaghi se ubhar aaya hai. tamam asnaf sukhan mein lafzon ki mithaas, bandish khayaal aur aam faham trakib apni misaal aap hain. bator namona chand shair mulahiza hon.

hamd baari taala

tu paas hoke door hai, ye aur baat hai

arz w aama mein kon tujhe jaanta nahi

bohat mumkin hai tu mil jaye mujh ko

faqat ek justojoo hai aur mein hon

ae khuda tera bada ihsaan hai

ummat ahmed mein jo sultan hai

naat pak

phirtaa hon le ke baar tamanna yeh sar pe mein

marjaun sar patak ke mohammad ke dar pe mein

bas likh raha hon naat mohammad mein is liye

mahshar mein sar chhupaney ka ek aasra hai yeh

kiya hai jzaye hajj w ziyrat na pochiye

haasil hui hai kon si doulat na pochye

hai sultan yahi arzoo mere dil mein

rahon ban ke mein khaak paaye mohammad

had sidra se Jibreel amin agey nahi jatay

had qosain kahlati hai woh aaqa jahan tum ho

zikar rab, zikar hai mohammad ka

ghair mumkin hai haq ada karna

manzil ki tamanna mein bhataktey hi rahey log

manzil ka pata hum ko madeeney se mila hai

salam

koi furaat ki lahron se pooch kar dekhe

gham hussain mein darya ka dil bhi pani hai

aada samajh rahey hain ke piyase hi margaye

shabir pi ke jaam shahadat guzar gaye

kahan ho hazrat ayub aakar karbala mine tum

zara aashor ki shaam gharibaan dekhte jaao

kahin jhalak to nahi hai yeh khoon asghar ki

shafaq ke chehray pay jo rang arghawani hai

Munqabat

kiya pochatey ho hum se jo azmat Ali ki hai

arz w sama mein ab bhi hukoomat Ali ki hai

yeh lazim hai Ali ke har amal ko pahley apnayen

sadaqat se, shujaiat se agar kuch kaam lena hai

dar ghous ul wara par sar jhuka kar dekhte chalo

yahan ban jatey hain bigde muqaddar dekhte jaao

sada dil se zuban tak bhi na aayi aap aa puhnche

kiya shaan dastgeeri ka hai manzar dekhte jaao

karkey yaesen ki tilawat ko dron marqad

shaan ejaaz zamane ko dukhaay fayyaz

daulat iman se bhar dete daman talab

jab bhi paigham ilahi ko sunaye fayyaz

aakhir mein dua hai ke aap ka sheri safar isi tawanai aur julanii ke sath jari w sari rahey aur mustaqbil qareeb mein aap ke ek aur sheri majmoa aur dewan ka paish khaima banay ‘ ameeen

‘ ‘ Yousuf Rawish

کچھ صوفی سلطان شطاری کے بارے میں

موجودہ دور ہو کہ دورِ ماضی ، ہندوستان میں بے شمار شاعر گزرے ہیں جن میں نعت گو بھی ہیں اور غزل گو بھی۔ نعت گو شاعر کا مقام الگ ہوتا ہے اور غزل گو شاعر کا مقام الگ۔ نعت شریف لکھنے میں کافی احتیاط کی ضرورت ہوتی ہے۔ ذرا سی غلطی یا لغزش کبھی کبھی کفر وشرک تک پہنچادیتی ہے۔ اس لئے نعت کی وادی نہایت نازک وادی کہلاتی ہے۔

شہر حیدرآباد کے قدیم وجدید نعت گو شعراء کی فہرست کافی طویل ہے ان میں ایک مبارک ومسعود نام صوفی سلطانؔ شطاری کا بھی آتا ہے جنھوں نے محتاط انداز میں نعتیہ شاعری کے علاوہ غزلیہ شاعری میں بھی اپنا مقام بنایا ہے۔ آپ کا تعلق ضلع عادل آباد سے ہے۔ آپ کے والد ِمحترم صوفی محمد عبدالمنان کشورؔ نرملی جو حضرت صوفی حسین علی شاہ شطاریؒ صاحب قبلہ نرملی کے خلفاء میں تھے ، اپنے دور کے اچھے شاعر اور حکیم تھے جن کی مجھے بھی شفقت حاصل رہی۔ انہی کے نقش قدم پر ان کے صاحبزادے وسجادہ نشین صوفی سلطان شطاری صاحب شاعری کے ساتھ ساتھ حکمت میں بھی مہارت رکھتے ہیں اور ان کا بھی دائرہ مریدین ومعتقدین کافی وسیع ہے اور یہ سماجی وسیاسی سرگرمیوں میں بھی مشغول رہتے ہیں اور اپنے زمانے کے بہترین شکاری بھی رہے ہیں۔

راقم الحروف کی دوستی وملاقات صاحب موصوف کے علاوہ کاظم علی خاں حزیںؔ اور سید عبدالحکیم یعقوبی مرحوم (جو حضرت اوجؔ یعقوبی کے برادرِ کلاں تھے) سے تقریبا چالیس سال پرانی ہے۔ یہاں یہ بات قابل ذکر ہے کہ حضرت اوجؔ یعقوبی مرحوم متذکرہ چار اجاب کو رباعی کے نام سے یاد کرتے تھے اور کبھی کوئی صاحب محفل میں غیر حاضر ہوتے تو فرماتے کہ ’’ آج رباعی کا ایک مصرعہ غائب ہے ‘‘

صوفی سلطانؔ شطاری صاحب کا شعر ہے ؎

سلطانؔ چلئے تھام کے دامانِ مصطفےؐ

کتنا ہی سخت کیوں نہ کوئی مرحلہ رہے

اس زمانے میں حیدرآباد کے مشائخ گھرانوں اور ان کے آستانوں میں بڑے ہی اہتمام سے نعتیہ محافل سجائی جاتی تھیں جن میں قابل ذکر پیر طریقت حضرت خواجہ ذاکرؔ گودڑ شاہ ثانیؒ کی محفل تھی جس میں حیدرآباد کے استادِ سخن حضرت اوجؔ یعقوبی مرحوم، جناب رازؔ عابدی، حضرت معزؔ الدین ملتانی ، معلمؔ عبیدی ، حضرت خواجہ شوقؔ ، جناب نصیرؔ بیابانی اور کئی اساتذئہ سخن شریک ہوا کرتے تھے۔ اور اللہ کے فضل وکرم سے راقم الحروف کے غریب خانہ پر سالانہ نعتیہ محفل بضمن استقبال رمضان ہر سال پابندی ہوا کرتی ہے اور آج بھی بفضل تعالی جاری ہے جس میں شعراء کی کثیر تعداد شریک رہتی ہے۔

یہ بھی ایک حقیقت ہے کہ صوفی سلطان شطاری صاحب کا جیتا جاگتا کلام دکن کے ممتاز گلوکاروں نے سازوں پر پیش کیا ہے جن میں امیر محمد خاں ، حبیب علوی ، رکن الدین ، خان اطہر ، شکیل احمد ، حمیدہ خانم اور چاند سرور قابل ذکر ہیں ، اور ان کی گائی ہوئی نعتیں اور غزلیں کیسٹس و سی ڈی، کی شکل میں آج بھی حسیب الکٹرانکس شاہ علی بندہ حیدرآباد پر دستیاب ہیں۔

صوفی سلطانؔ شطاری صاحب کا پہلا نعتیہ مجموعہ ’’متاعِ نجات‘‘ ۱۹۸۵ء میں اور غزلوں کا مجموعہ ’’خامۂ فکر‘‘ ۱۹۸۷ء میں شائع ہو کر منظر عام پر آچکے ہیں اور اب نعتیہ مجموعہ ’’سراجا منیرا‘‘ ۲۰۰۷ میں شائع ہوا ہے۔ سلطان شطاری صاحب کو یہ بھی اعزاز حاصل ہے کہ صاحب موصوف نہ صرف اندرون ملک بلکہ بیرون ممالک میں بھی کئی بین الاقوامی مشاعرے پڑھ چکے ہیں۔میری پرخلوص دعا ہے کہ اللہ آپ کے قلم میں اور زیادہ لکھنے کی طاقت اور توانائی پیدا کرے تا کہ آپ کا سلسلہ سخن اپنی جولانیوں کے ساتھ جاری وساری رہے۔ ’’آمین‘‘۔

احقر العباد

دیار مسرت 27-2-240 مغل پورہ۔ حیدرآباد 50002 شیخ اسمعیل صابرؔ

kuch sufi Sultan Shuttari ke baray mein

maujooda daur ho ke daur maazi, hindustan mein be shumaar shayar guzray hain jin mein naat go bhi hain aur ghazal go bhi. naat go shayar ka maqam allag hota hai aur ghazal go shayar ka maqam allag. naat shareef likhney mein kaafi ihteyat ki zaroorat hoti hai. zara si ghalti ya laghzish kabhi kabhi kufar w shirk tak pohnchaditi hai. is liye naat ki waadi nihayat naazuk waadi kahlati hai .

shehar hyderabad ke qadeem w jadeed naat go shouraa ki fihrist kaafi taweel hai un mein ek mubarak w masood naam Sufi Shultan Suttari ka bhi aata hai jinhon ne mohtaat andaaz mein natih shairi ke alawa ghazliya shairi mein bhi apna maqam banaya hai. aap ka talluq zila adil abad se hai. aap ke waalid mohtaram Sufi Mohammad Abdul Mnannan Khishwar Nirmali jo hazrat Sufi Hussain Ali Shah Shuttari Sahib qibla nirmali ke khulfa mein thay, – apne daur ke achay shayar aur hakeem they jin ki mujhe bhi shafqat haasil rahi. unhi ke naqsh qadam par un ke sahibzaday w sajjada nasheen Sufi Sultan Shuttari sahib shairi ke sath sath hikmat mein bhi mahaarat rakhtay hain aur un ka bhi daira murideen w mutaqadeen kaafi wasee hai aur ye samaji w siasi sar garmioun mein bhi mashgool rahtey hain aur apne zamane ke behtareen shikari bhi rahey hain.

raqim ul hroof ki dosti w mulaqat sahib mausoof ke alawa kazm Ali Khan Hezeen aur Syed Abdul Hakeem yaqobi marhoom (jo hazrat Auj ؔYaqobi ke biradr-e-klan thay( se taqreeban chalees saal purani hai. yahan yeh baat qabil zikar hai ke hazrat Auj ؔ Yaqobi marhoom mutazkkirah chaar ajaab ko rubae ke naam se yaad karte thay aur kabhi koi sahib mahfil mein ghair haazir hotey to farmatey ke’ ‘ aaj rubie ka ek misra gayab hai’ ‘

Sufi Sultan Shuttari sahib ka shair hai ?

Sultan chlye thaam ke daman-e-musta ?

kitna hi sakht kyun na koi marhala rahey

is zamane mein hyderabad ke mashaiykh ghrauon aur un ke aastanon mein baday hi ihtemaam se natih mahafil sajai jati theen jin mein qabil zikar peer tareqat Hazrat Khwaja Zakir Godar Shah Sani ki mahfil thi jis mein hyderabad ke ustaad sukhan Hazrat Auj Yaqobi marhoom, Janab Raaz ّؔAabdi, hazrat Moizuddin Multani, Moillim Abidi, hazrat Khwaja Shouq, Janab Nazeer ؔ Biyabani aur kayi asateza-e-sukhan shareek huwa karte thay. aur Allah ke faazl w karam se raqim ul hroof ke ghareeb khanah par salana natih mahfil ba ziman istaqbaal ramzaan har saal pabandi huwa karti hai aur aaj bhi bafazle taala jari hai jis mein shouraa ki kaseer tedaad shareek rahti hai .

yeh bhi ek haqeeqat hai ke Sufi Sultan Shuttari Sahib ka jeeta jaagta kalaam daccan ke mumtaz gulukaron ne sazoon par paish kiya hai jin mein Ameer Mohammad Khan , Habib Alvi, Rukun Uddin , Khan Ather, Shakeel Ahmed , Hamida Khanam aur Chaand Suroor qabil zikar hain, aur un ki gaayi huvi naatain aur ghazleen cassates w CD ki shakal mein aaj bhi Haseeb Electronics Shah Ali Bandah Hyderabad par dasteyab hain .

Sufi Sultan Shuttari Sahib ka pahla natih majmoa’ ‘ Mata-eNajaat 1985 mein aur ghazlon ka majmoa’ Khama-e-Fikar 1987 mein shaya ho kar manzar aam par aachukay hain aur ab natih majmoa Sirajan Muneera 2007 mein shaya huwa hai. Sultan Shuttari Sahib ko ye bhi ezaz haasil hai ke sahib mauosoof na sirf androon mulk balkey beron mumalik mein bhi kai bain ul aqwami mushairay padh chuke hain. meri purkhuloos dua hai ke Allah aap ke qalam mein aur ziyada likhney ki taaqat aur tawanai paida kere taa ke aap ka silsila sukhan apni joolaniun ke sath jari w sari rahey ‘ ameeen.

Ahqarul Ibaad

Shaikh Ismail Sabir

بہشت میں اہل بہشت کو سماع حاصل ہوگا

حضورﷺنے فرمایا کہ بلاشبہ بعض شعر حکمت پر مبنی ہوتے ہیں۔ اور حکمت مومن کی کھوئی ہوئی چیز ہے۔ اور جہاں بھی ملے وہ اس کا سب سے زیادہ مستحق ہے

حضورﷺنے اشعار سنے ہیں اور صحابہ کرام ؓ نے بھی شعر کہے اور سنے ہیں۔ حضورﷺ سے جب شعر کے بارے میں پوچھا گیا تو آپؐ نے فرمایا کہ ’’جوشعر اچھا ہو وہ اچھا ہے۔ اور جو برا ہو وہ برا ہے ‘‘ یعنی جو باتیں حرام ہیں مثلاً غیبت ، بہتان ، فحش گوئی، ہجو ومذمت ، کلمات کفر وغیرہ۔ جوسب کی سب نثر میں حرام ہیں۔ وہ نظم یعنی شاعری میں حرام ہی ہیں۔ لیکن وہ باتیں جن کا نثر میں سننا حلال ہے۔ مثلاً حکمت ، پندومواعظ ، آیات حق میں استدلال، شواہد حق پر غور وفکر وغیرہ۔ وہ شعر وشاعری میں بھی حلال ہیں۔

اہل عرب میں سے صادق اور برجستہ ترین قول اگر کسی کا ہے تو شاعر لبیدؔ کا ہے۔ جس نے اپنے ایک شعر میں کہا ہے کہ ’’بلاشبہ اللہ تعالی کے سوا باقی ہر چیز باطل ہے اور نعمت یقیناً ًآمادۂ زوال ہے ‘‘۔

حضرت عمر بن اشریدؓ روایت کرتے ہیں کہ ’’ایک دن حضورؐ نے مجھے شعر پڑھنے کو کہا اور پوچھا کہ ’ کیا تجھے امیہؓ بن ابی الصیلت کے کچھ اشعار یاد ہیں ‘ اور اگر یاد ہوں تو ہمیں سناؤ‘‘۔ میںنے عرض کیا یاد ہیں۔ اور پھر میں نے ایک سو (۱۰۰) شعر سنائے۔ کیونکہ ہر مرتبہ جب میں شعر سناچکا ہوتا تو ارشاد ہوتا کہ ’’کوئی اور ‘‘ ، ’’اور کچھ‘‘چنانچہ حضورؐ اور کی فرمائش کرتے جاتے تھے اور میں سناتا جاتا تھا۔ یہاں تک کہ ایک سو شعر سنا ڈالے‘‘۔ حضورؐ اور صحابہ کرامؓ کے بارے میں اس قسم کی بہت سی روایات موجود ہیں۔

اللہ تعالی نے فرمایا۔ ’’وہ (اللہ تعالیٰ) تخلیق وپیدائش میں جو چاہتا ہے ایزاد یعنی اِنسان کو پیدا کرتے وقت اس میں جس چیز کا چاہے اِضافہ کردیتا ہے۔ (سورئہ فاطرآیت۔۱) چنانچہ مفسرین نے اس کی یہ تفسیر بیان کی ہے کہ اس اضافہ سے مراد حسن آواز یعنی خوش الحانی ہے (بہترین آوازہے)۔ اور حضورؐ نے فرمایا کہ ’’ جو شخص داؤد ؑ کی آواز سننے کا متمنی ہو اسے چاہئے کہ ابو موسی ؓ اشعری کی آواز سن لے‘‘اور احادیث میں وارد ہے کہ ’’بہشت میں اہل بہشت کو سماع حاصل ہوگا ‘‘ اور اس کی صورت یہ ہوگی کہ ہر درخت سے مختلف قسم کی آوازیں اور سریں نکلیں گی۔ اور ظاہر ہے کہ مختلف قسم کی آوازیں مل کر نکلتی ہیں تو ان کے امتزاج سے عجیب لذت پیدا ہوجاتی ہے۔ جو سننے والے کو بہت ہی زیادہ پسند ومرغوب ہوتی ہے۔ اور اس قسم سے لطافت پیدا ہوجاتی ہے۔ اور انسان وحیوان میں لطافت عام ہے۔ کیونکہ ان کی زندگی روح سے ہے اور روح ایک لطیف چیز ہے۔ اسی طرح آوازوں میں بھی ایک خاص لطافت پائی جاتی ہے۔ جس کے سننے سے جنس کو ہم جنس کی طرف مائل کردیتی ہے۔ تحقیق کا دعوی ہے اس ضمن میں بہت سی باتیں مذکور ہیں اور خوش الحانی کے موضوع پر کئی کتابیں بھی لکھی گئی ہیں۔

یہ بھی ایک راز اللہ تعالی کا ہے کہ جو آدمی کے دل میں ایسے ہی پنہاں ہے جس طرح کہ لوہے اور پتھر میں آگ پوشیدہ ہوتی ہے۔ حالانکہ بظاہر نہ لوہے میں آگ دکھائی دیتی ہے نہ پتھر کو دیکھ کر یہ کہا جاسکتا ہے کہ اس کے اندر آگ چھپی ہوئی ہوگی۔ لیکن جونہی پتھر پر لوہے کی ضرب پڑتی ہے ، وہ چھپی ہوئی آگ ظاہر ہوجاتی ہے۔ اور صحرا میں پھیل جاتی ہے۔ اسی طرح اچھی اور موزوں آواز ہر دل میں جنبش پیدا کردیتی ہے۔ اور اس میں ایک کیفیت ظہور پذیر ہوجاتی ہے۔ جو بالکل بے ساختہ ہوتی ہے۔ آدمی کو اس پر کچھ اختیار نہیں ہوتا ۔ اور اسی مناسبت سے جو آدمیت کو عالم حسن علوی سے ہوتا ہے۔ جسے عالم ارواح بھی کہتے ہیں۔

عالم علوی درحقیقت عالم حسن وجمال ہے۔ اور حسن وزیبائی نام ہے تناسب وموزونیت کا۔اور ہر وہ چیز جو صفت تناسب سے مزین ہے وہ اس عالم جمال کی جھلک لئے ہوتی ہے۔ کیونکہ اس دنیا میں حسن وجمال ،رعنائی وزیبائی اور موزونیت کا ہر جلوہ دراصل اسی عالم حسن وجمال کا ثمرہ ہی تو ہے۔

اچھے اشعار اور موزوں آواز جو حسن تناسب سے آراستہ ہو اس کی مشابہت بھی اسی عالم حسن کے عجائب سے ہوتی ہے۔ اور اسی سبب سے ذوق آگہی دل میں بیدار ہوجاتا ہے۔ جس سے شوق وحرکت کا ظہور ہوتا ہے۔

اہل دل کے لئے جو حسن وعشق کے راز سے واقف ہو اور وہ اللہ اور اس کے حبیب ﷺکی تعریف میں کہے گئے اشعار ہوں اور اچھی آواز سے آراستہ ہو تو وہ حرکت میں آجاتا ہے۔ (یعنی سرور میں آجاتا ہے) جس طرح پھونک مارنے سے آگ اور بھڑک اٹھتی ہے۔(سماع حاصل ہوتا ہے)

کہتے ہیں کہ اسحقؓ موصلی نے ایک دن باغ میں جا کر اللہ کے ذکرکا راگ چھیڑا تو قریب ہی ایک بلبل جو نغمہ سرائی کر رہی تھی ، اسحاق کا سریلا راگ سن کر ایسی مگن ہوئی کہ نغمہ سرائی چھوڑ کر خاموش ہوگئی۔ اور ان کا ترانہ سنتے سنتے یکدم درخت سے نیچے آگری۔ دیکھا تو مرچکی تھی۔(سرور میں مرگئی)

حضرت حسانؓ بن ثابت آپ انصار کے قبیلہ ’’خزرج‘‘ سے تعلق رکھتے تھے۔ اور شاعر رسولؐ کہے جاتے تھے۔ (۶۰) سال کی عمر میں اسلام قبول کئے۔ اور اسلام لانے کے بعد آپ کی شاعری اسلام اور پیغمبر اسلامؐ کی تعریف اور دفاع کے لئے وقف تھی۔ آنحضرتؐ آپؓ کے لئے مسجد نبوی میں ممبر لگواتے تھے۔ اور حسانؓ بن ثابت اس ممبر پر کھڑے ہو کر حضوراقدسؐ کے کارناموں کو اشعار میں بیان فرماتے تھے۔ آپؐ فرماتے ’’حسان جب تک اللہ کے رسولؐ کا دِفاع کرتے رہیں گے اللہ تعالی جبریل ؑکے ذریعہ ان کی مدد فرماتے رہیں گے ‘‘۔ اور حسانؓ نے اسلام لانے کے بعد کے بعد۶۰ سال زندہ رہ کر یعنی (۱۲۰) سال کی عمر میں ۵۰ ؁ھ میں انتقال کیا۔

اِسی طرح کے اور کئی واقعات ہیں جو کہ شاعری اور سماع سے متعلق ہیں پھر کسی موقع سے پیش کئے جاسکتے ہیں۔

قصہ مختصر یہ کہ انسان اچھی شاعری (نعت ، حمد پاک ) کو سریلی آوازوں کی تالیف وترکیب سے بلاشبہ راحت ومسرت محسوس کرتا ہے۔

اس مجموعۂ نعت ’’سراجاً منیرا‘‘ کی ترتیب واشاعت میں میرے مددگار دوست احباب بہت ہیں میں ہر ایک کا نام لئے بغیر تمام حضرات کا ممنون ہوں ۔ اس سے قبل میرے تین مجموعے بالترتیب ’’متاع ِ نجات‘‘ (نعتیہ) ، ’’خامۂ فکر‘‘ (غزلیہ) بلا کسی امداد غیری شائع ہوچکے ہیں۔ یہ پہلا نعتیہ مجموعہ ہے جس کو اردو اکیڈیمی آندھراپردیش کی جزوی مالی اعانت دی گئی جس کے لئے میں اردو اکیڈیمی کا ممنون ہوں۔ اور امید کرتا ہوں کہ ہمیشہ کی طرح اہل ذوق حضرات میری اس کوشش (سراجا ًمنیرا) کو بھی کریں گے ، اور میری ہمت افزائی فرمائیں گے۔

فقط

حقیر وفقیر

صوفی سلطانؔ شطاری

bahisht mein ahale bahisht ko samaa haasil hoga’ ‘

Hozoor (saws) farmaya ke’ ‘ bilashuba baaz shair hikmat par mabni hotay hain. aur hikmat momin ki khoyi hui cheez hai. aur jahan bhi miley woh is ka sab se ziyada mustahiq hai’ .

Hozoor (saws) ashaar sunay hain aur sahaba kiraam? ne bhi shair kahe aur sunay hain hozoor (saws) se jab shair ke baray mein poocha gaya to aap ne farmaya ke’ sher acha ho woh acha hai. aur jo bura ho woh bura hai’ ‘ yani jo baatein haraam hain maslan gheebat, bohtan, fuhash goi, haju w mazmmat, kalimaat kufar waghera. jo sb ki sab nasr mein haraam hain. woh nazam yani shairi mein haraam hi hain. laikin woh baatein jin ka nasr mein sunna halal hai. maslan hikmat, pind w mouezat ayaat haq mein istadlaal, shawahid haq par ghour wa fikar waghera. woh shair w shairi mein bhi halal hain .

ahale arab mein se sadiq aur barjasta tareen qaul agar kisi ka hai to shayar labeed ka hai. jis ne apne ek shair mein kaha hai ke’ ‘ bilashuba Allah taala ke siwa baqi har cheez baatil hai aur nemat yaqeenan amada-e- zawaal hai’ ‘ .

Hazrat Umar Bin Asreed riwayat karte hain ke’ ‘ ek din hozoor ne mujhe shair padhney ko kaha aur poocha ke’ kiya tujhe umia ban abi sailait ke kuch ashaar yaad hain’ aur agar yaad hon to hamein sunao. arz kiya yaad hain. aur phir mein ne 100 shair sunaye. kiyunkey har martaba jab mein shair sunachuka hota to irshad hota ke’ ‘ koi aur ‘ aur kuch’ ‘ chunancha hozoor ne aur ki farmaaish karte jatay thay aur mein sunataa jata tha. yahan tak ke ek 100 shair suna daaley’ hozoor ne aur sahaba kiraam ke baray mein is qisam ki bahut si riwayaat maujood hain .

Allah taala ne farmaya ‘ woh ) Allah taala( takhleeq w paidaish mein jo chahta hai Aizad yani insan ko paida karte waqt is mein jis cheez ka chahay izafah kardaita hai. (sorah fatir-1) chunancha mufassreen ne is ki yeh fafseer bayan ki hai ke is izafah se morad husn aawaz yani khush ilhani hai (behtareen awaaz hai) aur hozoor ne farmaya ke’ ‘ jo shakhs dawood ki aawaz sunney ka mutamanni ho usay chahiye ke abbu moose? ashri ki aawaz sun le’ ‘ aur ahadees mein warid hai ke’ ‘ bahisht mein ahale bahisht ko samaa haasil hoga’ ‘ aur is ki soorat yeh hogi ke har darakht se mukhtalif qisam ki aawazian aur saree nikleen gi. aur zahir hai ke mukhtalif qisam ki aawazian mil kar nikalti hain to un ke imtezaaj se ajeeb lazzat paida hojati hai. jo sunney waley ko bohat hi ziyada pasand w marghoob hoti hai. aur is qisam se latafat paida hojati hai. aur insaan w haiwan mein latafat aam hai. kiyunkey un ki zindagi rooh se hai aur rooh ek lateef cheez hai. isi tarha awazon mein bhi ek khaas latafat payi jati hai. jis ke sunney se jins ko hum jins ki taraf mael kardeti hai. tahqeeq ka daawa hai is zimn mein bahut si baatein mazkoor hain aur khush ilhani ke mauzo par kai kitaaben bhi likhi gai hain.

yeh bhi ek raaz Allah taala ka hai ke jo aadmi ke dil mein aisay hi panhan hai jis tarha ke lohey aur pathar mein aag posheeda hoti hai. halaank bzahir na lohey mein aag dikhayi deti hai na pathar ko dekh kar ye kaha ja sakta hai ke is ke andar aag chhupi hui hogi. laikin jounhi pathar par lohey ki zarb padte hai, woh chhupi hui aag zahir hojati hai. aur sehraa mein phail jati hai. isi tarha achhi aur muzoon aawaz har dil mein junbish paida kardeti hai. aur is mein ek kaifiyat zahoor pazeer hojati hai. jo bilkul be sakhta hoti hai. aadmi ko is par kuch ikhtiyar nahi hota. aur isi munasibat se jo aadmiyyat ko aalam husn alvi se hota hai. jisay aalam arwah bhi kahte hain.

aalam alvi dar haqeeqat aalam husn w jamal hai. aur husn zebai naam hai tanasub w mauzooniyat ka. aur har woh cheez jo sift tanasub se muzayyan hai wo is aalam jamal ki jhalak liye hoti hai. kiyunkey is duniya mein husn w jamal ranayi w zebaai aur mauozooniyat ka har jalva darasal isi aalam husn w jamal ka samrah hi to hai.

achey ashaar aur mauzoon aawaz jo husn tanasub se aarasta ho is ki mushabihat bhi isi aalam husn ke ajaaeb se hoti hai. aur isi sabab se zouq aagahi dil mein bedaar hojata hai. jis se shouq w harkt ka zahur hota hai.

ahale dil ke liye jo husn w ishaq ke raaz se waaqif ho aur woh Allah aur is ke habib ki tareef mein kahe gaye ashaar hon aur achi aawaz se aarasta ho to woh harkat mein ajata hai. (yani suroor mein ajata hai( jis tarha phoonk maarney se aag aur bhadak uthti hai. (samaa haasil hota hai(

kahte hain ke ashq mosli ne aik din baagh mein ja kar Allah ke zikar ka raag cheda to qareeb hi ek bulbul jo naghma saraai kar rahi thi, Ishaq ka sureela raag sun kar aisi magan hui ke naghma saraai chode kar khamosh hogayi. aur un ka tarana suntey suntey yakdam darakht se neechay aagri. dekha to marchki thi. ) suroor mein mrgyi(

hazrat hassan ban saabit aap ansar ke qabeela’ ‘ khazraj’ ‘ se talluq rakhtey they. aur shair-e- rasool kahe jatay thay. 60 saal ki umar mein islam qubool kiye. aur islam laane ke baad aap ki shairi islam aur paighambar islaam ki tareef aur difaa ke liye waqf thi Aanhazrat aap ke liye masjid nabwi mein mimbar lagwatay thay. aur hassan bin saabit is mimbar par khadey ho kar hozoor ke karnamon ko ashaar mein bayan farmatey thay aap farmatey ‘ ‘ Hassan jab tak Allah ke rasool ka difaa karte rahenge Allah taala Jibreel Ke zareya un ki madad farmatey rahenge. aur hassan ne islam laane ke baad ke 60 saal zindah rah kar yani 120 saal ki umar mein mein intqaal kiya.

isi tarha ke aur kai waqeat hain jo ke shairi aur samaa se mutaliq hain phir kisi mauqe se paish kiye jasaktey hain.

qissa mukhtasar ye ke insaan achi shairi ( naat, hamd pak) ko surili awazon ki taleef w tarteeb se bilashuba raahat wa masarrat mahsoos karta hai.

is majmooa naat Sirajan Muneera ‘ ki tarteeb w ishaat mein mere madadgaar dost ahbaab bahut hain mein har ek ka naam liye baghair tamam hazraat ka mamnon hon. is se qabal mere teen majmoay bal tarteeb ‘ ‘ Mataa-e-Najaat (natia) Khama-e-Fikar (ghaliya) aur bilaa kisi imdaad ghire shaya ho chukey hain. yeh pehla natih majmoa hai jis ko urdu acadme Aandhraprdesh ki juzwi maali eaanat di gayi jis ke liye mein urdu acadme ka mamnon hon. aur umeed karta hon ke hamesha ki tarha ahale zouq hazraat meri is koshish (Sirajan Muneera) ko bhi karen ge, aur meri himmat afzai farmaen ge.

faqat

haqeer w faqeer

Sufi Sultan Shuttari

حمد ِ پاک

Hamd-e-Paak

حمد ِ پاک

تو ہے کرم نواز ترے بس میں کیا نہیں

تیرے سوا کریم کوئی دوسرا نہیں

میں تھک گیا ہوں تجھ کو مسلسل پکار کے

کیا بات ہے تو میری طرف دیکھتا نہیں

تو پاس ہو کے دُور ہے یہ اور بات ہے

ارض و سما میں کون تجھے جانتا نہیں

دُنیا میں فصل نور اُگانے کے باوجود

دیکھا ہے تو نے کتنے گھروں میں دِیا نہیں

اک بار دیکھنے کے لئے تجھ کو پاس سے

ڈھونڈا کہاں کہاں نہ تجھے تو ملا نہیں

تجھ کو پسند آئے جو تجھ کو عزیز ہو

اب میرے پاس ایک بھی ایسی ادا نہیں

سلطانؔ پوچھتا ہوں میں تجھ سے اِسی لئے

سب کا خدا ہے تیرے لئے کیا خدا نہیں

Hamd -e-Paak

tu hai karam nawaz tere bas mein kiya nahi

tarey siwa kareem koi dosra nahi

mein thak gaya hon tujh ko musalsal pukaar ke

kiya baat hai tu meri taraf daikhta nahi

tu paas ho ke door hai ye aur baat hai

arz w sama mein kon tujhe jaanta nahi

duniya mein fasal-e-noor ugane ke bawajood

dekha hai tu ne kitney gharon mein diya nahi

ek baar dekhnay ke liye tujh ko paas se

dhoonda kahan kahan na tujhe tu mila nahi

tujh ko pasand aaye jo tujh ko aziz ho

ab mere paas ek bhi aisi ada nahi

sultan poochta hun mein tujh se esi liye

sab ka khuda hai tere liye kya khuda nahi

حمد ِ پاک

مری آنکھوں میں تو ہے اور میں ہوں

تو میری آرزو ہے اور میں ہوں

ہمیشہ تجھ کو دل کے پاس رکھنے

طہارت ہے وضو ہے اور میں ہوں

بہت ممکن کہ تو مل جائے مجھ کو

فقط اک جستجو ہے اور میں ہوں

مرے مالک چمن میں زندگی کے

تو مثل رنگ و بو ہے اور میں ہوں

ملی ہے جب سے مجھ کو یہ فقیری

بڑی انمول خو ہے اور میں ہوں

خدا کی حمد لکھتا ہوں میں سلطاںؔ

یہ شانِ جستجو ہے اور میں ہوں

Hamd -e-Paak

meri ankhon mein to hai aur mein hun

to meri arzoo hai aur mein hun

hamesha tujh ko dil ke paas rakhnay

taharat hai wuzu hai aur mein hun

bohat mumkin ke tu mil jaye mujh ko

faqat ek justajoo hai aur mein hon

mere malik chaman mein zindagi ke

tu misl rang w boo hai aur mein hun

mili hai jab se mujh ko yeh faqeeri

badi anmol khoo hai aur mein hun

khuda ki hamd likhta hun mein sultan

ye shan-e justojoo hai aur mein hun

حمد ِپاک
میرے اللہ برتر و اعلیٰ ہے تو
کوئی بھی تجھ سا نہیں یکتا ہے تو

کیا کرے کوئی تیری حمد و ثناء
ہیں تری تعریف میں ارض و سما

قادر و مختار تیری ذات ہے
اے خدا تو قاضی الحاجات ہے

ذات تیری لا شریک اور پاک ہے
تجھ کو سمجھے کس کو یہ اِدراک ہے

ہم ہیں مجبور اور تو مختار ہے
ہم گنہگار اور تو ستار ہے

خالقِ کل تیری قدرت کے نثار

تیری ہی ممنون ہیں لیل و نہار

عاصیوں کو بخش دے ربِّ کریم

تو غفور اور رحمان و رحیم

رحم فرما ہم پہ ربّ ذوالجلال

جز ترے کس سے کہیں ہم اپنا حال

اے خدا تیرا بڑا احسان ہے

اُمت احمدؐ میں جو سلطانؔ ہے

hamd -e-Paak
mere Allah bartar w aala hai tu
koi bhi tujh sa nahi yaktaa hai tu

kiya kere koi teri hamd w sana
hain tri tareef mein arz w sama

qadir w mukhtaar teri zaat hai
ay khuda tu qaazi-ul-hajaat hai

zaat teri laa shareek aur pak hai
tujh ko samjhay kis ko yeh idraak hai

hum hain majboor aur tu mukhtaar hai
hum gunehgaar aur tu sattar hai

khalq kul teri qudrat ke nisar

teri hi mamnon hain lail w nehar

aasiun ko bakhash day rab kareem

tu ghafoor aur rehman w raheem

raham farma hum pay rab -e- zuljilal

juz tere kis se kahin hum apna haal

ay khuda tera bada ehsaan hai

ummat ahmed mein jo sultan hai

حمد ِپاک

پوچھتا کیا ہے مجھ سے میں کیا ہوں
ترا بندہ ہوں ترا شیدا ہوں

پھیل جاؤں تو کائنات ہوں میں
جب سمٹ جاؤں تو ایک ذرّہ ہوں

آرزو جس کی ہے کنارے کو
ناخدا وہ ہوں وہ سفینہ ہوں

گلشنوں کو تلاش ہے جس کی
میں وہ بے آشیاں پرندہ ہوں

مجھ میں شامل ہر اک برائی ہے
لوگ کہتے ہیں مجھ کو اچھا ہوں

میری پہچان ہے یہی سلطاںؔ
ابن مریم کی میں تمنا ہوں

hamd -e-Paak

pochta kiya hai mujh se mein kya hun
tera bandah hun tera Shaida hun

phail jaun to kaayenaat hun mein
jab simat jaun to aik zarraa hun

arzoo jis ki hai kinare ko
nakhuda wo hun wo safena hun

gulshanuon ko talaash hai jis ki
mein wo be aashiyaan parindah hun

mujh mein shaamil har ek burai hai
log kehte hain mujh ko acha hun

meri pehchan hai yahi sultan
ibn maryam ki mein tamanna hun

نعتیں

Nateen

نعت ِشریف

وابستگی ہوئی جو خدا کے حبیبؐ سے
آئی ہے اپنے ہاتھ یہ دولت نصیب سے

کیا ان کی عظمتوں کا بیاں ہم سے ہوسکے
دیکھا جنھوں نے نورِ خدا کو قریب سے

آئے رسولؐ کھل گئے دروازے نور کے
خود ہی سمٹ گئے ہیں اندھیرے مہیب سے

کیا راز تھا وہ آئے شب معراج تو بتا
دیکھا ہے صرف تو نے یہ منظر قریب سے

اُنگلی کے اِک اشارے سے شق چاند ہوگیا
بول اُٹھے سنگ ریزے بھی حکم حبیبؐ سے

کیا ہمسری کرے گی بھلا کوئی بھی صدا

گلزارِ مصطفےؐ کے کسی عندلیب سے

سرکارؐ چھانوں دامن رحمت کی چاہئے

راہوں میں ہیں عذاب کے جنگل عجیب سے

میں اس کو جسم وجاں کی امانت بتاؤں گا

بادِ صبا جو آئے دیارِ حبیبؐ سے

سلطاںؔ یہ بارگاہِ رسولؐ انام ہے

رحمت کو تو سمیٹ لے ذکرِ حبیب سے

Naat-e-Shareef
wabastagi hui jo khuda ke habeeb se
aayi hai apne haath yeh doulat naseeb se

kiya un ki azmaton ka bayan hum se hosakey
dekha jinhon ne noore khuda ko qareeb se

aaye rasool khul gaye darwazey noor ke
khud hi simat gaye hain andheray moheeb se

kiya raaz tha woh aaye shab mairaj to bata
dekha hai sirf to ne ye manzar qareeb se

ungli ke ek isharay se shaqq chaand hogaya
bol uthay sang raizay bhi hukum habeeb se

kiya hamsari kere gi bhala koi bhi sada

gulzaar mustafa ke kisi andaleeb se

sarkar chaun daman rehmat ki chahiye

raahon mein hain azaab ke jungle ajeeb se

mein is ko jism o jaan ki amanat bataun ga

baad-e Saba jo aaye dyar habeeb se

sultan ye bargah-e- rasool anaam hai

rehmat ko tu samaitt le zikar- e- habib se

نعت ِ ؐشریف

دل میں جو یہ بہارِ عقیدت نبیؐ کی ہے
بستی مرے وجود کی جنت نبیؐ کی ہے

خوشبو ہر اک نبیؐ کے چمن میں تو ہے مگر
حسنِ چمن میں شانِ نبوت نبیؐ کی ہے

نعلین چھوڑنے کی بھی مہلت نہ دی گئی
دیکھو خدا کو کتنی محبت نبیؐ کی ہے

روشن ہیں نورِ ذکر سے ایوان روح کا
سانسوں کے راستوں میں تمازت نبیؐ کی ہے

منکر نکیر جانتے ہیں کیا ہوں کون ہوں
نسبت مری نبیؐ سے عنایت نبیؐ کی ہے

میں لاکھ بے عمل ہوں گنہ گار ہوں تو کیا
دل کو مرے اُمید شفاعت نبیؐ کی ہے

دیکھو چراغ نعت نبیؐ کا ہے یہ اثر

الفاظ کی رگوں میں حرارت نبیؐ کی ہے

آقا نبیؐ ہیں اور نبیؐ کے ہیں ہم غلام

سچ تو یہ ہے کہ ہم کو حمایت نبیؐ کی ہے

سلطانؔ ذرّہ ذرّہ ہے اس بات کا گواہ

روشن جہاں میں شمعِ ہدایت نبیؐ کی ہے

Naat-e-Shareef

dil mein jo ye bahhar-e- aqeedat nabi ki hai
bastii mrey wujood ki jannat nabi ki hai

khushbu har ek nabi ke chaman mein to hai magar
husn chaman mein shan-e nabuwat nabi ki hai

naleen chodney ki bhi mohlat nah di gayi
dekho khuda ko kitni mohabbat nabi ki hai

roshan hain noor-e- zikar se ewaan rooh ka
sansoon ke rastoon mein tamazat nabi ki hai

munkir naker jantay hain kya hun kon hun
nisbat meri nabi se inayat nabi ki hai

mein laakh be amal hun gunah gaar hun to kya
dil ko mere umeed Shafaat nabi ki hai

dekho chairag naat nabi ka hai ye asar

alfaaz ki ragon mein hararat nabi ki hai

aaqa nabi hain aur nabi ke hain hum ghulam

sach to ye hai ke hum ko himayat nabi ki hai

sultan zrrah zrrah hai is baat ka gawah

roshan jahan mein sham-e- hadaayat nabi ki hai

نعت ِ ؐشریف
سایہ کرم کا مجھ پہ بفضل خدا ہے یہ
دل میرا دل نہیں ہے محمدؐ کدہ ہے یہ

سرکارؐ کے خیال میں ڈوبا ہوا ہوں میں
محشر میں سر چھپانے کا اک آسرا ہے یہ

نورِ رسولؐ نورِ خدا سے الگ نہیں
ناداں کلام پاک میں لکھا ہوا ہے یہ

آنکھوں سے میری آپؐ مرے دل میں آئیے
سرکار آپؐ آنے کا اک راستہ ہے یہ

نسبت کا فیض ہے جو میں روشن وجود ہوں
سرکار آپؐ ہی کی تو ادنیٰ عطا ہے یہ

بے چین ہیں نگاہیں جو دیدار کے لئے
آقاؐ ابھی تو عشق کی اک ابتدا ہے یہ

ذکر آپؐ کا خیال و تصور بھی آپؐ کا
سلطاںؔ کا صرف شام و سحر مشغلہ ہے یہ

naat-e- shareef
saya karam ka mujh pay bafazle khuda hai ye
dil mera dil nahi hai muhammad kada hai ye

sakar ke khayaal mein dooba hwa hun mein
mahshar mein sair chupane ka ek aasra hai ye

noore rasool noore khuda se alag nahi
nadaan kalaam pak mein likha sun-hwa hai ye

aankhon se meri aap mare dil mein aaye
sarkar aap aany ka rasta hai ye

nisbat ka faiz hai jo mein roshan wujood hun
sarkar aap hi ki to adna ataa hai ye

be chain hain nigahain jo deedar ke liye
aaqa abhi to ishq ki ek ebteda hai ye

zikar aap ka khayaal w tasawwur bhi aap ka
sultan ka sirf shaam w sahar mashgala hai yeh

نعت ِ ؐشریف

جس پہ ہوجائے کرم کی اِک نظر یا مصطفیؐ
جاگ اُٹھے اُس کا مقدر عمر بھر یا مصطفیؐ

عمر بھر منزل کا اس کو راستہ ملتا نہیں
بھول بیٹھے جو تمہاری رہگذر یا مصطفیؐ

پرسشِ اعمال سے گھبرا رہے ہیں ہم حضورؐ
ہم گنہگاروں پہ ہو بس اِک نظر یا مصطفیؐ

گلشن ایمان کی بن جاؤں بہارِ جاوداں
آپؐ کا لطف نظر مل جائے گر یا مصطفیؐ

آپؐ کے روضہ پہ آنے کی تمنا دل میں ہے
ہم غلاموں کی ذرا لیجے خبر یا مصطفیؐ

آپؐ کا روئے منور چشم سلطاںؔ میں رہے
بخش دیجے وہ نگاہِ معتبر یا مصطفیؐ

Naat-e-Shareef
jis pey hojaye karam ki ik nazar ya mustafa
jaag uthe us ka muqaddar umar bhar ya mustafa

umar bhar manzil ka is ko rasta milta nahi
bhool baithy jo tumhari rahguzar ya mustafa

Pursish amaal se ghabra rahay hain hum huzoor
hum gunahgaaron pay ho bas ik nazar ya mustafa

gulshan imaan ki ban jaun bahar javdan
aap ka lutf nazar mil jaye gir ya mustafa

اaap ke rauza pay anay ki tamanna dil mein hai
hum ghulamoo ki zara lijye khabar ya mustafa

aap ka roye munawar chasham sultan mein rahay
bakhash deejiay wo ngahِ motabar ya mustafa

نعت ِ ؐشریف
کیا ہے خدا کی ذات دِکھانے کے واسطے
آئے رسولؐ پاک زمانے کے واسطے

آیا ہے آسمان سے آدمؑ کا جو وجود
اللہ کے آگے سر کو جھکانے کے واسطے

دنیائے آب و گل میں ہوئے جلوہ گر حضورؐ
راہِ نجات کیا دِکھانے کے واسطے

بھیجا زمیں پہ نورؐ کو پروردگار نے
تاریکیٔ حیات مٹانے کے واسطے

بعثت رسولؐ کی ہے گنہگاروں پر کرم
چادر میں رحمتوں کی چھپانے کے واسطے

موجود خود حضورؐ رہیں گے بہ روزِ حشر
کوثر کا جام ہم کو پلانے کے واسطے

سلطانؔ نعت پاک سراج منیرؐ ہے
منزل کی راہ ہم کو دِکھانے کے واسطے

Naat-e- shareef
kiya hai khuda ki zaat dikane ke wastay
aaye rasool pak zamane ke wastay

aaya hai aasman se aadam ka jo wujood
allah ke agay sar ko jhukanay ke wastay

dunyae aabb o gul mein hue jalva gar huzoor
raah e nijaat kiya dikhane ke wastay

bheja zamee pay noor ko parvar-digaar ne
tareek-e- hayaat mitanay ke wastay

besat rasool ki hai gunahgaaron par karam
chadar mein rehmaton ki chupanay ke wastay

moujood khud huzoor rahen ge ba roz-e- hashar
kusar ka jaam hum ko pilanay ke wastay

sultan naat pak Siraj-e- muneer hai
manzil ki raah hum ko dikhane ke wastay

نعت ِ ؐشریف

مجھ کو جمالِ پاک دِکھادیجئے حضورؐ
دیدار کا چراغ جلادیجئے حضورؐ

ہے مدتوں سے گنبد خضریٰ کی آرزو
اس آرزو کو پھول بنادیجئے حضورؐ

صحرائے غم میں بے سروسامان ہے حیات
کملی کرم کی اس پہ اُڑادیجئے حضورؐ

راہِ عمل پہ آج گناہوں کی دُھول ہے
منزل کا اپنی ہم کو پتہ دیجئے حضورؐ

غفلت کے پردے میری نگاہوں پہ ہیں پڑے
چشم کرم سے اُن کو ہٹادیجئے حضورؐ

بخشش کی پیاس لے کے لبوں پر ہم آئے ہیں
کوثر کا جام ہم کو پلادیجئے حضورؐ

سلطاںؔ تو صرف آپ کے در کا غلام ہے
جنت میں داخل اس کو کرادیجئے حضورؐ

Naat-e- shareef

mujh ko jamal pak dikhadi dejiye huzoor
deedar ka chairag jalade dejiye huzoor
hai mudaton se gunbad khizra ki arzoo
is arzoo ko phool banadejiye huzoor
sehraye gham mein be sro saman hai hayaat
kamli karam ki is pe uda dejiye huzoor
raah e amal pay aaj gunaaho ki dhool hai
manzil ka apni hum ko pata dijiye huzoor
ghaflat ke parday meri nigahon pay hain parre
chasham karam se un ko hatadejiye huzoor
bakhshish ki pyas le ke laboun par hum aaye hain
kusar ka jaam hum ko piladejiye huzoor
sultan to sirf aap ke dar ka ghulam hai
jannat mein dakhil is ko karadejiye huzoor

نعت ِ ؐشریف

دل و ذہن پر بے خودی چھارہی ہے
مدینے کی خوشبو مجھے آرہی ہے

تصور میں رکھ کر دیارِ مدینہ
عقیدت نگاہوں کو مہکار رہی ہے

ہوا جن پہ نازل کلامِ الٰہی
خدائی بھی پھول اُنؐ پہ برسا رہی ہے

یہ احسان ہم سب پہ ہے مصطفیؐ کا
جو سانسوں سے ایماں کی بو آرہی ہے

خدا نے کیا جس کو محبوب اپنا
خدائی بھی ناز اس پہ فرما رہی ہے

گناہوں سے ہر سانس زخمی ہے لیکن
شفاعت محمدؐ کی ساتھ آرہی ہے

یہ سلطاںؔ ہے خادم ازل سے نبیؐ کا
نظر اس کو آقاؐ کی گرما رہی ہے

Naat-e shareef

dil w zehen par be khudi chahrahi hai
madiney ki khushbu mujhe aa rahi hai

tasawur mein rakh kar dyarِ madinah
aqeedat nigahon ko mahkaar rahi hai

huwa jin pay nazil kalam -e- elahi
khudai bhi phool un pay barsa rahi hai

ye ehsan hum sab pay hai mustafa ka
jo saanson se eman ki bo aa rahi hai

khuda ne kya jis ko mehboob apna
khudai bhi naz is pay farma rahi hai

gunaaho se har saans zakhmi hai liken
Shefaat muhammad ki sath aa rahi hai

yeh sultan hai khadim azal se nabi ka
nazar is ko aaqa ki garma rahi hai

نعت ِ ؐشریف
اس سے نہ لگا دل یہ شہہؐ دیں نے کہا ہے
دُنیا چمنستاں نہیں صحرائے فنا ہے

دُنیا میں بھرم میرا جو قائم ہے ابھی تک
صدقہ ہے محمدؐ کا محمدؐ کی عطا ہے

آؤ یہ سمجھ کر درِ سلطانؐ اُمم پر
نزدیک بہت منزلِ دیدارِ خدا ہے

کیا غم جو بہت تیز ہے حالات کی آندھی
روشن شہہؐ طیبہ کی عنایت کا دِیا ہے

موسم کے تغیر نے یہ دیکھا ہے ہمیشہ
وحدت کا شجر جتنا گھنا تھا سو گھنا ہے

دیدارِ رُخِ احمدؐ مختار کی خاطر
دُنیائے تصور میں اُجالوں کی فضا ہے

سلطاںؔ ذرا بچوں کو بچائے ہوئے رکھنا
بدلی ہوئی ہر سمت عقاید کی ہوا ہے

Naat-e-Shareef
is se nah laga dil yeh sheh-e- deen ne kaha hai
duniya chamnistan nahi sehraye fanaa hai

duniya mein bharam mera jo qayam hai abhi tak
sadqa hai muhammad ka muhammad kii ataa hai

aao yeh samajh kar dar-e sultan umm par
nazdeek bohat manzlِ didarِ khuda hai

kiya gham jo bohat taiz hai halaat ki aandhi
roshan shahe tayyiba ki inayat ka diya hai

mausam ke tagayur ne yeh dekha hai hamesha
wahdat ka shajar jitna ghana tha so ghana hai

didar rukh e ahmed mukhtaar ki khatir
dunyae tasawur mein ujaloon ki fiza hai

sultan zara bachoun ko bachaye hue rakhna
badli hui har simt aqayed ki -hava hai

نعت ِ ؐشریف
نسبت سے آپؐ کی یہ شرف پارہا ہوں میں
آقاؐ غلام آپؐ کا کہلا رہا ہوں میں

ایمان میرا بالیقیں سرکار آپؐ ہیں
سانسوں کو اس یقین سے مہکا رہا ہوں میں

قرآن سامنے ہے تصور ہے آپؐ کا
کیا کیا شرف بفضل خدا پارہا ہوں میں

تاکہ مجھے بھی خاکِ مدینہ نصیب ہو
اس واسطے مدینے کو اب آرہا ہوں میں

آئینہ جب عمل کا دِیا آپؐ نے مجھے
صورت کو اپنی دیکھ کے شرما رہا ہوں میں

بے شک وجود آپؐ کا قرآن پاک ہے
قرآن پڑھ کے آپؐ کو اب پارہا ہوں میں

سلطانؔ ہوں غلام ہوں سرکار آپؐ کا
دونوں جہاں میں سُرخرو کہلا رہا ہوں میں

naat-e- shareef
nisbat se aap ki ye Sharf parha hun mein
aaqa ghulam aap ka kehla raha hun mein

imaan mera bilyaqeen sarkar aap hain
saanson ko is yaqeen se mehka raha hun mein

quran samnay hai tasawur hai aap ka
kya kya Sharf bafazl-e-khuda parha hun mein

takay mujhe bhi khakِ madinah naseeb ho
is wastay madiney ko ab araha hun mein

aaina jab amal ka dِya aap ne mujhe
soorat ko apni dekh ke sharma raha hun mein

be shak wujood aap ka quran pak hai
quran padh ke aap ko ab parha hun mein

sultan hun ghulam hun sarkar aap ka
dono jahan mein surkhuru kehla raha hun mein

نعت ِ ؐشریف

چمکیں گے کیوں نہ قلب ہمارے رسولِؐ پاک
ہیں آپؐ چاند ہم ہیں ستارے رسولِؐ پاک

روشن ہوئے ہیں آپؐ کے چہرے کے نور سے
ہیں زندگی کے جتنے نظارے رسولِؐ پاک

کملی میں رحمتوں کی چھپاتے ہیں ان کو آپؐ
آتے ہیں جب نصیب کے مارے رسولِؐ پاک

وابستہ ہیں جو آپؐ کے در کی گدائی سے
وہ اور کیا کسی کو پکارے رسولِؐ پاک

سرکارؐ جس سفینے کے خود ناخدا ہیں آپؐ
آتے ہیں اس کے پاس کنارے رسولِؐ پاک

سانسوں میں جس کی آپؐ کی موجودگی نہ ہو
پھر زندگی وہ کیسے گذارے رسولِؐ پاک

سلطاںؔ بھٹک نہ جائے کہیں اب سنبھالئیے
کافی ہیں تیز وقت کے دھارے رسولِؐ پاک

Naat-e-Shareef
chamkain ge kyun na qalb hamary rasool pak
hain aap chaand hum hain sitary rasool pak

roshan huwy hain aap ke chehray ke noor se
hain zindagi ke jitne nazare rasool-e– pak

kamli mein rehmaton ki chupatay hain un ko aap
atay hain jab naseeb ke maaray rasool-e- pak

wabasta hain jo aap ke dar ki gadai se
woh aur kya kisi ko pukare rasool pak

sarkar jis safine ke khud nakhuda hain aap
atay hain is ke paas kinare rasool-e- pak

saanson mein jis ki aap ki moujoodgi na ho
phir zindagi wo kaisay guzare rasool-e- pak

sultan bhatak na jaye kahin ab sambhaliye
kaafi hain taiz waqt ke dharay rasool-e- pak

نعت ِ ؐشریف

ہے جہاں اک عارضی گھر اور میں مہمان ہوں
میں محمدؐ مصطفی کے در کا اِک دربان ہوں

میں ہوں عاصی حیثیت کیا میری میرا علم کیا
نسبت سرکارؐ سے میں صاحب ایمان ہوں

ہے مرے ہاتھوں میں خود اپنے عمل کا آئینہ
شکل اپنی دیکھ کر میں خود بخود حیران ہوں

مختصر ہے اب سفر منزل فنا کی ہے قریب
ہو عنایت یا محمدؐ بے سروسامان ہوں

روز محشر آسرا دے گی شفاعت آپؐ کی
میرے آقاؐ میں بھی آخر آپؐ پر قربان ہوں

آپؐ کی نسبت سے آقاؐ ہے شرف حاصل مجھے
آج جو ذِی مرتبہ ذِی قدر ہوں ذِی شان ہوں

میری ہر اک سانس کہتی ہے یہی سلطاںؔ سدا
آپؐ کے صدقے میں آقاؐ پیروِئے قرآن ہوں

Naat-e-Shareef
hai jahan ek aarzi ghar aur mein maheman hun
mein muhammed mustafa ke dar ka ik darbaan hun

mein hun aasi haisiyat kya meri mera ilm kiya
nisbat sarkar se mein saheb imaan hun

hai marey hathon mein khud –apne amal ka aaina
shakal apni dekh kar mein khud bakhud heran hun

mukhtasir hai ab safar manzil fanaa ki hai qareeb
ho inayat ya muhammad be srosaman hun

roz mahshar aasra day gi Shafaat aap ki
mere aaqa mein bhi aakhir aap par qurban hun

aap ki nisbat se aaqa hai Sharf haasil mujhe
aaj jo zee martaba zee qader hun zee shaan hun

meri har ek saans kehti hai yahi sultan sada
aap ki sadqe mein aaqa pairwe quran hun

نعت ِ ؐشریف

پھر کیوں نہ جگمگائے تقدیر کا ستارہ
نسبت کے راستے میں جب کہ ہوں میں تمہاراؐ

کیا جائیں گے کہیں بھی در چھوڑ کر تمہاراؐ
دنیا میں جز تمہارے کوئی نہیں ہمارا

سرتاج انبیا بھی محبوبؐ کبریا بھی
نام آپؐ کا محمدؐ اللہ کو ہے پیارا

دن رات زندگی کا گھیراؤ ہو رہا ہے
اب دیجئے کرم کا آقاؐ ہمیں سہارا

سوتے ہیں نام لے کے اُٹھتے ہیں نام لے کے
ہم بے کسوں کا آقاؐ اس پر ہی ہے گذارا

روشن ہوئی ہیں آنکھیں دل جگمگا اُٹھا ہے
سلطاںؔ نے صدقِ دل سے جب بھی تمہیں پکارا

Naat-e-Shareef
phir kyun na jagmagaye taqdeer ka sitara
nisbat ke rastay mein jab ke hun mein tumhara

kya jayen ge kahin bhi dar chore kar tumhara
duniya mein juz tumahray koi nahi hamara

sartaaj anabia bhi mehboob kibriya bhi
naam aap ka muhammad allah ko hai piyara

din raat zindagi ka gheraao ho raha hai
ab dijiye karam ka aaqa hamein sahara

sotay hain naam le ke uthte hain naam le ke
hum be kson ka aaqa is par hi hai guzara

roshan hui hain ankhen dil jagmaga uttha hai
sultan ne sadaq dil se jab bhi tumhe puraka

نعت ِ ؐشریف

پھرتا ہوں لے کے بارِ تمنا یہ سر پہ میں
مرجاؤں سر پٹک کے محمدؐ کے درپہ میں

سایہ فگن رہا ہے خیالِ رسولؐ پاک
نکلا ہوں گھر سے جب کبھی اپنے سفر پہ میں

ہے عشق مجھ کو نورِ محمدؐ سے اس لئے
پاتا ہوں فتح وقت کے ہر شور و شر پہ میں

عظمت بڑھائی اپنے مکانِ حیات کی
لکھتا ہوں نامِ پاکِ نبیؐ بام و درپہ میں

پیش نگاہ میرے محمدؐ کی ذات ہے
رکھتا نہیں نگاہ کسی فتنہ گر پہ میں

بیمار میں ہوں میرے مسیحا حضورؐ ہیں
رکھوں بھروسہ کیسے کسی چارہ گر پہ میں

سلطاںؔ یہ صرف ذکرِ محمدؐ کا ہے اثر
بھاری ہوں آج شہر کے اہل ہُنر پہ میں

Naat-e-Shareef
phirta hun le ke bare-e tamanna yeh sir pe mein
marjaun sir patak ke muammad ke der pe main

saya figan raha hai khyalِ rasool pak
nikla hun ghar se jab kabhi apne safar pe mein

hai ishhq mujh ko noore muhammad se is liye
paata hun fatah waqt ke har shore w shar pe mein

azmat badhai apne makaan hayaat ki
likhta hon naam pak nabi baam w dar pe mein

paish-e- nigah mere muhammad ki zaat hai
rakhta nahi nigah kisi fitnah gar pe mein

bemaar mein hun mere masiihaa huzoor hain
rakhun bharosa kaisay kisi charah gir pe mein

sultan yeh sirf zikar e muhammad ka hai assar
bhaari hun aaj shehar ke ahal hunar pe mein

نعت ِ ؐشریف

لفظوں میں کیا بیاں ہو عظمت حضورؐ کی
قرآنِ پاک خود بھی ہے سیرت حضورؐ کی

پتھراؤ میں تھے آپؐ دُعائیں لبوں پہ تھیں
ہے کتنی بے مثال محبت حضورؐ کی

حیراں تھا وقت دست عنایت کو دیکھ کر
آئی نظر جو شانِ سخاوت حضورؐ کی

نبیوں کے بے شمار ہیں چہرے نگاہ میں
اللہ کو پسند ہے صورت حضورؐ کی

بوجہل اپنے ظلم پہ نادِم نہ ہوسکا
ہر وقت تھی دُعائے ہدایت حضورؐ کی

گستاخ کیا کرے کوئی اِنکار آپؐ کا
ثابت کلامِ حق سے ہے عظمت حضورؐ کی

سلطاںؔ ہے مطمئن اُسے بخشش کی فکر کیا
محشر میں کام دیگی شفاعت حضورؐ کی

Naat-e-Shareef
lafzoun mein kiya bayan ho azmat huzoor ki
quranِ pak khud bhi hai seerat huzoor ki

pathrao mein thay aap duayein labon pe theen
hai kitni be misaal mohabbat huzoor ki

haeraan tha waqt dast inayat ko dekh kar
aayi nazar jo shan-e sakhavat huzoor ki

nabiyo ke be shumaar hain chehray nigah mein
allah ko pasand hai soorat huzoor ki

bojhal apne zulm pe nadim na ho saka
har waqt thi duaye hadaayat huzoor ki

gustaakh kiya kere koi e ِnkar aap ka
saabit kalaam haq se hai azmat huzoor ki

sultan hai mutmaen ussay bakhshish ki fikar kya
mahshar mein kaam degii Shafaat huzoor ki

نعت ِ ؐشریف

آقاؐ سے میرے دُور جو اک بار ہوئے ہیں
دُنیا کی محبت میں گرفتار ہوئے ہیں

خود عظمت سرکارؐ کی تصدیق کی خاطر
صحرا بھی قدم چوم کے گلزار ہوئے ہیں

سوئے بھی محمدؐ کے تصور میں ہمیشہ
ہم نامِ محمدؐ سے ہی بیدار ہوئے ہیں

سرکارِ دوعالمؐ کا کرم اُن کو ملا ہے
سرکارؐ کی اُلفت میں جو بیمار ہوئے ہیں

اک نسبت آقاؐ کے تصدق میں سرِ حشر
بخشش کے سبھی راستے ہموار ہوئے ہیں

رہتے ہیں جہاں عظمت آقا کے مخالف
گھر ایسے سبھی بے در و دیوار ہوئے ہیں

سلطاںؔ انھیں حاصل ہوئیں جنت کی بہاریں
جو لوگ غلامِ درِ سرکارؐ ہوئے ہیں

Naat-e-Shareef
kiya bitayen ge hum ke kiya hain aap
kiya batayenge hum ke kiya hain aap
mazhar shan-e-kibriya hain aap

mere sarkar dono aalam mein
haq ki rehmat ka silsila hain aap

shab mairaaj arsh azam par
noor ka ek aaina hain aap

dekh kar aap ko khuda ne kaha
chehra quraanِ pak ka hain aap

aap ki shaan kitni aala hai
saray nabiyon ka muddua hain aap

zindagi ke har ik andheray mein
husn kirdaar ka diya hain aap

naam lewa hai aap ka sultan
is ki bakhshish ka aasra hain aap

نعت ِ ؐشریف

جب سے ہم نعتؐ گر ہوگئے
خوب سے خوب تر ہوگئے

در محمدؐ کا ملنا ہی تھا
ذِی اثر ہم مگر ہوگئے

ہم نے جب یا محمدؐ کہا
حادثے در بہ در ہوگئے

تندرستی غموں سے ملی
آپؐ جب چارہ گر ہوگئے

مرحلے جتنے دشوار تھے
آپؐ آئے تو سر ہوگئے

زیر پا جب ہوئے آپؐ کے
ذرّے شمس و قمر ہوگئے

مل گئے آپؐ سلطاںؔ کو جب
وہ فدا آپؐ پر ہوگئے

Naat-e- Shareef
jab se hum naat gar hogaye
khoob se khoob tar hogaye

dar muhammad ka milna hi tha
zee assar hum magar hogaye

hum ne jab ya muhammad kaha
haadsay dar ba dar hogaye

tandrusti gamoon se mili
aap jab charah gar hogaye

marhalay jitne dushwaar thay
aap aaye tu sar hogaye

zair pa jab huwe aap ke
zarray Shams w qamar hogaye

mil gaye aap sultan ko jjab
woh fida aap par hogaye

نعت ِ ؐشریف

جس وقت گناہوں کا کچھ خوف نظر آیا

کام اپنے حقیقت میں نسبت کا ثمر آیا

آنکھوں میں تصور تھا سرکارؐ کے چہرے کا

دل ہونے لگا روشن جب سامنے درؐ آیا

توحید کی راہوں میں جب بیٹھ گئی آنکھیں

سرکارؐ کے چہرے کا پھر نور نظر آیا

پیشانی سے چوکھٹ کے رشتے کا نتیجہ ہے

چہرے پہ دعاؤں کے جو رنگِ اثر آیا

پہونچائیے اب اس کو سرکارؐ کنارے پر

اُمت کا سفینہ پھر طوفاں میں نظر آیا

سرکارؐ کے دامن کی امداد ملی اس کو

ملنے کو سفینے سے جس وقت بھنور آیا

جب درد کے صحرا تک سلطاںؔ کی نظر پہونچی

سرکارؐ کے قدموں کا ہر نقش اُبھر آیا

Naat-e-Shareef

jis waqt gunaaho ka kuch khauf nazar aaya

kaam apne haqeeqat mein nisbat ka samar aaya

aankhon mein tasawur tha sarkar ke chehray ka

dil honay laga roshan jab samnay dar aaya

toheed ki raahon mein jab baith gayi ankhen

sarkar ke chehray ka phir noor nazar aaya

peshani se chokhat ke rishte ka nateeja hai

chehray pay duaoun ke jo rang assar aaya

pohncheaye ab is ko sarkar kinare par

umat ka safena phir tufaan mein nazar aaya

sarkar ke daman ki imdaad mili is ko

milnay ko safine se jis waqt bhanwar aaya

jab dard ke sehraa tak sultan ki nazar pahonchi

sarkar ke qadmon ka har naqsh u ُbhr aya

نعت ِ ؐشریف

مدینہ کی زمیں جنت نما ہے

یہاں پر گھر مرے سرکارؐ کا ہے

پسینہ ہے مرے آقاؐ کا اس میں

یہاں جو خوشگوار آب و ہوا ہے

ہے یہ احسان محمدؐ مصطفیؐ کا

شجر کلمہ کا جو اب تک گھنا ہے

شفاعت کا وہی حقدار ہوگا

درِ شاہِؐ اُمم پر جو کھڑا ہے

ہمیں ڈر کیا محمدؐ ناخدا ہیں

سمندر میں سفینہ دین کا ہے

بہارِ گلشن حق کیا لٹے گی

بدن میں اس کے بوئے مصطفیؐ ہے

مجھے اب فکر کیا بخشش کی سلطاںؔ

محمدؐ کا مجھے در مل گیا ہے

Naat-e-Shareef

madinah ki zamee jannat numa hai

yahan par ghar marey sarkar ka hai

paseena hai marey aaqa ka is mein

yahan jo Khushgawar aabb o sun-hwa hai

hai yeh ahsaan muhammad mustafa ka

shajar kalma ka jo ab tak ghana hai

Shafaat ka wohi haqdaar hoga

dar-e shahe mnh par jo khada hai

hamein dar kya muhammad nakhuda hain

samandar mein safena deen ka hai

bahaar gulshan haq kiya le gai

badan mein is ke boye mustafa hai

mujhe ab fikar kiya bakhshish ki sultan

muhammad ka mujhe dar mil gaya hai

نعت ِ ؐشریف

مالک تو دکھادے مجھے دربارِ مدینہ

مدت سے نگاہیں ہیں طلبگارِ مدینہ

ہر وقت کھلی رہتی ہیں رحمت کی دُوکانیں

ہے گرم بہت اس لئے بازارِ مدینہ

ہر لمحہ یہاں بارشِ انوارِ خدا ہے

روشن ہے اسی نور سے گلزار مدینہ

محتاج کرم کیسے رہے پھر کوئی عاصی

مسند پہ سخاوت کی ہیں سرکارِؐ مدینہ

بخشش کی مجھے فکر کوئی ہو نہیں سکتی

محشر میں مددگار ہیں سرکارِؐ مدینہ

ہے اس کا علاج آپؐ کے دیدار کا مرہم

سلطانؔ ہے پیدائشی بیمارِ مدینہ

Naat-e-Shareef

maalik to dikhade mujhe darbaar madinah

muddat se nigahain hain tallabgaar madinah

har waqt khuli rehti hain rehmat ki dukanen

hai garam bahut is liye bazar madinah

har lamha yahan barish anwar khuda hai

roshan hai isi noor se gulzar madinah

mohtaaj karam kaisay rahay phir koi aassi

masnad pe sakhavat ki hain sarkar madinah

bakhshish ki mujhe fikar koi ho nahi sakti

mahshar mein madadgaar hain sarkar madinah

hai is ka ilaaj aap ke deedar ka marham

sultan hai pedaishi bemaar madinah

نعت ِ ؐشریف

ہے تیز تغیر کی ہوا سرورِؐ کونین

روشن ہے مگر حق کا دِیا سرورِؐ کونین

قرآن جو ہاتھوں میں ہے اِس وقت ہمارے

ہے آپؐ کی مخصوص عطا سرورِؐ کونین

گستاخ کوئی آپؐ کو مانے کہ نہ مانے

ہیں آپ تو اِک نورِ خدا سرورِؐ کونین

یہ گلشن دُنیا نہیں صحرائے فنا ہے

صرف آپؐ سے عقدہ یہ کھلا سرورِؐ کونین

اللہ کو اور آپؐ کو پہچاننے والا

دُوزخ میں بھلا جائیگا کیا سرورِؐ کونین

محشر میں گنہ گاروں پہ ہیں آپؐ کی نظریں

اور آپؐ پہ ہے چشم خدا سرورؐ کونین

چہرے پہ جو سلطاںؔ کے تب وتاب ہے قائم

ہے آپؐ کے قدموں کی ضیا سرورِؐ کونین

Naat-e-Shareef

hai taiz tagayur ki hawa sultan konain

roshan hai magar haq ka dِya sultan konain

quran jo hathon mein hai iss waqt hamaray

hai aap ki makhsoos ataa sultan konain

gustaakh koi aap ko manay ke na manay

hain aap to ik noore khuda sarkar konain

ye gulshan duniya nahi sehraye fanaa hai

sirf aap se uqda yeh khula sarvar-e- konain

Allah ko aur aap ko pehchaney wala

dozakh mein bhala jayega kya sarvar-e-konain

mahshar mein gunah garon pe hain aap ki nazrain

aur aap pe hai chasham khuda sarvar-e-konain

chehray pay jo sultan ke tab wa-taab hai qaim

hai aap ke qadmon ki zia sarver-e-konain

نعت ِ ؐشریف

ہے نگاہوں کا یہ اِصرار رسولِؐ عربی

دیکھ لیں آپؐ کو اِک بار رسولِؐ عربی

آپؐ کا ذکر اگر ہے تو ہے جینے کا مزا

زندگی ورنہ ہے بیکار رسولِؐ عربی

آپؐ کی چشم کرم ہی سے شفا پائے گا

آپؐ کے عشق کا بیمارِ رسولِؐ عربی

اِک پل کے لئے اب دُور نہ رہئے مجھ سے

تیز ہے عمر کی رفتار رسولِؐ عربی

جادئے حق سے ہوئے دُور زمانے کے قدم

ہیں قیامت کے یہ آثار رسولِؐ عربی

رہنما آپؐ اگر ہوں تو سفر آساں ہو

ورنہ ہر راہ ہے دُشوار رسولِؐ عربی

پھول بن کر مجھے مہکاتی ہے رحمت سلطاںؔ

آپؐ جب ہوتے ہیں غمخوار رسولِؐ عربی

Naat-e-Shareef

hai nigahon ka ye israar rasool arabi

dekh len aap ko ek baar rasool arabi

aap ka zikar agar hai to hai jeeney ka maza

zindagi warna hai bekar rasool arabi

aap ki chasham karam hi se shifa paye ga

aap ke ishhq ka bemaar rasool arabi

ek pal ke liye ab door na rahiyay mujh se

taiz hai umar ki raftaar rasool arabi

jadaye haq se hue door zamane ke qadam

hain qayamat ke yeh assaar rasool arabi

rahnuma aap agar hon tu safar aasan ho

warna har raah hai dushwar rasool arabi

phool ban kar mujhe mahakte hai rahmat sultan

aap jab hotey hain gham khwar rasool arabi

نعت ِ ؐشریف

محمدؐ مصطفیؐ کی شان بھی کیا شان ہے دیکھو

خدا کو آپؐ کے دیدار کا ارمان ہے دیکھو

سہارا مرے آقاؐ بن گئے اُمت کی بخشش کا

مرے آقاؐ کا سب پر کس قدر احسان ہے دیکھو

رسولِؐ پاک کی عظمت اگر تم دیکھنا چاہو

تمہارے سامنے خود ہی کھلا قرآن ہے دیکھو

ہیں دل شفاف آئینے تو چہرے آفتابی ہیں

محمدؐ کے غلاموں کی یہی پہچان ہے دیکھو

رہو دُنیا میں لیکن حب دنیا سے الگ ہو کر

یہی اک سرورِؐ کونین کا فرمان ہے دیکھو

اِطاعت احمدؐ مختار کی بخشش کی ضامن ہے

سرِ محشر شفاعت کا یہی سامان ہے دیکھو

اسے بھی رحمتوں کی چھاؤں میں شام وسحر رکھنا

تمہارے در کا یہ سلطاںؔ بھی اک دربان ہے دیکھو

Naat-e-Shareef

muhammed mustafa ki shaan bhi kiya shaan hai dekho

khuda ko aap ke deedar ka armaan hai dekho

sahara merey aaqa ban gaye ummt ki bakhshish ka

marey aaqa ka sab par kis qader ehsaan hai dekho

rasool pak ki azmat agar tum dekhna chaho

tumahray samnay khud hi khula quran hai dekho

hain dil shafaaf aaiine to chehray aaftabi hain

muhammed ke ghulamoo ki yahi pehchan hai dekho

raho duniya mein lekin hub duniya se allag ho kar

yahi ek sarkar konain ka farmaan hai dekho

itaat ahmed mukhtaar ki bakhshish ki zamin hai

sar-e mahshar shafaat ka yahi samaan hai dekho

usay bhi rehmaton ki chaoun mein shaam rakhna

tumahray dar ka ye sultan bhi ek darbaan hai dekho

نعت ِ ؐشریف

مل گیا آپؐ کا جو در مجھ کو

اجنبی لگ رہا ہے گھر مجھ کو

یا محمدؐ یہ فیض نسبت ہے

لوگ کہتے ہیں دیدہ ور مجھ کو

آپؐ کو پاکے مل گئی آقاؐ

دین و ایمان کی سحر مجھ کو

جادئہ حق کا راہرو ہوں میں

کیا تھکائے گا اب سفر مجھ کو

آپؐ کے نام کی یہ برکت ہے

کیا کرے آندھی بے ثمر مجھ کو

صرف دیدارِ نور کا جذبہ

اب جگاتا ہے رات بھر مجھ کو

آپؐ کی خاکِ پاک ہے یہ سلطاںؔ

کیا کرے کوئی دربدر مجھ کو

Naat-e-Shareef

mil gaya aap ka jo dar mujh ko

ajnabi lag raha hai ghar mujh ko

ya muhammad yeh faiz nisbat hai

log kehte hain deedaa war mujh ko

aap ko paake mil gai aaqa

deen w imaan ki sahar mujh ko

jadaye haq ka rahero hon mein

kiya thakaye ga ab safar mujh ko

aap ke naam ki ye barket hai

kiya kere aandhi be samar mujh ko

sirf didar noor ka jazba

ab jagaata hai raat bhar mujh ko

aap ki khakِ pak hai ye sultan

kiya kere koi darbadar mujh ko

نعت ِ ؐشریف

دکھادیجئے مجھے بھی روئے تاباں یا رسولؐ اللہ

بڑی مدت سے دل میں ہے یہ ارماں یا رسولؐ اللہ

ملی ہے جو متاعِ دین و ایماں یا رسولؐ اللہ

کیا ہے آپؐ نے ہم پر یہ احساں یا رسولؐ اللہ

کبھی تو عالمِ امکاں میں آجائیں نظر آقاؐ

کروں گا دِل کو صدقے جان قرباں یا رسولؐ اللہ

بہارِ دین و ایماں آپؐ ہی کے دم سے باقی ہے

رہے گا حشر تک تازہ گلستاں یا رسولؐ اللہ

بلا ٹلتی ہے سر سے حادثے گھبرا کے جاتے ہیں

تمہارے نام سے مشکل ہے آساں یا رسولؐ اللہ

غلاموں کی زباں سے کیا بیاں ہو آپؐ کی مدحت

کہ جب مصروف ہے مدحت میں قرآں یا رسولؐ اللہ

جھکا کے سر ادب سے عرض کردینا یہی سلطاںؔ

ہماری زندگی کا تم ہو عنواں یا رسولؐ اللہ

Naat-e-Shareef

dikhadije mujhe bhi roye taban ya rasool Allah

barri muddat se dil mein hai yeh arman ya rasool Allah

mili hai jo mata-e deen o ayman ya rasool Allah

kiya hai aap ne hum par yeh ihsaan ya rasool Allah

kabhi to aalm-e-imkan mein ajayeen nazara aaqa

karoon ga dil ko sadqey jaan qrban ya rasool Allah

bahar deen w iman aap hi ke dam se baqi hai

rahayga hashar tak taaza gulisitan ya rasool Allah

bala talti hai sar se haadsay ghabra ke jatay hain

tumahray naam se mushkil hai aasan ya rasool Allah

ghulamun ki zuban se kiya bayan ho aap ki midhat

ke jab masroof hai midhat mein quran ya rasool Allah

jhuka ke sar adab se arz kar dena yahi sultan

hamari zindagi ka tum ho unwan ya rasool Allah

نعت ِ ؐشریف

یا مصطفیؐ یا مجتبیؐ صل علیٰ صل علیٰ

ہیں آپؐ ہی نورِ خدا صل علیٰ صل علیٰ

از اِبتدا تا اِنتہا صل علیٰ صل علیٰ

ہیں آپؐ ہی بعد خدا صل علیٰ صل علیٰ

نقش قدم ہیں رہنما صل علیٰ صل علیٰ

ہے کون پھر سرکارؐ سا صل علیٰ صل علیٰ

ہم چھوڑ کر سرکارؐ کو جائیں تو پھر جائیں کہاں

ہے آپؐ ہی کا آسرا صل علیٰ صل علیٰ

طوفان سفینے کو میرے غرقاب کرسکتا نہیں

ہیں آپؐ اس کے ناخدا صل علیٰ صل علیٰ

آقاؐ خدا کے واسطے مشکل مری آساں کرو

تم ہو میرے مشکل کشا صل علیٰ صل علیٰ

کی ہے ثنا سلطانؔ نے یا سرورِ دیں آپؐ کی

صد مرحبا صد مرحبا صل علیٰ صل علیٰ

Naat-e- Shareef

ya mustafa ya mujtaba salle ala salle ala

hain aap hi noore khuda salle ala salle ala

az ibtida ta inteha salle ala salle ala

hain aap hi baad khuda salle ala salle ala

naqsh qadam hain rehnuma salle ali salle ala

hai kon phir sarkar sa salle ala salle ala

hum chode kar sarkar ko jayen tu phir jayen kahan

hai aap hi ka aasra salle ala salle ala

tufaan safine ko mere garqaab karsaktha nahi

hain aap is ke nakhuda salle ala salle ala

aaqa khuda ke wastay mushkil meri aasan karo

tum ho mere mushkil kusha salle ala salle ala

ki haina sultan ne ya srwar den aap ki

sad marhaba sad marhaba salle ala salle ala

نعت ِ ؐشریف

میں کس کو کیا بتاؤں کہ اِس وقت کیا ہے دِل
یادِ رسولؐ پاک سے آراستہ ہے دِل

سرکارؐ اس میں بارہا تشریف لائیے
یہ جان بھی ہے آپؐ کی اور آپؐ کا ہے دل

حد سے جب آگے بڑھنے لگی دِید کی طلب
آقاؐ تمام رات تڑپتا رہا ہے دِل

اس کو تو صرف آپؐ کی چوکھٹ پسند ہے
یہ جھوٹ ہے کہ در سے کسی کے لگا ہے دِل

ہے اِک فقط دیارِ مدینہ کی جستجو
دُنیا کی خواہشات سے اب بھر چکا ہے دِل
َ
جب سے ملے ہیں آپ رسولؐ خدا مجھے
صرف آپؐ ہی کے نام پہ دل سے فدا ہے دِل

سلطاںؔ کی جان آپؐ پہ قربان ہے حضورؐ
سرکارؐ دیکھئے اِسے خود زیر پا ہے دِل

Naat-e-Shareef
mein kis ko kiya bataun ke is waqt kiya hai dil
yaad-e-rasool pak se aarasta hai dil

sarkar is mein baarha tashreef layiyae
yeh jaan bhi hai aap ki aur aap ka hai dil

had se jab agay bherne lagi deed ki talab
aaqa tamam raat tadapta raha hai dil

is ko tu sirf aap ki chokhat pasand hai
yeh jhoot hai ke dar se kisi ke laga hai dil

hai ek faqat dyar madinah ki justojo
duniya ki khwahisaat se ab bhar chuka hai dil

jab se miley hain aap rasool khuda mujhe
sirf aap hi ke naam pay dil se fida hai dil

sultan ki jaan aap pay qurban hai huzoor
sarkar dekhye isay khud zair pa hai dil

نعت ِ ؐشریف

سرکارؐ اب آجائیے دِل غارِ حرا ہے

یہ فضل خدا فضل خدا فضل خدا ہے

منزل کی تمنا میں بھٹکتے ہی رہے لوگ

منزل کا پتہ ہم کو مدینہ سے ملا ہے

سایہ ہے نہ ثانی ہے نہ سرکارؐ کا ہمسر

اللہ نے قرآن میں یہ صاف کہا ہے

ہے چشم بصیرت تو ذرا دیکھ لے کوئی

سرکارؐ کے جلوے میں خدا جلوہ نما ہے

اللہ رے یہ ذکرِ محمدؐ کی فضیلت

ہر گام پہ جینے کا مزہ آنے لگا ہے

وہ نام مرے قلب پہ بھی نقش ہے سلطاںؔ

جو نام سر عرش بریں لکھا ہوا ہے

Naat-e-Shareef

sarkar ab aajaiye dil ghaar-e-hira hai

yeh fazl khuda fazl khuda fazl khuda hai

manzil ki tamanna mein bhataktay hi rahay log

manzil ka pata hum ko madinah se mila hai

saya hai nah sani hai nah sarkar ka humsar

Allah ne quran mein yeh saaf kaha hai

hai chasham baseerat to zara dekh le koi

sarkar ke jalwey mein khuda jalva numa hai

Allah ray yeh zikar e muhammed ki fazeelat

har gaam pay jeeney ka maza anay laga hai

woh naam marey qalb pay bhi naqsh hai sultan

jo naam sir arsh bareen likha hwa hai

نعت ِ ؐشریف
بعثت ہے اُنؐ کی جشن بہاراں لئے ہوئے
سرکارؐ آئے ذات کا عرفاں لئے ہوئے

ہر دم خیال شاہِؐ رسولاں لئے ہوئے
میں جی رہا ہوں رحمت یزداں لئے ہوئے

سرکارؐ کے طفیل میں عزت ملی ہمیں
ہم سرخرو ہیں سینے میں قرآں لئے ہوئے

دونوں جہاں پہ آپؐ کی کملی کا سایہ ہے
سب مطمئن ہیں نسبت داماں لئے ہوئے

سلطاںؔ کی آرزو ہے کہ دُنیا سے یوں چلوں
آنکھوں میں جلوئہ شہؐ ذی شاں لئے ہوئے

Naat-e-Shareef

besat hai aap ki jashn bahaaraan liye huve

sarkar aaye zaat ka arfaan liye huve

har dam khayal shahe-e-rasoolan liye huve

mein jee raha hon rahmat yazdan liye huve

sarkar ke tufail mein izzat mili hamein

hum surkhuru hain seenay mein quran liye huve

dono jahan pe ki kamli ka saya hai

sab mutmaen hain nisbat daman liye huve

sultan ki arzoo hai ke duniya se yun chaloon

aankhon mein jlava-e-shah-e-zee shan liye huve

نعت ِ ؐشریف

پر نور جو طیبہ کی فضا دیکھ رہا ہوں

میں جلوئہ محبوبؐ خدا دیکھ رہا ہوں

جب سے کہ نگاہوں میں مدینے کی زمیں ہے

سرکارؐ کے قدموں کی ضیا دیکھ رہا ہوں

محبوب و محب دونوں کا اندازِ محبت

قرآن کو پڑھ پڑھ کے سدا دیکھ رہا ہوں

جبریل ؑہیں ٹہرے ہوئے سدرہ کی حدوں پر

سرکارؐ کو قوسین رسا دیکھ رہا ہوں

دیدار کی راہوں میں نگاہوں کو بچھا کر

ہر سمت اُجالوں کی ردا دیکھ رہا ہوں

مدت سے لئے گنبد خضراء کی تمنا

ہر دم اثر دست دُعا دیکھ رہا ہوں

نعت شہؐ کونین کا فیضان ہے سلطاںؔ

چہرے پہ جو ہر وقت ضیا دیکھ رہا ہوں

Naat-e-Shareef

pur noor jo tayiba ki fiza dekh raha hun

mein jalva-e-mahboob khuda dekh raha hun

jab se ke nigahon mein madine ki zameen hai

sarkar ke qadmon ki zia dekh raha hon

mahboob w muhib dono ka andaz mohabbat

quran ko padh padh ke sada dekh raha hon

jibreel hain tahrey huve sidra ki hadun par

sarkar ko qosain rasa dekh raha hon

deedar ki raahon mein nigahon ko bichaa kar

har simt ujaloon ki rida dekh raha hon

muddat se liye gunbad khizra ki tamanna

har dam assar dast dua dekh raha hon

naat shah-e-konain ka faizan hai sultan

chehray pe jo har waqt zia dekh raha hon

نعت ِ ؐشریف

عالم میں مہر و مہ کی طرح جگمگائے ہیں

سرکارؐ ہم جو آپؐ کے قدموں میں آئے ہیں

اک آپؐ ہی کے جسم کا سایہ نہیں حضورؐ

قدرت نے سارے جسموں کے سائے دکھائے ہیں

خوشبو لہو کی ریت کے ذرّوں نے سونگھ لی

نازک بدن پہ آپؐ کے پتھر جب آئے ہیں

تشریف آوری سے زمانے میں آپؐ کی

ایمان والے دامنِ رحمت میں آئے ہیں

اللہ کے وجود کی تشہیر کے لئے

سرکار آپؐ فرش پہ تشریف لائے ہیں

صدیوں سے کائنات کا چہرہ اُداس تھا

صدقے میں آپؐ ہی کے سبھی مسکرائے ہیں

جب بھی غمِ حیات نے غمگین کردیا

ہم نے نبیؐ کی یاد میں موتی لٹائے ہیں

سرکار چشم خاص ہے سلطاںؔ پہ آپؐ کی

دن اس کی زندگی میں جو راحت کے آئے ہیں

Naat-e-Shareef

aalam mein mehar o meh ki terha jagmagaye hain

sarkar hum jo aap ke qadmon mein aaye hain

ek aap hi ke jism ka saya nain huzoor

qudrat ne saaray jismon ke saaye dukhaay hain

khushbu laho ki rait ke zarron ne sungh li

naazuk badan pe aap ke pathar jab aaye hain

tashreef aawri se zamane mein aap ki

imaan walay daman e rahmat mein aaye hai

Allah ke wujood ki tashheer ke liye

sarkar aap farsh pe tashreef laaye hain

sadiiyon se kaayenaat ka chehra udas tha

sadqy mein aap hi ke sabhi muskuray hain

jab bhi gham e hayaat ne ghamgeen kardiya

hum ne nabi ki yaad mein moti luttye hain

sarkar chasham khaas hai sultan pae aap ki

din is ki zindagi mein jo raahat ke aaye hain

نعت ِ ؐشریف

دُنیا کو کب وجود ملا آپؐ کا حضورؐ
سایہ زمین پر نہ پڑا آپؐ کا حضورؐ

مانا کہ تیز و تند ہوا دشمنی کی تھی
روشن رہا ہے پھر بھی دِیا آپؐ کا حضورؐ

کانٹے قدم قدم پہ بچھائے گئے تو کیا
اک گام بھی سفر نہ رُکا آپؐ کا حضورؐ

ہر پل رضائے حق تھی نگاہوں کے سامنے
چہرہ کھلا کھلا سا رہا آپؐ کا حضورؐ

گالی ملی تو سن کے دُعا دی گئی اُنھیں
یہ ظرف دیکھنے کو ملا آپؐ کا حضورؐ

سجدے میں صرف بخشش اُمت کے واسطے
تھا لمحہ لمحہ محوِ دُعا آپؐ کا حضورؐ

سلطاںؔ کے سارے مرحلے آسان ہوگئے
دامن جب اُس کے ہاتھ لگا آپؐ کا حضورؐ

Naat-e-Shareef
duniya ko kab wujood mila aap ka huzoor
saya zameen par na pada aap ka huzoor

mana ke taiz w tund hawa dushmani ki thi
roshan raha hai phir bhi diya aap ka huzoor

kantay qadam qadam pay bichaya gaye tu kiya
ek gaam bhi safar na ruka aap ka huzoor

har pal razaye haq thi nigahon ke samnay
chehra khula khula sa raha aap ka huzoor

gaali mili to sun ke dua di gayi unhen
yeh zarf dekhney ko mila aap ka huzoor

sjdey mein sirf bakhshish ummat ke wastay
tha lamha lamha mehve dua aap ka huzoor

sultan ke saaray marhalay aasaan hogaye
daman jab uss ke haath laga aap ka huzoor

نعت ِ ؐشریف

مدینے کی زمیں جنت نما ہے
کرم اس پر رسولؐ پاک کا ہے

یہ ہے گلشن محمدؐ مصطفیؐ کا
یہاں کی خوشگوار آب و ہوا ہے

کھلا عقدہ محمدؐ مصطفیؐ سے
یہ دُنیا کیا ہے صحرائے فنا ہے

انا من نور ہے ذاتِ محمدؐ
مرے سرکارؐ کا یہ مرتبہ ہے

ہے جذب اس میں محمدؐ کا پسینہ
شجر توحید کا اب تک ہرا ہے

بشر ہو کے بھی یہ خیرالبشر ہیں
تو پھر ذہنوں پہ کیوں پردا پڑا ہے

ملے گی اس کو پھر کیسے نہ جنت
مرے سرکارؐ سلطاںؔ آپؐ کا ہے

Naat-e-Shareef

madiney ki zameen jannat numa hai
karam is par rasool pak ka hai
ye hai gulshan muhammed mustafa ka
yahan ki khushgawar aabb w huwa hai
khula uqda muhammed mustafa se
ye duniya kiya hai sahraye fanaa hai
anaa min noor hai zaat-e–muhammed
marey sarkar ka ye martaba hai
hai jazb is mein muhammed ka paseena
shajar toheed ka ab tak hara hai
bashar ho ke bhi ye khairul basher hain
tu phir zahnon pay kiyun parda pada hai
miley gi is ko phir kaisay na jannat
marey sarkar sultan aap ka hai

نعت ِ ؐشریف

دیدار کی شبنم سے بھیگی ہے نظر آقاؐ
اس شام کی ہوجائے ہرگز نہ سحر آقاؐ

ہو بارش رحمت کا ان پر بھی گذر آقاؐ
اشجار یہاں جو ہیں بے برگ و ثمر آقاؐ

ہر وقت تصور ہے سرکارؐ کے روضے کا
جاری رہے بس یونہی سانسوں کا سفر آقاؐ

آکر حد سدرہ پہ جبرئیل ؑیہ کہتے ہیں
بڑھ جاؤں اگر آگے جل جائیں گے پر آقاؐ

اُمید کے صحرا میں انوار کی بارش ہے
ہر کشت تمنا کو کردیجئے تر آقاؐ

طوفانِ حوادث کی زد میں بھی قدر آور ہے
توحید کے گلشن کا ہر ایک شجر آقاؐ

سلطاںؔ کی نگاہوں میں قدموں کا اُجالا ہے
آپؐ اس کے سفر میں ہیں ہم راہ سفر آقاؐ

Naat-e-Shareef
deedar ki shabnam se bheegi hai nazar aaqa
is shaam ki hojaye hargiz na sahar aaqa

ho barish rahmat ka un par bhi guzar aaqa
ashjar yahan jo hain be barg w samar aaqa

har waqt tasawwur hai sarkar ke roze ka
jari rahay bas yuhin saanson ka safar aaqa

aakar had sidra pay jibrael yeh kahte hain
badh jaoun agar agay jal jayen ge par aaqa

umeed ke sehraa mein anwaar ki barish hai
har kasht tamanna ko kardijye tar aaqa

tofan hawadis ki zad mein bhi qader aawar hai
toheed ke gulshan ka har ek shajar aaqa

sultan ki nigahon mein qadmon ka ujala hai
aap is ke safar mein hain hum raah safar aaqa

نعت ِ ؐشریف
سانس آہستہ سے لیا کرنا
چپکے چپکے خدا خدا کرنا

میں عبادت اُسے سمجھتا ہوں
ذکر آقاؐ کا جا بجا کرنا

اس جہاں میں قیام جب تک ہے
جان سرکارؐ پر فدا کرنا

پہلے دُھولینا منھ کو اشکوں سے
نام سرکارؐ پھر لیا کرنا

دل میں گر شوق ہو عبادت کا
یا نبیؐ یا نبیؐ سدا کرنا

ذکر رب ذکر ہے محمدؐ کا
غیر ممکن ہے حق ادا کرنا

اُنؐ کے قدموں میں خُلد ہے سلطاںؔ
جا کے قدموں میں تو رہا کرنا

Naat-e-Shareef
saans aahista se liya karna
chupkay chupkay khuda khuda karna

mein ibadat ussay samjhta hun
zikar aaqa ka ja baja karna

is jahan mein qeyam jab tak hai
jaan sarkar par fida karna

pehlay dholyna munh ko ashkon se
naam sarkar phir liya karna

dil mein gir shoq ho ibadat ka
ya nabi ya nabi sada karna

zikar rab zikar hai muhammed ka
ghair mumkin hai haq ada karna

un ke qadmon mein khuld haisultan
ja ke qadmon mein tu raha karna

نعت ِ ؐشریف
دن رات لو اُنہیؐ سے لگاتے رہیں گے ہم
عشقِ نبیؐ کی شمع جلاتے رہیں گے ہم

پر نور زندگی کو بناتے رہیں گے ہم
فیض درِ رسولؐ کو پاتے رہیں گے ہم

غفلت جو ہوگئی تو سمجھ لو کہ موت ہے
یادِ نبیؐ سے دل کو سجاتے رہیں گے ہم

دریا ہو دشت ہو کہ چمن ہر مقام پر
رحمت کے گیت ہر جگہ گاتے رہیں گے ہم

سلطاںؔ نبیؐ کی نعتؐ ہے سامانِ زندگی
جب تک جئیں گے نعتؐ سناتے رہیں گے ہم

Naat-e-Shareef
din raat lu uاnhi se lagatay rahen ge hum
ashq nabi ki shama jalatey rahen ge hum

pur noor zindagi ko banatey rahen ge hum
faiz dar-e-rasool ko paate rahen ge hum

ghaflat jo hogayi to samajh lo ke mout hai
yaad e nabi se dil ko sajaate rahen ge hum

darya ho dasht ho ke chaman har maqam par
rahmat ke geet har jagah gatay rahen ge hum

sultan-e-nabi ki naat hai saman zindagi
jab tak jiyeen ge naat sunaate rahen ge hum

نعت ِؐشریف
رسولؐ پاک کے جلوے سمائے جاتے ہیں
ہمارے قلب کو کعبہ بنائے جاتے ہیں

نظر سے جن کی ہے اک آس دونوں عالم کو
ہم اپنا حال اُنہیؐ کو سنائے جاتے ہیں

ہم اُن کو بھول کے زندہ تو رہ نہیں سکتے
اُنہی کی یاد سے ہم لو لگائے جاتے ہیں

اب اُنؐ کی مرضی ہے جو چاہے حکم فرمادیں
یقین ہے ہمیں در پر بلائے جاتے ہیں

ہیں اُن کے جلوے تصور میں ہر گھڑی سلطاںؔ
وہ جلوے ہوش ہمارے اُڑائے جاتے ہیں

Naat-e-Shareef
rasool-e-pak ke jalwey samaaye jatay hain
hamare qalb ko kaaba banaye jatay hain

nazar se jin ki hai ik aas dono aalam ko
hum apna haal unhi ko sunaye jatay hain

hum unn ko bhool ke zindah to reh nahi satke
unhi ki yaad se hum lo lagaye jatay hain

ab un ki marzi hai jo chahay hukum faryaden
yaqeen hai hamein dar par bulaye jatay hain

hain unn ke jalwey tasawwur mein har ghari sultan
wo jalwey hosh hamaray udaye jatay hain

نعتِؐ شریف
دیارِ شاہِؐ طیبہ دیکھتا ہوں
اُجالا ہی اُجالا دیکھتا ہوں
منور کس قدر ہیں میری آنکھیں
کہ میں آقاؐ کا روضہ دیکھتا ہوں
شب معراج جبرئیل امیں کا
حد سدرہ پہ رُکنا دیکھتا ہوں
منور کر کے دل کو ذکر حق سے
میں دل کو عرش جیسا دیکھتا ہوں
محمدؐ مصطفیؐ نورِ خدا ہیں
میں نور اُنؐ کا ہمیشہ دیکھتا ہوں
شفاعت رحمتہ اللعالمیںؐ کی
کرم کا یہ نظارہ دیکھتا ہوں
اُجالے کی مجھے حاجت نہیں ہے
میں نقش پا نبیؐ کا دیکھتا ہوں
میں ہوں اِک ذرّئہ ناچیز سلطاںؔ
تصور میں مدینہ دیکھتا ہوں

Naat-e-Shareef

dyar shah-e-tayiba daikhta hun
ujala hi ujala daikhta hun

munawar kis qader hain meri ankhen
ke mein aaqa ka roza daikhta hon

shab meraaj jibrael amin ka
had sidra pay rukna daikhta hon

munawar kar ke dil ko zikar haq se
mein dil ko arsh jaisa daikhta hun

muhammed mustafa noore khuda hain
mein noor un ka hamesha daikhta hun

shafaat rahmat ul lil aalameen ki
karam ka yeh nzarah daikhta hun

ujaaley ki mujhe haajat nahi hai
mein naqsh pa nabi ka daikhta hon

mein hon ek zarrah nacheez sultan
tasawwur mein madina daikhta hon

نعتِؐشریف
کتنی درِ رسولؐ کی عظمت ہے دیکھنا
جان و دل و نظر کی عبادت ہے دیکھنا
نورِ رسولؐ پاک ہے پیش نظر مرے
مقبول بارگہہ مری مدحت ہے دیکھنا
ذرّوں کو مہر و ماہ سے بڑھ کر بنادیا
کیا چیز فیض شاہِؐ نبوت ہے دیکھنا

جو منکرِ نبیؐ ہیں جہنم ہے ان کا گھر
سرکارؐ کے غلاموں پہ رحمت ہے دیکھنا

یسٰن سن رہا ہوں تو یٰس ہے سامنے
وقت اخیر کیسی عنایت ہے دیکھنا

گمراہ ہو کے دُور نہ ہوجائیں ہم کہیں
پیغامِ شاہِؐ دیں کی ضرورت ہے دیکھنا

دل میں خیال جلوہ نظر میں لبوں پہ نام
سلطاںؔ نے پائی کیسی یہ قربت ہے دیکھنا

Naat-e-Shareef
kitni dar-e-rasool ki azmat hai dekhn
jaan w dil w nazar ki ibadat hai dekhna

noore rasool pak hai paish e nazar mare
maqbool bargah meri midhat hai dekhna

zarron ko mohar w mah se badh kar banadiya
kiya cheez faiz shah-e-nabuwat hai dekhna

jo munkir nabi hain jahannum hai un ka ghar
sarkar ke ghulamoo pay rahmat hai dekhna

yaaseen sun raha hun tu yaaseen hai samnay
waqt akheer kaisi inayat hai dekhna

gumraah ho ke door nah ho jaien hum kahin
paigham-e-shah-e-deen ki zaroorat hai dekhna

dil mein khayaal jalva nazar mein labon pay naam
sultan ne payi kaisi yeh qurbat hai dekhna

نعتِؐشریف
روح بھی قربان ہے اور سانس بھی قربان ہے
یا محمدؐ آپ پر دنیا مری قربان ہے

رات کی تنہائیوں میں ذکر کی خوشبو لئے
آپؐ پر ہر ایک لمحہ زندگی قربان ہے

چومتا ہوں روز وشب نام آپؐ کا لے لے کے میں
میرے آقاؐ آپ پر یہ جاں مری قربان ہے

آپؐ کی نسبت سے رشتہ زندگی کا جوڑ کر
مرے گھر کے بچے بچے کی خوشی قربان ہے

چاہتی ہیں میری آنکھیں بھیک کچھ دیدار کی
اس طلب پر دو جہاں کی ہر خوشی قربان ہے

چوم کر روضےؐ کو سلطاںؔ کی نگاہیں روز و شب
دل تصدق ہو رہا ہے جان بھی قربان ہے

Naat-e-Shareef

rooh bhi qurbaan hai aur saans bhi qurbaan hai

ya muhammed aap pr duniya meri qurbaan hai

raat ki tanhaiyon mein zikar ki khushbu liye

aap par har aik lamha zindagi qurbaan hai

chomta houn roz -w-shab naam aap ka lele ke mein

mere aaqa aap par yeh jaan meri qurbaan hai

aap ki nisbat se rishta zindagi ka jod kar

marey ghar ke bachay bachay ki khushi qurbaan hai

chahti hain meri ankhen bheek kuch dedar ki

is talab par do jahan ki har khushi qurbaan hai

choom kar roze ko sultan ki nigehain roz w shab

dil tssaduq ho raha hai jaan bhi qurbaan hai

نعتِؐشریف
سبز گنبد ہے میری آنکھوں میں
نور بہنے لگا ہے سانسوں میں
آپ یٰسین آپؐ طہٰ ہیں
سب سے اعلیٰ ہیں آپؐ نبیوں میں
یوں صحابہؓ کے درمیاں ہیں حضورؐ
جس طرح چاند ہے ستاروں میں
عرش اعلیٰ ہے ، آپ ہیں رب ہے
اور نعلین بھی ہے پیروں میں
جب حضور آپؐ عرش پر پہونچے
نور تھا نور کی نگاہوں میں
سنگ ریزوں نے پڑھ لیا کلمہ
آپؐ کا ہے اثر یہ ہاتھوں میں
ہو بیاں شان آپؐ کی آقاؐ
اتنی وسعت کہاں ہے لفظوں میں
فکرِ محشر ہو کیسے سلطاںؔ کو
دامن مصطفیؐ ہے ہاتھوں میں

Naat-e-Shareef

sabz gunbad hai meri aankhon mein
noor bahney laga hai saanson mein

aap yaseen aap taah hain
sab se aala hain aap nabiyo mein

yun sahaba ke darmian hain huzoor
jis tarha chaand hai sitaron mein

arsh aala hai, aap hain rab hai
aur nalain bhi hai pairon mein

jab huzoor aap arsh par pohnche
noor tha noor ki nigahon mein

sang raizoon ne padh liya kalma
aap ka hai asar yeh hathon mein

ho bayan shaan aap ki aaqa
itni wusat kahan hai lafzon mein

fikr-e-mahshar ho kaisay siltan ko
daman mustafa hai hathoun mein

نعت ِ ؐشریف
شفیع المذنبیں ہو دستگیر بے کساں تمؐ ہو
یقینا اُمت عاصی کے حق میں مہرباں تمؐ ہو
حد سدرہ سے جبرئیل ؑ امیں آگے نہیں جاتے
حدِ قوسین کہلاتی ہے وہ آقاؐ جہاں تمؐ ہو
شب معراج میں یہ راز سب پر کھل گیا آخر
تمہارا میزباں رب ہے ، اور اس کے مہماں تم ؐ ہو
شریعت میں تمہیںؐ مثل بشر جانا مرے آقاؐ
طریقت کی زباں میں گنجِ مخفی کا نشاں تمؐ ہو
تمہاراؐ کوئی اس منزل میں ثانی ہو نہیں سکتا
تمہارا یہ شرف ہے ، وجہہ تخلیق جہاں تمؐ ہو
تمہاری گفتگو میں امرِ حق کی جھلکیاں دیکھیں
ہوا محسوس خلاقِ دو عالم کی زباں تمؐ ہو
کلی کھلتی ہے دل کی ، جب تمہارا نام لیتا ہوں
تمناؤں کے گلشن کی ، بہارِ بے خزاں تمؐ ہو
زہے قسمت کہ سلطاںؔ کو تمہارے در سے نسبت ہے
بس اس کے حامی و ناصر شہہؐ کون و مکاں تمؐ ہو

Naat-e-Shareef
shafi ul muznebeen ho dastagir be kasan tum ho
yaqeenan ummat aasi ke haq mein mahrbaan tum ho
had sidra se jibrael-e-amin agay nahin jatay
had qosain kahlati hai wo aaqa jahan tum ho
shab meraaj mein ye raaz sab par khul gaya aakhir
tumhara mizban rab hai, aur is ke mehmaan tum ho
shariat mein tumhin misle bashar jana marey aaqa
tareqat ki zuba mein ganj-e-makhfi ka nishaan tum ho
tumhara koi is manzil mein sani ho nahi sakta
tumhara ye sharf hai, vajh takhleeq jahan tum ho
tumhari guftagu mein amar haq ki jhalkiyan dekhen
hava mahsoos khalaq do aalam ki zuban tum ho
kali khilti hai dil ki, jab tumhara naam laita hun
tamnnaoun ke gulshan ki, bahar be khizan tum ho
zahe qismat ke sultan ko tumahrey dar se nisbat hai
bas is ke haami w nasir shaeh-e-kon w makan tum ho

نعت ِ ؐشریف
رات دن ہے یہی اک دُعا یا نبیؐ
چاہئے آپؐ کا آسرا یا نبیؐ

پیچ و خم راستوں کے بہت ہیں مگر
اپنی منزل ہے در آپؐ کا یا نبیؐ

بھیڑ کافی ہے میدان میں حشر کے
مہرباں آپ پر ہے ، خدا یا نبیؐ

روشنی ہے جو یہ دین و ایمان کی
آپؐ ہی کی تو ہے یہ عطا یا نبیؐ

میرے سرکار نورِ خدا آپؐ ہیں
ہے یہ اظہار قرآن کا یا نبیؐ

آپؐ ہی نے تو روشن کیا ہے اِسے
جل رہا ہے جو حق کا دیا یا نبیؐ

نعتؐ گو ہے دکن میں جو سلطانؔ یہ
یہ تو ہے آپؐ کی خاکِ پا یا نبیؐ

Naat-e-Shareef
raat din hai yahi ek dua ya nabi
chahiye aap ka aasra ya nabi

paich w kham raastun ke bahut hain magar
apni manzil hai dar aap ka ya nabi

bheed kaafi hai maidan mein hashar ke
mehrbaan aap par hai, khuda ya nabi

roshni hai jo ye deen w imaan ki
aap hi ki tu hai ye ataa ya nabi

mere sarkar noore khuda aap hain
hai yeh izhaar quran ka ya nabi

aap hi ne tu roshan kiya hai isy
jal raha hai jo haq ka diya ya nabi

naat go hai daccan mein jo sultan ye
ye tu hai aap ki khak pa ya nabi

نعت ِ ؐشریف
بدحال و بے عمل ہیں گنہگار ہم بھی ہیں
لیکن حضورؐ حاضرِ دربار ہم بھی ہیں

تمؐ سے نہ ہو تو کس سے ہو اُمید التفات
اس نعمت عظیم کے حقدار ہم بھی ہیں

چہرے کا نور پیاسی نگاہوں کو دیجئے
روز ازل سے طالب دیدار ہم بھی ہیں

چشم کرم ہی آپؐ کی واحد علاج ہے
برسوں سے خواہشات کے بیمار ہم بھی ہیں

ہم کو بھی اپنے لطف وکرم سے نوازئیے
سرکار رحمتوں کے طلبگار ہم بھی ہیں

مشکل کشائی کیجئے ہماری بھی یا نبیؐ
محرومیوں سے برسرِ پیکار ہم بھی ہیں

سلطاںؔ ادب سے کہئے کہ ائے شاہِؐ انبیا
صحرائے غم میں بے در و دیوار ہم بھی ہیں

Naat-e-Shareef
bad haal w be amal hain guneh gaar hum bhi hain
laikin huzoor hazir darbaar hum bhi hain

tum se na ho tu kis se ho umeed iltifaat
is nemat azeem ke haqdaar hum bhi hain

chehray ka noor pyaasi nigahon ko dijiye
roz azal se taalib deedar hum bhi hain

chasham karam hi aap ki wahid ilaaj hai
barson se khwahishat ke bemaar hum bhi hain

hum ko bhi apne lutf w karam se navaziye
sarkar rahmatun ke talab gaar hum bhi hain

mushkil kushai kijiye hamari bhi ya nabi
mahroomiun se barsar paiykaar hum bhi hain

sultan adab se kahye ke aye shahe-e-anabia
sahraye gham mein be dar w deewar hum bhi hain

نعت ِ ؐشریف
منسوب ہم ہوئے ہیں جب سے درِ نبیؐ سے
اُکتا گئیں ہیں آنکھیں دُنیا کی روشنی سے

سرکارؐ اس سے آگے پرواز آپؐ کی ہے
بے بس ہیں خود جہاں پر جبرئیل ؑرہبری سے

سرکارؐ عرش پر ہیں نعلین پاؤں میں ہیں
مخلوق بھی ہے حیراں شانِ پیمبریؐ سے

صدیوں سے دے رہا ہے غارِ حرا گواہی
آباد دو جہاں ہیں سرکارؐ آپؐ ہی سے

کیا ذکر مہر و مہہ کا ، ارض و سما بھی کیا ہیں
روشن ہیں دونوں عالم نورِ محمدیؐ سے

آنکھوں میں جاگتے ہیں دیدار کے تقاضے
سرکارؐ اپنی راتیں بیدار ہیں انہی سے

دامانِ مصطفیؐ میں وسعت ہے دوجہاں کی
شکوہ نہیں ہے سلطاںؔ دُنیا کی بے رخی سے

Naat-e-Shareef
mansoob hum huwe hain jab se dar-e-nabi se
uqta gayeen hain ankhen duniya ki roshni se

sarkar is se agay parwaaz aap ki hai
be bas hain khud jahan par jibrael rahbari se

sarkar arsh par hain naalain paaoun mein hain
makhlooq bhi hai heraan shan-e-pymbari se

sadiyon se da raha hai ghaar-e-hiara gawahi
abad do jahan hain sarkar aap hi se

kiya zikar mohar w mah ka, arz w sama bhi kiya hain
roshan hain dono aalam noore muhammad se

aankhon mein jagtey hain deedar ke taqazay
sarkar apni raatain bedaar hain unhi se

damaan-e-mustafa mein wusat ha do jahan ki
shikwah nahin hai sultan duniya ki be rukhi se

نعت ِ ؐشریف
ہے کونین میں اہتمامِ محمدؐ
خدا جانے کیا ہے مقامِ محمدؐ

حقیقت میں قرآن خود کہہ رہا ہے
کلامِ خدا ہے کلامِ محمدؐ

ہر اک سانس خوشبو سے مہکی ہوئی ہے
لبوں پر جب آیا ہے نامِ محمدؐ

مہک آیتوں کی ہے حکم الٰہی
حدیثیں بنی ہیں پیامِ محمدؐ

بھٹکنے نہ دے گا اندھیروں میں ہم کو
کسی راستے پر نظامِ محمدؐ

شفاعت کے وہ مستحق بن گئے ہیں
وظیفہ ہے جن کا کہ نامِ محمدؐ

ہے قسمت پہ سلطاںؔ ہمیں ناز کیا کیا
ازل سے ہیں ہم بھی غلامِ محمدؐ

Naat-e-Shareef

hai konain mein ihtimaam muhammad

khuda jane kya hai mqam-e- muhammad

haqeeqat mein quran khud keh raha hai

kalaam khuda hai kalaam muhammad

har ek saans khushbu se mehki hui hai

labon par jab aaya hai naam muhammad

mehak ayaton ki hai hukum-e-elahi

hadeesin bani hain payam muhammad

bhatakne nah day ga andheron mein hum ko

kisi rastay per nizam muhammad

Shafaat ke woh mustahiq ban gaye hain

wazifa hai jin ka ke naam muhammad

hai qismat pay sultan hamein naz kiya kiya

azal se hain hum bhi ghlam muhammad

نعت ِ ؐشریف

حشر کے لمحے ہیں قیامت کے

سبھی محتاج ہیں شفاعت کے

یا رسولؐ خدا حبیب خدا

ہیں نگہبان آپؐ امت کے

درِ اقدسؐ کی بھیک لینے کو

ہم بھی ٹہرے ہیں در پہ رحمتؐ کے

خوش ہیں بخشش پہ اُمتی آقاؐ

آکے میدان میں قیامت کے

آپؐ کے پاؤں چوم لیتے ہیں

جھک کے خود آسمان رفعت کے

ہوگئے دو جہان شیدائی

آپؐ کی چاند جیسی صورت کے

ہے یہ صدقہ رسولؐ کا سلطاںؔ

مرحلوں میں ہیں ہم صداقت کے

Naat-e-Shareef

hashar ke lamhay hain qayamat ke

sabhi mohtaaj hain shafaat ke

ya rasool khuda habibe khuda

hain nigehban aap ummat ke

dar-e-aqdas ki bheek lainay ko

hum bhi tehrey hain dar pe rahmat ke

khush hain bakhshish pay ummati aaqa

aake maidan mein qayamat ke

aap ke paoun choom letEy hain

jhuk ke khud aasman rafat ke

hogaye do jahan shedai

aap ki chaand jaisi soorat ke

hai ye sadqa rasool ka sultan

marhalon mein hain hum sadaqat ke

نعت ِ ؐشریف

بڑھنے لگی جو حسرت دیدارِ مصطفیؐ

لفظوں سے جھانکنے لگے انوارِ مصطفیؐ

قرآن میں ہے صاحب قرآں کی روشنی

پورا کلام پاک ہے کردارِ مصطفیؐ

میرا علاج صرف مدینہ کی خاک ہے

مرا وجود بن گیا بیمارِ مصطفیؐ

آئے اِدھر وہ حق کی رضا جس کو چاہئے

دیکھو ہے گرم آج بھی بازارِ مصطفیؐ

جلوہ نما ہیں نورِ ازل کی تجلیاں

قائم ہے یہ جو زینت دربارِ مصطفیؐ

قرآں کے لفظ لفظ سے ظاہر یہ ہوگیا

پروردگار خود ہے ثنا کارِ مصطفیؐ

سلطانؔ کائنات میں آقاؐ کا نور ہے

مقصود تھا خدا کو بھی اظہارِ مصطفیؐ

Naat-e-Shareef

badhne lagi jo hasrat didar mustafa

lafzon se jhanknay lagey anwaar mustafa

quran mein hai sahib quraan ki roshni

poora kalaam pak hai kirdaar mustafa

mera ilaaj sirf madine ki khaak hai

mera wujood ban gaya bemaar mustafa

aaye idher woh haq ki raza jis ko chahiye

dekho hai garam aaj bhi bazar mustafa

jalva numa hain noore azal ki tajaliyan

qaim hai ye jo zeenat darbaar mustafa

quraan ke lafz lafz se zahir ye hogaya

parvardigaar khud hai sana kar mustafa

sultan kayenaat mein aaqa ka noor hai

maqsood tha khuda ko bhi izhaar-e-mustafa

نعت ِ ؐشریف

یہی آرزو ہے یہ ہم چاہتے ہیں

محمدؐ کی چشم کرم چاہتے ہیں

ہیں مجبور و محتاج ہم یا محمدؐ

مداوائے درد و الم چاہتے ہیں

تمہارےؐ ہیں ہم بس تمہارے رہیں گے

فقط در تمہارا ہی ہم چاہتے ہیں

تمنا ہے ہم عاصیوں کی تو یہ ہے

کہ دو گز زمین حرم چاہتے ہیں

نگاہوں کو دیدار کی بھیک دے دو

حبیبؐ خدا بس یہ ہم چاہتے ہیں

دکھادیجئے پھر دیارِ مدینہ

یہی ہم خدا کی قسم چاہتے ہیں

ازل سے شب و روز سلطاںؔ کے آقاؐ

تمہارا ہی فضل و کرم چاہتے ہیں

Naat-e-Shareef

yahi arzoo hai yeh hum chahtay hain

muhammadi chasham karam chahtay hain

hain majboor o mohtaaj hum ya muhammed

madavaye dard o alum chahtay hain

tumahray hain hum bas tumahray rahen ge

faqat dar tumhara hi hum chahtay hain

tamanna hai hum aasiyoun ki to yeh hai

ke do gaz zameen haram chahtay hain

nigahon ko deedar ki bheek day do

habeeb -e- khuda bas yeh hum chahtay hain

dikhadijye phir dayar madinah

yahi hum khuda ki qisam chahtey hain

azal se shab w roz sultan ke aaqa

tumhara hi fazl w karam chahtey hain

نعت ِ ؐشریف

الفاظ کے چہرے پہ جو یہ رنگ کھلا ہے

توصیف محمدؐ کا تصدق ہے عطا ہے

دل یاد سے سرکارؐ کی بیدار ہے ہر پل

روشن مری آنکھوں میں تصور کا دیا ہے

اِنصاف کا سورج تو بہت گرم ہے لیکن

محشر میں شفاعت کا شجر بھی گھنا ہے

صدقہ ہے حضورؐ آپ کے قدموں کا یہ سب کچھ

ایماں کے بدن پر یہ جو رحمت کی قبا ہے

پھر کیوں نہ بنے غارِ حرا نور کا مرکز

سرکارؐ پر اقرا کا نزول اس میں ہوا ہے

مزمل و مدثر و یسٰن و طہٰ

ان ناموں سے اللہ نے خطاب اُنؐ سے کیا ہے

ایمان سے کہتا ہوں حضورؐ آپ ہیں جس کے

اس شخص کا سلطانؔ نگہبان خدا ہے

Naat-e-Shareef

alfaaz ke chehray pay jo ye rang khula hai

tauseef muhammad ka tassaduq hai ataa hai

dil yaad se sarkar ki bedaar hai har pal

roshan meri aankhon mein tassawur ka diya hai

insaaf ka sooraj to bahut garam hai laikin

mahshar mein shafaat ka shajar bhi ghana hai

sadqa hai huzoor aap ke qadmun ka yeh sab kuch

iman ke badan par ye jo rahmat ki quba hai

phir kiyun na banay ghaar hara noor ka markaz

sarkar par iqra ka nuzool is mein huwa hai

muzammil w muddassir w yaseen w taah

in naamon se Allah ne khitab un se kiya hai

imaan se kahta hon huzoor aap hain jis ke

is shakhs ka sultan nigehbaan khuda hai

نعت ِ ؐشریف

دل و ذہن پر بے خودی چھارہی ہے

مدینے کی خوشبو مجھے آرہی ہے

تصور میں رکھ کر دیارِ مدینہ

ہر اک رات آنکھوں کو مہکا رہی ہے

ہوئی جن پہ قرآں کی تنزیل اُنؐ پر

خدائی بھی خود ناز فرما رہی ہے

یہ احسان ہم سب پہ ہے مصطفیؐ کا

جو سانسوں سے ایماں کی بو آرہی ہے

سرِ عرش پائے رسولؐ خدا پر

نگاہِ ملائیک جھکی جارہی ہے

گناہوں سے ہر سانس زخمی ہے لیکن

شفاعت محمدؐ کی ساتھ آرہی ہے

گدائے نبیؐ ہے یہ سلطانؔ لیکن

بہار اس کو نسبت کی مہکا رہی ہے

Naat-e- Shareef

dil w zehen par be khudi hai

madine ki khushbu mujhe aa rahi hai

tassawur mein rakh kar dayar madina

har ek raat aankhon ko mahka rahi hai

huvi jin pay quraan ki tanzeel un par

khudai bhi khud naz farma rahi hai

ye ihsaan hum sab pay hai mustafa ka

jo saanson se iman ki bo aa rahi hai

sar-e-arsh paaye rasool khuda par

ngah -e- malik jhuki jarahi hai

gunaaho se har saans zakhmi hai laikin

shafaat muhammed ki sath aa rahi hai

gadaye nabi hai ye sultan laikin

bahaar is ko nisbat ki mahka rahi hai

نعت ِ ؐشریف

زندگی ہے بے سہارا آسرا درکار ہے

یا محمدؐ مصطفی در آپؐ کا درکار ہے

فتنہ گر بدکاریوں کی راہ میں مصروف ہیں

ہم کو بس نقش قدم سرکارؐ کا درکار ہے

کب سے ہے ویران آقاؐ مری آنکھوں کا نگر

آپؐ کے چہرے کا اس کو اب دیا درکار ہے

وقت کے فتنے کہیں گمراہ ہم کو کر نہ دیں

آپؐ کی چشم کرم کا سلسلہ درکار ہے

اس لئے تھاما ہے ہم نے آپؐ کا دامن حضورؐ

ہم کو گلزار مدینہ کی ہوا درکار ہے

ائے خدا ہم عاصیوں کی یہ دُعا منظور کر

سر پہ اپنے دامنِ خیرالوریٰؐ درکار ہے

زندگی کے شہر میں سلطاںؔ کو سب کچھ مل گیا

میرے آقاؐ آپؐ کی بس خاک پا درکار ہے

Naat-e-Shareef

zindagi hai be sahara aasra darkaar hai

ya muhammad mustafa dar aap ka darkaar hai

fitna gar badkariun ki raah mein masroof hain

hum ko bas naqsh qadam sarkar ka darkaar hai

kab se hai weraan aaqa meri aankhon ka nagar

aap ke chehray ka is ko ab diya darkar hai

waqt ke fitne kahin gumraah hum ko kar na den

aap ki chasham karam ka silsila darkaar hai

is liye thaama hai hum ne aap ka daman huzoor

hum ko gulzaar madinah ki hawa darkaar hai

ay khuda hum aasiun ki yeh duaa manzoor kar

sar pay apne daman-e-khairul vara darkar hai

zindagi ke shehar mein sultan ko sab kuch mil gaya

mere aaqa ki bas khaak pa darkar hai

نعت ِ ؐشریف

ازل سے ہی میرے ہمراہ ہے نسبت محمدؐ کی

نگاہوں میں میری محفوظ ہے صورت محمدؐ کی

مدینے میں ہی رحمت مصطفیؐ کی کیوں سمجھتے ہو

جہاں میں ہر طرف موجود ہے رحمت محمدؐ کی

یہ مانا دیکھنے میں آپؐ ہیں مثل بشر لیکن

ڈھلی نورِ ازل کے سانچے میں قامت محمدؐ کی

کہیں طہٰ کہیں یسٰین کے القابِ محبت سے

بڑھائی ہے خدائے پاک نے عظمت محمدؐ کی

محمدؐ مصطفیؐ کی اُسوئہ حسنہ کو اپنا کر

سرِ محشر رہے گی خلد میں اُمت محمدؐ کی

خدا کا یہ عظیم احساں ہے بے رحم دُنیا میں

یتیموں بے کسوں کو مل گئی چاہت محمدؐ کی

محمدؐ کی غلامی مل گئی ہے جب سے سلطاںؔ کو

نگاہوں میں ہے اس کی روز و شب صورت محمدؐ کی

Naat-e-Shareef

azal se hi mere hamrah hai nisbat muhamad ki

nigahon mein meri mahfooz hai soorat muhammad ki

madine mein hi rahmat mustafa ki kiyun samajhte ho

jahan mein har taraf maujood hai rahmat muhammad ki

ye mana dekhney mein aap hain misl bashar laikin

dhali noore azal ke sanchay mein qaamat muhammad ki

kahin taah kahin yaseen ke alqab mohabbat se

badhai hai khuday-e-pak ne azmat muhammad ki

muhammad ki usva-e-husna ko apna kar

sar-e mahshar rahay gi Khuld mein aُmt muhammad ki

khuda ka yeh azeem ahsaa hai be reham duniya mein

yatimon be kson ko mil gayi chahat muhammad ki

muhammad ki ghulami mil gayi hai jab sultan ko

nigahon mein hai is ki roz w shab soorat muhammad ki

نعت ِ ؐشریف

کیا شئے نہیں وابستۂ دامانِ مدینہ

مہکے گی سدا بوئے گلستانِ مدینہ

یہ چشم طلب کاسۂ دل خالی ہیں کب سے

ہوجائے اِدھر بھی ذرا فیضانِ مدینہ

حاصل ہے جنھیں لذتِ دیدارِ محمدؐ

ملتی ہے اُنھیں دولت عرفانِ مدینہ

افسانۂ ہستی کو مرے سرُخرو کردو

دے کر اسے رنگینیٔ عنوانِ مدینہ

تم پیکر رحمت ہو دو عالم کے سخی ہو

سلطاںؔ پہ ذرا رحم ہو سلطانؐ مدینہ

Naat-e-Shareef

kya shye nahi daman madinah

mahkey gi sada boye gulsitan madinah

ye chasham talabb kasa-e-dil khaali hain kab se

hojaye idher bhi zara faizan madina

haasil hai jinhen lazzat didar muhammad

millti hai unhen daulat irfan madinah

afsana hasti ko merey surkhuru kardo

day kar usay rangineye unwan madinah

tum paiker rahmat ho do aalam ke sakhi ho

sultan pay zara raham ho sultan madina

نعت ِ ؐشریف

نہیں کوئی میرا سوائے محمدؐ

مرے سر پہ بس ہے ردائے محمدؐ

مجھے ناز ہے اپنی خوش قسمتی پر

لبوں پر ہے میرے ثنائے محمدؐ

یہ اعزاز تو میرے سرکارؐ کا ہے

خدا کر رہا ہے ثنائے محمدؐ

حبیبؐ خدا بھی شہہؐ انبیاؐ بھی

یہ رُتبے ملے ہیں برائے محمدؐ

انھیں اپنی آنکھوں سے میں چوم لوں گا

ملیں گر مجھے نقش پائے محمدؐ

لہو چاٹتے رہگذاروں میں ہر پل

رہی سب کے حق میں دعائے محمدؐ

منافق اندھیروں میں چھپنے لگے ہیں

سحر دین و ایماں کی لائے محمدؐ

ہے سلطاںؔ یہی آرزو میرے دل میں

رہوں بن کے میں خاکِ پائے محمدؐ

Naat-e-Shareef

nahi koi mera siwaye muahammad

marey sar pe bas hai ridaye muhammad

mujhe naz hai apni khush qismati par

labon par hai mere sanaye muhammad

ye aizaz to mere sarkar ka hai

khuda kar raha hai sana -e- muhmmad

habeeb -e- khuda bhi shah -e- anbiya bhi

ye rutbey miley hain baraye muhammed

unhein apni aankhon se mein choom lon ga

milein gar mujhe naqsh paye muhammad

lahoo chatte rahguzaroun mein har pal

rahi sab ke haq mein duaye muhammad

munafiq andheron mein chupney lagey hain

sahar deen w iman ki laaye muhamed

hai sultan yahi arzoo mere dil mein

rahon ban ke mein khak paye muhammed

نعت ِ ؐشریف

پائی ہے کتنی بار اجازت نہ پوچھئے

کتنی ہوئی نصیب زیارت نہ پوچھئے

کیا ہے جزائے حج و زیارت نہ پوچھئے

حاصل ہوئی ہے کونسی دولت نہ پوچھئے

میں اور قربِ دامن آقاؐ زہے نصیب

کس جا بہے ہیں اشک ندامت نہ پوچھئے

کچھ دیر سایہ گنبد خضریٰ کا کیا ملا

کیسی ملی ہے روح کو راحت نہ پوچھئے

آساں نہیں ہے مسجد نبویؐ سے لوٹنا

طاری ہے میرے دل پہ جو رقت نہ پوچھئے

سلطاںؔ ہوئی ہیں میری دُعائیں یہاں قبول

مجھ پر ہے کتنی اُنؐ کی عنایت نہ پوچھئے

Naat-e- Shareef

payi hai kitni baar ijazat na poochiye

kitni hui naseeb ziyarat na poochiye

kya hai jzaye hajj w ziyarat na poochiye

haasil hui hai konsi doulat na poochiye

mein aur qurb daman aaqa zah -e- naseeb

kis ja bahe hain asshk nadamat na poochiye

kuch der saya gunbad khizra ka kiya mila

kaisi mili hai rooh ko raahat na poochiye

aasan nahi hai masjid nabavi se lautna

taari hai mere dil pe jo riqqat na poochiye

sultan huvi hain meri duayen yahan qubool

mujh par hai kitni un ki inayat na poochiye

نعت ِ ؐشریف

قایم ہے عرش آپؐ کا جلوہ لئے ہوئے

روزِ ازل سے نور کا نقشہ لئے ہوئے

طیبہؐ میں آیا ہوں یہ تمنا لئے ہوئے

لوٹوں نظر میں خاک کف پا لئے ہوئے

شکر خدا کہ بے سر و ساماں نہیں ہوں میں

جیتا ہوں دل میں گنبد خضریٰ لئے ہوئے

ہے کائنات آج بھی محتاج آپؐ کی

ہر شئے ہے آپؐ ہی کا سہارا لئے ہوئے

بیٹھا ہوا ہوں کب سے درِ پاک پر حضورؐ

جاؤں گا در سے در کا اُتارا لئے ہوئے

للہ اک نظر مرے سرکارؐ دیکھنا

آیا ہوں دُور سے یہ تمنا لئے ہوئے

سلطانؔ نورِ پاک کی آساں نہیں ہے دید

سرکارؐ مِثْلُکُمْ کا ہیں پرد ا لئے ہوئے

Naat-e-Shareef

qaym hai arsh aap ka jalva liye huve

roz-e-azal se noor ka naqsha liye huve

tayba mein aaya hun ye tamanna liye huve

lautounga nazar mein khaak kaf pa liye huve

shukar khuda ke be sar w saman nahi hun mein

jeeta hon dil mein gunbad khizra liye huve

hai kayenaat aaj bhi mohtaaj aap ki

har shye hai aap hi ka sahara liye huve

betha huwa hun kab se dar-e-paak par huzoor

jaoun ga dar se dar ka utaara liye huve

Allah ek nazar meray sarkar dekhna

aaya hon door se ye tamanna liye huve

sultan noore pak ki aasan nahi hai deed

sarkar-e-mislkum ka hain parda liye huve

نعت ِ ؐشریف

ہوگئی بے آبرو شاہوں کے ایوانوں کی بات

چھڑگئی جب بھی مدینے کے گلستانوں کی بات

ذکر حق ذکر نبیؐ کی شمع روشن ہے جہاں

مرکز امن و سکوں ہے اُن کے کاشانوں کی بات

چھو نہیں سکتی کبھی نارِ جہنم بھی اُنھیں

کیا کروں شمعؐ رسالت تیرے پروانوں کی بات

سیرتِ شاہِؐ اُمم تفسیر ہے قرآن کی

ہم سے ائے دُنیا نہ کر دُنیا کے افسانوں کی بات

پرتو نورِ محمدؐ سے ہے ایماں کی بہار

حشر تک تازہ رہے گی ان گلستانوں کی بات

ساغر توحید پی کر جھوم اُٹھی زندگی

راز دان ساقیٔ کوثر ہے پیمانوں کی بات

بادئہ حب نبیؐ تقسیم ہوتی ہے جہاں

تم کرو سلطانؔ سے ایسے میخانوں کی بات

Naat-e-Shareef

hogayi be aabaroo shahun ke aiwanon ki baat

chidgai jab bhi madiney ke gulistanon ki baat

zikar haq zikar nabi ki shama roshan hai jahan

markaz aman w sakon hai unn ke kashanun ki baat

choo nahi sakti kabhi naar-e-jahannum bhi unhen

kiya karoon shamm-e-risalat tairay parwanon ki baat

seerat shah -e- umam tafseer hai quran ki

hum se aye duniya na kar duniya ke afsanoon ki baat

partu noore muhammad se hai iman ki bahar

hashar tak taaza raheygi in gulistanun ki baat

saghar tauheed pi kar jhoom uthee zindagi

raaz daan saqiye kusar hai paimanon ki baat

baad-e-hubbe nabi taqseem hoti hai jahan

tum karo sultan se aisay maikhanoun ki baat

نعت ِ ؐشریف

ہر وقت دل میں یادِ محمدؐ کا نور ہے

اس واسطے اندھیرا میرے دل سے دُور ہے

یہ وہ مقام ہے جہاں شرمندہ طور ہے

طیبہ کی سرزمین کا ہر ذرّہ نور ہے

اوروں سے کیا بجھے گی ہماری یہ تشنگی

ساقیؐ کی آنکھ جامِ شرابِ طہور ہے

دم گھٹ رہا ہے پردئہ فرقت اُٹھائیے

دیدار آپؐ کا مرے دِل کا سرور ہے

حاصل اگر ہے چشم بصیرت تو دیکھنا

ہر ایک شئے میں نورِ نبیؐ کا ظہور ہے

جب ناخدائے کشتیٔ اُمت حضور ہیں

سلطاںؔ کو خوف کیا جو کنارے سے دور ہے

Naat-e-Shareef

har waqt dil mein yaad e muhammed ka noor hai

is wastay andhera mere dil se door hai

ye woh maqam hai jahan sharminda tur hai

tayiba ki sarzamen ka har zarraa noor hai

aurun se kiya bujhe gi hamari ye tishnagi

saaqi ki aankh jaam sharaab tahoor hai

dam ghut raha hai parda -e- furqat uthayye

deedar aap ka marey dil ka suroor hai

haasil agar hai chasham baseerat to dekhna

har ek shye mein noore nabi ka zahoor hai

jab nakhuda -e- kashti ummat huzoor hain

sultan ko khauf kiya jo kinare se door hai

نعت ِ ؐشریف

جب تک بھی زندگی کا مری سلسلہ رہے

ذکرِ رسولؐ پاک کا بس مشغلہ رہے

خیر الوریٰ کے در پہ ادب سے جھکاؤ سر

بربادیٔ حیات کا کب تک گلہ رہے

کر جلد توبہ تھام لے دامانِ مصطفیؐ

پانی میں کتنی دیر کوئی بلبلہ رہے

سرکارؐ آپؐ دونوں جہاں کے ہیں راہ بر

گمراہ کیسے آپؐ کا پھر قافلہ رہے

سلطانؔ چلئے تھام کے دامانِ مصطفیؐ

کتنا ہی سخت کیوں نہ کوئی مرحلہ رہے

Naat-e-Shareef

jab tak bhi zindagi ka meri silsila rahey

zikar e rasool pak ka bas mashgala rahey

khair ul vara ke dar pay adab se jhukao ser

barbad -e- hayat ka kab tak gila rahey

kar jald tauba thaam le daman mustafa

pani mein kitni der koi bulbuila rahay

sarkar aap dono jahan ke hain raah bar

gumrah kaisay aap ka phir qaafla rahay

sultan chlye thaam ke daman mustafa

kitna hi sakht kiyun na koi marhala rahey

نعت ِ ؐشریف

آواز دے کے دیکھ کبھی احترام سے

بنتے ہیں بگڑے کام محمدؐ کے نام سے

نعت رسولِ پاک ائے اللہ لاج رکھ

کیسے بیان ہوگی زبانِ غلام سے

آدابِ مصطفائیؐ کی جن کو خبر نہیں

محروم ہیں وہ رحمت ربِّ انام سے

جن کے دِلوں میں اُلفت آلِ رسولؐ ہے

سر شار ہوں گے بس وہی کوثر کے جام سے

نام نبیؐ سے ہوتی ہیں آسان مشکلیں

ملتا ہے یہ ثبوت خدا کے کلام سے

سلطاںؔ خدا کو ڈھونڈنے والوں سے یہ کہو

دیکھو خدا کا نور محمدؐ کے نام سے

Naat-e-Shareef

aawaz day ke dekh kabhi ihteram se

bantey hain bigde kaam muhammad ke naam se

naat rasool pak aye Allah laaj rakh

kaisay bayan hogi zuban ghulam se

aadaab mustafai ki jin ko khabar nahi

mahroom hain woh rahmat rabbe anaam se

jin ke dilon mein ulfate aal rasool hai

sar shar hon ge bas wahi kusar ke jaam se

naam nabi se hoti hain aasaan mushkilain

milta hai ye saboot khuda ke kalaam se

sultan khuda ko dhondne walon se ye kaho

dekho khuda ka noor muhmmad ke naam se

نعت ِ ؐشریف

نگاہوں میں جس کی سمائے محمدؐ

نظر اُس کو ہر سمت آئے محمدؐ

رہی دیر تک روشنی جان و دل میں

تصور میں جب آپؐ آئے محمدؐ

تصدق کروں گا دِل و جان اپنے

جو دیکھوں گا جلوہ سرائے محمدؐ

ترستی ہیں آنکھیں برستی ہیں آنکھیں

ستاتی ہے جب بھی ولائے محمدؐ

خدا بھی ہے اُن کا خدائی بھی اُن کی

سبھی کر رہے ہیں ثنائے محمدؐ

مجھے رہنما کی ضرورت نہیں ہے

تصور میں ہیں نقش پائے محمدؐ

میں محتاج ہو کر بھی سلطاںؔ رہوں گا

خدا نے بنایا گدائے محمدؐ

Naat-e-Shareef

nigahon mein jis ki samaaye muhmmad

nazar uss ko har simt aaye muhmmad

rahi der tak roshni jaan w dil mein

tasawur mein jab aap aaye muhammad

tassaduq karoon ga dil w jaan apne

jo daikhon ga jalva saraye muhammad

tarasti hain ankhen barasti hain ankhen

satati hai jab bhi vala-e-muhammad

khuda bhi hai un ka khudai bhi un ki

sabhi kar rahey hain sana-e-muhammed

mujhe rahnuma ki zaroorat nahi hai

tasawur mein hain naqsh paye muhammed

mein mohtaaj ho kar bhi sultan rahon ga

khuda ne banaya gadaye muhammed

نعت ِ ؐشریف

یا محمدؐ مصطفیؐ میری مدد فرمائیے

ہوں گرفتار بلا میری مدد فرمائیے

ائے حبیبؐ کبریا میری مدد فرمائیے

ائے شہہؐ ارض و سما میری مدد فرمائیے

یا نبیؐ مشکل کشا میری مدد فرمائیے

کچھ تو محبوبؐ خدا میری مدد فرمائیے

حشر میں ہر ایک یہ کہتا رہے گا آپؐ سے

شافع روز جزا میری مدد فرمائیے

انبیا نے ہر قدم پر آپ سے مانگی مدد

تاجدارِ انبیا میری مدد فرمائیے

چھوڑ کر در آپؐ کا جاؤں کہاں بتلائیے

میں تو ہوں بس آپؐ کا میری مدد فرمائیے

اک نظر بس اک نظر سلطاںؔ پہ ہوجائے حضورؐ

ہے یہ دل کی اِلتجا میری مدد فرمائیے

Naat-e-Shareef

ya muhammad mustafa meri madad farmayye

hun giraftar bulaa meri madad farmayye

aye habeeb-e-kibriya meri madad farmayye

aye shah -e- arz w sama meri madad farmayye

ya nabi mushkil kusha meri madad farmayye

kuch to mahbob khuda meri madad farmayye

hashar mein har aik ye kahta raheyga aap se

shafey roz -e- jaza meri madad farmayye

anabia ne har qadam par aap se mangi madad

tajdar anabia meri madad farmayye

chode kar dar aap ka jaoun kahan batlaaiye

mein tu hon bas aap ka meri madad farmayye

ek nazar bas ek nazar sultan pay hojaye huzoor

hai yeh dil ki iltija meri madad farmaye

نعت ِ ؐشریف

خدارا دیجئے مجھ کو سہارا یا رسولؐ اللہ

مدد فرمائیے ہوں غم کا مارا یا رسولؐ اللہ

بلا کر یا شہہ بطحیٰ دکھادو گنبد خضریٰ

سنہری جالی کا کرلوں نظارا یا رسولؐ اللہ

مجھے گھیرا ہے گردابِ بلا نے جان کر تنہا

دکھادو میری کشتی کو کنارا یا رسولؐ اللہ

مرے آقاؐ مرے مولا مجھے بھی سبز گنبد کا

ملے تا زندگی صدقہ اُتارا یا رسولؐ اللہ

شب اسراء خدائے پاک نے بس آپ کی خاطر

عجب عرشِ معلی کو سنوارا یا رسولؐ اللہ

ہر اک مشکل کو آپ آسان کردیتے ہیں پل بھر میں

دمِ مشکل کسی نے جب پکارا یا رسولؐ اللہ

سرِ محشر زبانِ پاک سے بس اِتنا کہدیجے

یہ سلطاںؔ بھی ہمارا ہے ہمارا یا رسولؐ اللہ

Naat-e-Shareef

khudaara dijiye mujh ko sahara ya rasool Allah

madad farmayye hon gham ka mara ya rasool Allah

bulaa kar ya sheh batha dikhado gunbad khizry

sunehri jaali ka karlon nazara ya rasool Allah

mujhe ghaira hai gardaab balaa ne jaan kar tanha

dekhado meri kashti ko kinara ya rasool Allah

merey aaqa merey maula mujhe bhi sabz gunbad ka

miley taa zindagi sadqa utaara ya rasool Allah

shab-e-asra khuday-e-pak ne bas aap ki khatir

ajab arsh mualla ko sanvara ya rasool Allah

her ek mushkil ko aap aasaan kardete hain pel bher main

dam mushkil kisi ne jab puraka ya rasool Allah

sar-e-mahshar zuban pak se bas itna kahdijye

ye sultan bhi hamara hai hamara ya rasool Allah

نعت ِ ؐشریف

آپؐ کے جلوؤں سے دل روشن رہے

یا نبیؐ آباد یہ مسکن رہے

دل میں ہو ہر دم تصور آپؐ کا

تازہ ایماں کا سدا گلشن رہے

عاصیوں کی لاج رکھ لے گا خدا

آپؐ سے جب نسبت دامن رہے

سیرت سرکار کا ہے یہ اثر

سربہ سجدہ در پہ خود دشمن رہے

چشم سلطاںؔ میں اگر آجائیں آپؐ

قابل رشک چمن یہ بن رہے

Naat-e-Shareef

aap ke jalvoun se dil roshan rahe

ya nabi abad ye maskan rahe

dil mein ho har dam tasawur aap ka

taaza iman ka sada gulshan rahe

aasiun ki laaj rakh le ga khuda

aap se jab nisbat daman rahe

seerat sarkar ka hai ye assar

serba sajda dar pe khud dushman rahe

chasham sultan mein agar ajayen aap

qabil rashk chaman ye ban rahe

نعت ِ ؐشریف

پردہ جو درمیاں تھا اُٹھایا حضورؐ نے

جلوہ خدا کا ہم کو دِکھایا حضورؐ نے

پیغام لا اِلہٰ سنایا حضورؐ نے

بندے کو اپنے رب سے ملایا حضورؐ نے

دل کے سیاہ خانے میں اک روشنی ہوئی

اپنا جمال جب بھی دِکھایا حضورؐ نے

اس شانِ زندگی کی جہاں میں نہیں مثال

رستہ خدا کا ہم کو بتایا حضورؐ نے

تشنہ لبی کا شکوہ نہ ہوگا تمام عمر

وحدت کا جام بھر کے پلایا حضورؐ نے

اللہ کیسا دامن رحمت نبیؐ کا ہے

ہم جیسے عاصیوں کو چھپایا حضورؐ نے

چشم کرم حضورؐ کی سلطانؔ پر ہوئی

صد شکر آستاں پہ بلایا حضورؐ نے

Naat-e-Shareef

parda jo darmiyan tha uthaya huzoor ne

jalva khuda ka hum ko dekhaya huzoor ne

paigham laa ila sunaya huzoor ne

bande ko apne rab se milaya huzoor ne

dil ke siyah khanae mein ek roshni huvi

apna jamal jab bhi dekhaya huzoor ne

is shan e zindagi ki jahan mein nahi misaal

rasta khuda ka hum ko bataya huzoor ne

tishna labi ka shikwah na hoga tamam umar

wahdat ka jaam bhar ke pilaya huzoor ne

Allah kaisa daman rahmat nabi ka hai

hum jaisay aasioun ko chupaya huzoor ne

chasham karam huzoor ki sultan par huvi

sad shukar aastaan pe bulaya huzoor ne

نعت ِ ؐشریف

مری نظر مری حدِ نظر رسولؐ اللہ

میں کیسے ہوں گا بھلا در بہ در رسولؐ اللہ

ملا ہے آپؐ کا جس کو بھی در رسولؐ اللہ

اُٹھا نہ سجدے سے پھر اس کا سر رسولؐ اللہ

مقام سجدۂ سر ہے درِ حرم لیکن

مقام سجدئہ دل ہے جدھر رسولؐ اللہ

یہ کہہ کے رک گئے سدرہ پہ حضرت جبرئیلؑ

بڑھوں جو آگے تو جل جائیں پر رسولؐ اللہ

شکستہ کشتی کنارے پہ کس طرح پہنچے

کرم کی ہوگی نہ جب تک نظر رسولؐ اللہ

حضورؐ چاہیں تو ہوگی حضورؐ کی رویت

بساط کیا میری کتنی نظر رسولؐ اللہ

مجھے ہو پرسش محشر کا خوف کیا سلطاںؔ

مری نظر میں ہیں آٹھوں پہر رسولؐ اللہ

Naat-e-Shareef

meri nazar meri had nazar rasool Allah

mein kaisay hon ga bhala dar ba dar rasool Allah

mila hai aap ka jis ko bhi dar rasool Allah

uttha na sjday se phir us ka sar rasool Allah

maqam sajda -e- sar hai dar-e-haram laikin

maqam sajda -e- dil hai jidhar rasool Allah

yeh kah ke ruk gaye sidra pay hazrat jibrael

badhun jo agay tu jal jayen par rasool Allah

shakaista kashti kinare pe kis tarha pohanche

karam ki hogi na jab tak nazar rasool Allah

huzoor chahain to hogi huzoor ki ruyat

bisaat kiya meri kitni nazar rasool Allah

mujhe ho pursish mahshar ka khauf kiya sultan

meri nazar mein hain aathon pahar rasool Allah

نعت ِ ؐشریف

یا محمدؐ آپؐ کا پیش نظر جلوہ رہے

آرزو دل کی یہی ہے عمر بھر جلوہ رہے

آپؐ کے فیض تصور سے نظر معمور ہو

میں جدھر دیکھوں مرے آقا اُدھر جلوہ رہے

کیا کروں نظارۂ دنیا کو لے کر کیا کروں

گنبد خضریٰ کا بس شام و سحر جلوہ رہے

زندگی کے مرحلے آسان ہوجائیں گے سب

یا نبیؐ ہر موڑ پر زادِ سفر جلوہ رہے

ہے یہی سلطانؔ کی اک اِلتجا سرکارؐ سے

میری چشم شوق میں آٹھوں پہر جلوہ رہے

Naat-e-Shareef

ya muhammed aap ka paish e nazar jalva rahey

arzoo dil ki yahi hai umar bhar jalva rahey

aap ke faiz tasawwur se nazar maamoor ho

mein jidhar dekhon merey aaqa udhar jalva rahey

kiya karoon nazaar-e-duniya ko le kar kiya karoon

gunbad khizra ka bas shaam w sahar jalva rahey

zindagi ke marhaley aasaan ho jaien ge sab

ya nabi har moud par zaad safar jalva rahey

hai yahi sultan ki ek iltija sarkar se

meri chasham shoq mein aathon pahar jalva rahey

نعت ِ ؐشریف

جو عاشق ہے نبیؐ کا اس سے پردہ ہو نہیں سکتا

میرا دعویٰ ہے وہ محروم جلوہ ہو نہیں سکتا

یہاں بے مانگے ملتا ہے یہ دربارِ محمدؐ ہے

کوئی اس درپہ آکر بے سہارا ہو نہیں سکتا

وہ جس کا جام پی کر بے خودی کو ہوش آتا ہے

پھر ایسا ساقیٔ کوثر تو پیدا ہو نہیں سکتا

مری بگڑی ہوئی تقدیر اک پل میں بدل جائے

مرے آقاؐ اگر چاہیں تو پھر کیا ہو نہیں سکتا

جدھر رخ آپؐ نے پھیرا اُدھر کعبہ نظر آیا

دوعالم میں کسی کا بھی یہ رتبہ ہو نہیں سکتا

وہ ختم المرسلیںؐ محبوب رب اور شافعؐ محشر

پھر ایسا نور و رحمت کا سراپا ہو نہیں سکتا

گھٹا رحمت کی ہے اور بارش انوار ہے سلطاںؔ

نظارا باغ جنت کا بھی ایسا ہو نہیں سکتا

Naat-e- Shareef

jo aashiq hai nabi ka is se parda ho nahi sakta

mera daawa hai woh mahroom jalva ho nahi sakta

yahan be mangay milta hai ye darbaar muhammed hai

koi is dar pe aakar be sahara ho nahi sakta

wo jis ka jaam pi kar be khudi ko hosh aata hai

phir aisa saqi -e- kusar to peda ho nahi sakta

meri bigdi hui taqdeer ek pal mein badal jaye

meraey aaqa agar chahain to phir kya ho nahi sakta

jidhar rukh aap ne phera udhar kaaba nazar aaya

do aalam mein kisi ka bhi ye rutba ho nahi sakta

w khatam ul murslaeen mahboob rab aur shaafae mahsher

phir aisa noor w rahmat ka saraapa ho nahi sakta

ghata rahmat ki hai aur barish anwaar hai sultan

nazara baagh jannat ka bhi aisa ho nahi sakta

نعت ِ ؐشریف

محمدؐ کی جب بھی نظر یاد آئی

شب غم میں مجھ کو سحر یاد آئی

جہاں نقش پا ہیں محمدؐ کے یا رب

اُجالوں کی وہ رہگذر یاد آئی

ہوا تذکرہ جب بھی خلد بریں کا

مدینہ کی مجھ کو مگر یاد آئی

خیال آیا ہجر محمدؐ کا جب بھی

مجھے اپنی ہی چشم تر یاد آئی

نبیؐ کا یہ فیضان ہے مجھ پہ سلطاںؔ

اُدھر دیکھتا ہوں جدھر یاد آئی

Naat-e-Shareef

muhammed ki jab bhi nazar yaad aai

shab gham mein mujh ko sahar yaad aai

jahan naqsh pa hain muhammed ke ya rab

ujaloon ki woh rahguzr yaad aai

huwa tazkira jab bhi khuld bareen ka

madina ki mujh ko magar yaad aai

khayaal aaya hijar muhammed ka jab bhi

mujhe apni hi chasham tar yaad aai

nabi ka ye faizan hai mujh pe sultan

udhar daikhta hun jidhar yaad aai

نعت ِ ؐشریف

آپؐ ہیں عنوان آقاؐ اور ہیں افسانہ ہم

لکھ رہے ہیں بس یہی رودادِ دل روزآنہ ہم

گنبد خضری کا منظر رشک جنت بن گیا

اپنی چشم شوق میں رکھتے ہیں وہ کاشانہ ہم

نامِ ساقی ہے لب میخوار پر صبح و شام

دیکھتے ہیں رقص میں پیمانہ پر پیمانہ ہم

دور رہ کر بھی پہنچ جاتے ہیں در پر یا نبیؐ

کرتے ہیں دیدار ہر دم صورتِ دیوانہ ہم

ہوش رخصت ہوگیا سلطانؔ اپنا عمر بھر

ساقیٔ کوثر سے پی کر ہوگئے مستانہ ہم

Naat-e-Shareef

aap hain unwan aaqa aur hain afsana hum

likh rahey hain bas yahi rudaad-e-dil rozaana hum

gunbad khizra ka manzar rashk jannat ban gaya

apni chasham shouq mein rakhtey hain wo kashaana hum

naam saqi hai lab maikhwaar par subah w shaam

dekhte hain raqs mein paimana par paimana hum

door rah kar bhi pahonch jatey hain dar par ya nabi

karte hain dedar har dam surat e deewana hum

hosh rukhsat hogaya sultan apna umar bhar

saqi-e-kausar se pi kar hogaye mastana hum

نعتیہ قطعات

جب تصور نبیؐ کا کرلوں گا

جلوئہ پاک دل میں بھر لوں گا

جس طرف ہو گذر مرا سلطاںؔ

میں محمدؐ کی رہگذر لوں گا

کیا محمدؐ نام کی تاثیر ہے

بن گئی بگڑی ہوئی تقدیر ہے

فیض یہ سلطاںؔ تصور سے ملا

جس طرف دیکھو اُدھر تنویر ہے

Natiah Qtaat

jab tasawwur nabi ka karlon ga

jalva -e- pak dil mein bhar lun ga

jis taraf ho guzar mera sultan

mein muhammad ki rahguzar lun ga

kiya muhammad naam ki taseer hai

ban gai bigdi huvi taqdeer hai

faiz ye sultan tassawur se mila

jis taraf dekho udhar tanveer hai

نعتیہ قطعات

ہم محمدؐ سے لو لگاتے ہیں

زندگی کے مزے اُٹھاتے ہیں

ساری دُنیا کو چھوڑ کر سلطاںؔ

ہم درِ مصطفیؐ پہ جاتے ہیں

عشق سرکارؐ کے جو مارے ہیں

اُن کو حاصل بڑے سہارے ہیں

حکم اُن کا حکم رب سلطاںؔ

اپنے سرکارؐ رب کے پیارے ہیں

Natiah-Qataat

hum muhammed se lu lagatey hain

zindagi ke mazay uthate hain

saari duniya ko chode kar sultan

hum dar-e-mustafa pay jatey hain

ishhq sarkar ke jo maaray hain

unn ko haasil bade saharay hain

hukum un ka hukum rab sultan

apne sarkar rab ke piyare hain

سلام حضور پرنور محمد ؐمصطفی