Khama e Firk – صوفی سلطان شطاری

انتساب
میں اپنے اس غزلیات کے مجموعے کومحترم المقام جناب نواب میرعابدعلی خاں صاحب مدیر روزنامہ ’’سیاست‘‘ کے نام نامی سے معنون کرتا ہوں۔ جوحیدرآبادی تہذیب کے علمبرداروں اوراردو کے خاص پرستاروں میں شمارکئے جاتے ہیں۔ جوآج ہندوستان کی مظلوم ترین زبان ہے۔
صوفی سلطانؔ شطاری
(عادل آبادی)

اردو دوست احباب کی خواہش اور ہندوستان کی تمام یونیورسٹیوں ودیگر لائبریریوں میں محفوظ کرنے کے ارادے سے دوسری بار اس کتاب کو نئے سرے سے کتابت وطباعت کرواکر والد بزرگوار کے شعری سفر کے (۶۲) سالہ جشن کے تحفہ کے طورپر انہی کی اِجازت سے روانہ کر رہا ہوں۔

پیرزادہ محمد عبدالمجیب قادری شطاری
خلف دوم
حضرت صوفی شاہ محمد سلطانؔ قادری شطاری

Intsaab
mein apne is ghazliyat ke majmoay ko mohtaram al muqam janab nawab meer abid ali Khan sahib mudeer roznama’ ‘ siyasat’ ‘ ke naam Nami se manon karta hon ju hyderabadi tahazeeb ke almbrdaron aur urdu ke khaas paristaron mein shumar kye jatay hain. joaaj hindostan ki mazloom tareen zabaan hai .
Sufi Sultan Shuttari
( adil abadi )

urdu dost ahbaab ki khwahish aur hindostan ki tamam universition vo digr laybriryon mein mehfooz karne ke iraday se doosri baar is kitaab ko naye siray se katabat w tabat krwakr waalid bzrgwar ke sheri safar ke (62) sala jashnn ke tohfa ke tour par unhi ki aِjazt se rawana kar raha hon.

Peer Zadah Mohammad Abdal Mujeeb Qadri Shuttari
Khalf dowwm
Hazrat Sufi Shah Mohammad Sultan Quadri Shuttari

پیش لفظ

حیدرآباد میں بیسویں صدی شاعروں کی صدی رہی ہے اس خاک سے وہ غواص معانی اٹھے ہیں کہ جن کے لئے ہربحر پرآشوب تھا۔مختلف اصناف ِسخن میں طبع آزمائی کرتے ہوئے جہاں روایات کی پاسداری کی گئی وہاں اس کا بھی لحاظ رکھا گیا کہ کلاسیکی رچاؤ اورشعری مزاج پر حرف نہ آنے پائے۔ اس سلسلہ کا ایک لطیف پہلو یہ بھی تھا کہ شعراء کی ایک اچھی خاصی تعداد ان بزرگوں پرمشتمل تھی جوروایتی طورپر’’موزوں طبع‘‘ نہ تھے بلکہ واقعی شاعر تھے اور گداز قلب کی دولت سے مالا مال تھے۔ ان شعراء کے پاس تصوف کی وہ متاع گراں بہا تھی جس کی وجہ سے مجاز میں حقیقت نظرآتی تھی ۔اورحقیقت مجازکا روپ اختیار کرلیتی تھی۔

ایسے ہی شعراء میں جناب صوفی سلطانؔ شطاری قادری صاحب بھی شمار ہوتا ہے۔ موصوف سلسلہ قادریہ شطاریہ چشتیہ کی ایک اہم اورجانی پہچانی شخصیت ہیں۔ اورشعری روایت فکر سے ہم آہنگ ہوکر انہیں اس طرح ملی ہے کہ اب وراثت وملکیت معلوم ہوتی ہے۔ یوں توہرصنف سخن ان کا میدان ہے لیکن غزل ان کی محبوبہ ہے اورغزل کا حال یہ ہے کہ وہ شاعر سے ہرلفظ اورہراستعارے کاحساب مانگتی ہے۔ اگرسلیقۂ سخن نہیں ہے تو پھر غزل کے استعارے پھیکے بے کیف اوربے رس معلوم ہوتے ہیں۔ لیکن اگر شاعر غزل کے مزاج سے آشنا ہے صاحب دل بھی توپھر ان اشعار کی معنویت بڑھ جاتی ہے محترم سلطانؔ صاحب کے ہاں غزل کی کلاسیکیت کا رچاؤ توہے ہی ساتھ ہی ساتھ ان کے ہاں وہ تازگی اورشگفتگی بھی ملتی ہے جس کا دورِحاضر مشتاق وطلبگار ہے ۔

جیسے ملاحظہ ہو یہ شعر:

جلتے ہوئے چراغوں میں شامل ہے اپنا خوں

پھر بھی شریکِ جشن چراغاں نہ ہوسکے

یہاں خیال اورجذبۂ عصری حسیت سے ہم آہنگ ہے۔ اور ذرا غور کیجئے تواس شعر کے پس منظرمیں ہندوستانی تاریخ اورجہد آزادی میں مسلمانوں کے خون جگر کی سرخی جھلکتی نظرآتی ہے اورآج جب ہم آزاد ہیں تومحرومی کا احساس شاعر کے الفاظ میں عصری کرب بن کرڈھل گیا ہے۔

یہاں میں اپنے محترم دوست سلطانؔ صاحب کے چند ایک اشعار ناظرین کی خدمت میں پیش کررہا ہوں جنہیں میں اکثر وبیشتر گنگنایا بھی کرتا ہوں اورامید کرتا ہوںکہ آپ بھی ان کی لطافت شگفتگی، پاکیزگی اوران کے آہنگ سے لطف اندوز ہوں گے اورخود ہی موصوف کے کلام سے اُن کے تخیل اورشعری معجزنمائی کا اندازہ فرمائیں گے۔

سجدے مرے زبان ومکاں سے ہیں بے نیاز

کعبہ سے بتکدے سے کوئی رابطہ نہیں

شام و سحر بہار و خزاں، رنج و انبساط

کوئی بھی انقلاب کی زد سے بچا نہیں

ہزار بار جلا ہے یہ آشیاں لیکن

وفا پرست گلستاں بدل نہیں سکتا

بہرحال میں عرض کروں گا کہ ان کے اشعار میں وہ سب کچھ ہے جس کی وجہ سے غزل گو اردو شاعری کی آبرو کا خطاب ملا ہے۔ میرے محترم دوست سلطانؔ صاحب معروف اساتذہ کی زمینوں میں بھی شعر کہتے ہیں ،مثلاًحضرت علامہ اقبالؔ نے تصویر درد کے ابتدائی بند

میں فرمایا:

اڑائے کچھ ورق لالے نے کچھ نرگس نے کچھ گل نے

چمن میں ہرطرف بکھری ہوئی ہے داستاں میری

اس ضمن میں محترم صوفی صاحب نے یوں لکھا ہے ۔ ملاحظہ ہو:

کسی کا ذکر کیا، میں خود نہیں ہوں ہم سفر اپنا

گئی ہے چھوڑ کر مجھ کو کہاں عمر رواں میری

موصوف کے پہلے مجموعۂ کلام ’’متاعِ نجات‘‘ میں حضرت خواجہ شوقؔ کا مقدمہ ہے۔ اس میں جناب صوفی صاحب نے حمد، نعت شریف، اورمنقبت میں غزل کا بانکپن برقراررکھا ہے۔ اور غزل کے زیر نظرمجموعے میں تصوف کا رنگ اسی انداز سے جھلکتا ہے۔ اورایسے شعراہل دل ہی کہہ سکتے ہیں۔ مثلاً

پردے میں رہ کے بھی وہ لبِ بام ہی تو ہے

میری نگاہِ شوق پہ الزام ہی توہے

حق ادا کربندگی کا زندگانی کے لئے

عمر تھوڑی کھونہ دے قصہ کہانی کے لئے

آج تک میں سمجھ نہیں پایا

زیست شعلہ ہے یا کہ شبنم ہے

جی یہ کہتا ہے کہ اٹھ کربزم سے ہوجاؤں دور

آپ کے بدلے ہوئے محفل میں تیور دیکھ کر

یہ میرے حسن تصور کا فیض ہے شاید
دل و نظر میں ہے تصویر ہو بہ ہو تیری
٭
کہیں کا بھی نہ رکھا آپ کی نامہربانی نے
نہ جانے کیا کریںگے آپ ہم پر مہرباں ہوکر
٭
زلفِ شبگوں کی قسم عارض روشن کی قسم
جلوۂ شام و سحر ہو تو غزل ہوتی
٭
سلطان حادثات کو شعروں میں ڈھال کر
ایسی غزل سناؤ کلیجہ نکل پڑے
٭
اے برق آج دعوت نظارہ کر قبول
گلشن میں آشیانہ نیا پھر بنا تو ہے
٭
ہر دل میں اضطراب ہے ہر آنکھ میں نمی
حاجت ہے دورِ آہ میں اک خیر خواہ کی
٭
تیرا خیال تیرا تصور ہے تیرا ذکر
اب اس سے ہٹ کے اورکریں ہم کہاں کی بات
٭
گرے نہ پھر نئے انداز سے کہیں بجلی
نیا چمن ہے نیا آشیاں بناتے ہیں

میرے ہی ٹوٹے ہوئے دل کا ہے اک عکس لطیف
دست ساقی میں جو اک ٹوٹا ہوا پیمانہ ہے
٭
ہر در پہ سر جھکانا بے روح سجدہ کرنا
یہ بندگی نہیں ہے توہین بندگی ہے
٭
نہ پوچھ ہم سے ترے غم کی عظمتیں کیا ہیں
تمام عمر ترے غم سے پیار ہم نے کیا
٭
جگہ مرقد پہ پائیں یا گلے کا ہار بن جائیں
بدل سکتی نہیں فطرت گلوں کے مسکرانے کی
٭
کہیں حرم میں کہیں دیر میں بھٹکتے ہیں
پھرا کرے گی کہاں لے کے جستجو تیری

مختصراً یہ کہا جاسکتا ہے کہ اس دور بلاخیز میں صوفی صاحب جیسے شعراء کی وجہ سے شعر وادب کا چراغ روشن ہے اوررہے گا۔
چلتے چلتے یہ گوش گذارکردوںکہ محترم صوفی صاحب میرے بھائی اوج یعقوبی مرحوم ملک الشعراء کے ملنے والوں میں ہیں۔ اگر وہ آج بقید حیات ہوتے تویہ پیش لفظ ملک الشعراء ہی تحریر فرماتے اوربطریق احسن اوربہ ہزارحسن وخوبی تحریر فرمایاجاتا۔آخر میں اس تمنائے دلی اورکوتاہیوں کے لئے معذرت خواہی کے ساتھ ختم کرتا ہوں کہ اللہ کرے زورِ سخن اور زیادہ۔
فقط المرقوم ۱۷؍۴؍۱۹۸۷؁ء
احقر سید عبدالحکیم یعقوبی

Paesh Lafz

Hyderabad mein beeswin sadi shayron ki sadi rahi hai is khaak se woh ghawas ma’ani utthay hain ke jin ke liye her baher pur ashob tha. mukhtalif asnaf sukhan mein taba aazmai karte hue jahan riwayaat ki pasdari ki gayi wahan is ka bhi lehaaz rakha gaya ke klasiki rachao aur sheri mizaaj par harf na anay paye. is silsila ka aik lateef pehlu yeh bhi tha ke shoura ki aik achi khasi tadaad un buzurgon prmshtml thi jo riwayati tour par ‘mozoon taba’ nah thay balkay waqai shayar thay aur gudaaz qalb ki doulat se maala maal thay. un shouraa ke paas tasawuf ki woh mataa-e-giran baha thi jis ki wajah se majaz mein haqeeqat nzra ati thi. aur haqeeqat majaz ka roop ikhtiyar krliti thi.
aisay hi shouraa mein Janab Sufi Sultan Shuttari Quadri sahib bhi shumaar hota hai. Mosoof silsila qadrih shuttariya chishtia ki aik ahem aur jaani pehchani shakhsiyat hain. aur sheri riwayat fikar se hum aahang hokar inhen is terhan mili hai ke ab waarsat w milkiyat maloom hoti hai. yun tu her sinfe sukhan un ka maidan hai lekin ghazal un ki mehbooba hai aur ghzal ka haal yeh hai ke woh shayar se her lafz aur her iateary ka hisaab maangti hai. agar saleeqa-e-sukhan nahi hai to phir ghazal ke istaaray pheekay be kaif aur be ras maloom hotay hain. lekin agar shayar ghazal ke mizaaj se aashna hai sahib dil bhi tu pihr un ashaar ki manaviyt badh jati hai mohtaram sultan sahib ke haan ghazal ki klasikiyat ka rachaou hai sath hi sath un ke haan woh taazgee aur shugaftagi bhi millti hai jis ka daur-e-haazir mushtaq wo talabgar hai.

jaisay mulahiza ho yeh shair :
jaltay huwe charaghiuon mein shaamil hai apna khoon
phir bhi shrik-e-jashnn cheraghan nah hosakay
yahan khayaal jazba asri hassiyat se hum aahang hai. aur zara ghour kijye tu is sher ke pas mnzr min hindustani tareekh aur jidojahad azadi mein musalmanoon ke khoon-e-jigar ki surkhi jhalakti nzraati hai aur aaj jab hum azaad hain tu mahroomi ka ehsas shayar ke alfaaz mein asri karb ban kar dhal gaya hai.
yahan mein –apne mohtaram dost sultan saheb ke chand aik ashaar nazreen ki khidmat mein paish kar raha hon jinhein mein aksar wa beshtar gungunaya bhi karta hon aur umeed karta hon keh aap bhi un ki latafat shaguftagi, pakizge aur in ke aahang se lutaf andoz hon ge aur khod hi mousoof ke kalaam se unn ke takhayyul aur sheri mojiz numai ka andaza farmaen ge.

sjday marey zabaan w makan se hain be niyaz
kaaba se butkade se koi rabita nahi
٭
shaam o sehar bahar o khizaan, ranj o inbisaat
koi bhi inqilab ki zad se bacha nahi
٭
hazaar baar jala hai yeh aashiyaan lekin
wafa parast gulisitan badal nahi sakta

behar haal mein arz karoon ga ke un ke ashaar mein woh sab kuch hai jis ki wajah se ghazal go urdu shairi ki aabaro ka khitaab mila hai. mere mohtaram dost sultan ؔ sahib maroof asaatzaa ki zaminun mein bhi shair kehte hain, masalan allama Iqbal ne tasweer dard ke ibtidayi band mein farmaya

udaaye kuch waraq lale ne kuch nargis ne kuch gul ne
chaman mein har tarf bhikri hui hai dastan meri
is ziman mein mohtaram sufi sahib ne yun likha hai. mulahiza ho :
kisi ka zikar kya, mein khud nahi hon hum safar apna
gayi hai chore kar mujh ko kahan umar rawan meri
Mosoof ke pehlay majmoua-e-kalaam’ ‘Mata-e-Najaat’ mein hazrat khwaja shaouq ؔ ka muqadma hai. is mein janab sufi sahib ne hamd, naat shareef, aur manqabat mein ghazal ka bankpan barqarar rakkha hai. aur ghazal ke zair nazar majmoe mein tasawuf ka rang isi andaaz se jhalakta hai. aur aisay sher ahl-e-dil hi kah satke hain. maslan:
parday mein reh ke bhi woh lb-e-baam hi to hai
meri ngah-e-shoq pay ilzaam hi tu hai
٭
haq ada kar bandagi ka zindagani ke liye
umar thodi khoo na day qissa kahani ke liye
٭
aaj tak mein samajh nahi paaya
zeist shola hai ya ke shabnam hai
٭
jee yeh kehta hai ke uth kar bazm se hojaun door
aap ke badlay hue mehfil mein tevare dekh kar
٭

yeh mere husn tasawwur ka faiz hai shayad
dil o nazar mein hai tasweer ho bah ho teri
٭
kahin ka bhi nah rakha aap ki na meharbani ne
nah jane kya kringe aap hum par mehrbaan hokar
٭
zulff shabgoun ki qasam aariz roshan ki qasam
jalwah shaam o sehar ho to ghazal hoti
٭
sultan hadesaat ko shairoon mein dhaal kar
aisi ghazal sunao kaleja nikal pade
٭
ay barq aaj dawat nzarah kar qubool
gulshan mein aashiyina naya phir bana to hai
٭
har dil mein izteraab hai har aankh mein nami
haajat hai dour-e-aah mein ek khair khuwa ki
٭
tera khayaal tera tasawwur hai tera zikar
ab is se hatt ke aur karen hum kahan ki baat
٭
giray nah phir naye andaaz se kahin bijli
naya chaman hai naya aashiyaan banatay hain

mere hi tootay hue dil ka hai ek aks lateef
dast saqi mein jo ik toota huwa paimana hai
٭
har dar pay sir jhukana be rooh sajda karna
yeh bandagi nahi hai tauheen bandagi hai
٭
nah pooch hum se tre gham ki azmatein kya hain
tamam umar tre gham se pyar hum ne kiya
٭
jagah marqad pay payen ya galay ka haar ban jayen
badal sakti nahi fitrat gulon ke muskurany ki
٭
kahin haram mein kahin der mein bhataktay hain
phira kere gi kahan le ke justojoo teri

mukhtsaran yeh kaha ja sakta hai ke is daur bala khaiz mein sufi sahib jaisay shouraa ki wajah se shair w adab ka chairag roshan hai aur rahega.

chaltay chaltay yeh gosh guzar kardun ke mohtaram sufi sahib mere bhai Auj Yaqoobi marhoom malik us shura ke milnay walon mein hain. agar woh aaj baqayed hayaat hotay tu paish lafz malik us shura hi tehreer farmatay aur batreeq ahsen aur ba hazar husn w khobi tahreer farmaya jata. aakhir mein is tamnnaye dili aur kotahiyon ke liye moazrat khawhi ke sath khatam karta hon ke Allah kere zor-e-sukhan aur ziyada.
Ahqar Syed Abdul Hakeem Yakubi

تعارف

کاظم علی خاں حزیں عنبر خوانی

اسسٹنٹ انجینئر پی۔ ڈبلیو۔ پی۔ ڈی (موظف)ملک پیٹ قدیم۔ حیدرآباد

صوفی بھی ہے سلطانؔ بھی روحِ رواں بھی ہے

شاعر بھی ہے شکاری بھی ہے سخت جاں بھی ہے

خوگر ہے غم کا، حامل ضبط فغاں بھی ہے

کردار کا نمونہ بھی عالی نشاں بھی ہے

جو اپنے دوستوں کے لئے مہرباں بھی ہے

اور دشمنوں کے واسطے شیر زباں بھی ہے

حق گو بھی ہے جواں بھی ہے شیریں زباں بھی ہے

ہے شرک سے پاک صاحب امن واماں بھی ہے

یہ سارے وصف خالق عالم نے ہیں دئے

میں تو یہ جانتا ہوں مرا جسم وجاں بھی ہے

تسکین قلب ہے یہ کہیں صبر کا عنواں

گل کی طرح سے خنداں بھی عنبر فشاں بھی ہے

مصنف ہے خامۂ فکر ومتاعِ نجات کا

اس پر ہی منحصر نہیں جادو بیاں بھی ہے

جس کی زباں پہ ہر گھڑی ہے تیرا تذکرہ

نعت رسولؐ بھی تیری حمد وثنا بھی ہے

مردِ سخی جفا کش و دانائے روزگار

سلطاںؔ حزیں کا دوست بھی ہے قدرداں بھی ہے

Taaruf

Kazim Ali Khan Hazin Anber Khawani

assistant engineer P.W.P.D (Muazzif) Maaikpet qadeem. Hyderabad

sufi bhi hai sulta bhi roh-e-rawan bhi hai

shayar bhi hai shikari bhi hai sakht jaan bhi hai

khogar hai gham ka haamil zabt fughan bhi hai

kirdaar ka namona bhi aali nishaa bhi hai

jo apne doston ke liye mehrbaan bhi hai

aur dushmanon ke wastay sher zuba bhi hai

haq go bhi hai jawaa bhi hai sheree zuba bhi hai

hai shirk se pak sahib aman w aman bhi hai

yeh saaray wasf khaaliq aalam ne hain diye

mein to yeh jaanta hon mra jism w jaan bhi hai

taskeen qalb hai yeh kahin sabr ka unwan

gul ki tarh se khandan bhi anber fishan bhi hai

musannif hai Khama-e-Fikarw Mata-e-Najaat ka

is par hi munhasir nahi jadu bayan bhi hai

jis ki zuban pay har ghari hai tera tazkira

naat rasool bhi teri hamd w sana bhi hai

mrd-e-sakhi jafaa kash o danaye rozgaar

sultan hizeen ka dost bhi hai qadardaz bhi hai

کیا کہیں کیا نہ کہیں

’’خامۂ فکر‘‘ سے موسوم میرا یہ دوسرا مجموعۂ کلام ہے جواردو شعروادب کے قدرشناسوں کی خدمت میں پیش کررہا ہوں۔ نعتیہ کلام پرمشتمل شدہ میرے پہلے شعری مجموعے’’ متاعِ نجات‘‘ کی اشاعت سپٹمبر ۱۹۸۵؁ء میں ہوئی تھی جسے غیرمعمولی مقبولیت اورشہرت حاصل ہوئی ’’متاع نجات‘‘ کے حصول کے لئے نہ صرف ہندوستان پاکستان بلکہ امریکہ اورکئی شہروں نیویارک، ٹورینٹو، مانٹریال، کنیڈا، شکاگو، برمنگم اورسعودی عرب کے کئی شہروں جدہ ریاض، دمام،القطیف،عرعر،تبوک اورمدینہ منورہ سے اردو کے پرستارں نے خطوط لکھے اورڈرافٹ بھجوائے ’’متاع نجات‘‘ کا یہ پہلا ایڈیشن صرف ایک ہزار کی تعداد میں شائع کیا گیا تھا لیکن اس کی مسلسل طلب کا لحاظ کرتے ہوئے اس کا دوسرا ایڈیشن دوہزار کی تعداد میں شائع کرانے کا منصوبہ تیار ہے۔ انعامی مقابلہ ۱۹۸۶؁ء میں ’’ متاعِ نجات‘‘ کوآندھرا پردیش اردو اکیڈیمی نے بھی ایوارڈ سے نوازا ہے جومیرے لئے مزید ہمت افزائی کا باعث بنا۔

میرا شعری سفر ۱۹۵۹؁ء سے شروع ہوا۔ ابتداء میں چھوٹی چھوٹی ادبی محفلوں میں والد مرحوم کی چوری سے جایا کرتا تھا۔ اورجب بزرگ محترم کومیرے اس شوق کے بارے میں پتہ چلا توبہت ناراض رہے۔ اورپابند فرمایا کرتے تھے کہ ’’شاعری کھیل نہیں‘‘ اگر شاعر بننا اتنا ہی پسند ہو تو پہلے تنگ دستی اورفاقہ کشی کے لئے تیار ہوجاؤ‘‘کیونکہ والد بزرگ خود ایک بہترین شاعر تھے اردو اورفارسی پریکساں عبور تھا۔ نعت،منقبت اورغزل کہتے تھے۔ ان کا رنگ بالکل منفرد تھا۔ تصوف کلام میں ہرحال میں چھایا ہوا رہتا۔ پولیس ایکشن میں گھر بار زمین جائیداد سب کچھ کھوچکے تھے۔ باقی تھی جان، جس کو جلا کر شعر روشن کیا کرتے تھے۔ پتہ نہیں بزرگ پرکیا کیا دورگذرے ہوں تب ہی تواس راستہ پرچلنے سے منع فرمایا کرتے تھے مگر یہ کس کے بس کا روگ ہے ۔کیا کوئی جان بوجھ کربھی شاعر بننا چاہتا ہے۔ یہ توعین غیبی تائید ہوتی ہے۔

سلطانؔ جس کو تائید غیبی نہ ہو عطا
میری نظر میں شاعر الہام نہیں ہے

جیسے جیسے وقت گذرا حالات بدلے ہماری شاعری گاؤں (عادل آباد) سے شہرپہنچی۔ والد بزرگ سے ہی کلام کی اصلاح لیا کرتا تھا۔ ان کے گذرجانے کے بعدپھر کوئی دوسرا میری نظر میں جچا ہی نہیں جسے اپنا استاد بنالیتا۔ دورانِ تعلیم ویویک وردھنی کالج میں اردو کے لکچرر جناب ناصرؔ کرنولی صاحب کی نگرانی میں اچھی خاصی سخن سے دلچسپی پیدا کردی گئی اس طرح یہ شوق اورابھرا۔ پھر اپنی عملی زندگی شروع ہوئی۔ تعلیم ختم کرکے ملازمت اختیار کیا۔ چند سال تک گورنمنٹ میڈل اسکول گاوی گوڑہ اٹنور ضلع عادل آباد پرصدرمدرس کی حیثیت سے گذارے۔ گھنے جنگلات میں خوب گھومنے اورسیر کرنے کے لئے مواقع ملے اورشاعری بھی خوب چلتی رہی۔ اسی طرح پنچایت راج ڈپارٹمنٹ میں بھی اپنے خدمات چھ سال تک رہے ایک وقت ایسا بھی آیا کہ ایک بدذوق آفیسر سے سخن پرنوک جھونک ہوگئی موصوف اب ایک بہت بڑے عہدے پر فائزہیں نام لینا مناسب نہیں ہے۔

تنقید کررہے ہیں وہ سلطان دیکھئے
شعر وسخن سے جن کو کوئی واسطہ نہیں

وہ وقت واقعی قسمت کی تبدیلی کا تھا ملازمت چھوڑنے کی دھن دماغ پرچھاگئی ۱۹۶۸؁ء میں پیشہ تجارت اورگتہ داری میں داخل ہوگیا۔ اللہ کا احسان ہے کہ ہزاروں سے بہتر ہوں۔
غزلیات مجھے بہت پسند ہیں خواہ کسی کی ہوں۔
میں اپنے مطالعہ میں ڈیڑھ صدی کے تقریباً سبھی شعراء کوپڑھتا رہا ہوں اورآج بھی میرا یہی مشغلہ ہے۔ فی زمانہ کئی شعراء کرام کا کلام مجھے عزیز ہے۔ کاملؔ شطاری ،اوجؔ یعقوبی کاملؔ شطاری ،اوجؔ یعقوبی والد مرحوم صوفی عبدالمنان صاحب کشورؔ، قدر عریضی، معز الدین ملتانی، خواجہ شوقؔ،سعید شہیدی، کاظم علی خاں حزینؔ، خواجہ ذاکرؔ، خیرات ندیمؔ، علیؔ احمد جلیلی، صلاح الدین نیر،ؔ شاذ تمکنت، ناصرؔ کرنولی، داؤدنصیبؔ، صادقؔ نقوی، خواجہ ضمیرؔ۔
آپ کواس مجموعۂ کلام میں زیادہ ترغزلیات ہی ملیں گے۔ ایسا نہیں کہ میں غزل سے ہٹ کر نظمیں نہیں کہتا۔ میں نے کئی نظمیں رباعیات اورمثنوی بھی کہی ہیں۔ موقع ملنے پراس کا ایک الگ مجموعہ ہی شائع کروں گا۔ فی الوقت چار نظمیں اس کتاب میں شامل کررہا ہوں۔ اللہ کا بہت بڑا احسان ہے کہ زندگی میں ہی اپنے دوسرے مجموعہ کلام کی بھی خود اشاعت بلا کسی غیر کی مدد کے کررہا ہوں۔

اس ۲۷ ؍سالہ شعری سفر میں ہندوستان کے بڑے چھوٹے کئی شہروں کے علاوہ پاکستان، سیالکوٹ، کراچی اورسعودی عرب میں جدہ، ریاض، دمام، الخبر، القطیف، عر عر اور مدینہ منورہ میں منعقدہ کئی مشاعروں میں قدر افزائی ہوئی اورسخنوروں اورسخن شناسوں نے نہ صرف داد دی بلکہ رہنمائی اورہمت افزائی بھی کی۔ دوستوں اورہمدردوں کے اصرار پرشعری اورادبی سرگرمیوں کے سلسلے میں دوبار سعودی عربیہ کا دورہ کرچکا ہوں۔ آل انڈیا ریڈیو سے کئی بار اپنا کلام سنانے کا موقع ملا۔ اس مجموعہ کلام ’’خامۂ فکر‘‘ سے کئی غزلیں کئی نامور گلوکار بشمول جناب امیر محمد خاں صاحب، جناب رکن الدین صاحب اورجناب قادرعلی صاحب موسیقی کی دلنواز دھنوں کے ساتھ پیش کرتے رہے ہیں۔ اس مجموعہ کی بیشتر غزلیات حیدرآباد کے شائع ہونے والے ممتاز ارد روزناموں’’ رہنمائے دکن‘‘ اور’’منصف‘‘ کے علاوہ دہلی کے ماہنامہ ’’بیسوی صدی‘‘ اورہندوستان کے دیگر ادبی رسالوں میں طبع ہوچکی ہیں۔

اس شعری مجموعہ کا نام ’’خامۂ دل‘‘ رکھنے کا ارادہ تھا جس کے تعلق سے ’’متاعِ نجات‘‘ میں تذکرہ کیا گیا تھا۔ لیکن ’’متاعِ نجات‘‘ کی رسم اجراء میں مہمان خصوصی کی حیثیت سے شریک جناب محبوب حسین جگر صاحب جائنٹ ایڈیٹر روزنامہ سیاست حیدرآباد نے اس بات کی نشاندہی کی کہ ’’خامۂ دل‘‘ سے موسوم ایک شعری مجموعہ طبع ہوچکا ہے۔ اس لئے بہتر ہوگا کہ کوئی اورنام رکھا جائے۔ جناب محبوب حسین جگر صاحب کا یہ مشورہ نہایت بروقت اور اہم تھا اس لئے میرے ایک بزرگ اورمخلص دوست جناب خیرات ندیم صاحب کی تجوید پراس مجموعہ کلام کو’’خامۂ فکر‘‘ سے موسوم کیا گیا ہے۔

میرے پہلے مجموعہ کلام ’’متاعِ نجات‘‘ کی طرح اس مجموعہ کلام کو بہترطورپرپیش کرنے میں میرے مخلص احباب اورکرم فرماؤں کی ہمت افزائیوں اوربروقت قیمتی مشوروں کا بہت عمل دخل رہا ہے ان سب کے لئے میرا قلب تشکر وامتنان کے جذبات سے معمور ہے کہ اس کا اظہار الفاظ میں کرنامشکل ہے۔

اس مجموعہ کلام کا پیش لفظ لکھنے میں نے اپنے ایک بزرگ دوست حضرت سید عبدالحکیم یعقوبی صاحب کوزحمت دی۔ جوکہ عروس البلاد حیدرآباد کے ایک ممتاز مشہور اورمنفرد شاعر ملک الشعراء حضرت اوجؔ یعقوبی مرحوم کے برادرکلاں ہیں’’خامۂ فکر‘‘ آپ کی خدمت میں پیش کرتے ہوئے آپ کی رائے کا منتظر ہوں۔

صوفی سلطانؔ شطاری

16-7-423 ’’اقبال کاٹیج‘‘
قادری گلی۔ اعظم پورہ حیدرآباد ۲۴(اے۔ پی)

kya kahin kya na kahin

“Kham-e-Fikar”‘ se musoom mera yeh dosra majmooa kalaam hai ju urdu shar w adab ke qadar shinasun ki khidmat mein paish kar raha hon. naatiyah kalaam par mushtamil shuda mere pehlay sheri majmoay “Mata-e-Najaat” ki isahat september 1985 mein hui thi jisay ghayr maa’mooli maqboliyat aur sohrat haasil hui ‘ Mataa-e-Najaat’ ke husool ke liye nah sirf Hindostan, Pakistan, balkay America aur kai shehron New York, Torento, Mantriyal, Caneda, Chicago, Brmingham aur Saudi Arab ke kayi shahron Jaddah, Riaz, Dammam, Alqateef, Ur Ur, Tabook aur Madinah Munawwara se urdu ke paristarun ne khutoot likhay aur draft bhijwaye “Mata-e-Nijaat” ka yeh pehla addition sirf aik hazaar ki tedaad mein shaya kya gaya tha lekin is ki musalsal talabb ka lehaaz karte hue is ka dosra addition do hazaar ki tadaad mein shaya karanay ka mansoobah tayyar hai. inaami muqaabla 1986 mein”Mata-e Najaat” ko Andhra Pradesh Urdu acdemi ne bhi award se nawaza hai jo mire liye mazeed himmat afzai ka baais bana.
mera sheri safar 1959 se shuro huwa. ibtida mein choti choti adbi mahfilon mein waalid marhoom ki chori se jaya karta tha. aur jab buzurag mohtaram ko mery is shouq ke baray mein pata chala tu bohut naraaz rahay. aur paband farmaya karte thay ke “shairi khail nahi” agar shayar banna itna hi pasand ho to pehlay tang dasti aur faaqa kashi ke liye tayyar hojao” kyunkay waalid buzurag khud aik behtareen shayar thay urdu aur farsi par yaksan uboor tha. Naat, Manqabat aur Ghazal kehte thay. un ka rang bilkul munfarid tha. tasawuf kalaam mein har hal mein chaaya hwa rahta. police action mein ghar baar zameen jaydaad sab kuch khochke thay. baqi thi jaan, jis ko jala kar shair roshan kya karte thay. pata nahi buzurag par kia kya dur guzre hon tab hi to is raste par chalne se mana farmaya karte thay magar yeh kis ke bas ka rog hai. kya koi jaan boojh kar bhi shayar banna chahta hai. yeh tu aain ghaibi taied hoti hai .

sultan jis ko taied ghaibi nah ho ataa
meri nazar mein shayar ilham nahi hai

jaisay jaisay waqt guzra halaat badlay hamari shairi gaun (adilabad( se shaher pohnci. waalid buzurag se hi kalaam ki islaah liya karta tha. un ke guzarjane kebaad phir koi dosra meri nazar mein jacha hi nahi jisay apna ustaad bnalita. dorane taleem vivek vardhani college mein urdu ke lecturer janab nasir karnooli sahib ki nigrani mein achi khasi sukhan se dilchaspi paida kar di gayi is terhan yeh shouq aur ubhra. phir apni amali zindagi shuru hui. taleem khatam karkay mulazimat ikhtiyar kya. chand saal tak government medal school gaviguda otnoor zila adil abad par sadar mudarris ki haisiyat se gzare. ghany janglaat mein khoob ghoomnay aur sair karne ke liye mawaqay miley aur shairi bhi khoob chalti rahi. isi tarah panchayat raaj department mein bhi apne khidmaat 6 saal tak rahay aik waqt aisa bhi aaya ke aik bad zaouq officer se sukhan par nook jhonk hogayi mousoof ab aik bohat bady ohdey par fayz hin naam lena munasib nahi hai .

tanqeed kar rahay hain woh sultan dekheye
shair w skhukn se jin ko koi vaastaa nahi

woh waqt waqai qismat ki tabdeeli ka tha mulazimat chodney ki dhun dimagh par chagai 1968 mein pesha tejarat aur gutta daari mein daakhil hogaya. Allah ka ehsaan hai ke hazaron se behtar hon.
ghazliyat mujhe bohat pasand hain khuwa kisi ki hon.
mein apne mutalea mein daidh sadi ke taqreeban sabhi shouraa ko padhta raha hon aur aaj bhi mera yahi mashgala mein apne mutalea mein daidh sadi ke taqreeban sabhi shouraa ko padhta raha hon aur aaj bhi mera yahi mashgala hai. fi zamana kayi shoura ekraam ka kalaam mujhe aziz hai. Aurj Yaqobi waalid marhoom Sufi Abdulmnnan Sahib Kishwar, Aaderoraizi, Moiz Uddin Multani, Khwaja Shouq, Sayeed Saheedi, Kazm Ali Khan Hezeen, Khwaja Zakir, khairaat Nadeem, Ali Ahmed ـ Jaleeli, Salahuddin Nayyar, Shaz Tamkana, Dawood Naseeb, Sadiq Naqwi, Khwaja Zameer.
aap ko is majmoa kalaam mein ziyadatar ghazliyat hi milein ge. aisa nahi ke mein ghazal se hatt kar nazmein nahi kehta. mein ne kai nazmein, rubaiyat aur masnavi bhi kahi hain. mauqa milnay par is ka aik allag majmoa hi shaya karoon ga. fi al-waqt chaar nazmein is kitaab mein shaamil kar raha hon. Allah ka bohat bada ehsaan hai ke zindagi mein hi apne dosrey majmoa kalaam ki bhi khud ishaat bilaa kisi ghair ki madad ke kar raha hon.
is 27 salaa sheri safar mein hindustan ke baday chotey kai shehron ke alawa Pakistan , Sialkot , Karachi aur Saudi Arab mein Jaddah, Riaz , Dammam, Alkhbr, Alqateef, Ur Ur aur Madinah Munawwara mein munaqidah kai mshaeron mein qader afzai hui aur sukhanwarun aur shukhan shnason ne nah sirf daad di balkay rahnumai aur himmt afzai bhi ki. doston aur hamdardun ke israar par sheri aur adabi sargarmion ke silsilay mein dobaar Saudi Arbia ka dura kar chuka hon. all India Radio se kai baar apna kalaam sunanay ka mauqa mila. is majmoa kalaam “Khama-e-Fikar”‘ ‘ se kai ghazleen kai naamwar gulukar aashmol Janab Ameer Mohammad Khan Sahab, Janab Rukanuddin Sahab aur Jnab Qader Ali Sahib moseeqi ki dilnawaz dhnon ke sath paish karte rahay hain. is majmoa ki beshtar ghazliyat hyderabad ke shaya honay walay mumtaz urdu roznamon Rahnuma-e-Dakan ‘ ‘ aur ‘ ‘ Munsif ‘ ‘ ke alawa Dehli ke mahnamh’ ‘ Beeswi Sadi ‘ ‘ aur hindostan ke deegar adbi risalon mein taba hochuki hain.
is sheri majmoa ka naam “Khama-e-Dill” ‘ ‘ rakhnay ka irada tha jis ke talluq se ‘ ‘ Mata-e-Najaat ‘ ‘ mein tazkara kya gaya tha. lekin’ ‘ Mata-e-Najaat ‘ ‘ ki rasam ijra mein maheman khusoosi ki hesiyat se shareek Janab Mahboob Hussain Jigar Sahib joint editor roznama Siyasat hyderabad ne is baat ki nishandahi ki ke Khama-e-Dil ‘ ‘ se musoom aik sheri majmoa taba hochuka hai. is liye behtar hoga ke koi aur naam rakha jaye. janab Mahboob Hussain Jigar Sahib ka yeh mahswara nihayat bar waqat aur ahem tha is liye mere aik buzurag aur mokhlis dost Janab Khairaat Nadim Sahib ki tajveez pras majmoa kalaam ko’ ‘Khama-e-Fikar ‘ ‘ se mosoom kya gaya hai.

mere pehlay majmoa kalaam’ ‘ Mata-e-Najaat’ ‘ ki terh is majmoa kalaam ko behtar tur par pais karne mein mere mukhlis ahbaab aur karam farmaoun ki himmat afzaiun aur barwaqt qeemti mashwaron ka bohat amal dakhal raha hai un sab ke liye mera qalb tashkkur w imtenan ke jazbaat se maamoor hai ke is ka izhaar alfaaz mein krna mushkl hai.
is majmoa kalaam ka paish lafz likhnay mein ne apne aik buzurag dost hazrat Syed Abdul Hakeem Yaqobi Sahib ko zahmat di. jo kay arzul blad hyderabad ke aik mumtaz mashoor aur munfirad shayar malik al shura hazrat Auj Yaqobi Marhoom ke biradar-e-kalan hain Khama-e-Fikar ‘ ‘ aap ki khidmat mein paish karte hue aap ki raye ka muntazir hon.

Sufi Sultan Shuttari

16-7-423′
‘ Iqbal katij’ ‘
Qadri Gali Azam Poora Hyderabad 24- (A.P.)

پیش نگاہ خدمت اردو زباں رہی
میرا کلام باعث انعام نہیں ہے

صوفی سلطانؔ شطاری

paish-e-nigah khidmat urdu zuban rahi
mera kalaam baais inaam nahi hai

Sufi Sultan Shuttari

غزل

جلوہ تمہارا کب سے لبِ بام نہیں ہے
مدت گذر گئی کوئی پیغام نہیں ہے

ساقی کی مست آنکھوں سے پیتا ہوں روزوشب
شغل شراب منت کش جام نہیں ہے

دیکھا ہے میں نے چشمِ بصیرت کے فیض سے
میں جانتا ہوں جلوہ ترا عام نہیں ہے

جب سے چلے گئے ہیں وہ یہ حال ہوگیا
راحت نہیں سکوں نہیں آرام نہیں ہے

کوچہ میں تیرے سر پہ کفن آگیا مگر
دیوانہ تیرا واقف انجام نہیں ہے

پیشِ نگاہ خدمت اردو زباں رہی
میرا کلام باعثِ انعام نہیں ہے

سلطانؔ جس کو تائید غیبی نہ ہو عطا
میری نظر میں شاعرِ الہام نہیں ہے

Ghazal

jalva tumhara kab se lab baam nahi hai
muddat guzar gayi koi pegham nahi hai

saqi ki mast aankhon se peeta hon rozoshb
shugal sharaab minnat kash jaam nahi hai

dekha hai mein ne chashm-e baseerat ke Faiz se
mein jaanta hon jalva tra aam nahi hai

jab se chale gaye hain woh yeh haal hogaya
raahat nahi sakoo nahi aaraam nahi hai

koocha mein tairay sir pay kafan agaya magar
deewana tera waaqif injaam nahi hai

pishe nigah khidmat urdu zuba rahi
mera kalaam baas inaam nahi hai

sultan jis ko taied ghaibi nah ho ataa
meri nazar mein sheer ilham nahi hai

غزل

ان کی نظروں کے یہ اشارے ہیں

ہم تمہارے ہیں تم ہمارے ہیں

ناؤ الفت کی کیسے پار لگے

بحیر غم کے تو تیز دھارے ہیں

جتنا چاہے ستم کو کرلیجئے

یہ جگر اور دل تمہارے ہیں

مشکلیں دم میں ہوگئیں آساں

اس کو مشکل میں جب پکارے ہیں

جان دیتے ہیں دیکھنے والے

آپ کے ناز کتنے پیارے ہیں

حسرتیں ہوں کہ آرزو سلطاںؔ

زندگی کے یہی سہارے ہیں

Ghazal

un ki nazron ke yeh isharay hain
hum tumahray hain tum hamaray hain

naoo ulfat ki kaisay paar lagey
baheer gham ke to taiz dharay hain

jitna chahay sitam ko krlijye
yeh jigar aur dil tumahray hain

mushkilain dam mein hogai aasan
is ko mushkil mein jab pukare hain

jaan dete hain dekhnay walay
aap ke naz kitney pyare hain

hasaratein hon ke arzoo sultan
zindagi ke yahi saharay hain

غزل

کرتے ہیں اہل وفا شکوۂ آلام کہیں
ٹوٹ جائے نہ دلِ گردشِ ایام کہیں

اُن کے ہونٹوں پہ نہ آجائے میرا نام کہیں
جذبۂ عشق نہ کردے مجھے بدنام کہیں

نظریں اٹھتی ہیں مری سمت خدا خیر کرے
رقص میں آئے نہ جامِ مئے گلفام کہیں

نظمِ میخانہ ہے محتاج توجہ ساقی
آج مینا ہے کہیں مئے ہے کہیں جام کہیں

سربکف آئے ہیں اے دوست گلی میں تیری
اہل دل سونچتے ہیں عشق کا انجام کہیں

مٹ نہ جائے یہ مرا زخم جگر ائے سلطاںؔ
کھو نہ جائے محبت کا پھر انعام کہیں

Ghazal

karte hain ahale wafa shikwa-e-aalaam kahin
toot jaye nah dil-e-gardish -e- ayyaam kahin

un ke honton pay nah aajay mera naam kahin
jazba-e-ishhq nah kardey mujhe badnaam kahin

nazrain uthti hain meri simt khuda khair kare
raqs mein aaye nah jaam mai gulfaam kahin

nazam maikhana hai mohtaaj tawajah saqi
aaj meena hai kahin mai hai kahin jaam kahin

sarbakf aaye hain aye dost gali mein teri
ahle dil sonchte hain ishq ka anjaam kahin

mit nah jaye yeh mera zakham jigar aye sultan
kho nah jaye mohabbat ka phir inaam kahin

غزل

میری آنکھوں میں ہی رہتی ہے صورت تیری
مجھ کو بدنام نہ کردے کہیں الفت تیری

روٹھ جانے کی منانے کی ہے عادت تیری
دل کو تڑپاتی ہے ہر وقت شرارت تیری

بے وفا تیری محبت نے مجھے لوٹا ہے
تو ہی بتلا کہ کروں کس سے شکایت تیری

کرکے وعدے کو توفوراً جو مکھر جاتا ہے
ہم سے اب چھپ نہ سکے گی یہ حقیقت تیری

رنگ لائے گی کسی روز یقین ہے مجھ کو
وہ محبت ہے مری اور یہ نفرت تیری

ایک مدت سے ہنسی لب پہ نہ آئی سلطاںؔ
جانے کیوں بدلی ہوئی ہے طبیعت تیری

Ghazal

meri aankhon mein hi rehti hai surat teri
mujh ko badnaam nah kardey kahin ulfat teri

roth jane ki mananay ki hai aadat teri
dil ko tarpati hai har waqt shararat teri

be wafa teri mohabbat ne mujhe lota hai
to hi batla ke karoon kis se shikayat teri

karkay waday ko tu fouran jo mkhr jata hai
hum se ab choup nah sakay gi yeh haqeeqat teri

rang laaye gi kisi roz yaqeen hai mujh ko
woh mohabbat hai meri aur yeh nafrat teri

aik muddat se hansi lab pay nah aayi sultan
jane kyun badli hui hai tabiyat teri

غزل

رفتہ رفتہ عشق کا اُن پہ اثر ہونے لگا
داغِ دل ہونے لگا داغِ جگر ہونے لگا

ہے یہ معراج محبت یا ہے معیارِ وفا
تپ کے غم کی آگ میں آنسو شرر ہونے لگا

یہ تڑپ یہ درد وغم ہیں اور آہوں کا ہجوم
شکر ہے دل کا مرے آباد گھر ہونے لگا

ہم بھلا کر آپ کو دنیا میں جی سکتے نہیں
جب تصور آپ کا وقف نظر ہونے لگے

بے خودیٔ شوق میں سرجھک گیا اپنا جہاں
خود بخود ظاہر وہاں اک سنگ در ہونے لگا

دورِ حاضر میں نئی تہذیب کا کیا رنگ ہے
عیب ہم جس کو سمجھتے تھے ہنر ہونے لگا

دیکھ ائے سلطاںؔ ذرا اشک ندامت کا اثر
وجہہ بخشش بن کے دامن میرا تر ہونے لگا

Ghazal

rafta rafta ishhq ka unn pay assar honay laga
daagh dil honay laga daagh-e-jigar honay laga

hai yeh mairaj mohabbat ya hai mayar-e-wafa
tap ke gham ki aag mein ansoo sharer honay laga

yeh tadap yeh dard w gham hain aur aanhon ka hujhoom
shukar hai dil ka marey abad ghar honay laga

hum bhala kar aap ko dunya mein jee satke nahi
jab tasawwur aap ka waqf nazar honay lagey

be khodi-e-shouq mein sar jhuk gaya apna jahan
khud bakhud zahir wahan ik sang dar honay laga

dour haazir mein nai tahazeeb ka kya rang hai
aib hum jis ko samajte thay hunar honay laga

dekh aye sultan zara asshk nadamat ka assar
wajh bakhshish ban ke daman mera tar honay laga

غزل

نقشِ پائے یار پر دل رکھ دیا سر رکھ دیا
گویا ہم نے عزمِ منزل پیش رہبر رکھ دیا

ڈوبنے والے کوکچھ اپنا پتہ چلتا نہیں
ان کی آنکھوں میں خدا نے کیا سمندر رکھدیا

کیف پرور چشم ساقی میں ہیں کیا سرمستیاں
سامنے جیسے کسی نے جام وساغر رکھدیا

جب بھی اٹھنا چاہتا ہوں آپ کی محفل سے میں
پاؤں میں جیسے کوئی زنجیر لاکر رکھدیا

گھٹ گیا ہے خواہش وارمان وحسرت کا گلا
اپنے ہی ہاتھوں سے ہم نے دل پہ پتھر رکھدیا

آمد فصل بہاراں تیرے استقبال کو
امتزاجِ برق و خرمن کا اک منظر رکھ دیا

فرق دوئی کا ہٹانے کے لئے سلطانؔ آج
آئینہ دل میں ہم نے آئینہ گر رکھدیا

Ghazal

naqash-e-paye yaar par dil rakh diya sir rakh diya
goya hum ne azm-e-manzil paish rehbar rakh diya

doobnay walay ko kuch apna pata chalta nahi
un ki aankhon mein khuda ne kya samandar rakh diya

kaif par war chasham saqi mein hain kya sarmastiyan
samnay jaisay kisi ne jaam w sagher rakh diya

jab bhi uthna chahta hon aap ki mehfil se mein
paun mein jaisay koi zanjeer lakar rakh diya

ghatt gaya hai khwahish w arman w hasrat ka gala
–apne hi hathon se hum ne dil pay pathar rakh diya

aamad fasal-e-bahaaraan taeray istaqbaal ko
imtezaaj barq o khirman ka ik manzar rakh diya

farq doi ka hataane ke liye sultan aaj
aaina dil mein hum ne aaina gar rakh diya

غزل

پوچھے نہ کوئی مجھ سے کیا لطفِ میکشی ہے
پیتا ہوں اس لیے میں اک ذوقِ بیخودی ہے

کر فکر عاقبت کی دو روزہ زندگی ہے
یہ ہے جہانِ فانی کس کی یہاں بنی ہے

باہر نکل کے آؤ جلوہ ذرا دکھاؤ
دستک تمہارے درپرپلکوں سے میں نے دی ہے

ہرشے میں میں نے دیکھا ہروقت تیرا جلوہ
قلب ونظر میں جب سے جلوؤں کی آگہی ہے

ہر در پہ سرجھکانا بے روح سجدہ کرنا
یہ بندگی نہیں ہے توہین بندگی ہے

کوئی نہیں اُجالا ہر سمت ہے اندھیرا
شمعِ حیات میری شاید کہ بجھ رہی ہے

یہ وصف تیرا لکھنا اور گاہ گاہ رکنا
سلطانؔ میں یقینا کچھ علم کی کمی ہے

Ghazal

pouchye nah koi mujh se kya lutaf maikashi hai
peeta hon is liye mein ek zouqe bekhodi hai

kar fikar aqibat ki do roza zindagi hai
yeh hai jahan-e-faani kis ki yahan bani hai

bahar nikal ke aao jalwa zara dikhao
dastak tumahray dar par palkun se mein ne di hai

har shay mein mein ne dekha har waqt tera jalwah
qalb w nazar mein jab se jalwun ki aagahi hai

har dar pay sar jhukana be rooh sajda karna
yeh bandagi nahi hai tauheen bandagi hai

koi nahi ujala har simt hai andhera
shama-e-hayaat meri shayad ke bujh rahi hai

yeh wasf tera likhna aur gaah gaah rukna
sultan mein yaqeenan kuch ilm ki kami hai

غزل

تو حسن کا انداز زمانے کو دکھادے
پھر عشق کی گردن کسی عنواں سے جھکادے

احساس تسلی کی ذرا لاج تو رکھ لے
مچلے ہوئے آنسو مرے دامن پہ گرادے

سانسوں میں تسلسل سا ہے یادوں کی بدولت
کس دل سے کوئی آپ کی یادوں کو بھلادے

ائے برق اندھیرا ہے نشیمن میں ابھی تک
تقدیر نشیمن کی کسی طرح جگادے

ائے ذوقِ محبت یہ خموشی ہے خطرناک
ہر آنکھ کو نم کردے ہر اک دل کو ہلادے

طوفانِ حوادث نہ ڈبودے کہیں مجھ کو
یارب توسفینہ مرا ساحل سے لگادے

ماضی کے تصور میں نہ رہ ائے دل ناداں
بہتر ہے یہی عہد محبت کو بھلادے

جو دل میں بھڑکتا ہے ائے سلطانؔ مسلسل
وہ شعلۂ غم دامن مستی نہ جلادے

Ghazal

tu husn ka andaaz zamane ko dikhade
phir ishhq ki gardan kisi unwan se jhukade

ehsas tasalii ki zara laaj to rakh le
machle hue ansoo merey daman pay girade

saansoun mein tasalsul sa hai yaadon ki badoulat
kis dil se koi aap ki yaadon ko bhulade

aye barq-e-andhera hai nashiman mein abhi tak
taqdeer nashiman ki kisi terh jagade

aye zouqe mohabbat yeh khmoshi hai khatarnaak
har aankh ko num kardey har ik dil ko hilade

tofan-e-hawadis nah dubodey kahin mujh ko
yarab tu safeena mera saahil se lgade

maazi ke tasawwur mein nah rah aye dil nadaan
behtar hai yahi ehad mohabbat ko bhulade

jo dil mein bhadakta hai aye sultan musalsal
woh shula-e-gham daman masti nah jalade

غزل

کہیں وہ آنہ جائیں میرے غم کے چارہ گرہوکر
بھرم کھودے نہ خودّاری کا میری آنکھ تر ہوکر

نشیمن کو کیا روشن جو میں نے شعلۂ دل سے
فلک پر بجلیاں سب رہ گئیں زیر و زبر ہوکر

گماں منزل کا ہراک کام پرہونے لگا مجھ کو
کچھ اس انداز سے آگے بڑھے وہ ہم سفر ہوکر
نسیم صبح جب چپکے سے مجھ کو چھیڑجاتی ہے
مجھے یہ وہم ہوتا ہے وہ گذرے ہیں اِدھر ہوکر

میرے ہمدم بہارِ نو مجھے راس آنہیں سکتی
قفس میں نکہت گل آرہی ہے دردِ سر ہوکر

تیرے لب ہائے نازک پرنہ جانے کیوں ہنسی آئی
میرے آنسو گرے دامن میں جب گلہائے تر ہوکر

وہ کچھ بکھرے ہوئے گیسو وہ کچھ نکھرے ہوئے عارض
وہ آئے سامنے پیغمبر شام وسحر ہوکر

مجھے ایسی رہائی کی کہاں امید تھی سلطاںؔ
قفس سے چھوٹنے والے ہیں ہم بے بال و پر ہوکر

Ghazal

kahin woh aa nah jayen mere gham ke charah gar hokar
bharam khode nah khudari ka meri aankh tar hokar

nashiman ko kiya roshan jo mein ne shoula-e-dil se
fallak par bijliyan sab reh gayeen zair o zabar hokar

guman manzil ka har ek kaam par hone laga mujh ko
kuch is andaaz se agay badhay woh hum safar hokar

naseem subah jab chupkay se mujh ko cheed jati hai
mujhe yeh wahm hota hai woh guzray hain idher hokar

mere humdam bahar-e-nu mujhe raas aa nhi sakti
qafas mein nikhat gul aa rahi hai drd-e-sar hokar

teray lab haae naazuk par nh jane kyun hansi aayi
mere ansoo giray daman mein jab gulhaye tar hokar

woh kuch bikhare hue gaisu woh kuch nikhre hue aariz
woh aaye samnay paighambar shaam w sahar hokar

mujhe aisi rihaee ki kahan umeed thi sultan
qafas se chootnay walay hain hum be baal o par hokar

غزل

خود کوپاکر آپ کو آخر کہاں ڈھونڈیں گے ہم
آپ مل جائیں تو پھر اپنا نشاں ڈھونڈیں گے ہم

ڈوب کر تیرے تصور میں خیال و خواب میں
زندگی بھر کیا فقط تنہائیاں ڈھونڈیں گے ہم

اب نہ پروا غم کی ہے ہم کو نہ خوشیوں کی ہوس
صرف اک دل بے نیازِ ایں وآں ڈھونڈیں گے ہم

جس پہ ہر دم آسماں سے بجلیاں گرتی رہیں
پھر چمن میں ایک ایسا آشیاں ڈھونڈیں گے ہم

وضع کرنی ہیں نئی منزل نئی راہیں ہمیں
توہی کہہ کیوں تیرے قدموں کے نشاں ڈھونڈیں گے ہم

جب ہمارا سرجھکے گا آستاں کھچ آئے گا
یوں نہ سب کی طرح تیرا آستاں ڈھونڈیں گے ہم
جان کربھی فطرتِ دورِ جہاں سلطانؔ آپ
کہہ رہے ہوکس لئے دورِ جہاں ڈھونڈیں گے ہم

Ghazal

khud ko pakar aap ko aakhir kahan dhunden ge hum
aap mil jayen to phir apna nishaa dhunden ge hum

doob kar tairay tasawwur mein khayaal o khawab mein
zindagi bhar kiya faqat tanhaiyan dhunden ge hum

ab na parwa gham ki hai hum ko nah khoshion ki hawas
sirf ek dil be niaz ein w aan dhunden ge hum

jis pay har dam aasmaa se bijliyan girty rahen
phir chaman mein aik aisa aashiyaan dhunden ge hum

waza karni hain nai manzil nai rahein hamein
tu hi keh kyun tairay qadmon ke nishaa dhunden ge hum

jab hamara sar jhyke ga aastaan khich aaye ga
yun nah sab ki tarh tera aastaan dhunden ge hum

jaan kar bhi fitrat dour-e-jahan sultan aap
keh rahay ho kis liye dour-e-jahan dhunden ge hum

غزل

نگاہ و دل کو بہت بے قرار ہم نے کیا
تمہارے وعدے پہ جو اعتبار ہم نے کیا

صدا پہ کان نظر در پہ اور دل بے چین
وفورِ شوق میں یوں انتظار ہم نے کیا

پھرہم کو چاند ستاروں کی آرزو نہ ہوئی
جب تیرے غم سے جگر داغدار ہم نے کیا

اُجالا آج گلستاں میں ہوگیا آخر
جلا کے آشیاں جشنِ بہار ہم نے کیا

چمن پرست ہیں اہل چمن نہیں نہ سہی
کیا ذکر پھولوں کا کانٹوں سے پیار ہم نے کیا

تقاضہ کیا ہے محبت کا یہ نہیں معلوم
بس اک نظر پہ دل وجاں نثار ہم نے کیا

نہ پوچھ ہم سے تیرے غم کی عظمتیں کیا ہیں
تمام عمر تیرے غم سے پیار ہم نے کیا

ہماری چشم بصیرت کا فیض ہے سلطاںؔ
ہر ایک شئے میں جو دیدارِ یار ہم نے کیا

Ghazal

nigah w dil ko bohat be qarar hum ne kiya
tumahray waday pay jo aitbaar hum ne kiya

sada pay kaan nazar dar pay aur dil be chain
wafoor-e-shuoq mein yun intzaar hum ne kya

phir ham ko chaand sitaron ki arzoo nah huwi
jab tairay gham se jigar daghdar hum ne kiya

ujala aaj gulisitan mein hogaya aakhir
jala ke aashiyaan jashne bahar hum ne kiya

chaman parast hain ahle chaman nahi nah sahi
kiya zikar phoolun ka kaanton se pyar hum ne kiya

taqaza kiya hai mohabbat ka ye nahi maloom
bas ek nazar pay dil w jaan nisar hum ne kiya

na pooch hum se tairay gham ki azmatain kiya hain
tamam umar tairay gham se pyar hum ne kiya

hamari chasham baseerat ka faiz hai sultan
har ek shye mein jo didar-e-yaar hum ne kiya

غزل

یوں ملے گر کوئی کسی سے ملے
آدمی جیسے آدمی سے ملے

آج اک ایسے اجنبی سے ملے
جیسے ہم اپنی زندگی سے ملے

ہر طرف تو ہی تو نظر آئے
کیا کوئی ایسی آگہی سے ملے

آپ جب مل کے ہوگئے خاموش
کتنے طوفان زندگی سے ملے

ساری دنیا بدل گئی ہم سے
تم اگر ہم سے بے رخی سے ملے

ہیں دکن میں بہت ہی اہل فن
کوئی سلطانؔ قادری سے ملے

Ghazal

yun miley gar koi kisi se miley
aadmi jaisay aadmi se miley

aaj ek aisay ajnabi se miley
jaisay hum apni zindagi se miley

har taraf tu hi tu nazar aaye
kiya koi aisi aagahi se miley

aap jab mil ke hogaye khamosh
kitney tufaan zindagi se miley

saari duniya badal gayi hum se
tum agar hum se be rukhi se miley

hain dakkan mein bohat hi ahle fun
koi sultan qadri se miley

غزل

ہر ایک لب پہ فقط دیدہ ور کی بات چلی
حریم ناز میں جب جلوہ گر کی بات چلی

جہاں پہ بیٹھ گئے تھک کے قافلے والے
وہاں پہ جذبۂ عزمِ سفر کی بات چلی

لبوں پہ جب بھی خموشی کی مہر لگتی ہے
تودل سے دل کی نظر سے نظر کی بات چلی

بنایا کوئی نشیمن جو چار تنکوں کا
چمن میں شور ہے برق و شرر کی بات چلی

تمہارے لب پہ تبسم اگر چھلک جائے
پھر رنگ گل کی اور لعل و گہر کی بات چلی

لٹا ہے جب بھی کوئی راہرو سر منزل
کہ راہ زن کی نہیں راہبر کی بات چلی

جھلک رہا ہے بہت جامِ گل گلستاں میں
روش روش پہ مری چشم تر کی بات چلی

تجلیوں کی تمنا جہاں ہوئی سلطاںؔ
وہاں ہمارے شعورِ نظر کی بات چلی

Ghazal

har aik lab pay faqat deeda war ki baat chali
hareem naz mein jab jalva gar ki baat chali

jahan pay baith gaye thak ke qaafley walay
wahan pay jabe-e-azm -e-safar ki baat chali

labon pay jab bhi khmoshi ki mohar lagti hai
tu dil se dil ki nazar se nazar ki baat chali

banaya koi nasheman jo chaar tinkon ka
chaman mein shore hai barq o sharer ki baat chali

tumahray lab pay tabassum agar chalak jaye
phir rang gul ki aur laal o gohr ki baat chali

luta hai jab bhi koi rahro sar manzil
ke raah zan ki nahi rahabar ki baat chali

jhalak raha hai bohat jaam gul gulisitan mein
rawish rawish pay meri chasham tar ki baat chali

tajaliyon ki tamanna jahan hui sultan
wahan hamaray shaoure-e-nazar ki baat chali

غزل

صرف اک جھلک ہم کو حسن کی دکھا دیتے
ہم متاعِ جان و دل آپ پر لٹا دیتے

جامِ رقص میں آکے دورِ میکشی ہوتا
آپ اپنی نظروں کو ہم سے گر ملا دیتے

دل تو تھا یہ ویرانہ کچھ بہار آجاتی
تم مرے تصور میں کاش مسکرادیتے

ہر نظر کو دے دے کر آپ دعوتِ جلوہ
جذبۂ محبت کو اور کچھ بڑھادیتے

ہم سے پوچھتے کیا ہو نقش پا کی عظمت کو
وہ جہاں نظر آتا سر وہاں جھکا دیتے

جس کی یاد رہتی ہے ربط زندگی بن کر
ان کی یاد کو کیسے دل سے ہم بھلادیتے

آپ کی یہ بدنامی کو بہ کو نہیں ہوتی
کاش اپنے سلطاںؔ کو رازِ دل بتادیتے

Ghazal

sirf ek jhalak hum ko husn ki dikha detey
hum mata-e-jaan w dil aap par luta detey

jaam-e-raqs mein aake dour maikashi hota
aap apni nazron ko hum se gar mila detey

dil tu tha yeh virana kuch bahar ajati
tum merey tasawwur mein kash muakradety

har nazar ko day day kar aap dawat-e-jalva
jazba-e-mohabbat ko aur kuch brhadetey

hum se puchhte kiya ho naqsh pa ki azmat ko
woh jahan nazar aata sar wahan jhuka detey

jis ki yaad rehti hai rabt zindagi ban kar
un ki yaad ko kaisay dil se hum bhuladety

aap ki yeh badnami ko ba ko nahi hoti
kash apne sultan ko raaz-e-dil btadetey

غزل

ساقی تری نظر کے اشارے کدھر گئے
وہ میری زندگی کے سہارے کدھر گئے

تاریک ہوگئی مری دنیا ترے بغیر
وہ مسکراتے چاند ستارے کدھر گئے

ملتے تھے شب کے ڈوبتے سائے میں تم جہاں
ہم ڈھونڈتے ہیں اب وہ نظارے کدھر گئے

ساحل پہ آکے غرق ہوئی کشتیٔ حیات
ہم کو ڈبو کے اب وہ کنارے کدھر گئے

سلطانؔ ہم سے دار ورسن پوچھتے ہیں آج
سچ کہنے والے حق کے وہ پیارے کدھر گئے

Ghazal

saqi tri nazar ke isharay kidhar gaye
woh meri zindagi ke saharay kidhar gaye

tareek hogayi meri duniya tre baghair
woh muskuratay chaand setaaray kidhar gaye

mlitay thay shab ke doubtey saaye mein tum jahan
hum dhoondtay hain ab woh nazare kidhar gaye

saahil pay aake gharq hui kashti-e-hayaat
hum ko dubo ke ab woh kinare kidhar gaye

sultan hum se daar w rasan puchte hain aaj
sach kehnay walay haq ke woh pyare kidhar gaye

غزل

فصل گل یوں بے نیازِ رنگ و بو ہوتی گئی
پھول سب مرجھائے کانٹوںکی نمو ہوتی گئی

زندگی خود آرزو ہی آرزو ہوتی گئی!
بات حسن وعشق کی جب دوبہ دو ہوتی گئی

دامنِ ساحل کو پھر کشتی نہ میری چھوسکی
یوں مخالف خود ہی موجِ آب جو ہوتی گئی

میری نظروں میں جمالِ آتشیں پھرتا رہا
بوندھ ہر آنسو کی آنکھوں میں لہو ہوتی گئی

جب تصورمیں مرے وہ مسکراتے آگئے
خود جواں ایک ایک دل کی آرزو ہوتی گئی

رازِ دل نوکِ زباں پرآج تک آیا نہیں
کیوں یہ بدنامی ہماری کوبہ کو ہوتی گئی

جب کبھی عزمِ سفر سلطانؔ ہم نے کرلیا
خود ہی منزل کو ہماری جستجو ہوتی گئی

Ghazal

fasal gul yun be niaz rang w bo hoti gayi
phool sab murjhay kantun ki numoo hoti gayi

zindagi khud arzoo hi arzoo hoti gayi
baat husn w ishq ki jab do ba do hoti gayi

daman e saahil ko phir kashti na meri chosaki
yun mukhalif khud hi moj-e-aab jo hoti gayi

meri nazron mein jamal aatsheen phirta raha
boondh har ansoo ki aankhon mein lahoo hoti gayi

jab taswwur mine marey woh muskuratay aagaye
khud jawan eik eik dil ki arzoo hoti gayi

raaz dil noke zuba par aaj tak aaya nahi
kiyun yeh badnami hamari ko ba ko hoti gayi

jab kabhi azm-e-safar sultan hum ne karliya
khud hi manzil ko hamari justojoo hoti gayi

غزل

اس قدر گہری محبت کا یہ منظر دیکھ کر
اُن کی آنکھیں یاد آتی ہیں سمندر دیکھ کر

جی یہ کہتا ہے کہ اٹھ کربزم سے ہوجاؤں دور
آپ کے بدلے ہوئے محفل میں تیور دیکھ کر

کھل گئے ہیں آج دونوں اپنے اپنے رنگ میں
کوئی باہر دیکھ کر اور کوئی اندر دیکھ کر

کیا مزاجِ عاشقاں ہے آپ کو بتلائیں کیا
کھودیے ہیں دین وایماں حسین دلبر دیکھ کر

بات کرنے کا بھی سلطاںؔ ہوش رہتا ہے کسے
ان کی آنکھوں کے چھلکتے جام وساغر دیکھ کر

Ghazal

is qader gahri mohabbat ka yeh manzar dekh kar
unn ki ankhen yaad aati hain samandar dekh kar

jee ye kahta hai ke uth kar bazm se hojaun door
aap ke badlay hue mahfil mein tevare dekh kar

khul gaye hain aaj dono apne apne rang mein
koi bahar dekh kar aur koi andar dekh kar

kiya mizaaj aashiqan hai aap ko batlaein kiya
khodiye hain deen w eeman hussain dilbar dekh kar

baat karne ka bhi sultan hosh rahta hai kisy
un ki aankhon ke chalakte jaam w saghar dekh kar

غزل

جو لوگ روشنی کے طلبگار ہوگئے
وہ تیرگی سے برسرِ پیکار ہوگئے

زخموں کی طرح رسنے لگے دل میں صبح و شام
ارمان جو تھے اپنے وہ آزار ہوگئے

سب کچھ تو دیکھتے ہیں سمجھتے نہیں مگر
کچھ لوگ ایسے ذہنوں کے بیمار ہوگئے

وہ بات کرکے کھوگئے اور پھرسنبھل گئے
ایسے کہ جیسے خواب سے بیدار ہوگئے

سلطاںؔ منائیں جشن بہاراں ہم کس لئے
جب بھی بہار آئی گرفتار ہوگئے

Ghazal

jo log roshni ke tallabgaar hogaye
woh teergi se bar sar-e-paikaar hogaye

zakhamon ki tarh risnay lagey dil mein subah o shaam
armaan jo thay apne woh aazaar hogaye

sab kuch to dekhte hain samajte nahi magar
kuch log aisay zehnon ke bemaar hogaye

woh baat kar kay khogye aur phir sanbhal gaye
aisay ke jaisay khawab se bedaar hogaye

sultan manayen jashan bahaaraan hum kis liye
jab bhi bahaar aayi girftar hogaye

غزل

نگاہِ مست کو جب بھی اٹھادیا تو نے
ہمارے ہاتھ سے ساغر گرادیا تو نے

جو کور چشم ہیں وہ تجھ کو کس طرح دیکھیں
ہر ایک رنگ میں جلوہ دکھادیا تو نے

نگاہِ ناز سے کرکے اشارے الفت کے
عجیب حال ہمارا بنادیا تو نے

زمانہ دیکھ کے پہچانتا نہیں مجھ کو
ہر اک نظر میں پرایا بنادیا تو نے

جمادیا وہاں شعر و سخن کا رنگ سلطاںؔ
غزل کو اپنی جہاں بھی بنادیا تو نے

Ghazal

nigah-e-mast ko jab bhi utahadiya tu ne
hamaray haath se saghar girdiya tu ne

jo cor chasham hain woh tujh ko kis tarh dekhen
har ek rang mein jalva dikhadiya tu ne

nigah-e-naaz se kar kay isharay ulfat ke
ajeeb haal hamara banadiya tu ne

zamana dekh ke pehchanta nahi mujh ko
har ik nazar mein paraya banadiya tu ne

jamadiya wahan sher w sukhan ka rang sultan
ghazal ko apni jahan bhi bana diya tu ne

غزل

جو درد بڑھتے بڑھتے مکمل دوا ہوا
اک ایسا درد بھی مرے دل کو عطا ہوا

مجھ سے نہ پوچھ راہِ محبت کے مشکلات
اک اک قدم پہ محشر تازہ بپا ہوا

کیا شئے ہے درد عشق بتا حسن سوگوار
آئینہ دیکھ حال ترا کیا سے کیا ہوا

دنیا میں کب ہوئے ہیں سب انسان ایک سے
رہرو کوئی ہوا تو کوئی رہنما ہوا

اپنے لئے بھی جینے کی اب فکر ہے ہمیں
اب تک تیرے لیے ہی جیے ہم توکیا ہوا

کہنا پڑا کے دونوں کے دل ایک ہوگئے
جب میرا مدعا بھی ترا مدعا ہوا

ہم ایسے دل شکستہ سلامت ہیں آج بھی
کیا جانے حادثات زمانے کو کیا ہوا

سلطانؔ بندگی تو بڑی بات ہے مگر
اک سجدہ شکر کا بھی نہ تم سے ادا ہوا

Ghazal

ju dard badhtey badhtey mukammal dawa huwa
ek aisa dard bhi merey dil ko ataa huwa

mujh se na pooch raah e mohabbat ke mushkilaat
ek ek qadam pay mahshar taaza bapaa huwa

kiya shye hai dard ishq bata husn sogwaar
aaina dekh haal tera kiya se kiya huwa

duniya mein kab hue hain sab insaan ek se
rahro koi huwa tu koi rahnuma huwa

–apne liye bhi jeeney ki ab fikar hai hamein
ab tak teray liye hi jiye hum tu kiya huwa

kehna pada ke dono ke dil ek hogaye
jab mera mudda bhi tera mudda huwa

hum aisay dil shikasta salamat hain aaj bhi
kiya jane hadisaat zamane ko kiya huwa

sultan bandagi tu badi baat hai magar
ek sajda shukar ka bhi na tum se ada huwa

غزل

ان کے دل پر غم پنہاں کا اثر کیا ہوگا
جو اِدھر حال ہوا ہے وہ اُدھر کیا ہوگا

سب کے سب جلوۂ آغازِ سحر میں گُم ہیں
کس کو معلوم ہے انجامِ سحر کیا ہوگا

ذرّہ ذرّہ پہ ہو جب خوفِ خزاں کا پہرہ
پھول پر فصل بہاراں کا اثر کیا ہوگا

راہِ دشوار بھی ہوجائے یکایک آساں
وہ اگر ساتھ ہوں احساس سفر کیا ہوگا

ترے اندازِ نظر پر ہیں نظریں سب کی
دیکھنا ہے تیرا اندازِ نظر کیا ہوگا

جادۂ غم کے خم وپیچ سے ڈرنے والو
تم سے دنیا کا کوئی معرکہ سر کیا ہوگا

عیب کو لوگ ہنر کہتے ہیں سلطاںؔ لیکن
عیب ہر حال میں ہے عیب ہنر کیا ہوگا

Ghazal

un ke dil par gham panhan ka assar kiya hoga
jo idher haal huwa hai woh udhar kiya hoga

sab ke sab jalva-e-aaghaaz saher mein gum hain
kis ko maloom hai anjaam-e-saher kiya hoga

zarra zarra pa ho jab khouf-e-khizaan ka pehra
phool par fasal bahaaraan ka assar kiya hoga

raah-e-dushwaar bhi hojaye yakayak aasan
woh agar sath hon ehsas safar kiya hoga

tre andaz-e-nazar par hain nazrain sab ki
dekhna hai tera andaz nazar kya hoga

jada-e-gham ke kham w peach se darnay walo
tum se duniya ka koi maarka sar kiya hoga

aib ko log hunar kehte hain sultan likin
aib har haal mein hai aib hunar kiya hoga

غزل

زندگی میں اپنی کتنے حادثے پلتے رہے
پھر بھی ہم خاموش غم کی آگ میں جلتے رہے

لو سبق عبرت کا ان سے زندگی میں دوستو
غفلتوں میں عمر کھوکر ہاتھ جو ملتے رہے

جن میں کیڑے پڑگئے ان کی کوئی قیمت نہیں
ایسے پھل بازار میں سڑتے رہے گلتے رہے

ہر نظر میں اُن کا جلوہ ہرنفس میں ان کی یاد
وہ تصور میں مرے آٹھوں پہر چلتے رہے

اپنا پیغامِ محبت ہے زمانے کے لئے
ہم دعا دیتے ہیں دشمن پھولتے پھلتے رہے

دوست بن کر اس طرح کیا بات کرتا ہے کوئی
فقرے بھی چبھتے رہے اورجملے بھی کھلتے رہے

ساتھ رہ کر دور ہیں ہم دوکناروں کی طرح
وہ اُدھر چلتے رہے اور ہم اِدھر چلتے رہے

آپ ائے سلطاںؔ غمِ دوراں چھپا سکتے نہیں
عظمت اشعار میں یہ خود بخود ڈھلتے رہے

Ghazal

zindagi mein apni kitney haadsay paltey rahey
phir bhi hum khamosh gham ki aag mein jaltey rahey

lo sabaq ibrat ka un se zindagi mein dostoo
ghafaltun mein umar khokar haath jo maltey rahay

jin mein keeday padhgaye un ki koi qeemat nahi
aisay phal bazaar mein sadtey rahay galtey rahay

har nazar mein unn ka jalva her nafas mein un ki yaad
woh tasawwur mein merey aathon paher chaltey rahay

apna pegham-e-mohabbat hai zamane ke liye
hum dua dety hain dushman phooltey phaltey rahey

dost ban kar is tarh kiya baat karta hai koi
fiqray bhi chubhtey rahey aur jumley bhi khultey rahay

sath rah kar door hain hum kinarun ki tarh
woh udhar chaltey rahey aur hum idher chaltey rahey

aap aye sultan gham-e-dauran chhupa satke nahi
azmat ashaar mein yeh khud bakhud dhalte rahey

غزل

جو اثنائے گردشِ شام و سحر نہیں
اس کا شعورِ فکر و نظر معتبر نہیں

وہ اہل دل نہیں وہ اہلِ نظر نہیں
جو واقف رموزِ غم معتبر نہیں

رو دادِ غم کو سنتے ہی آنسو نکل پڑے
کیسے کہوں کہ عشق کا ان پہ اثر نہیں

بے ساختہ جھکے نہ جہاں پر جبین شوق
تیرا وہ نقش پا نہیں وہ سنگِ در نہیں

وہ رازِ دل جو درد کی گہرائیوں میں ہے
کیسے عیاں ہو جب کہ مری چشم تر نہیں

ملتے تھے شب کے ڈوبتے سائے میں جو کبھی
ائے دل وہ اب تودن میں بھی آتے نظر نہیں

ہر جنبش نگاہ سے ہوتی ہے دل کی بات
اظہارِ حال کچھ لبِ اظہار پر نہیں

سلطاںؔ ہے خونِ دل رگِ افکار میں شریک
کیسے کہوں کہ شعر میں میرے اثر نہیں

Ghazal

jo asnaey gardish-e-shaam w saher nahi
is ka shaoor fikar w nazar mootabar nahi

woh ahle dil nahi woh ahle nazar nahi
jo waaqif-e-romooz gham-e-mootabar nahi

rodad-e-gham ko suntey hi aansoo nikal pade
kaisay kahoon ke ishq ka un pay asar nahi

be sakhta jhuke na jahan par jabeen shouq
tera woh naqsh pa nahi woh sang e dar nahi

woh raaz-e-dil jo dard ki gehraiyon mein hai
kaisay ayaan ho jab ke meri chasham tar nahi

miltey thay shab ke doubtey saaye mein jo kabhi
aye dil woh ab tu din mein bhi atey nazar nahi

har junbish nigah se hoti hai dil ki baat
izhaar-e-haal kuch lab-e-izhaar par nahi

sultan hai khon-e-dil rg-e-afkaar mein shareek
kaisay kahon ke sher mein mere asar nahi

غزل

ترے جلوؤں کو اک مدت سے ترستا ہو ںمیں
تو ہی بتلادے کیا آئینہ شکستا ہوں میں

تو یہ کہتا تھا مرے درد کا درماں بن کر
مجھ کو اِنساں نہ سمجھ گویا فرشتہ ہوں میں

مجھ کو کیوں دور سمجھتا ہے ائے رونے والے
بن کے آنسو تری آنکھوں سے برستا ہوں میں

بھول کر بھی تو ٹھکانہ مرا دنیا سے نہ پوچھ
بس ترے دل ہی میں رہتا ہوں اوربستاہوں میں

منزلِ نو کے طلب گار یہاں آجائیں
نہ ملا نقشِ قدم جس کو وہ رستہ ہوں میں

مجھ کو انعام کوئی دے نہیں سکتا سلطاںؔ
فن کے بازار میں کچھ اس قدر سستا ہوں میں

Ghazal

tre jalwon ko ek muddat se tarasta hon mein
tu hi batlade kiya aaina shikstha hon mein

tu ye kahta tha marey dard ka drman ban kar
mujh ko insaan na samajh goya farishta hon mein

mujh ko kiyun door samjhta hai aye roney waley
ban ke aansoo tri aankhun se barasta hon mein

bhool kar bhi tu thikana mera duniya se nah pooch
bas tre dil hi mein rahta hon aur basta hoon mein

mnzl-e-nu ke talab gaar yahan aajayeen
na mila naqash-e-qadam jis ko woh rasta hon mein

mujh ko inaam koi dey nahi sakta sultan
fun ke bazaar mein kuch is qader sasta hon mein

غزل

کیوں لینے لگی بجلی انگڑائی پہ انگڑائی
کیا میرے گلستاں میں پھر فصل بہار آئی

حالات زمانے کے کیا رنگ بدلتے ہیں
کل تک جو تماشہ تھے ہیں آج تماشائی

اس طرح سرِمحفل کھل کر نہ ملو مجھ سے
ہے پیشِ نظر میرے اندیشۂ رسوائی

اس دل میں محبت کی پھر کیسے تڑپ ہوگی
جس دل میں دھڑکنے کی آہٹ بھی نہیں پائی

تم جان تمنا ہو اور میرے مسیحا ہو
آئے بھی توکب آئے جب جان پربن آئی

کیوں پیار و محبت کا کرتے ہو عبث دعویٰ
تم نے تو ابھی دل پر وہ چوٹ کہاں کھائی

دن توکسی طرح بھی کٹ جاتا ہے ائے سلطاںؔ
کیوں رات کے آتے ہی یہ زندگی گھبرائی

Ghazal

kiyun leney lagi bijli angdai pey angdai
kiya mere gulisitan mein phir fasal bahar aayi

halaat zamane ke kiya rang bdaltey hain
kal tak jo tamasha they hain aaj tamashaayi

is tarh sar-e-mahfil khul kar na milo mujh se
hai pish-e-nazar mere andesha-e-ruswai

is dil mein mohabbat ki phir kaisey tadap hogi
jis dil mein dhadakne ki aahat bhi nahi payi

tum jaan tamanna ho aur mere masihaa ho
aaye bhi tu kab aaye jab jaan par ban aayi

kiyun piyar w mohabbat ka karte ho abas dawa
tum ne to abhi dil par woh chout kahan khayi

din tu kisi tarh bhi kat jata hai aye sultan
kiyun raat ke atey hi ye zindagi ghabrayi

غزل

ترے التفات کا شکریہ مجھے آرزو سے سوا دیا
رہِ زندگی تھی جو پُر خطر ترے غم نے سہل بنادیا

مرا سجدہ کوئی بھی وقت کا نہ ہی سنگِ در کا رہین ہے
تری یاد آگئی جس جگہ میں نے دل وہیں پہ جھکا دیا

سرِبزم کوئی نہ کہہ سکا جو زباں سے آپ کے سامنے
وہ فسانۂ غم آرزو مری چشم غم نے سُنادیا

مجھے خوف تھا تری بے رخی مری وحشتوں کو نہ چھیڑدے
میں نے اپنے حال کو اس لئے ترے حسب حال بنادیا

تری یاد میں تری چاہ میں تری آرزو میں خیال میں
تجھے کچھ خبر بھی ہے بے وفا کوئی زندگی کو لٹادیا

کوئی کس طرح سے سمجھ سکے ترا حال سلطاںؔ بتا ذرا
تو نے مسکراہٹوں میں ہی جب غم دوجہاں کو چھپادیا

Ghazal

tere iltifaat ka shukriya mujhe arzoo se siwa diya
rah-e-zindagi thi jo pur khatar tere gham ne sahal bana diya

mra sajda koi bhi waqt ka nah hi sang e dar ka rahin hai
teri yaad aagai jis jagah mein ne dil wahein pay jhuka diya

ser-e-bazm koi nah keh saka jo zuban se aap ke samnay
woh fasan-e-gham arzoo meri chasham gham ne sunadiya

mujhe khauf tha tri be rukhi meri wahshatoun ko nah chedey
mein ne apne haal ko is liye tere hasb haal banadiya

teri yaad mein teri chaah mein teri arzoo mein khayaal mein
tujhe kuch khabar bhi hai be wafa koi zindagi ku lutadiya

koi kis tarh se samajh sakey tera haal sultan bata zara
tu ne muskrahaton mein hi jab gham -e-do jahan ko chupadiya

غزل

کھودیا میں نے خودی کو آپ کو پانے کے بعد
ہوش میں آیا ہوں گویا ہوش اُڑجانے کے بعد

آپ کا فیـضانِ در جاری ہے ہر اک کے لئے
خالی نہ لوٹا کوئی دامن کو پھیلانے کے بعد

جب تصور مل گیا تصویر لیکر کیا کروں
اب کسے دیکھوں گا میں وہ سامنے آنے کے بعد

رازِ سربستہ ہے یہ کیسے کہوں کیوں کر کہوں
دل سے جو آواز آئی اُن کے فرمانے کے بعد

آپ کو سلطاںؔ اجل کا کس لئے ہے انتظار
خود چھلک جاتا ہے پیمانہ بھرجانے کے بعد

Ghazal

khodia mein ne khudi ko aap ko panay ke baad
hosh mein aaya hon goya hosh udhjaney ke baad

aap ka faizan-e-dar jari hai har ek ke liye
khaali na luta koi daman ko phelaney ke baad

jab tasawwur mil gaya tasweer leker kiya karoon
ab kisey dekhon ga mein woh samnay aney ke baad

raaz-e-sar basta hai yeh kaisay kahon kiyun kar kahoon
dil se jo aawaz aayi un ke farmaney ke baad

aap ko sultan ajal ka kis liye hai intezaar
khud chhalak jata hai pemana bhar jane ke baad

غزل

آ بھی جا حالت ترے بیمار کی بہتر نہیں
نبض ڈوبی جارہی ہے کوئی چارہ گر نہیں

آدمی کو آدمی کے کام آنا چاہئے
کوئی خدمت خدمت مخلوق سے بڑھ کر نہیں

آمد فصل بہاراں نے دکھایا یاد رنگ عجب
پھول ہیں سب دامنوں میں پھول شاخوں پر نہیں

کوشش پرواز کا خطرہ نہیں صیاد کو
کب کیا آزاد ہم کو جب کہ بال و پر نہیں

سرکے بدلے دل جھکالینا ہے میری بندگی
میرا سجدہ آج تک مرہونِ سنگ در نہیں

میری کشتی ہے بھنور طوفاں ہے ساحل مرا
ناخدا جب سے خدا ہے مجھ کو کوئی ڈر نہیں

کتنی آسانی سے ہوجاتی ہیں میرے دل کے پار
اور کیا ہیں پھر تری نظریں اگر نشتر نہیں

اپنی منزل کی طرف تنہا چلے سلطانؔ ہم
اب کوئی جادہ نہیں منزل نہیں رہبر نہیں

Ghazal

aa bhi ja halat tere bemaar ki behtar nahi
nabz doobi jarahi hai koi charah ger nahi

aadmi ko aadmi ke kaam aana chahiye
koi khidmat khidmat makhlooq se badh kar nahi

aamad-e-fasal baharaan ne dekhaya yaad rang ajab
phool hain sab damnon mein phool shaakhun par nahi

koshish parwaaz ka khatrah nahi sayyad ko
kab kiya azad hum ko jab ke baal w par nahi

sar key badley dil jhukalena hai meri bandagi
mera sajda aaj tak mrhon-e-sang dar nahi

meri kashti hai bhanwar tufaan hai saahil mera
nakhuda jab se khuda hai mujh ko koi dar nahi

kitni aasani se hojati hain mere dil ke paar
aur kiya hain phir teri nazreen agar nashtar nahi

apni manzil ki taraf tanha chale sultan hum
ab koi jadah nahi manzil nahi rahbar nahi

غزل

کیا نظر تیری یار ہوتی ہے
جو میرے دل کے پار ہوتی ہے

آج کیا ہوگیا طبیعت کو
کس لئے بے قرار ہوتی ہے

آہ ! جس شاخ پر نشیمن تھا
برق کا وہ شکار ہوتی ہے

جس گھڑی پاس تم نہیں ہوتے
وہ گھڑی دل پہ بار ہوتی ہے

زندگی سے نہ پیار کر سلطاںؔ
یہ تو بے اعتبار ہوتی ہے

Ghazal

kiya nazar teri yaar hoti hai
jo mere dil ke paar hoti hai

aaj kiya hogaya tabiaat ko
kis liye be qarar hoti hai

aah ! jis shaakh par nashiman tha
barq ka wo shikaar hoti hai

jis ghadi paas tum nahi hotey
wo ghadi dil pay baar hoti hai

zindagi se na piyar kar sultan
ye tu be aitbaar hoti hai

غزل

زندگی بن گئی پرکیف نظارا ائے دوست
تو نے جب پیار کے لہجہ میں پکارا ائے دوست

عمر بھر کے لئے وابستۂ غم کردے مجھے
ہے ترا غم ہی مرے دل کا سہارا ائے دوست

صبح امید سے ہر شام کو بہلاتے ہوئے
ہم نے ہر لمحہ کو مشکل سے گذارا ائے دوست

سوزِ دل سوزِ جگر آہ فغاں اشک و الم
تری خاطر یہ کیا ہم نے گوارا ائے دوست

برقِ غم سے ہی چمک جائے بہ انداز دیگر
خرمن زیست کی قسمت کا ستارا ائے دوست

دمِ گفتار رہا ضبط تکلم حائیل
دردِ دل نے تو بہت اس کو پکارا ائے دوست

آرزوؤں کی نئی شمعیں جلانی ہوں گی
پھر سے چھایا ہے زمانے پہ اندھیرا ائے دست

ہے وہ احساس وتخیل کا سہارا سلطاںؔ
مری آنکھوں میںجو پھرتا ہے نظارا ائے دوست

Ghazal

zindagi ban gayi purkef nazara aye dost
tu ne jab piyar ke lahje mein puraka aye dost

umar bhar ke liye wabasta-e-gham kardey mujhe
hai tera gham hi merey dil ka sahara aye dost

subah umeed se har shaam ko behlatay hue
hum ne har lamha ko mushkil se gzara aye dost

soze dil soze jigar aah fughan asshk o alum
teri khatir ye kiya hum ne gawara aye dost

barq-e-gham se hi chamak jaye bah andaaz degar
khirmen zeist ki qismat ka sitaara aye dost

dam-e-guftaar raha zabt takalum haail
dard-e-dil ne tu bahut is ko puraka aye dost

aarzuon ki nai shammen jalani hongi
phir se chaaya hai zamane pay andhera aye dast

hai woh ehsas w takhayyul ka sahara sultan
meri aankhon mine ju phirta hai nazara aye dost

غزل

ناز و ادا سے پیار سے تو دیکھ کر مجھے
دیوانہ کردے عشق میں پھر عمر بھر مجھے

مجھ کو خود اپنے حال کی ہوتی نہیں خبر
لے جارہی ہے بے خودی آخر کدھر مجھے

بیٹھا ہوں دل میں دید کا ارماں لئے ہوئے
پردا اٹھا کے دیکھ ذرا تو اِدھر مجھے

میں تو دوا سمجھ کے بصد شوق پی گیا
تونے تو زہر دیا ائے چارہ گر مجھے

سلطاںؔ مجھے کسی نے بلایا ہے اس لئے
آواز دے رہی ہے ہر اک رہگذر مجھے

Ghazal

naz w ada se piyar se to dekh kar mujhe
deewana kardey ishhq mein phir umar bhar mujhe

mujh ko khud apne haal ki hoti nahi khabar
le jarahi hai be khudi aakhir kidhar mujhe

betha hon dil mein deed ka arman liye hue
parda utha ke dekh zara to idher mujhe

mein to dawa samajh ke bsad shouq pi gaya
tunay to zeher diya aye charah gar mujhe

sultan mujhe kisi ne bulaya hai is liye
aawaz day rahi hai har ek rahguzar mujhe

غزل

اک جرعہ تجھ کو کردے گا مستانہ پیے جا
ہو کر کسی کہ عشق میں دیوانہ پیے جا

ائے پینے والے شرط ہے باقی رہے نہ ہوش
سارے جہاںسے ہوکے توبیگانہ پیے جا

تشنہ لبی کا شکوہ نہ ساقی سے کر کبھی
جھلکا ہوا ہے آنکھوں کا پیمانہ پیے جا

زاہد شرابِ عشق کی لذت کا واسطہ
ہوکر شریک محفل رندانہ پیے جا

منصور نے پیا ہے جیسے وہ شرابِ حق
تجھ میں اگر ہے ہمت مردانہ پیے جا

وہ آگ ہم نے پی ہے کہ جیسے جلی خودی
ائے پینے والے بن کے تو پروانہ پیے جا

سلطانؔ تیرے حال پہ ساقی کا ہے کرم
پیمانہ چیز کیا ہے تو میخانہ پیے جا

Ghazal

ek juraa tujh ko kardey ga mastana piey ja
ho kar kisi ke ishq mein deewana piey ja

aye peenay waley shart hai baqi rahey nah hosh
saaray jahan se hoke tu begana piey ja

tishna labi ka shikwah nah saqi se kar kabhi
jhalka huwa hai aankhon ka paimana piey ja

zahid sharaab ishq ki lazzat ka vaastaa
hokar shareek mahfil rindana piey ja

mansoor ne piya hai jaisay woh sharaab haq
tujh mein agar hai himmat mardana piey ja

woh aag hum ne pi hai ke jaisay jali khudi
aye peenay walay ban ke to parwana piey ja

sultan terey haal pay saqi ka hai karam
paimana cheez kiya hai to mekhana piey ja

غزل

ترے دربار میں ہر سمت دیوانے دیکھے
درد مندانِ محبت کے ٹھکانے دیکھے

دارِ منصور ہو یا طور یا نار نمرود
ہر طرف آپ کی الفت کے فسانے دیکھے

حسرت و ارمان کفن سے ہوئے باہر جو کبھی
چادرِ گل میں وہ منھ اپنا چھپانے دیکھے

رنگ خود ان کا ہی چہرے سے اُڑا جاتا تھا
جب کبھی وہ مری تصویر بنانے دیکھے

بدر کامل کی طرح آپ ستاروں میں ملے
کس نے آنکھوں سے یہ منظر بھی نہ جانے دیکھے

اُن کے دامن سے لپٹ جاے گی خاکِ تربت
ٹھوکروں سے مری تربت جو مٹانے دیکھے

برق کی دست درازی سے بچانے سلطاںؔ
آشیاں شاخِ تخیل پہ بنانے دیکھے

Ghazal

tere darbaar mein har simt deewany dekhe
dard mandan-e-mohabbat ke thikaane dekhe

daar-e-mansoor ho ya tur ya naar namrood
har taraf aap ki ulfat ke fasanay dekhe

hasrat o armaan kafan se hue bahar jo kabhi
chadar gul mein woh muh apna chupaney dekhe

rang khud un ka hi chehray se uda jata tha
jab kabhi woh meri tasweer bananey dekhe

bader-e-kaamil ki tarh aap sitaron mein miley
kis ne aankhun se yeh manzar bhi na jane dekhe

un ke daman se lipat jaye gi khak-e-turbat
thokarun se meri turbat jo mitanay dekhe

barq ki dast darazi se bachane sultan
aashiyaan shakh-e-takhayyul pay bananey dekhe

غزل

وصل کا جب پیام لیتے ہیں
دل وہ ہاتھوں سے تھام لیتے ہیں

شب گذرتی ہے بیقراری میں
صبر و تحمل سے کام لیتے ہیں

کوئی ارماں مرا نہ ہو پورا
ایسا وہ انتقام لیتے ہیں

ہوش اتنا تو ہم کو رہتا ہے
دست ساقی سے جام لیتے ہیں

بھول بیٹھے تھے جو مجھے سلطاںؔ
آج وہ میرا نام لیتے ہیں

Ghazal

wasal ka jab payam letey hain
dil woh hathon se thaam letey hain

shab guzarti hai beqarari mein
sabr w tahammul se kaam letey hain

koi arman mera na ho poora
aisa woh intiqam letey hain

hosh itna to hum ko rahta hai
dast saqi se jaam letey hain

bhool baitehy they jo mujhe sultan
aaj woh mera naam letey hain

غزل

دامن کو ہم سے آپ چھڑائیں گے کس طرح
الفت کا راز ہے یہ چھپائیں گے کس طرح

دیکھا نہیں جو سینۂ صد چاک کی طرف
ہم دل کے زخم ان کو دکھائیں گے کس طرح

دامن پہ جب گناہ کا اک داغ بھی نہ ہو
الزام کو ہم پہ لگائیں گے کس طرح

محشر میں ان کو دیکھنے آئے ہیں سب مگر
کیا جانئے وہ جلوہ دکھائیں گے کس طرح

افسوس ان کو ربط محبت نہیں رہا
پھر حال دل کا ان سنائیں گے کس طرح

یوں ہی رہے جو اپنے دل ناتواں کا رنگ
فرقت میں ان کے صدمے اٹھائیں گے کس طرح
بڑھتی رہیں جو ان کی تلون مزاجیاں
سلطانؔ آپ ان سے نبھائیں گے کس طرح

Ghazal

daman ko hum se aap chudaenge kis tarh
ulfat ka raaz hai ye chupaenge kis tarh

dekha nahi jo seena-e-sad chaak ki taraf
hum dil ke zakham un ko dekhenge kis tarh

daman pe jab gunah ka ek daagh bhi na ho
ilzaam ko hum pay lagaenge kis tarh

mahshar mein un ko dekhney aaye hain sab magar
kiya jane woh jalva dekahenge kis tarh

afsoos un ko rabt mohabbat nahi raha
phir haal dil ka un sunaenge kis tarh

yun hi rahey jo apne dil naatvaan ka rang
furqat mein un ke sadme uthaenge kis tarh

badhti rahen jo un ki talawun mizajiyan
sultan aap un se nibhaenge kis tarh

غزل

پردۂ شب میں نہاں میں نے اُجالا دیکھا
اُن کی زلفوں کے تلے آج سویرا دیکھا

آپ چھپ کے یہ سمجھتے ہیں نہ دیکھا کوئی
دیکھنے والے نے ہر طرح سے دیکھا دیکھا

آپ کی چشم محبت کو کوئی کیا سمجھے
رازِ الفت کا سمندر سے بھی گہرا دیکھا

لب تھے خاموش مگربول رہی تھیں نظریں
بزمِ جاناں میں عجب ہم نے تماشہ دیکھا

کور نظروں نے نہ دیکھا کبھی جلوا تیرا
چشم بینا نے ہر ایک ذرہ میں جلوہ دیکھا

گاہے گاہے مری پلکوں کو بھگو جاتا ہے
ہم نے وہ عہد محبت جو سنہرا دیکھا

بے وفا ہم پہ کیا گذری ہے تجھے کیا معلوم
درد کی رات جو کاٹی تو سویرا دیکھا

کیا یہ اظہار محبت تو نہیں ہے سلطاںؔ
آج ہونٹوں پہ تیرے حرفِ تمنا دیکھا

Ghazal
parda-e-shab mein nihaan mein ne ujala dekha
un ki zulfon ke taley aaj sawera dekha

aap choup ke yeh samajhte hain na dekha koi
dekhney waley ne har tarh se dekha dekha

aap ki chasham-e-mohabbat ko koi kya samjhay
raaz-e-ulfat ka samandar se bhi gahra dekha

lab they khamosh magar bool rahi then nazren
bzm-e-janan mein ajab hum ne tamasha dekha

cor nazrun ne na dekha kabhi jalwa tera
chasham beena ne har ek zarra mein jalva dekha

gaahey gaahey meri palkon ko bigho jata hai
hum ne woh ahad-e-mohabbat jo sunehra dekha

be wafa hum pay kiya guzri hai tujhe kiya maloom
dard ki raat jo kaati to sawera dekha

kiya yeh izhaar mohabbat to nahi hai sultan
aaj hontun pey terey harf-e-tamanna dekha

غزل

جب کبھی تیری یاد آئی ہے
غم کی لذت بھی ساتھ لائی ہے

بجلیاں لے رہی تھیں انگڑائی
لوگ سمجھے بہار آئی ہے

کہہ رہی ہے روش یہ گلشن کی
ہر کلی خون میں نہائی ہے

آزما کے نظر ہزاروں بار
شکل اک بار وہ دکھائی ہے

غنچے کھلتے نہیں ہیں حیرت سے
ان کے لب پر ہنسی جو آئی ہے

پاس آؤ گلے ملو ہم سے
سارے عالم میں عید آئی ہے

داد دیتے ہیں اہل فن سلطانؔ
تو نے جب بھی غزل سنائی ہے

Ghazal

jab kabhi teri yaad aayi hai
gham ki lazzat bhi saath layi hai

bijliyan le rahi theen angdai
log samjhey bahar aayi hai

kah rahi hai rawish ye gulshan ki
har kali khoon mein nahai hai

aazma ke nazar hazaron baar
shakal ek baar woh dikhai hai

ghunche khultey nahi hain hayrat se
un ke lab par hansi jo aayi hai

paas aao galey milo hum se
sarey aalam mein eid aayi hai

daad dete hain ahle fun sultan
tu ne jab bhi ghazal sunai hai

غزل

جہاں میں فکر و نظر کی وہ برتری نہ رہی
وہ شاعروں کی حقیقت وہ شاعری نہ رہی
جدھر ہے میرا نشیمن اُدھر ہے برق کا رخ
مگر وہ کیفیت ربط باہمی نہ رہی
نگاہ ڈالی ہے تم نے بطورِ خاص مگر
کلی کے دل میں ذرا سی بھی بے کلی نہ رہی
مزاج عشق کا بدلا ہے حسن نے آکر
ہنسی جب آئی تو آنکھوں میں پھر نمی نہ رہی
وہ کیا گئے کہ گیا زندگی کا لطف تمام
گلوں میں رنگ ستاروں میں روشنی نہ رہی
ہر ایک سانس میں ہیں میری نزع کے آثار
بس ایک موت کا عالم ہے زندگی نہ رہی
کہیں لحاظ حرم ہے نہ پاس دیر کہیں
وہ بندگی جو تھی شایانِ بندگی نہ رہی
ہم اختیارِ چمن باغباں کو دے آئے
دلوں میں سیر بہاراں کی کچھ خوشی نہ رہی
عجیب آیا ہے یہ انقلاب آئے سلطاںؔ
زمانے بھر میں کہیں رسم دوستی نہ رہی

Ghazal

jahan mein fikar w nazar ki woh bartari nah rahi
woh shaeroun ki haqeeqat woh shairi na rahi
jidhar hai mera nasheman udhar hai barq ka rukh
magar woh kaifiyat rabt bahami na rahi
nigah daali hai tum ne batur-e-khaas magar
kali ke dil mein zara se bhi be kali na rahi
mizaaj ishq ka badla hai husn ne aakar
hansi jab aayi tu aakhun mein phir nami na rahi
woh kiya gaye ke gaya zindagi ka lutf tamam
gulun mein rang sitarun mein roshni na rahi
har ek saans mein hain meri naza ke assaar
bas ek mout ka aalam hai zindagi na rahi
kahin lehaaz haram hai na paas deer kahin
wo bandagi jo thi shayan-e-bandagi na rahi
hum ikhtiyar-e-chaman bahgban ko dey aaye
dilun mein sair baharaan ki kuch khushi na rahi
ajeeb aaya hai ye inqilab aaye sultan
zamane bhar mein kahin rasam dosti na rahi

غزل

آپ کے دل میں ذرا میری محبت ہوتی
یوں نہ اپنی کبھی بربادیٔ حالت ہوتی

پیار و الفت نہ سہی ہم سے عداوت ہی سہی
اپنے جینے کے لئے کوئی توصورت ہوتی

ہم بھی اوروںکی طرح ساتھ تمہارے رہتے
کاش ہم پر بھی کبھی چشم عنایت ہوتی

ہم تو ہر بات کو سچ مان لیا کرتے ہیں
آپ کے لب پہ اگردل کی حقیقت ہوتی

اپنے سینے سے ترے غم کو لگا لیتا تھا
زندگی کاش تجھے میری ضرورت ہوتی

باتوں باتوں میں یونہی رات گذر جاتی تھی
کوئی آواز شریک شب فرقت ہوتی

آکے محفل میں ذرا قدرِ ہنر کرجاتے
ہم کو سلطانؔ سے ہرگز نہ شکایت ہوتی

Ghazal

aap ke dil mein zara meri mohabbat hoti
yun na apni kabhi barbadi-e-haalat hoti

piyar w ulfat na sahi hum se adawat hi sahi
–apne jeeney ke liye koi tu soorat hoti

hum bhi aurun ke tarh saath tumahrey rahtey
kash hum par bhi kabhi chasham inayat hoti

hum to har baat ko sach maan liya karte hain
aap ke lab pay agar dil ki haqeeqat hoti

–apne seeney se tere gham ko laga leta tha
zindagi kash tujhe meri zaroorat hoti

batun batun mein yuhi raat guzar jati thi
koi aawaz shareek shab furqat hoti

aake mehfil mein zara qdar-e-hunar krjate
hum ko sutan se hargiz na shikayat hoti

غزل

آپ کا جب نظارا ہوا
زندگی میں اُجالا ہوا

پھر یہ بیگانگی کس لئے
دل سے جب تو ہمارا ہوا

آپ کی بزم میں آگیا
کوئی قسمت کا مارا ہوا

اس کو موتی نہ سمجھو کبھی
اَشک ٹوٹا تو تارا ہوا

چھین لیتا ہے تاب وتاواں
غم پہ ہم کو نہ یارا ہو

قدر و قیمت خوشی کی نہیں
تیرا غم جب سے پیارا ہوا

حال پوچھو نہ سلطانؔ کا
جب نظر سے اشارا ہوا

Ghazal

aap ka jab nazara huwa
zindagi mein ujala huwa

phir ye begangi kis liye
dil se jab to hamara huwa

aap ki bazm mein agaya
koi qismat ka mara huwa

is ko moti na samjho kabhi
asshk toota to tara huwa

cheen leta hai taab w tawan
gham pay hum ko na yaara ho

qadar w qeemat khushi ki nahi
tera gham jab se piyara huwa

haal poocho na sultan ka
jab nazar se ishara huwa

غزل

کچھ تجھے آئے دلِ ناکام سمجھ میں آیا
کیسا ہے عشق کا انجام سمجھ میں آیا

حسن کو پا کے تہہ دام سمجھ میں آیا
عشق ہے کتنا خوش انجام سمجھ میں آیا

تم نے جب عارض رنگیں سے نقاب الٹادی
کیوں بجھی شمع سرِ شام سمجھ میں آیا

پا کے غم ان کا نکل آئے خوشی کے آنسو
اور انہیں شکوۂ آلام سمجھ میں آیا

دیکھ کر چاند میں تصویر مجسم تیری
جلوۂ حسن لب بام سمجھ میں آیا

یہ تڑپتی ہوئیں آہیں یہ مچلتے ہوئے اشک
ایک اک عشق کا انعام سمجھ میں آیا

مست آنکھوں سے مری سمت وہ جب بھی دیکھے
دے رہے ہیں وہ مجھے جام سمجھ میں آیا

آج سلطاںؔ کے تبسم میں جھلک ہے غم کی
کیوں ہوئے عشق میں بد نام سمجھ میں آیا

Ghazal

kuch tujhe aaye dil-e-nakaam samajh mein aaya
kaisa hai ishq ka anjaam samajh mein aaya

husn ko pa ke tahe daam samajh mein aaya
ishq hai kitna khush anjaam samajh mein aaya

tum ne jab aariz rangin se naqaab ultadi
kiyun bujhi shama sar-e-shaam samajh mein aaya

pake gham un ka nikal aaye khushi ke ansoo
aur inhen shikwa-e-aalaam samajh mein aaya

dekh kar chaand mein tasweer mujassam teri
jalwa-e-husn lab baam samajh mein aaya

yeh tadapti huien aahein yeh machaltey hue ashk
ek ek ishq ka inaam samajh mein aaya

mast aankhon se meri simt woh jab bhi dekhe
day rahey hain woh mujhe jaam samajh mein aaya

aaj sultan ke tabassum mein jhalak hai gham ki
kiyun hue ishq mein bad naam samajh mein aaya

غزل

قریب دل کے تو دیتا رہا صدا مجھ کو
کبھی توشکل بھی اپنی ذرا دِکھا مجھ کو

اک درد دل میں اٹھا اور آنکھ بھرآئی
کہ بیٹھے بیٹھے نہ جانے کیا ہوا مجھ کو

قفس ہے میں ہوں اندھرے ہیں اور زنجیریں
مری وفا کا صلہ خوب ہی ملا مجھ کو

بچا کے لایا تھا کشتی کو میں نے طوفاں سے
کنارے والوںنے آخر ڈبو دیا مجھ کو

اک لمحہ سویا جو میں نے کبھی سکون کی نیند
غم حیات نے ہنس کر جگادیا مجھ کو

بھٹک گیا جو سر راہ میں کبھی سلطاںؔ
صدائیں دینے لگے ان کے نقش پا مجھ کو

Ghazal

qareeb dil ke tu deta raha sada mujh ko
kabhi tu shakal bhi apni zara dikha mujh ko

ek dard dil mein utha aur aankh bhar aaee
ke baithy baithy na jane kiya huwa mujh ko

qafas hai mein hon andherey hain aur zanjeeren
meri wafa ka sila khoob hi mila mujh ko

bacha ke laya tha kashti ko mein ne tufaan se
kinare walun ne aakhir dubo diya mujh ko

ek lamha soya jo mein ne kabhi sukoon ki neend
gham hayaat ne hans kar jagadiya mujh ko

bhatak gaya jo sar raah mein kabhi sultan
sadaeyn dainey lagey un ke naqsh pa mujh ko

غزل

بیٹھے ہیں دل میں غم جو تمہارا لئے ہوئے
اٹھیں گے دہر سے یہ سہارا لئے ہوئے

تم پھیر لو نگاہ کو اپنی تو پھیر لو
دل ہے مگر خیال تمہارا لئے ہوئے

پچتا رہے ہیں بزم میں جا کر کسی کی ہم
رسوا کیا وہ نام ہمارا لئے ہوئے

جب آپ ہی سے رونق بزمِ حیات ہے
اٹھوں گا آپ ہی کا اشارہ لئے ہوئے

کیا پوچھتے ہو کیسے گذرتی ہے زندگی
جیتا ہوں ان کے در کا اُتارا لئے ہوئے

سلطانؔ جن سے ہم کو توقع ہی کچھ نہ تھی
آئے وہ آج غم کا مداوا لئے ہوئے

Ghazal

baithey hain dil mein gham jo tumhara liye hue
utheen ge daher se yeh sahara liye hue

tum phair lo nigah ko apni to phair lo
dil hai magar khayaal tumhara liye hue

pachta rahey hain bazm mein ja kar kisi ki hum
ruswa kiya wo naam hamara liye hue

jab aap hi se ronaqe bzm-e-hayaat hai
uthunga aap hi ka ishara liye hue

kya puchte ho kaisay guzarti hai zindagi
jeeta hon un ke dar ka utaara liye hue

sultan jin se hum ko tawaqqa hi kuch na thi
aaye wo aaj gham ka madawa liye hue

غزل

آہ پوچھے کوئی مرے دل سے
جب بھی اُٹھتا ہوں ان کی محفل سے

کل جو سائے کی طرح رہتے تھے
اب وہ پہچانتے ہیں مشکل سے

کھیل کر آؤں گا میں طوفاں سے
ناخدا کہہ دے جا کے ساحل سے

کیوں بھٹکتے ہو ساتھ آجاؤ
آشنا ہوں میں راہِ منزل سے

نامِ قاتل سے لوگ ڈرتے ہیں
ہم کو الفت ہے نامِ قاتل سے

جب بھی سلطاںؔ غزل سناتے ہیں
داد لیتے ہیں اہلِ محفل سے

Ghazal

aah pouchye koi marey dil se
jab bhi uthta hon un ki mehfil se

kal jo saaye ki tarh rahtey they
ab woh pehchante hain mushkil se

khail kar aaonga mein tufaan se
nakhuda kah day ja ke saahil se

kiyun bhataktey ho sath aajoo
aashna hon mein raah e manzil se

naam qaatil se log dartey hain
hum ko ulfat hai naam qaatil se

jab bhi sultan ghazal sunaate hain
daad letey hain ahley mehfil se

غزل

درد میں جب اثر نہیں ہوتا
دل محبت کا گھر نہیں ہوتا

بڑھتا اس طرح سے دردِ جگر
وہ اگر بے خبر نہیں ہوتا

جو ترے در پہ سرجھکاتا ہے
وہ کبھی در بدر نہیں ہوتا

جو صباحت ہے آپ کے رُخ کی
ایسا رنگ سحر نہیں ہوتا

کیا وہ سمجھیں گے عشق کو سلطاںؔ
جن کو دردِ جگر نہیں ہوتا

Ghazal

dard mein jab asar nahi hota
dil mohabbat ka ghar nahi hota

badhta is tarh se drd-e-jigar
wo agar be khabar nahi hota

jo tere dar pay sar jhukata hai
woh kabhi dar badar nahi hota

jo sabahat hai aap ke rukh ki
aisa rang sahar nahi hota

kiya woh samjhainge ishq ko sultan
jin ko drd-e-jigar nahi hota

غزل

میں درد و غم میں کبھی مائل فغاں نہ ہوا
کسی پہ میرا غم زندگی عیاں نہ ہوا

کسی کے لب پہ ہماری ہی داستاں تھی فقط
ہمارا نام مگر زیبِ داستاں نہ ہوا

سمجھ لو و خیر نہیں ہے بہارِ گلشن کی
شکارِ برق اگر میرا آشیاں نہ ہوا

سکونِ قلب گیا لذتِ حیات گئی
امید جس سے تھی وہ ہم پہ مہرباں نہ ہوا

ہر ایک اشک مرا پھول بن گیا آخر
کسی کا غم احساس پہ گراں نہ ہوا

سمجھ لو حسن میں کچھ زندگی نہیں سلطاںؔ
اگر ہماری محبت کا امتحاں نہ ہوا

Ghazal

mein dard o gham mein kabhi maele fughan na huwa
kisi pay mera gham zindagi ayaan na huwa

kisi ke lab pay hamari hi dastan thi faqat
hamara naam magar zaib-e-dastan na huwa

samajh lo w khair nahi hai bahar gulshan ki
shikaar-e-barq agar mera aashiyan na huwa

sakoon-e-qalb gaya lazzat-e-hayaat gayi
umeed jis se thi wo hum pay mehrbaan na huwa

har ek ashk mera phool ban gaya aakhir
kisi ka gham ehsas pey giran na huwa

samajh lo husn mein kuch zindagi nahi sultan
agar hamari mohabbat ka imtehan na huwa

غزل

موسیٰ کو دیدکے لئے کیوں صرف طور تھا
ہر ایک شئے میں جب تیرا یارب ظہور تھا

جلوؤں کا اس کے کوئی تعین نہ ہوسکا
اک پل میں وہ قریب تھا اک پل میں دور تھا

ہم نے تو دل کو دیدیا بس اک نگاہ پر
انجام سوچیں عشق کا کس کو شعور تھا

وہ کیا گئے کہ چھاگئی تاریکیٔ حیات
ان کے ہی دم سے محفل ہستی میں نور تھا

کیا بات ہے کہ اب کوئی ہوتی نہیں غزل
سلطاںؔ تمہیں کمال سخن پر غرور تھا

Ghazal

moosa ko deed ke liye kiyun sirf toor tha
har aik shye mein jab tera yarab zahuur tha

jalvoun ka is ke koi taayun na ho saka
ek pal mein wo qareeb tha ek pal mein door tha

hum ne tu dil ko dediya bas ek nigah par
anjaam sochen ishq ka kis ko shaoor tha

woh kiya gaye ke chagai tareeky-e-hayaat
un ke hi dam se mahfil hasti mein noor tha

kiya baat hai ke ab koi hoti nahi ghazal
sultan tumhe kamaal sukhan par ghuroor tha

غزل

یوں ستم کا مجھے صلہ دینا
میری حالت پہ مسکرا دینا

یاد دل سے مری مٹا دینا
رفتہ رفتہ مجھے بھلا دینا

خوں رلاتی ہے مجھ کو تنہائی
تم کہاں ہو مجھے صدا دینا

شب وعدہ ہے تم نہیں آئے
کیا چراغوں کو ہم بجھا دینا

رقص کرنے لگیں گے پیمانے
نیچی نظریں ذرا اُٹھا دینا

آج للہ آنکھوں آنکھوں میں
رازِ دل کا مجھے بتادینا

نبض ساکت ہے ہوش بھی گم ہیں
کیا دوا اب مجھے دعا دینا

جو گذرتی ہے دل پہ ائے سلطاںؔ
اپنے اشعار میں سنا دینا

Ghazal
yun sitam ka mujhe sila dena
meri haalat pay muskura dena

yaad dil se meri mita dena
rafta rafta mujhe bhula dena

khoon rulati hai mujh ko tanhaai
tum kahan ho mujhe sada dena

shab wada hai tum nahi aaye
kiya charaghoon ko hum bujha dena

raqs karne lagenge paimaney
neechi nazreen zara uttha dena

aaj lillah aankhon aankhon mein
raaz dil ka mujhe batadena

nabz sakit hai hosh bhi gum hain
kiya dawa ab mujhe dua dena

jo guzarti hai dil pay aye sultan
–apne ashaar mein suna dena

غزل

ہم جن کی یاد کو دل سے لگائے بیٹھے ہیں
تعجب ہے کہ وہ ہم کو بھلائے بیٹھے ہیں

انہیں سے پوچھے کوئی لذتِ غم اُلفت
جو اپنے دل کو کسی سے لگائے بیٹھے ہیں

دل و جگر میں خلش عمر بھر رہے یارب
وہ ہم پہ تیر نظر کو چلائے بیٹھے ہیں

نظر اُٹھاؤ تو چھلکیں گے ساغر و مینا
کیوں آپ اپنی نظر کوجھکائے بیٹھے ہیں

خدا ہی جانے وہ آئیں گے یا نہیں سلطاںؔ
ہم کب سے راہ میں آنکھیں بچھائے بیٹھے ہیں

Ghazal

hum jin ki yaad ko dil se lagaye baithey hain
taajjub hai ke woh hum ko bhulae baithey hain

inhen se pouchye koi lazzat-e-gham ulfate
jo apne dil ko kisi se lagaye baithey hain

dil w jigar mein khalish umar bhar rahay yarab
wo hum pay teer-e-nazar ko chalee baithey hain

nazar uthaoo tu chalkenge saghar w meena
kiyun aap apni nazar ko jhukaey baithey hain

khuda hi jane wo ayenge ya nahi sultan
hum kab se raah mein ankhen bichaye baithey hain

غزل

جس وقت روح کو یہ بدن چھوڑنا پڑا
کیا ذکر گھر کا سارا زمن چھوڑنا پڑا

معیار علم و فن کوئی باقی نہیں رہا
اہلِ سخن کو بزمِ سخن چھوڑنا پڑا

کیا یہ انقلاب زمانہ ہے دوستو!
اہلِ وفا کو دار و رسن چھوڑنا پڑا

جب اپنے دیکھتے ہیں پرائی نگاہ سے
مجبور ہو کے اپنا وطن چھوڑنا پڑا

کیسا سلوک ہے یہ تیرا ہم سے باغباں
آئی بہار جب بھی چمن چھوڑنا پڑا

میری روشِ فکر کا سلطانؔ ہے اثر
ہر اہلِ فن کو اپنا چلن چھوڑنا پڑا

Ghazal

jis waqt rooh ko ye badan chodna pada
kiya zikar ghar ka sara zamn chodna pada

meyaar ilm o fun koi baqi nahi raha
ahle sukhan ko bzm-e-sukhan chodna pada

kiya ye inqilab zamana hai dostu !
ahle wafa ko daar w rasan chodna pada

jab apne dekhte hain parai nigah se
majboor ho ke apna watan chodna pada

kaisa soluk hai yeh tera hum se baghban
aayi bahar jab bhi chaman chodna pada

meri rawish-e-fikar ka sultan hai assar
har ahle fun ko apna chalan chodna pada

غزل

دیکھ لی تصویر میں نے آج سوز و ساز کی
دل کی آہیں بن گئیں لہریں مری آواز کی

کیا بتائیں کب قفس کی قید سے چھوٹے ہیں ہم
گھٹ گئی جب دل ہی دل میں آرزو پرواز کی

آگئے آنکھوں میں آنسو ضبط غم کے باوجود
خیر ہو یا رب دل کی دل کے راز کی

ہر طرف اک محشر افکار کے آثار ہیں
مختصر تعریف ہے یہ ان کی بزمِ ناز کی

آنکھ میں آنسو ہے لب پر آہ دل میں ٹھیس ہے
آپ کو آواز آئی کیا شکست ساز کی

اہل دل کو ربط ہے سلطاںؔ محبت سے سدا
فکر کرتے ہی نہیں انجام کی آغاز کی

Ghazal

dekh li tasweer mein ne aaj soaz w saaz ki
dil ki aahein ban gayeen laharen meri aawaz ki

kiya bitayen kab qafas ki qaid se chootey hain hum
ghatt gayi jab dil hi dil mein arzoo parwaaz ki

aagaye aankhon mein ansoo zabt gham ke bawajood
kher ho ya rab dil ki dil ke raaz ki

har taraf ek mahshar afkaar ke assaar hain
mukhtasar tareef hai ye un ki bzm-e-naz ki

aankh mein ansoo hai lab par aah dil mein theys hai
aap ko aawaz aayi kiya shikast saaz ki

ahal dil ko rabt hai sultan mohabbat se sada
fikar karte hi nahi anjaam ki aaghaz ki

غزل

ہو چشم بصیرت تو کیا کیا نظر آتا ہے
خورشید کا ذرّے میں جلوہ نظر آتا ہے

احساس کی آنکھوں کو کیا کیا نظر آتا ہے
ہر اک غم بیگانہ اپنا نظر آتا ہے

تصویرِ محبت میں کیا شانِ خدائی ہے
پردے پہ مصّور کا جلوہ نظر آتا ہے

سمجھوں میں فقط تجھ کو نزدیک رگِ جاں کیوں
ہر ایک زباں میں تو گویا نظر آتا ہے

محرومِ تجلی ہے وہ کور نظر سلطاںؔ
جلوہ بھی نگاہوں کو پردہ نظر آتا ہے

Ghazal

ho chasham baseerat tu kiya kiya nazar aata hai
khursheed ka zarray mein jalva nazar aata hai

ehsas ki aankhon ko kiya kiya nazar aata hai
har ek gham begana apna nazar aata hai

tasweer-e-mohabbat mein kiya shan-e-khudai hai
parday pay musawir ka jalva nazar aata hai

samjhun mein faqat tujh ko nazdeek rag-e-jaan kiyun
har ek zuban mein tu goya nzr aata hai

mahrom-e-tajalli hai woh coore nazar sultan
jalva bhi nigahon ko parda nazar aata hai

غزل
بنیں گے کتنے ہی عنواں مرے فسانے سے
سنیں گے لوگ مری داستاں زمانے سے

یہ کس نے چھیڑدیا ذکر آج محفل میں
وہ رو رہے ہیں مرا حالِ غم سنانے سے

مجھے وفا کی ہے اُمید اُن سے ائے ہمدم
نا آشنا ہیں جو رسم وفا نبھانے سے

صلیب و دار و رسن آزما چکے ہم کو
تم احتیاط کرو ہم کو آزمانے سے

جگر میں درد اٹھا اور آنکھ بھر آئی
گذررہے ہیں وہ شاید غریب خانے سے

کچھ اور بڑھنے لگیں الجھنیں محبت کی
ملا سکوں نہ کہیں آپ کو بھلانے سے

اندھیرے غم کے مسلط تھے بزم ہستی میں
مگر اُجالا ہوا تیرے مسکرانے سے

کیا دیکھتا ہے مری لغزشوں کو ائے سلطاںؔ
سنبھل گئے ہیں کئی میرے لڑکھڑانے سے

Ghazal
baninge kitney hi unwan merey fasaney se
sunenge log meri dastan zamane se

ye kis ne cheed diya zikar aaj mahfil mein
woh ro rahay hain mera haal-e-gham sunanay se

mujhe wafa ki hai umeed un se aye humdam
na aashna hain jo rasam-e-wafa nibhanay se

saleeb w daar w rasan aazma chuke hum ko
tum ehtiyat karo hum ko azmaane se

jigar mein dard utha aur aankh bhar aayi
guzar rahy hain wo shayad ghareeb khaney se

kuch aur badhe lageen uljhanen mohabbat ki
mila sakoon na kahin aap ko bhulane se

andherey gham ke musallat they bazm hasti mein
magar ujala huwa terey muskuraney se

kiya deikhta hai meri lagzishun ko aye sultan
sambhal gaye hain kai mere ladakhadaane se

غزل

جن کو آیا نہ کبھی درد کا درماں ہونا
وہ کیا سمجھیں گے بھلا قلب کا ویراں ہونا

میں یقین کرلوں اگر شیخ فرشتہ ہوجائے
لیکن آساں نہیں ہر ایک کا انساں ہونا

یہ مقدر کا نوشتہ ہے زمانے والو
کون چاہے گا اسیر غم دوراں ہونا

مجھ کو مقدور اگر ہو تو صبا کو روکوں
دیکھ سکتا نہیں زلف پریشاں ہونا

اپنے اعمال پہ ہر وقت نظر رکھ ناداں
کون سمجھائے تجھے قہر بہ داماں ہونا

دیکھئے بزم محبت کو سجا کر سلطاںؔ
میرے داغوں کا سرشام چراغاں ہونا

Ghazal

jin ko aaya na kabhi dard ka drman hona
wo kiya samjheenge bhala qalb ka viran hona

mein yaqeen karlon agar sheikh farishta hojaye
lekin aasan nahi har ek ka insaan hona

ye muqaddar ka navishta hai zamane walo
kon chahey ga aseer gham-e-daurn hona

mujh ko maqdoor agar ho to saba ko rookun
dekh sakta nahi zulff pareshan hona

–apne aamaal pay har waqt nazar rakh nadaan
kon samjhaye tujhe qahar ba daman hona

dekhye bazm mohabbat ko saja kar sultan
mere dagoun ka sar-e-sham charaghan hona

غزل
ساقی ہے نہ شراب ہے مینا نہ جام ہے
سنتے ہیں میکدے میں ہر اک تشنہ کام ہے

دیکھو جو مٹ گئے ہیں گذرگاہ عشق میں
واللہ ان کی موت حیات دوام ہے

گو میں رہا اسیر غم گردشِ حیات
پھر بھی ترا خیال مجھے صبح وشام ہے

ہم ایسے کشتگانِ خراں جانتے ہیں کچھ
اے باغباں چمن میں ترا کیا مقام ہے

جب تک نہ دیکھوں آپ کے چہرے کو زُلف کو
کوئی سحر سحر نہ کوئی شام شام ہے

ہنس ہنس کے پھول ہونے لگے خود ہی فرش راہ
مصروف سیر کون یہ مست خرام ہے

لب پہ فغاں ہو دل میں تڑپ اور جگر میں درد
ایسا اگر نہیں تو محبت حرام ہے

پیش نظر بہار کے سلطاںؔ ہیں دونوں رخ
آزاد ہے کوئی توکوئی زیر دام ہے

Ghazal

saqi hai na sharaab hai meena na jaam hai
suntey hain maikadey mein har ek tishna kaam hai

dekho jo mit gaye hain guzrgah ishq mein
wallah un ki mout hayaat dawam hai

go mein raha aseer gham gardish-e-hayaat
phir bhi tera khayaal mujhe subah w sham hai

hum aisay khustgan-e-khiran jantey hain kuch
ay baghban chaman mein tera maqam hai

jab tak na daikhon aap ke chehrey ko zulff ko
koi sahar sahar na koi shaam shaam hai

hans hans ke phool honay lagey khud hi farsh raah
masroof sair kon ye mast khiraam hai

lab pey fughan ho dil mein tadap aur jigar mein dard
aisa agar nahi to mohabbat haraam hai

paish e nazar bahar ke sultan hain dono rukh
azad hai koi tu koee zair daam hai

غزل
کبھی اے بیخودیٔ شوق پہنچا دے وہاں مجھ کو
مسلسل زندگی آواز دیتی ہے جہاں مجھ کو

خود اپنے آپ کو میں اجنبی محسوس کرتا ہوں
گئی ہے چھوڑ کر آخر کہاں عمرِ راوں مجھ کو

یہ ہے ظرف وفا اس کو نظر انداز کر بیٹھا
فریب زندگی دے کے جو مارا نا گہاں مجھ کو

گلے مل مل کے مجھ سے رو رہی ہے میری تنہائی
کہاں لے آیا ہے آخر غم دوراں مجھ کو

ترستی ہے نگاہِ شوق کب سے تیرے جلوے کو
نہ جانے کیوں نظر آتا ہے پردہ درمیاں مجھ کو

ذرا درد دل بے تاب کی لینا خبر آکر
مٹادے نہ کہیں سلطانؔ یہ آہ وفغاں مجھ کو

Ghazal

kabhi ay bekhodi-e-shouq ponhcha dey wahan mujh ko
musalsal zindagi aawaz deti hai jahan mujh ko

khud apne aap ko mein ajnabi mahsoos karta hon
gayi hai chode kar aakhir kahan umar-e-rawan mujh ko

ye hai zarf-e-wafa is ko nazar andaaz kar betha
fraib zindagi dey ke jo mara na ghan mujh ko

galey mil mil ke mujh se ro rahi hai meri tanhai
kahan le aaya hai aakhir gham dauran mujh ko

tarasti hai ngah-e-shouq kab se terey jalwey ko
na jane kiyun nazar aata hai parda darmian mujh ko

zara dard dil be taab ki lena khabar aakar
mitade na kahin sultan ye aah w fughan mujh ko

غزل

افسانۂ حیات کا عنواں نہ ہوسکے
وہ دل نہ ہوسکے وہ مری جاں نہ ہوسکے

ضائع امانت غم قلب و جگر ہوئی
آنسو ہمارے زینتِ داماں نہ ہوسکے

واقف نہیں ائے گلچیں تو رازِ بہار سے
وہ پھول کیا جو زیب گلستاں نہ ہوسکے

جلتے ہوئے چراغوں میں شامل ہے اپنا خون
پھر بھی شریک جشن چراغاں نہ ہوسکے

ہر سانس میں جو حوصلۂ دل کا ساتھ ہے
مایوس زیست سے کبھی سلطاںؔ نہ ہوسکے

Ghazal

afsana-e-hayaat ka unwan na hosakey
wo dil na hosakey wo meri jaan na hosakey

zaya amanat gham qalb w jigar hui
ansoo hamarey zeenat daman na hosakey

waaqif nahi ay gulcheen tu raaz-e-bahar se
wo phool kiya jo zaib gulisitan na hosakey

jaltey hue charaghun mein shaamil hai apna khoon
phir bhi shareek jashn-e-charaghan na hosakey

har saans mein jo husla-e-dil ka saath hai
mayoos zeest se kabhi sultan na hosakey

غزل
پھر ترا غم دلِ مضطر تلاش کرتا ہے
جو تونے چھوڑا ہے وہ گھر تلاش کرتا ہے

مرا وجود ہی تعمیر نو ہے دنیا میں
مجھے تو ہر نیا منظر تلاش کرتا ہے

میں حوصلہ ہوں ارادہ ہوں اورہمت ہوں
وہ راہی ہوں جسے رہبر تلاش کرتا ہے

کبھی جو آتا ہے سیلابِ غم زمانے میں
فقط وہ میرا ہی اک گھر تلاش کرتا ہے

میں اُٹھ گیا تھا ترے سنگ آستانے سے
کیوں میرے سر کو ترا در تلاش کرتا ہے

اگر ہے تشنگی کامل تو بیٹھ جا سلطاںؔ
پھر دیکھ خود تجھے ساغر تلاش کرتا ہے

Ghazal

phir tera gham dil-e-muztar talaash karta hai
jo tuney choda hai wo ghar talaash karta hai

mera wajood hi tameer nu hai duniya mein
mujhe tu har naya manzar talaash karta hai

mein housla hon iradah hon aur himmt hon
wo raahi hon jisey rehbar talaash karta hai

kabhi jo aata hai sailaab gham zamane mein
faqat woh mera hi ek ghar talaash karta hai

mein uth gaya tha tere sang astane se
kiyun mere sar ko tera dar talaash karta hai

agar hai teshnagi kaamil tu baith ja sultan
phir dekh khud tujhe saghar talaash karta hai

غزل
ہم اپنی زندگی کا آپ کو حاصل سمجھتے ہیں
جہاں دیدار ہوجائے اُسے منزل سمجھتے ہیں

بُلا کر اپنی محفل میں بڑھاتے ہیں مری عزت
یہ اُن کی مہربانی ہے جو اس قابل سمجھتے ہیں

اگرعزم سفر مضبوط ہو توخوف و ڈر کیا ہے
وہ ہوں گے مرحلے آساں جسے مشکل سمجھتے ہیں

بس تیرے نام ہی سے اپنی دنیا ہوگئی آباد
جہاں بھی ذکر ہو تیرا اسے محفل سمجھتے ہیں

ذرا ہم سے کوئی پوچھے متاعِ فکر وفن کیا ہے
ہم اپنے شعر کے ہر لفظ کو اک دل سمجھتے ہیں

ابھی وہ گردشِ دورِجہاں دیکھے نہیں سلطاںؔ
غریب انساں کو نفرت کے جو قابل سمجھتے ہیں

Ghazal

hum apni zindagi ka aap ko haasil samajte hain
jahan deedar hojaye ussey manzil samajte hain

bula kar apni mahfil mein badhate hain meri izzat
ye un ki meharbani hai jo is qabil samajte hain

agar azam-e-safar mazboot ho tu khauf w dar kiya hai
wo honge marhaley aasan jisey mushkil samajte hain

bas terey naam hi se apni duniya hogayi abad
jahan bhi ziker tera ho usey mahfil samajte hain

zara hum se koi pouchye mata-e-fikar w fan kiya hai
hum apne shair ke har lafz ko ek dil samajte hain

abhi wo gardish-e-daure-jahan dekhe nahi sultan
ghareeb insaan ko nafrat ke jo qabil samajte hain

غزل
بدلی ہوئی جو اِن کی نظر دیکھ رہا ہوں
دیکھا نہیں جاتا ہے مگر دیکھ رہا ہوں

دوگام مرے ساتھ کوئی چل نہیں سکتا
کانٹوں سے بھری راہ گذر دیکھ رہا ہوں

پھر ایک نیا آشیاں گلشن میں بناکر
میں سوئے فلک برق و شرر دیکھ رہا ہوں

جب دور خزاں رشک بہاراں نظر آیا
گلشن میں نہاں خون جگر دیکھ رہا ہوں

تصویر مرے دل کی مرے سامنے آئی
برباد تمناؤں کا گھر دیکھ رہا ہوں

سلطانؔ گذرتی ہے عجب حال میں اپنی
میں زیست کابے لطف سفر دیکھ رہا ہوں

Ghazal

badli hui jo in ki nazar dekh raha hon
dekha nahi jata hai magar dekh raha hon

dogam merey saath koi chal nahi sakta
kaanton se bhari raah guzar dekh raha hon

phir ek naya aashiyaan gulshan mein banakar
mein soye fallak barq w sharer dekh raha hon

jab daur khizaaz rashk bahaaraan nazar aaya
gulshan mein nihaan khoon jigar dekh raha hon

tasweer merey dil ki merey samney aayi
barbaad tamannun ka ghar dekh raha hon

sultan guzarti hai ajab haal mein apni
mein zeist ka be lutuf safar dekh raha hon

غزل
ہوا پورا وہ آخر تھا جو لکھا میری قسمت کا
بدل ڈالا غمِ دوراں نے نقشہ شکل و صورت کا

وفاؤں پرجفائیں ہورہی ہیں رات دن اب تو
صلہ اچھا دیا ہے آپ نے ہم کو محبت کا

مرا دل لے کہ آئے دن ستم ڈھاتے ہیں وہ مجھ پر
ذرا بھی تو نہیں ہے پاس ان کو میری چاہت کا

پھپھولے آتشیں غم نے زباں میں میری ڈالے ہیں
سناؤں کس طرح سے حال ان کو دردِ فرقت کا

جنازہ پھر کسی ارماں بھرے کا آج اُٹھا ہے
سماں ان کی گلی میں جو نظر آیا قیامت کا

یقیں ہے بے وفا مجھ کو تجھے کچھ رحم آجاتا
جو نقشہ دیکھتا تو آکے میری خستہ حالت کا

کسی صورت سے ان کی بزم میں جاؤں گا میں سلطاںؔ
پھر اس کے بعد جو بھی فیصلہ ہو میری قسمت کا

Ghazal

huwa poora wo aakhir tha jo likha meri qismat ka
badal dala gham-e-dauran ne naqsha shakal w soorat ka

wafaun par jafain horahi hain raat din ab to
sila acha diya hai aap ne hum ko mohabbat ka

mera dil le ke aaye din sitam dhatey hain woh mujh par
zara bhi to nahi hai paas un ko meri chahat ka

phapholy aatsheen gham ne zubaz mein meri daaley hain
sunaoun kis tarh se haal un ko drd-e-furqat ka

janaza phir kisi arman bharay ka aaj uttha hai
saman un ki gali mein jo nazar aaya qayamat ka

yaqeen hai be wafa mujh ko tujhe kuch raham ajata
jo naqsha daikhta to aake meri khasta haalat ka

kisi soorat se un ki bazm mein jaounga mein sulltan
phir is ke baad jo bhi faisla ho meri qismat ka

غزل
جب اُن کی نظر میری نظرہو کے رہے گی
فرقت کے اندھرے میں سحر ہوکے رہے گی

جس وقت بہاروں کا گذر ہوگا چمن میں
دنیائے چمن زیر و زبر ہو کے رہے گی

جب عظمت انساں نہ رہے دہر میں باقی
لغزش بھی ہر اک مثل ہنر ہو کے رہے گی

جو دل پہ گذرتی ہے مجھے اتنا یقیں ہے
اک روز انھیں اس کی خبر ہو کے رہے گی

لمحات جدائی کے گذر جائیں گے اک دن
جب رات ہوئی ہے تو سحر ہوکے رہے گی

جس رخ پہ نظرآئیں گے طوفاں کے تھپیڑے
معلوم ہے کشتی بھی اُدھر ہو کے رہے گی

پرواز کی حد جس کو سمجھتا ہے زمانہ
اک منزل آغاز بشر ہوکے رہے گی

ناقدرئی دنیا سے نہ گھبرا کبھی سلطاںؔ
وقت آئے گا جب قدرِ ہنر ہوکے رہے گی

Ghazal
jab un ki nazar meri nazar ho ke rahey gi
furqat ke andherey mein sahar hoke rahey gi

jis waqt baharon ka guzar hoga chaman mein
dunyae chaman zair w zabar ho ke rahay gi

jab azmat insaan na rahey daher mein baqi
laghzish bhi har ek misl hunar ho ke rahey gi

jo dil pay guzarti hai mujhe itna yaqeen hai
ek roz inhen is ki khabar ho ke rahay gi

lamhaat judai ke guzar jayenge ek din
jab raat hui hai to sahar hoke rahey gi

jis rukh pay nzra aayinge tufaan ke thapede
maloom hai kashti bhi udhar ho ke rahey gi

parwaaz ki had jis ko samjhta hai zamana
ek manzil aaghaz bashar hoke rahey gi

naqadr-e-duniya se na ghabra kabhi sultan
waqt aayega jab qadr-e-hunar hoke rahey gi

غزل
ہزاروں مرحلے ہیں اور میری زندگانی ہے
کہ شمع جل رہی ہے اور ہواؤں کی روانی ہے

مقدر اور زمانے نے مجھے برباد کر ڈالا
سناؤں حال کس کو دکھ بھری میری کہانی ہے

نہیں تھمتے مرے آنسو نہیں تھمتے مرے آنسو
کہ بہنا کیا ہے ان کا حالِ دل کی ترجمانی ہے

جو سنتا ہے امنڈ آتے ہیں اس کی آنکھ سے آنسو
شریک آفسانۂ غم میں مرا درد نہانی ہے

کبھی آکر جو پوچھیں گے وہ میری خستہ حالت کو
توکہدوں گا میں ان سے آپ ہی کی مہربانی ہے

بس اب اللہ ہی حافظ ہے مری الفت کی کشتی کا
نظر آتا نہیں ساحل کہیں ہر سمت پانی ہے

مریض غم پہ طاری نزع کا عالم ہے ائے سلطاںؔ
کسی کا دیکھنے آنا ہی وجہ زندگانی ہے

Ghazal

hazaron marhaley hain aur meri zindagani hai
ke shama jal rahi hai aur hawaun ki ravani hai

muqaddar aur zamane ne mujhe barbaad kar dala
sunaon haal kis ko dukh bhari meri kahani hai

nahi thamtey merey ansoo nahi thamtey merey ansoo
ke behna kiya hai un ka haal-e-dil ki tarjumani hai

jo sunta hai umand atey hain is ki aankh se ansoo
shareek aafsan-e-gham mein mera dard nihani hai

kabhi aakar jo poucheenge woh meri khasta haalat ko
tu kahdoonga mein un se aap hi ki meharbani hai

bas ab allah hi hafiz hai meri ulfat ki kashti ka
nazar aata nahi saahil kahin har simt pani hai

mareez gham pay taari naza ka aalam hai aye sultan
kisi ka dekhney aana hi wajah zindagani hai

غزل

مجھ کو خبر نہیں کبھی شاداں رہا ہوں میں
ہر دم اسیر گردشِ دوراں رہا ہوں میں

داغِ جگر سے سینے میں آئی نئی بہار
ممنون تیرا ائے غم ہجراں رہا ہوں میں

دامانِ صبر ہاتھ سے چھوٹا نہیں کبھی
کس وقت ضبط غم سے گریزاں رہا ہوں میں

میرے ہر ایک حال کی جب تجھ کو ہے خبر
پھر تجھ سے کیاکہوں کہ پریشاں رہا ہوں میں

دیوانگیٔ عشق کا سلطاںؔ یہ حال ہے
جوشِ جنوں میں چاک گریباں رہا ہوں میں

Ghazal

mujh ko khabar nahi kabhi shadan raha hon mein
har dam aseer gardish-e-dauran raha hon mein

daagh-e-jigar se seeney mein aayi nai bahar
mamnon tera aye gham hijran raha hon mein

daman-e-sabr haath se chota nahi kabhi
kis waqt zabt gham se gorezan raha hoon mein

mere har ek haal ki jab tujh ko hai khabar
phir tujh se kiya kahon ke pareshan raha hon mein

dewangi-e-ishq ka sultan ye haal hai
josh-e-junon mein chaak gireybn raha hon mein

غزل
دردِ دل دردِ جگر ہو توغزل ہوتی ہے
کچھ محبت کا اثر ہو تو غزل ہوتی ہے

تابِ دل تابِ نظر ہو تو غزل ہوتی ہے
تیرا دیدار اگر ہو تو غزل ہوتی ہے

زُلف شبگوں کی قسم عارضِ روشن کی قسم
جلوۂ شام و سحر ہو تو غزل ہوتی ہے

دیکھئے نیچی نگاہوںمیں کوئی جان نہیں
حسن پہ گہری نظر ہو توغزل ہوتی ہے

سرد جذبات سے کچھ کام نہیں ہوسکتا
سامنے رقص شرر ہو تو غزل ہوتی ہے

یوں غزل کہہ نہیں سکتا کوئی شاعر ائے دوست
واقف عیب وہنر ہو توغزل ہوتی ہے

گردشِ چرخ سے ڈرتا ہے عبث ائے سلطاںؔ
زندگی غم میں بسر ہو تو غزل ہوتی ہے

Ghazal

drd-e-dil drd-e-jigar ho tu ghazal hoti hai
kuch mohabbat ka asar ho tu ghazal hoti hai

taab-e-dil taab-e-nazar ho tu ghazal hoti hai
tera deedar agar ho tu ghazal hoti hai

zulff shabgun ki qisam aariz roshan ki qisam
jalwa-e-shaam w sahar ho tu ghazal hoti hai

dekhye neechi nigahoun mein koi jaan nahi
husn pay gahri nazar ho tu ghazal hoti hai

sard jazbaat se kuch kaam nahi ho sakta
samney raqs sharer ho tu ghazal hoti hai

yun ghazal kah nahi sakta koi shayar aye dost
waaqif aib w hunar ho tu ghazal hoti hai

gardish-e-charkh se darta hai abs aye sultan
zindagi gham mein basar ho tu ghazal hoti hai

غزل
امتیازِ حق و باطل کس قدر مشکل ہے آج
انقلاب وقت تیری کونسی منزل ہے آج

آزمائش ہے تری ائے ناخدائے زندگی
خیر ہوکشتی خود طوفاں لبِ ساحل ہے آج

پیش قدمی کیا کریں ہر راستہ مسدود ہے
کاروانِ زیست تیری کونسی منزل ہے آج

ہر نظر سے جس کی ملتا تھا پیام زندگی
جانے کیوں ائے دل وہی میرے لئے قاتل ہے آج

وائے بربادی کے اپنے شہر میں ہوں اجنبی
سینکڑوں غم کے مقابل ایک تنہا دل ہے آج

پوچھتے ہو کس لئے تم مجھ سے دورِ زندگی
نشتر احساس غم سے ہرنفس گھائیل ہے آج

درحقیقت کیا اسی کا نام ہے معراجِ زیست
بے سروساماں سہی دل درد کے قابل ہے آج

تیرا آئے سلطاںؔ تعارف مختصر سا ہے یہی
اہلِ فن خود کہہ رہے ہیں رونق محفل ہے آج

Ghazal
imteyaz-e-haq w baatil kis qader mushkil hai aaj
inqilab waqt teri konsi manzil hai aaj

azmaish hai teri aye nakhuday zindagi
khair ho kashti khud tufaan lbe saahil hai aaj

paish qadmi kya karen har rasta masdood hai
karwan-e-zeist teri konsi manzil hai aaj

har nazar se jis ki milta tha payam zindagi
jane kiyun ay dil wohi mere liye qaatil hai aaj

waay barbadi ke apne shehar mein hon ajnabi
senkdon gham ke maqabil aik tanha dil hai aaj

puchhte ho kis liye tum mujh se dour zindagi
nashtar-e-ehsas gham se har nafas ghayal hai aaj

dar haqeeqat kiya isi ka naam hai mairaaj-e-zeist
be sar w saman sahi dil dard ke qabil hai aaj

tera aaye sultan taaruf mukhtasar sa hai yahi
ahle fun khud kah rahey hain ronaqe mahfil hai aaj

غزل
طوق گردن میں نہیں پاؤں میں زنجیر نہیں
اس لئے میرا جنوں قابلِ تشہیر نہیں

مسکراتاہوں تو آتے ہیں امنڈ کر آنسو
آہ ہنسنے کے بھی قابل مری تقدیر نہیں

ٹکڑے ٹکڑے ہوا دل اور جگر پارہ پارہ
کیسے کہدوںکہ نظر آپ کی شمشیر نہیں

بن گیا تیر نظر کا یہ نشانہ آخر
دل کے بچنے کی مرے اب کوئی تدبیر نہیں

اک نظر بھی تومحبت کی نہ ڈالی تم نے
چاہنے والوںکی اتنی بھی کیا توقیر نہیں

تھرتھرا جاتا ہے جب عرش معلیٰ سن کر
کیسے کہدوں کہ مری آہ میں تاثیر نہیں

وقتِ نزع ہے چلے آؤ نظارا کرلوں
دم نکلنے میں کوئی اور تو تاخیر نہیں

اشک و آہ کردے نہ بدنام تجھے ائے سلطاںؔ
ضبط جس میں نہیں وہ عاشقِ دل گیر نہیں

Ghazal
touq gardan mein nahi paoun mein zanjeer nahi
is liye mera junoo qabil-e-tasheer nahi

muskrata hoon to atey hain umand kar ansoo
aah hansney ke bhi qabil meri taqdeer nahi

tukde tukde huwa dil aur jigar parah parah
kaisay kahdoon nazar aap ki shamsheer nahi

ban gaya teer nazar ka ye nashana aakhir
dil ke bachney ki merey ab koi tadbeer nahi

ek nazar bhi tu mohabbat ki na daali tum ne
chahney walun ki itni bhi kiya tauqeer nahi

thar thra jate hai jab arsh mualla sun kar
kaisay kah doon ke meri aah mein taseer nahi

waqt-e-nazaa hai chale aao nazara krlon
dam niklney mein koi aur to takheer nahi

ashk w aah kardey na badnaam tujhe aye sultan
zabt jis mein nahi woh aashiq dil geer nahi

غزل
خرامِ ناز کا ہر ذکر خوشگوار چلے
جو لب ہوں وا کہیں افسانۂ بہار چلے

ہمارا نام محبت ہمارا نام جنوں
صنم کدے سے جو اٹھے توسوئے دار چلے

ہم اپنے اشکوں سے طوفاں اٹھا کے رکھدیں گے
وہ بدنصیب تھے اب تک جو اشکبار چلے

تری نگاہ نے بخشے ہیں میکدے پھر بھی
ادائے تشنہ لبی لے کے بادہ خوار چلے

اب انتظار کی لذت ہے بس حیات اپنی
تمام عمر ترا دوست انتظار چلے

ہمارے دم سے ہے اب بھی بقا محبت کی
وفا شعار ہی آئے وفا شعار چلے

ہمارا کیا ہے وفاؤں کا سلسلہ ٹہرے
جہاں بھی لے چلا ہم کو خیال یار چلے

تو ناز کر نہ کبھی اپنے فن پہ ائے سلطاںؔ
جہانِ شعر پہ کب کس کا اختیار چلے

Ghazal
khiraam naz ka har zikar khushgawar
jo lab hon wa kahin afsana-e-bahar chale

hamara naam mohabbat hamara naam junon
sanam kade se jo utthey tu soey daar chale

hum apne ashkon se tufaan utha ke rakhdeenge
wo badnaseeb they ab tak jo ashkbaar chale

teri nigah ne bkhsey hain maikaday phir bhi
adaye tishna labi le ke baadah khawar chale

ab intzaar ki lazzat hai bas hayaat apni
tamam umar tera dost intzaar chale

hamaray dam se hai ab bhi baqa mohabbat ki
wafa shiaar hi aaye wafa shiaar chale

hamara kiya hai wafaoun ka silsila tahrey
jahan bhi le chala hum ko khayaal yaar chale

tu naz kar na kabhi apne fun pay aye sultan
jahan-e-shair pay kab kis ka ikhtiyar chale

غزل

کیسی ہے کیا ہے ان کی نظر ہم سے پوچھئے
کیوں شق ہوئے قلب وجگر ہم سے پوچھئے

ان کے بغیر کیسے گذرتی ہے زندگی
یہ بات پوچھنا ہے اگر ہم سے پوچھئے

جو رفتہ رفتہ دل میں محبت کے نام سے
کس طرح ہو رہا ہے اثر ہم سے پوچھئے

دیکھا ہے ہم نے عارض وگیسو کو ایک جا
ملتے ہیں کیسے شام و سحر ہم سے پوچھئے

ان کا خیال ان کی تمنا ہے ان کی یاد
کیا کیا ہے ساتھ زادِ سفر ہم سے پوچھئے

بے تاب سجدے ہیں جو جبین حیات میں
کیا چیز ہے یہ نسبت در ہم سے پوچھئے

سلطانؔ لے رہے ہیں مرے دل کا جائزہ
کہتی ہے یہ کسی کی نظر ہم سے پوچھئے

Ghazal

kaisi hai kiya hai un ki nazar hum se pochiye
kyun shaq hue qalb w jigar hum se pochiye

un ke baghair kaisay guzarti hai zindagi
ye baat poochna hai agar hum se pochiye

jo rafta rafta dil mein mohabbat ke naam se
kis tarh ho raha hai asar hum se pochiye

dekha hai hum ne aariz w geasu ko aik ja
mlitay hain kaisay shaam o sahar hum se pochiye

un ka khayaal un ki tamanna hai un ki yaad
kiya kiya hai saath zaad-e-safar hum se pochiye

be taab sjday hain jo jabeen-e-hayaat mein
kiya cheez hai yeh nisbat dar hum se pochiye

sultan le rahay hain merey dil ka jaiza
kehti hai ye kisi ki nazar hum se pochiye

غزل
تمہاری ہی جدائی کا اثر ہے
کبھی آہیں کبھی دردِ جگر ہے

جنوں کا جوش وحشت کا اثر ہے
جو دیوانہ تمہارا دربد ہے

تلاشِ یار میں بے خود ہوں ایسا
گماں منزل کا ہر اک گام پر ہے

بناؤں آشیاں کیسے چمن میں
یہاں صاد واں برق و شرر ہے

قدم اٹھتے ہیں خود ہی سوئے منزل
دل بے تاب میرا ہم سفر ہے

بہار آتے ہی گھبرانے لگا دل
کہ تصویر جنوں پیش نظر ہے

سمجھتے ہی نہیں دیوانے زر کے
غریبوں پر خدا کی بھی نظر ہے

مرا غم کوئی کیا جانے گا سلطاںؔ
نہ آہیں ہیں نہ میری چشم تر ہے

Ghazal
tumhari hi judai ka asar hai
kabhi aahein kabhi drd-e-jigar hai

junon ka josh wahshat ka asar hai
jo deewana tumhara dar badar hai

talashe-e-yaar mein be khud hon aisa
guman manzil ka har ek gaam par hai

banaon aashiyaan kaisay chaman mein
yahan saad wan barq w sharer hai

qadam uthte hain khud hi soye manzil
dile be taab mera hum safar hai

bahar atay hi ghabranay laga dil
ke tasweer junon paish-e-nazar hai

samajte hi nahi deewany zar ke
ghareebon par khuda ki bhi nazar hai

mera gham koi kiya janega sultan
na aahein hain na meri chasham tar hai

غزل
عجب صیاد نے صورت نکالی دل جلانے کی
سناتا ہے قفس میں مجھ کو روداد آشیانے کی

متاعِ زندگی قربان کردی آپ پر لیکن
نہ بدلی آپ کی عادت ابھی تک آزمانے کی

تو ہی ائے زندگی لہجہ بدل کر اُن کو سمجھادے
مجھے فرصت کہاں ہے اپنا حالِ دل سنانے کی

کئی موجیں اُٹھیں طوفاں بڑھے ساحل سے ٹکرائے
بہت فرمائی کوشش آپ نے ہم کو مٹانے کی

سکونِ زندگی ملتا ہے آغوشِ تلاطم میں
طالب طوفان شکن رکھتے نہیں ساحل کو پانے کی

امانت ہے یہ سوزِ دل یہ گرم آنسو یہ سرد آہیں
محبت کی قسم کوشش نہ کرنا تم لٹانے کی

جگہ مرقد پہ پائیں یا گلے کا ہار بن جائیں
بدل سکتی نہیں فطرت گلوں کے مسکرانے کی

میں دورِ انقلابِ نو ہوں سلطاںؔ غور سے دیکھو
حقیقت میرے شعروں سے ٹپکتی ہے زمانے کی

Ghazal
ajab sayyad ne soorat nikaali dil jalanay ki
sunataa hai qafas mein mujh ko rudaad ashiyaney ki

mata-e-zindagi qurbaan kar di aap par lekin
nah badli aap ki aadat abhi tak azmaane ki

tu hi aye zindagi lahja badal kar unn ko samjade
mujhe fursat kahan hai apna haal-e-dil sunanay ki

kai moajein utthin tufaan badhay saahil se takraye
bohat farmai koshish aap ne hum ko mitanay ki

sukoon-e-zindagi milta hai agosh-e-talatum mein
taalib tufaan shikan rakhtay nahi saahil ko panay ki

amanat hai ye soze dil ye garam anson ye sard aahein
mohabbat ki qisam koshish na karna tum lutane ki

jagah marqad pay payen ya galay ka haar ban jayen
badal sakti nahi fitrat gulon ke muskurany ki

mein dour inqilabe nu hon sultan ghour se dekho
haqeeqat mere shairon se tapakti hai zamane ki

غزل
ہنس ہنس کے مجھ کو بزم میں دیکھا نہ کیجئے
دل پہ گرا کے برق تماشہ نہ کیجئے

انداز وناز اپنے دکھایا نہ کیجئے
دیوانگی کو میری بڑھایا نہ کیجئے

شمع لحد کو میری بجھایا نہ کیجئے
اندھیر اس طرح سے مچایا نہ کیجئے

رکھو نظر میں اپنی تماشائے طور کو
پھر دید کا کسی کی تقاضہ کیجئے

رخ سے نقاب اپنے اُٹھادیجئے حضور
اس طرح روز خونِ تماشہ نہ کیجئے

تڑپا کے میرے دل کو وہ سلطانؔ عشق میں
پھر کہہ رہے ہیں یہ مجھے رسوا نہ کیجئے

Ghazal
hans hans ke mujh ko bazm mein dekha na kijiye
dil pay gira ke barq tamasha na kijiye

andaaz w naaz apne dekhaya na kijiye
deewangi ko meri badhaya na kijiye

shanma lahad ko meri bujhaaya na kijiye
andher is tarh se machaya na kijiye

rakho nazar mein apni tamasha-e-tor ko
phir deed ka kisi ki taqaza kijiye

rukh se naqaab apne uthadijye huzoor
is trah roz khon-e-tamasha na kijiye

tadpa ke mere dil ko woh sultan ishq mein
phir kah rahay hain yeh mujhe ruswa na kijiye

غزل

مہماں بنے ہوئے ہیں جو ارماں نئے نئے

روشن ہیں بزمِ دل میں چراغاں نئے نئے

کیا غم جو زیست میں اٹھیں طوفاں نئے نئے

سیکھے ہیں ہم بھی بچنے کے امکاں نئے نئے

آہیں کبھی ہیں اشک کبھی درد و غم کبھی

بدلے ہیں زندگانی کے عنوان نئے نئے

گذری چمن میں صبح تو صحرا میں گذری شام

تقدیر نے دکھائے ہیں ساماں نئے نئے

گردش تری نگاہ کی جب سے نظر میں ہے

دکھ دے رہی گردشِ دوراں نئے نئے

یہ انقلابِ وقت ائے سلطاںؔ دیکھیے

صحرا نئے نئے ہیں گلستاں نئے نئے

Ghazal

mehman banay hue hain jo arman naye naye

roshan hain bzm-e-dil mein charaghan naye naye

kiya gham jo zeist mein utheen tufaan naye naye

sekhe hain hum bhi bachney ke imkan naye naye

aahein kabhi hain asshk kabhi dard w gham kabhi

badlay hain zindagani ke unwan naye naye

guzri chaman mein subah tu sahra mein guzri shaam

taqdeer ne dikhaay hain saman naye naye

gardish tri nigah ki jab se nazar mein hai

dukh day rahi gardish-e-dauran naye naye

yeh inqilabe waqt aye sultan dekhiye

sahraa naye naye hain gulisitan naye naye

غزل

ایک نہیں ہیں آج بھی اُن کے مرے تصورات

ان کی نگاہ میں ہے دن میری نگاہ میں ہے رات

موجِ الم کی زد میں ہے مرا سفینۂ حیات

جانے کدھر ہے آج کل تیری نگاہِ التفات

جینے کوجی رہا ہوں میں یہ بھی ہے کوئی زندگی

میری ہر ایک سانس میں غم کی ہے ساری کائنات

آہ پہ دست رس نہیں واہ میں پیش وپس نہیں

جب بھی بڑھا جنونِ عشق ختم ہوئے تکلفات

تم سے ہے غم کی تیرگی تم سے خوشی کی روشنی

کاکُل و رخ کے سامنے کچھ بھی نہیں یہ دن یہ رات

طور پہ لے کے عزم دید آیا ہوں مدتوں کے بعد

جلوۂ حسن پھر دکھا معرکۂ تجلیات

میں نے چمن میں ڈال کر پھر نئی طرح سے آشیاں

سلطاںؔ پرکھ کے عمر بھر شعلۂ برق کی صفات

Ghazal

aik nahi hain aaj bhi unn ke marey tasawurat

un ki nigah mein hai din meri nigah mein hai raat

moj-e-alam ki zad mein hai mra safeena-e-hayaat

jane kidhar hai aaj kal teri ngah-e-iltifaat

jeeney ko ji raha hon mein yeh bhi hai koi zindagi

meri har aik saans mein gham ki hai saari kayenaat

aah pay dast ras nahi wah mein paish w pas nahi

jab bhi badha junoon ishq khatam hue takallufaat

tum se hai gham ki tayragi tum se khushi ki roshni

kakul w rukh ke samnay kuch bhi nahi ye din ye raat

tor pay le ke azm deed aaya hon muddaton ke baad

jalwa-e-husn phir dikha marak-e-tajlliyat

mein ne chaman mein daal kar phir nai tarh se aashiyan

sultan parkh ke umar bhar shola-e-barq ki sifaat

غزل

نہیں ہے دہر میں جب کوئی مہرباں اپنا

سنائیں پھر کسے جاکر غم نہاں اپنا

چمن میں یوں تو ہزاروں ہی آشیانے ہیں

مگر ہے برق کی نظروں میں آشیاں اپنا

ہماری گردشِ قسمت کا ہے اثر شاید

بھٹک رہا ہے جو منزل پہ کارواں اپنا

مریض غم کو تم اب دیکھنے کو آئے ہو

کہ کام کرگئی جب مرگ ناگہاں اپنا

ہمارے پاؤں کے چھالے بھی پھوٹ کرروئے

جو گذرا راہ سے کانٹوں کی کارواں اپنا

سمجھ سکے وہ کبھی رازِ دل کو اے سلطاںؔ

ہر اشک غم کو بنایا ہو ترجماں اپنا

Ghazal

nahi hai daher mein jab koi mehrbaan apna

sunaein phir kisy jaakar gham nihaan apna

chaman mein yun to hazaron hi ashiyaney hain

magar hai barq ki nazron mein aashiyaan apna

hamari gardish-e-qismat ka hai assar shayad

bhatak raha hai jo manzil pay karwan apna

mareez gham ko tum ab dekhnay ko aaye ho

ke kaam kar gayi jab marge nagahan apna

hamaray pauon ke chalay bhi phoot kar rooye

jo guzra raah se kaanton ki karwan apna

samajh sakay wo kabhi raaz dil ko ae sultan

har asshk gham ko banaya ho tarjuma apna

غزل

میں ڈھونڈتا ہوں کوئی ہم زباں نہیں ملتا

یہ دردِ دل کا مرے ترجماں نہیں ملتا

ملے ہیں ملنے کو یوں تو حسیں زمانے میں

لیا ہے دل کو جو وہ دلستاں نہیں ملتا

تلاش کرکے یہ کہنا پڑا نگاہوں کو

جہاں میں تجھ سا کوئی مہربان نہیں ملتا

مرا ہی آشیاں ملتا ہے کیا تجھے ائے برق

کہیں پہ اور کوئی آشیاں نہیں ملتا

بہار جب سے چمن سے گئی خدا شاہد

چمن میں لطف ہمیں باغباں نہیں ملتا

جہاں میں میں نے ستمگرہزاروں دیکھے ہیں

جواب تیرا تو ائے آسماں نہیں ملتا

کلام سن کے یہ کہتے ہیں اہل فن سلطاںؔ

جہاں میں ایسا تو جادو بیاں نہیں ملتا

ghazal

mein dhondata hon koi hum zuba nahi milta

yeh drd-e-dil ka marey tarjuma nahi milta

miley hain milnay ko yun to hseen zamane mein

liya hai dil ko jo woh dilsitan nahi milta

talaash karkay ye kahna pada nigahon ko

jahan mein tujh sa koi meharban nahi milta

mera hi aashiyaan milta hai kiya tujhe aye barq

kahin pay aur koi aashiyaan nahi milta

bahar jab se chaman se gayi khuda shahid

chaman mein lutaf hamein baghban nahi milta

jahan mein mein ne sitam gar hazarun dekhe hain

jawab tera tu aye aasmaa nahi milta

kalaam sun ke yeh kahte hain ahale fun sultan

jahan mein aisa tu jadu bayan nahi milta

غزل

ٹوٹ کر دل کا ہراک ذرّہ دھڑکتا دل بنا

تب کہیں جاکر میں تیرے پیار کے قابل بنا

ہم قریب آئے تو رخصت ہوگیا ہوشِ نظر

آپ کا دیدار اب مشکل سے بھی مشکل بنا

عشق میں اظہار غم توہین غم سے کم نہیں

اپنے دل کو تو کسی کے درد کے قابل بنا

کشتیٔ عمر رواں رکنے نہیں پاتی کہیں

ایک ساحل ڈوبتے ہی دوسرا ساحل بنا

دوسروں کی رہ گذر میں کچھ نہیں لطف سفر

ائے مسافر ہر قدم پہ اک نئی منزل بنا

وقت نے ایسے تماشے بھی دکھائے ہیں ہمیں

رونق محفل جو تھا بیگانۂ محفل بنا

عشق کی آسودگی ناکامیوں کا نام ہے

میری قسمت دیکھئے خود چارہ گر قاتل بنا

مرثیہ حالات کا کب تک پڑھے سلطاںؔ کوئی

فکر ماضی چھوڑ دے کچھ اپنا مستقبل بنا

Ghazal

toot kar dil ka har ek zarrah dhadakataa dil bana

tab kahin jaakar mein teiray piyar ke qabil bana

hum qareeb aaye to rukhsat hogaya hosh-e-nazar

aap ka deedar ab mushkil se bhi mushkil bana

ishhq mein izhaar gham tauheen gham se kam nahi

–apne dil ko tu kisi ke dard ke qabil bana

kashti-e-umar rawan ruknay nahi paati kahin

ek saahil doubtey hi dosra saahil bana

doosrun ki rah guzar mein kuch nahi lutaf safar

aye musafir har qadam pay ek nai manzil bana

waqt ne aisay tamashay bhi dukhaey hain hamein

ronaqe mehfil jo tha begana-e-mahfil bana

ishq ki aasoudgi nakamiyon ka naam hai

meri qismat dekhye khud charah gar qaatil bana

marsia halaat ka kab tak parhay sultan koi

fikar maazi chod day kuch apna mustaqbil bana

غزل

ظاہر کسی طرح سے مرا مدّعا تو ہے

اے دردِ عشق دل کو ترا آسرا تو ہے

منزل پہ کاروان محبت پہنچ گیا

وہ تو نہیں ہیں ان کا مگر نقشِ پا تو ہے

سن کے وہ داستانِ غم زیست رو دیئے

صد شکر ان کا درد سے دل آشنا توہے

ارمان و آرزو نہیں دل میں تو کیا ہوا

غم تیرا زندگی کے لئے آسرا تو ہے

ائے برق آج دعوتِ نظارہ کر قبول

گلشن میں آشیانہ نیا پھر بنا تو ہے

تم مسکرادیئے مجھے تسکین ہوگئی

ہر دردِ دل کی پاس تمہارے دوا تو ہے

پیچیدگیٔ راہ سے گھبرا نہ تو کبھی

سلطانؔ خود ہی عزم مرا رہنما تو ہے

Ghazal

zahir kisi tarh se mera mudda tu hai

ae dard-e-ishq dil ko tera aasra to hai

manzil pay kaarvaan mohabbat pahonch gaya

woh tu nahi hain un ka magar naqash-e-pa tu hai

sun ke wo dastan-e-gham zeist ro diye

sad shukar un ka dard se dil aashna tu hai

armaan w arzoo nahi dil mein tu kiya huwa

gham tera zindagi ke liye aasra tu hai

aye barq aaj dawat-e-nzarah kar qubool

gulshan mein aashiyana naya phir bana tu hai

tum muskuradiye mujhe taskeen hogayi

har drd-e-dil ki paas tumahray dawa tu hai

peachedgi-e-raah se ghabra na tu kabhi

sultan khud hi azm mera rahnuma tu hai

غزل

سحر ہوگئی وہ یہاں آتے آتے

کہاں رہ گئے تھے کہاں آتے آتے

چمن دل کا ویران سا ہوگیا ہے

بہاروں کو لوٹی خزاں آتے آتے

ہلا دے گی عرش بریں اک نہ اک دن

لبوں پر ہمارے فغاں آتے آتے

ابھی سن ہی کیا ہے ابھی ہیں وہ کمسن

انہیں آئیں گی شوخیاں آتے آتے

برستے ہوئے آنسوؤں کو جو دیکھا

رکیں چرخ پر بدلیاں آتے آتے

وہاں یاد کرتے تھے سلطانؔ کو وہ

گھٹا دم یہاں ہچکیاں آتے آتے

Ghazal

sahar hogayi wo yahan atay atay

kahan rah gaye thay kahan atay atay

chaman dil ka weraan sa hogaya hai

baharon ko looti khizaan atay atay

hila day gi arsh bareen ek na ek din

labon par hamaray fughan atay atay

abhi sin hi kya hai abhi hain woh kamsin

unheen ayengi shokhiyan atay atay

baraste hue aasooun ko jo dekha

rukin charkh par badliyan atay atay

wahan yaad karte thay sultan ko woh

ghata dam yahan hichikiyaan atay atay

غزل

بے کلی دل میں محبت کی اگر ہوتی ہے

میری حالت جو اِدھر ہے وہ اُدھر ہوتی ہے

آپ کی یاد کا عالم بھی عجب عالم ہے

دل تڑپ جاتا ہے اور آنکھ بھی تر ہوتی ہے

مجھ کو ملتے ہیں جہاں آپ کے قدموں کے نشاں

میری منزل کی وہی راہ گذر ہوتی ہے

ہم توجیتے ہیں یہی حسرتیں دل میں لے کر

جانے کب ہم پہ محبت کی نظر ہوتی ہے

زندگی کی اُسے معراج سمجھ لیتا ہوں

آپ کے ساتھ اگر میری بسر ہوتی ہے

میں نے دیکھا ہے محبت کا کرشمہ سلطاںؔ

دل دھڑکتے ہی مرا اُن کو خبر ہوتی ہے

Ghazal

be kali dil mein mohabbat ki agar hoti hai

meri haalat jo idher hai wo udhar hoti hai

aap ki yaad ka aalam bhi ajab aalam hai

dil tadap jata hai aur aankh bhi tar hoti hai

mujh ko miltay hain jahan aap ke qadmon ke nishaa

meri manzil ki wohi raah guzar hoti hai

hum tu jeety hain yahi hasaratein dil mein le kar

jane kab hum pay mohabbat ki nazar hoti hai

zindagi ki ussay mairaaj samajh leta hon

aap ke saath agar meri basar hoti hai

mein ne dekha hai mohabbat ka karishma sultan

dil dhadaktey hi mera unn ko khabar hoti hai

غزل

نئی وضع کے وہ ظلم وستم ایجاد کرتے ہیں

نہ ہم کو قید کرتے ہیں نہ پھر آزاد کرتے ہیں

نہ توڑو دل مرا یہ گھر ہے جس میں آپ رہتے ہیں

کیوں اپنے گھر کو اپنے ہاتھ سے برباد کرتے ہیں

ہزاروں بار ہم کو آزمایا ہے جہاں لیکن

کہ جس کا عشق صادق ہے وہ کب فرمایا کرتے ہیں

تمہارا نام لیکے جی رہے ہیں ہم زمانے میں

تمہاری یاد سے بس زندگی آباد کرتے ہیں

ہمارے دل پہ کیا گذری کوئی سمجھے توکیا سمجھے

نہ ہم آنسو بہاتے ہیں نہ ہم فریاد کرتے ہیں

رِہا کرکے ہمارے بال وپر کو نوچ دیتے ہیں

بتائیں کیا تمہیں احسان جو صیاد کرتے ہیں

تماشہ اہلِ ساحل دیکھ کے افسوس کرلیں گے

مگر یہ ڈوبنے والے کی کب امداد کرتے ہیں

ہزاروں غم ہیں پنہاں دل میں اپنے پھر بھی ائے سلطاںؔ

ہم اپنے ملنے والوں کے تودل کو شاد کرتے ہیں

Ghazal

nai waza ke woh zulm w sitam ejaad karte hain

nh hum ko qaid karte hain na phir azad karte hain

na todo dil mera yeh ghar hai jis mein aap rahtay hain

kyun apne ghar ko apne haath se barbaad karte hain

hazaron baar hum ko aazmaaya hai jahan laikin

ke jis ka ishq sadiq hai wo kab farmaya karte hain

tumhara naam leyke jee rahay hain hum zamane mein

tumhari yaad se bas zindagi abad karte hain

hamaray dil pay kya guzri koi samjhay tu kiya samjhay

na hum ansoo bahatye hain na hum faryaad karte hain

reha karkay hamaray baal w par ko noch dete hain

bataen kiya tumhe ihsaan jo sayyad karte hain

tamasha ahle saahil dekh ke afsos karlen ge

magar yeh doobnay walay ki kab imdaad karte hain

hazaron gham hain pinhan dil mein apne phir bhi aye sultan

hum apne milnay walon ke tu dil ko shaad karte hain

غزل

ترے بغیر میں زندہ رہوں خدا نہ کرے

وہ عشق کیا ہے اگر جان کو فنا نہ کرے

ہزاروں غم میں گذاری ہے زندگی ہم نے

مگر اک پل بھی تری یاد کو جدا نہ کرے

حساب میری وفاؤں کا لے چکے لیکن

یہ اور بات ہے مجھ سے جو تم وفا نہ کرے

ادائے شرم سے کیوں دیکھتے ہو محفل میں

وہ تیر دل پہ چلاؤ کہ جو خطا نہ کرے

ملے ہیں ہم کو مسیحا بہت زمانے میں

ہمارے درد کی لیکن کوئی دوا نہ کرے

وہ رو رہے ہیں بہت آج میری بالیں پر

کوئی یہ کہدے میرے جینے کی دعا نہ کرے

یہ دوستوں کی محبت کو ائے میرے یارب

تو بعد مرگ بھی دل سے مرے جدا نہ کرے

کسی طرح وہ ہمارے نہ ہوسکے سلطاںؔ

خدا کسی کو بھی اس طرح بے وفا نہ کرے

Ghazal

tere baghair mein zinda rahon khuda na kare

wo ishq kiya hai agar jaan ko fanaa na kare

hazaron gham mein guzari hai zindagi hum ne

magar ek pal bhi teri yaad ko judda na kare

hisaab meri wafaoun ka le chuke laikin

ye aur baat hai mujh se jo tum wafa na kare

adaye sharm se kiyun dekhte ho mahfil mein

wo teer dil pay chaloo ke jo khata na kare

miley hain hum ko masihaa bohat zamane mein

hamaray dard ki laikin koi dawa na kare

wo ro rahay hain bohat aaj meri balen par

koi ye kahde mere jeeney ki dua na kere

ye doston ki mohabbat ko aye mere yarab

tu baad marg bhi dil se merey judda na kare

kisi tarha wo hamaray na hosakay sultan

khuda kisi ko bhi is tarha be wafa na kere

غزل

تم نہ ہوں گے اگر مہمان بڑی مشکل ہے

گھر وہ ہوجائے گا ویران بڑی مشکل ہے

انقلابات زمانے کے عجب ہوتے ہیں

اپنے بیگانے کی پہچان بڑی مشکل ہے

آج محفل میں وہ بے پردہ نظر آتے ہیں

اُڑ نہ جائیں کہیں اوسان بڑی مشکل ہے

آپ میرے تو کسی طرح نہیں ہوسکتے

کیسے ہو پورا پھر ارمان بڑی مشکل ہے

مہرباں اپنا سمجھتے تھے جسے دنیا میں

آج وہ ہوگیا انجان بڑی مشکل ہے

ہم تو رسوا ہوئے برباد ہوئے ہیں لیکن

آپ کیوں ہوگئے حیران بڑی مشکل ہے

تو نہیں ساتھ تو منزل کا تصور بھی نہیں

کیسے مشکل ہو یہ آسان بڑی مشکل ہے

آپ دنیا سے سفر کرتے ہیں لیکن سلطاںؔ

ساتھ کچھ بھی نہیں سامان بڑی مشکل ہے

Ghazal

tum na hon ge agar maheman badi mushkil hai

ghar wo hojaye ga weraan badi mushkil hai

inqalaabat zamane ke ajab hotay hain

–apne begane ki pehchan badi mushkil hai

aaj mahfil mein wo be parda nazar atay hain

urd na jayen kahin ausaan badi mushkil hai

aap mere tu kisi tarha nahi ho saktay

kaisay ho poora phir armaan badi mushkil hai

mehrbaan apna samajte thay jisay duniya mein

aaj wo hogaya anjaan badi mushkil hai

hum tu ruswa hue barbaad hue hain lekin

aap kiyun hogaye hairan badi mushkil hai

tu nahi saath tu manzil ka tasawwur bhi nahi

kaisay mushkil ho yeh aasaan barri mushkil hai

aap duniya se safar karte hain lekin sultan

saath kuch bhi nahi samaan badi mushkil hai

غزل

رازِ دل رازِ محبت کو چھپایا کرتے

آنکھوں آنکھوں ہی میں پیغام سنایا کرتے

آپ کے نقشِ قدم کاش نظر آجاتے

بہرِ سجدہ ہم جبیں اپنی جھکایا کرتے

محفلِ عشق میں اک جشن چراغاں ہوتا

اپنی پلکوں پہ ستاروں کو سجایا کرتے

ہوشمندوں کو بھی رشک آتا میری قسمت پر

مجھ کو دیوانہ اگر آپ بنایا کرتے

مری آنکھوں سے مرے دل میں اترنے والے

روح بن کر مری رگ رگ میں سمایا کرتے

کاش سلطانؔ سمجھ لیتے فریب اُلفت

دل زمانے میں کسی سے نہ لگایا کرتے

Ghazal

raaz-e-dil raaz-e-mohabbat ko chupaya karte

aankhon aankhon hi mein paigham sunaya karte

aap ke naqash-e-qadam kash nazar aajate

bahar sajda hum jabeen apni jhukaya karte

mahfil ishq mein ek jashn chiraghan hota

apni palkon pay sitaron ko sajaya karte

hosmandun ko bhi rashk aata meri qismat par

mujh ko deewana agar aap banaya karte

meri aankhon se merey dil mein utrney walay

rooh ban kar meri rag rag mein samaya karte

kash sultan samajh letay fraib ulfat

dil zamane mein kisi se na lagaya karte

غزل

ہمارے حوصلے دل کے شکست کھا نہ سکے

رہ وفا میں قدم اپنے ڈگمگا نہ سکے

ترے توجلوے ہر اک سمت عام ہیں لیکن

وہ کور چشم ہیں جلوے جو تیرے پا نہ سکے

ہمارے خون جگر سے ہے سرخرو گلشن

ہماری طرح سبھی اپنا خوں بہا نہ سکے

ہم اپنے دشمن جاں کو بھلادیے دل سے

یہ دوستوں کی وفا کو مگر بھلا نہ سکے

یہ مانا تم نے کئی شہر کردیئے آباد

اُجڑگیا ہے جو اک دل اُسے بسا نہ سکے

ہم اپنا آشیاں خود نذر برق کربیٹھے

یہ حوصلہ کبھی اہلِ چمن دکھا نہ سکے

وہ رنگ لائی ہے وابستگی محبت کی

بچائے لاکھ وہ دامن مگر بچا نہ سکے

جو رازِ دل ہے وہ افشانہ کرسکے سلطاںؔ

بنامِ شعر بھی محفل میں ہم سنا نہ سکے

Ghazal

hamaray hauslay dil ke shikast kha na sakay

rah wafa mein qadam apne dagmaga na sakay

tere tu jalwe har ek simt aam hain laikin

wo coor chasham hain jalwy jo teiray pa na sakay

hamaray khoon jigar se hai surkhuru gulshan

hamari tarha sabhi apna khon baha na sakay

hum apne dushman-e-jaan ko bhuladiye dil se

ye doston ki wafa ko magar bhula na sakay

ye mana tum ne kai shaher kardiye abaad

ujadgya hai jo ek dil usay basa na sakay

hum apna aashiyaan khud aazar-e-barq karbithe

ye hosla kabhi ahle chaman dikha na sakay

wo rang layi hai wabastagi mohabbat ki

bachaaye laakh woh daman magar bacha nah sakay

jo raaz-e-dil hai woh afsha na kar sakay sultan

banam sher bhi mahfil mein hum suna na sakay

غزل

تو بلاؤں کو کبھی زیست کا محور نہ بنا

دائرے زلف کے نکھرے ہوئے رخ پرنہ بنا

غم کی جھیلوں کو بڑھا کے توسمندر نہ بنا

زندگی کو مری بربادی کا منظر نہ بنا

رازِ دل کو کبھی لفظوں میں نہ لانا ہرگز

اور رودادِ محبت کو تو دفتر نہ بنا

ہوش اڑجاتے ہیں محفل کے تجھے کیا معلوم

اپنی آنکھوں کو چھلکتے ہوئے ساغر نہ بنا

واسطہ دیتا ہوں بربادیٔ الفت کا تجھے

چشم کو ترنہ بنا قلب کو مضطر نہ بنا

جس میں احساس نہ ہو دل وہ نہیں ائے سلطاںؔ

اپنے دل کو توکبھی بھول کے پتھر نہ بنا

Ghazal

tu balaun ko kabhi zeist ka mahwar na bana

dairay zulf ke nikhre hue rukh par na bana

gham ki jheelon ko barha ke tu samandar na bana

zindagi ko meri barbadi ka manzar na bana

raaz-e-dil ko kabhi lafzun mein na lana hargiz

aur rudaad mohabbat ko to daftar na bana

hosh ud jate hain mahfil ke tujhe kiya maloom

apni aankhon ko chalakte hue saghar na bana

vaastaa deta hon barbadi-e-ulfat ka tujhe

chasham ko tar na bana qalb ko muztar na bana

jis mein ehsas na ho dil wo nahi aye sultan

–apne dil ko to kabhi bhool ke pathar na bana

غزل

خیال آپ کا دل سے نکل نہیں سکتا

زمانہ طرزِ محبت بدل نہیں سکتا

توقع اس سے اُجالوں کی کیا کرے کوئی

چراغ بن کے جو محفل میں جل نہیں سکتا

اُسے شریک سفر آپ کیوں سمجھتے ہیں

رہِ حیات میں جو ساتھ چل نہیں سکتا

جو تو نہیں تو نہیں کچھ بھی بزمِ دنیا میں

ترے بغیر مرا دل بہل نہیں سکتا

ہزار بار جلا ہے یہ آشیاں لیکن

وفا پرست گلستاں بدل نہیں سکتا

کیا حال دل کو بھلا سمجھیں یہ جہاں والے

جب اشک غم مری پلکوں سے ڈھل نہیں سکتا

نہ پوچھ مجھ سے جو ضبطِ فغاں کا عالم ہے

زباں سے آہ کیا اُف تک نکل نہیں سکتا

کیا حادثاتِ زمانے سے ڈرگئے سلطاںؔ

جو وقت موت کا ہے وہ تو ٹل نہیں سکتا

Ghazal

khayaal aap ka dil se nikal nahi sakta

zamana tarz-e-mohabbat badal nahi sakta

tawaqqa is se ujaloon ki kiya kare koi

chairag ban ke jo mahfil mein jal nahi sakta

ussay shareek safar aap kyun samajte hain

rah-e-hayaat mein jo saath chal nahi sakta

jo tu nahi to nahi kuch bhi bzm-e-duniya mein

tere baghair mera dil bahel nahi sakta

hazaar baar jala hai ye aashiyaan laikin

wafa parast gulisitan badal nahi sakta

kiya haal dil ko bhala samjhain ye jahan walay

jab ashk gham meri palkon se dhal nahi sakta

nah pooch mujh se jo zbt-e-fughan ka aalam hai

zuba se aah kya uff tak nikal nahi sakta

kya hadsaat-e-zamane se dargay sultan

jo waqt mout ka hai wo to tal nahi sakta

غزل

حق ادا کربندگی کا زندگانی کے لئے

عمر تھوڑی کھو نہ دے قصہ کہانی کے لیے

ہم نے سوچا نا حیاتِ جاویدانی کے لیے

عمر بھر جیتے رہے دنیائے فانی کے لیے

تم مٹادو شوق سے ہم کو کوئی پروا نہیں

ہم تو جیتے ہیں تمہاری شادمانی کے لیے

آپ کی چشم کرم محفل میں اوروں پر رہی

ہم ترستے رہ گئے ہیں مہربانی کے لیے

ناخدا مایوس ہے گر چھوڑدے کشتی کو تو

جب خدا خود ہے ہماری پاسبانی کے لیے

ہر قدم پر آفتیں ہیں ہر نفس میں اُلجھنیں

زیست ہے گویا بلائے ناگہانی کے لئے

ساتھ تیرا چھوڑ کے جائے گی سلطاںؔ ایک دن

تو عبث رسوا ہوا یہ زندگانی کے لئے

Ghazal

haq ada kar bandagi ka zindagani ke liye

umar thodi kho na day qissa kahani ke liye

hum ne socha na hayaat javedani ke liye

umar bhar jeetay rahay dunyae faani ke liye

tum mitadu shouq se hum ko koi parwa nahi

hum to jeetay hain tumhari shadmani ke liye

aap ki chasham karam mahfil mein ouron par rahi

hum tarastay rah gaye hain meharbani ke liye

nakhuda mayoos hai gar chod de kashti ko tu

jab khuda khud hai hamari pasbani ke liye

har qadam par aaftein hain har nafs mein uljhanein

zeist hai goya balaye nagahani ke liye

saath tera chode ke jaye gi sultan aik din

tu abs ruswa huwa ye zindagani ke liye

غزل

وہ کون سا الم ہے جو مجھ پر ہوا نہیں

یہ اور بات ہے کہ کسی سے کہا نہیں

بے کیف سی ہے رات توبے لطف سا ہے دن

سچ تویہ ہے کہ جینے میں کچھ بھی مزا نہیں

سجدے مرے زمان ومکاں سے ہیں بے نیاز

کعبہ سے بتکدے سے کوئی رابطہ نہیں

دل ہے کہیں خیال کہیں ہے نظر کہیں

ائے شیخ تیرا ایک بھی سجدہ روا نہیں

شام و سحر بہار و خزاں رنج و انبساط

کوئی بھی انقلاب کی زد سے بچا نہیں

بے رنگ سی ہے عشق و محبت کی داستاں

شاید ہمارا خوں ابھی شامل ہوا نہیں

کیا ان سے درد وغم کی بھلا داد لے کوئی

دل جن کا درد و غم سے ابھی آشنا نہیں

تنقید کررہے ہیں وہ سلطانؔ دیکھے

شعر و سخن سے جن کو کوئی واسطہ نہیں

Ghazal

wo kon sa alam hai jo mujh par huwa nahi

ye aur baat hai ke kisi se kaha nahi

be kaif si hai raat tu be lutf sa hai din

sach tu ye hai ke jeeney mein kuch bhi maza nahi

sajday marey zaman w makan se hain be niyaz

kaaba se butkade se koi rabita nahi

dil hai kahin khayaal kahin hai nazar kahin

aye sheikh tera aik bhi sajda rava nahi

shaam w sahar bahar w khizaa ranj w inbisaat

koi bhi inqilab ki zad se bacha nahi

be rang si hai ishq w mohabbat ki dastan

shayad hamara khon abhi shaamil huwa nahi

kiya un se dard w gham ki bhala daad le koi

dil jin ka dard w gham se abhi aashna nahi

tanqeed kar rahay hain woh sultan dekhye

shair w sukhan se jin ko koi vaastaa nahi

غزل

مسکرا کر کوئی اپنا دل لے لیا، اور نظر سے متاعِ نظر لے لیا

ائے غمِ عشق تونے تو میرے لئے عمر بھر دردِ قلب و جگر لے لیا

رازِ دل کو چھپایا توچھپ نہ سکا، اور چرچہ محبت کا ہونے لگا

دل سے اپنے میں مجبور تھا اس لئے نام لینا نہیں تھا مگر لے لیا

کس طرح عشق کا سودا طے ہوگیا، سوئے دار و رسن ہوگیا

جب یہ جوشِ جنوں حد سے بڑھنے لگا کوئی سردیدیا کوئی سرلے لیا

صرف کانٹے ہی گلشن میں ہم کو ملے کیا وفاؤں کے اپنے یہی ہیں صلے

کوئی غنچہ وگلہائے تر لے لیا، کوئی جتنے تھے بررگ و ثمر لے لیا

کیسا شہر خموشاں کا منظر ہے یہ، وقت سے پہلے برپا اک محشر ہے یہ

آہ رہ کے بھی گھر میں میں بے گھر ہوا، اور تونے نیا ایک گھر لے لیا

آج سلطانؔ کوئی ملا ناگہاں، حال پر اپنے ہوکر بڑا مہرباں

شب کے پردے میں تاریکیاں دے دیا، اور ہم سے وہ نور سحر لے لیا

Ghazal

muskura kar koi apna dil le liya, aur nazar se mata-e-nazar le liya

aye gham-e-ishq tunay tu mere liye umar bhar drd-e-qalb w jigar le liya

raaz dil ko chupaya tu chup na saka, aur charcha mohabbat ka honay laga

dil se apne mein majboor tha is liye naam lena nahi tha magar le liya

kis tarha ishq ka suda tay hogaya, soye daar w rasan hogaya

jab yeh josh-e-junoo had se badhne laga koi sar dediya koi sar le liya

sirf kantay hi gulshan mein hum ko miley kya wafaun ke apne yahi hain silay

koi ghuncha w gulhay tar le liya, koi jitne thay barg w samar le liya

kaisa shaher khmoshan ka manzar hai yeh, waqt se pahley barpaa ek Mahshar hai ye

aah rah ke bhi ghar mein mein be ghar howa aur tunay naya ek ghar le liya

aaj sultan koi mila nagahan, haal par apne hokar bada mehrbaan

shab ke parday mein tarikiyan day diya, aur hum se wo noor sahar le liya

غزل

مریض محبت کا ائے اہلِ دنیا سلام آخری ہے پیام آخری ہے

کہا اور سنا سب مرا بھول جاؤ مرا آج تم سے یہ کام آخری ہے

کبھی دردِ فرقت نہ اٹھا تھا ایسا کبھی حال اپنا ہوا تھا نہ ایسا

سرشام ہی سے یہ ہوتا ہے محسوس، مری زندگی کی یہ شام آخری ہے

ہے گورِ غریباں کا منظر نرالا، یہاں یاس حسرت کا ہے بول بالا

یہاں دم بدم یہ صدا آرہی ہے، یہ دنیا میں سب کا مقام آخری ہے

کہاں جاؤں یا رب تجھے چھوڑکر میں، نہ منزل ہے کوئی نہ کوئی ٹھکانہ

تجھے مرتے دم بھی نہ بھولا ہے میں نے مرے لب پہ تیرا ہی نام آخری ہے

عجب میکدے میں تماشہ بپا ہے، ہراک رند میرا ہی منہ تک رہا ہے

مجھے میرا ساقی صدا دے رہا ہے، بڑھا ہاتھ سلطاںؔ کہ جام آخری ہے

Ghazal

mareez mohabbat ka ay ahley duniya salam aakhri hai payam aakhri hai

kaha aur suna sab mera bhool jaao mera aaj tum se yeh kaam aakhri hai

kabhi drd-e-furqat na utha tha aisa kabhi haal apna huwa tha na aisa

sarsham hi se ye hota hai mahsoos, meri zindagi ki ye shaam aakhri hai

hai gore-e-gharibaan ka manzar nirala, yahan yaas hasrat ka hai bol baala

yahan dam badam ye sada aa rahi hai, ye duniya mein sab ka maqam aakhri hai

kahan jhaun ya rab tujhe chodhkar mein, na manzil hai koi na koi thikana

tujhe martay dam bhi na bhola hai mein ne marey lab pay tera hi naam aakhri hai

ajab maikaday mein tamasha bapaa hai har ek rind mera hi mun tak raha hai

mujhe mera saqi sada day raha hai, badha haath sultan ke jaam aakhri hai

غزل

زباں میری نہ دل میرا نظر میری نہ جاں میری

کسی کی داستاں اب بن گئی ہے داستاں میری

حوادث کے تسلسل پر مدارِ زندگانی ہے

امانت برق و طوفاں کی شاخِ آشیاں میری

ہے تو ہی اول و آخر ہے تو ہی ظاہر و باطن

کوئی عنوان ہے میرا نہ کوئی داستاں میری

کسی کا ذکر کیا میں خود نہیں ہوں ہم سفر اپنا

گئی ہے چھوڑ کر مجھ کو کہاں عمر رواں میری

تعارف اہل علم و فن کو میرا ہے تو اتنا ہے

بنامِ شعر سن لیتے ہیں کچھ کچھ داستاں میری

کوئی تنقید ائے سلطانؔ کرتا بھی تو کیا کرتا

ہے شمع محفلِ شعر و سخن فکر جواں میری

Ghazal

zubaz meri na dil mera nazar meri na jaan meri

kisi ki dastan ab ban gayi hai dastan meri

hawadis ke tasalsul par madaar-e-zindagani hai

amanat barq w tufaan ki shakh-e-aashiyaan meri

hai tu hi awwal w aakhir hai tu hi zahir w batin

koi unwan hai mera na koi dastan meri

kisi ka zikar kiya mein khud nahi hon hum safar apna

gayi hai chod kar mujh ko kahan umar rawan meri

taaruf ahle ilm w fan ko mera hai tu itna hai

banam sher sun letay hain kuch kuch dastan meri

koi tanqeed aye sultan karta bhi to kya karta

hai shama mahfil sher w sukhan fikar jawaa meri

غزل

بس اُن کی نظر سے پیتے ہیں، ہم ساغر ومینا بھول گئے

اب ہوش نہیں ہے دنیا کا، ہم ساری دنیا بھول گئے

جب سامنے وہ آجاتے ہیں کچھ ہوش نہیں رہتا ہم کو

ہم کیسے کہیں ان کو پا کر، کیا یاد رہا کیا بھول گئے

ائے جذبِ محبت بتلادے ہم کونسی منزل پر آئے

ہم اُن کی تمنا کی خاطر دنیا کی تمنا بھول گئے

بیمارِ محبت کی خاطر، وہ بہر عیادت آئے تھے

کیا بات ہوئی آخر ائے دل، ہم حال سنانا بھول گئے

جلوؤں کی وہ لذت ائے سلطاںؔ الفاظ میں کیسے ہوگی بیاں

دیدار کبھی جو اُن کا ہوا، ہم ہوش میں آنا بھول گئے

Ghazal

bas un ki nazar se peetay hain, hum saghar w meena bhool gaye

ab hosh nahi hai duniya ka, hum saari duniya bhool gaye

jab samnay wo aajate hain kuch hosh nahi rahta hum ko

hum kaisay kahin un ko pakar, kiya yaad raha kya bhool gaye

aye jazb mohabbat batlade hum konsi manzil par aaye

hum un ki tamanna ki khatir duniya ki tamanna bhool gaye

bemaar-e-mohabbat ki khatir, wo bahar ayadat aaye thay

kya baat hui aakhir aye dil, hum haal sunana bhool gaye

jalwun ki woh lazzat aye sultan alfaaz mein kaisay hogi bayan

deedar kabhi jo unn ka huwa, hum hosh mein aana bhool gaye

غزل

مری خستہ حالی کی روداد سن کر، تم آنسو بہانے کی کوشش نہ کرنا

میں وقف غم زندگی ہوچکا ہوں، مرا غم اٹھانے کی کوشش نہ کرنا

نظر سے نظر دل سے دل مل گئے ہیں، ہم انکے ہوئے وہ ہمارے ہوئے ہیں

زمانے سے کہدو کہ اب بھول کر بھی، ہمیں آزمانے کی کوشش نہ کرنا

بہار آگئی گلشن زندگی میں، ذرا زخم دل مسکرانے لگے ہیں

یہ کہنا ہے مجھ کو غمِ دوجہاں سے،مرے دل تک آنے کی کوشش نہ کرنا

نئے حوصلوں کونئے ولولوں کو، ابھی آزمانا ہے طوفانِ غم میں

مرے دل کی کشتی کو موجِ حوادث، کنارے پہ لانے کی کوشش نہ کرنا

زمانے کی گردش سے خود کوبچا کر، مقابل ہوا ہوں میں جلوؤں سے اکثر

تصور میں میرے دبے پاؤں آکر،مجھے آزمانے کی کوشش نہ کرنا

مری میگُساری کبھی میکدے کی، نہ مرہون منت ہوئی ہے نہ ہوگی

تخیل کے عالم میں بھی بادۂ نو شو، مجھے تم پلانے کی کوشش نہ کرنا

یہاں آج انسانیت سے بھی بڑھ کر، زر و مال کی ہو رہی ہے پرستش

کبھی آپ سلطاںؔ کسی کو بھی ہرگز،غم دل سنانے کی کوشش نہ کرنا

Ghazal

meri khasta haali ki rudaad sun kar, tum ansoo bahanay ki koshish na karna

mein waqf gham zindagi hochuka hon, mera gham uthany ki koshish na karna

nazar se nazar dil se dil mil gaye hain, hum unkay hue woh hamaray hue hain

zamane se kahdo ke ab bhool kar bhi, hamein azmaane ki koshish na karna

bahar aagai gulshan zindagi mein, zara zakham dil muskurany lagey hain

ye kahna hai mujh ko gham-e-dojahan se, merey dil tak anay ki koshish na karna

naye houslon ko naye valwlun ko, abhi aazmana hai tofan-e-gham mein

marey dil ki kashti ko moj-e-hawadis, kinare pay laane ki koshish na karna

zamane ki gardish se khud ko bcha kar, maqabil huwa hon mein jalwun se aksar

tasawwur mein mere dabey paun aakar, mujhe azmaane ki koshish na karna

meri megusari kabhi maikaday ki, na marhoon-e-minnat hui hai na hogi

takhayyul ke aalam mein bhi bada-o-nu shav, mujhe tum pilanay ki koshish na karna

yahan aaj insaaniyat se bhi badh kar, zar w maal ki ho rahi hai parastish

kabhi aap sultan kisi ko bhi hargiz, gham dil sunanay ki koshish na karna

غزل

غرق تیرے عشق میں یہ دل دیوانہ ہے

واقف آغاز ہے انجام سے بیگانہ ہے

دم میں دم رہتا ہے جب تک رہتی ہے بیتاب سی

شمع کے دل میں بھی شاید شوزشِ پروانہ ہے

ہم پہ بھی ہے مہرباں دل چاہتا ہے ان کو بھی

ہم یہ کہہ سکتے نہیں اپنا ہے یا بیگانہ ہے

میرے ہی ٹوٹے ہوئے دل کا ہے اک عکس لطیف

دست ساقی میں جو اک ٹوٹا ہوا پیمانہ ہے

سب کی آنکھوں میں ہے اشکوں کی حقیقت جلوہ گر

میرے لب پہ درد میں ڈوبا ہوا افسانہ ہے

فیصلہ دے وقت ہی حسن و وفا سے پوچھ کر

شمع پروانے کی ہے یا شمع کا پروانہ ہے

اپنا افسانہ سنا کر جب اٹھا میں بزم سے

کہہ اُٹھا ہر اہل دل یہ میرا ہی افسانہ ہے

آج سلطاںؔ زیر کر آیا ہوں طوفانوں کو میں

میں لبِ ساحل ہوں ہرلب پر میرا افسانہ ہے

Ghazal

ghark tairay ishq mein ye dil deewana hai

waaqif aaghaz hai anjaam se begana hai

dam mein dam rahta hai jab tak rahti hai betaab si

shama ke dil mein bhi shayad shozish parwana hai

hum pay bhi hai mehrbaan dil chahta hai un ko bhi

hum ye kah satke nahi apna hai ya begana hai

mere hi tootay hue dil ka hai ek aks lateef

dast saqi mein jo ek toota huwa paimana hai

sab ki aankhon mein hai ashkon ki haqeeqat jalva gar

mere lab pay dard mein dooba huwa afsana hai

faisla day waqt hi husn w wafa se pooch kar

shama parwanay ki hai ya shama ka parwana hai

apna afsana suna kar jab utha mein bazm se

kah uttha har ahle dil ye mera hi afsana hai

aaj sultan zair kar aaya hon tufanoon ko mein

mein lbe saahil hon har lab par mera afsana hai

غزل

غم کو گلے لگاؤ کلیجہ نکل پڑے

وہ حوصلہ دکھاؤ کلیجہ نکل پڑے

جس طرح میں نے خوں سے کیا دل کو لالہ زار

ایسا تو خوں بہاؤ کلیجہ نکل پڑے

میری طرح ائے اہل چمن زو بہ برق کی

اک آشیاں بناؤں کلیجہ نکل پڑے

طوفاں سے آندھیوں سے تلاطم سے موج سے

کشتی بچا کے لاؤ کلیجہ نکل پڑے

جس طرح مسکرا کے پیا میں نے اشکِ غم

ایسا تو مسکراؤ کلیجہ نکل پڑے

آساں ہے جانا محفل کیف و نشاط میں

گر سوئے دار آؤ کلیجہ نکل پڑْ

سلطانؔ حادثات کو شعروں میں ڈھال کر

ایسی غزل سناؤ کلیجہ نکل پڑے

Ghazal

gham ko galay lagau kaleja nikal pade

wo hosla dikhao kaleja nikal pade

jis tarha mein ne khon se kya dil ko lala zaar

aisa tu khon bahao kaleja nikal pade

meri tarha aye ahle chaman zoo bah barq ki

ek aashiyaan banoun kaleja nikal pade

tufaan se aandhiyon se talatum se mouj se

kashti bacha ke laoo kaleja nikal pade

jis tarha muskura ke piya mein ne ashk gham

aisa tu muskrao kaleja nikal pade

aasan hai jana mehfil kaif o nishat mein

gar soye daar aao kaleja nikal pade

sultan hadsaat ko shairoon mein dhaal kar

aisi ghazal sunao kaleja nikal pade

غزل

جبینِ عشق ہم اپنی جہاں جھکاتے ہیں

فقط وہیں حرم و دیر کھینچ کے آتے ہیں

ہجوم یاس میں سب اشکِ غم بہاتے ہیں

ہم ایسے صاحب دل ہیں کہ مسکراتے ہیں

قریب وہ دور کسی کو خبر نہیں ہوتی

عجیب شان سے ہم بار غم اٹھاتے ہیں

وہی ہیں قصۂ غم کے نکات دل آویز

جو اشک پلکوں پہ آ آ کے تھرتھراتے ہیں

وہیں کچھ اور بھی رنگیں ہوتی ہیں نیندیں

وہ سونے والوں کے شانے جہاں بلاتے ہیں

ہمارے عشق کا وہ امتحان لیتے ہیں

ہم اپنی موت سے جب زور آزماتے ہیں

گرے نہ پھر نئے انداز سے کہیں بجلی

نیا چمن ہے نیا آشیاں بناتے ہیں

مذاق اُڑاتی ہے فصلِ بہار ائے سلطاںؔ

وہ پھول ہنستے ہیں اورغنچے مسکراتے ہیں

Ghazal

jabeen-e-ishq hum apni jahan jhukate hain

faqat wahein haram w daer khinch ke atay hain

hujhoom yaas mein sab asshk gham bahatye hain

hum aisay sahib dil hain ke muskuratay hain

qareeb woh door kisi ko khabar nahi hoti

ajeeb shaan se hum baar gham uthatay hain

wohi hain qissa-e-gham ke nukaat dil aaweez

jo asshk palkon pay aa aa ke thar tharatay hain

wahein kuch aur bhi rangeen hoti hain neendain

wo sonay walon ke shanay jahan bulatay hain

hamaray ishq ka woh imtehaan letay hain

hum apni mout se jab zor azmatay hain

giray na phir naye andaaz se kahin bijli

naya chaman hai naya aashiyaan banatay hain

mazaaq udati hai fasal bahar aye sultan

wo phool hanstay hain aur ghunchey muskuratay hain

غزل

کرتے ہیں خود پسند جو نام و نشاں کی بات

سمجھے نہیں ہیں فطرتِ دورِ جہاں کی بات

جب چھڑگئی چمن میں مرے آشیاں کی بات

ہراک زبان پہ رہی برقِ نہاں کی بات

طوفاں شکن ہیں حوصلے ہمت بلند ہے

کیوں آئے اپنے ذہن میں موج رواں کی بات

رہرو کے پاؤں چومنے منزل خود آئے گی

گر ہو لب حیات بہ عزمِ جواں کی بات

تیرا خیال تیرا تصور ہے تیرا ذکر

اب اس سے ہٹ کے اورکریں ہم کہاں کی بات

حسرت ہے پھر بھی ان سے تعارف نہ ہوسکا

تا عمر کررہے ہیں جو عمر رواں کی بات

رعنائی خیال کا سلطانؔ ہے اثر

ہر شعر میں ہے میرے جو فکر جواں کی بات

Ghazal

karte hain khud pasand jo naam w nishan ki baat

samjhay nahi hain fitrat dour-e-jahan ki baat

jab chid gai chaman mein merey aashiyaan ki baat

har ek zabaan pay rahi barq-e-nihaan ki baat

tufaan shikan hain hauslay himmat buland hai

kyun aaye apne zehen mein mouj rawan ki baat

rahru ke paoun choomnay manzil khud aaye gi

gar ho lab hayaat bah azm-e-jawan ki baat

tera khayaal tera tasawwur hai tera zikar

ab is se hatt ke aur kareen hum kahan ki baat

hasrat hai phir bhi un se taaruf na ho saka

taa umar kar rahay hain jo umar rawan ki baat

ranayi khayaal ka sultan hai asar

har sher mein hai mere jo fikar jawan ki baat

غزل

وصل کی اس کے قضا لے کر خبر آئی ہے

آج تو منزل مقصود نظر آئی ہے

نگہۂ ناز تیری دیکھ کے میری جانب

میں یہ سمجھا کہ تمنا مری بر آئی ہے

ہو کے رخصت وہ چلے جاتے ہیں اپنے گھر کو

میرے حق میں پھر قیامت کی سحر آئی

زمزمے باغ میں کہتے ہیں عنادل کے یہی

فصلِ گل اب کے یہ انداز دیگر آئی ہے

رُخ پہ لہراتی ہے جب زلف ہوا سے اُن کے

صبح کے ساتھ مجھے شام نظر آئی ہے

ہے یقیں عرش کی زنجیر ہلا ڈالے گی

آہ اب لب پہ میرے لے کے اثر آئی ہے

جو مرے نام کو لیتا ہی نہیں تھا سلطاںؔ

یاد اُنھیں آج مری آٹھوں پہر آئی ہے

Ghazal

wasal ki is ke qaza le kar khabar aayi hai

aaj tu manzil maqsood nazar aayi hai

nigah-e-naaz teri dekh ke meri janib

mein ye samjha ke tamanna meri bar aayi hai

ho ke rukhsat woh chalay jatay hain apne ghar ko

mere haq mein phir qayamat ki sahar aayi

zmzme baagh mein kahte hain anadil ke yahi

fasal gul ab ke yeh andaaz deegar aayi hai

rukh pay lahrati hai jab zulff huwa se un ke

subah ke sath mujhe shaam nazar aayi hai

hai yaqeen arsh ki zanjeer hila daaley gi

aah ab lab pay mere le ke asar aayi hai

jo marey naam ko leta hi nahi tha sultan

yaad unhen aaj meri aathon paher aayi hai

غزل

ہم نے مانا کہ بہت مختار ہیں تدبیر پر

پھر بھی کیوں مجبور ہوجاتے ہیں سب تقدیر پر

چشم بینا ہے تو آؤ اور دیکھو شوق سے

خود مصور جلوہ گر ہے پردۂ تصویر پر

عشق کے چرچے سر بازار جب ہونے لگے

محوئے تیرت ہوگئے وہ اپنی اس تشہیر پر

آج کیا اہل نظر باقی نہیں ہیں دہر میں

حرف آیا عشق کی جو عظمت و توقیر پر

وہ قریب آئے توہم نہ لکھ سکے نہ کہہ سکے

ناز تھا ہم کو بہت تقریر پر تحریر پر

چوٹ لگتی ہے اِدھر اور زخم ہوتا ہے اُدھر

اب یقین اُن کو ہوا ہے عشق کی تاثیر پر

میری ہر آواز کو بھی وہ سمجھتے ہیں سکون

ہے گمانِ خاموشی ان کو مری تقریر پر

ان سے ملتے ہی نظر محسوس یہ سلطاںؔ ہوا

جم گئی میری نظر خود اپنی ہی تصویر پر

Ghazal

hum ne mana ke bohat mukhtaar hain tadbeer par

phir bhi kyun majboor ho jatay hain sab taqdeer par

chasham beena hai to aao aur dekho shouq se

khud mussawir jalva gar hai parda-e-tasweer par

ishq ke charchay sar-e-bazaar jab honay lagey

mahve teerat hogaye wo apni is tasheer par

aaj kiya ahle nazar baqi nahi hain daher mein

harf aaya ishq ki jo azmat w touqeer par

woh qareeb aaye tu ham na likh sakay na kah sakay

naaz tha hum ko bohat taqreer par tehreer par

chout lagti hai idhar aur zakham hota hai udhar

ab yaqeen un ko huwa hai ishq ki taseer par

meri har aawaz ko bhi wo samajhte hain sukoon

hai gumaan khamoshi un ko meri taqreer par

un se mlitay hi nazar mehsoos yeh sultan huwa

jam gayi meri nazar khud apni hi tasweer par

غزل

اس کو خبر نہیں ہے سرے اشک وآہ کی

کیا لاج رہ سکے گی غم بے پناہ کی

ہر دل میں اضطراب ہے ہر آنکھ میں نمی

حاجت ہے دورِ آہ میں اک خیر خواہ کی

دل ٹکڑے ٹکڑے ہوگیا ارمان پاش پاش

یہ سب عنایتیں ہیں تمہاری نگاہ کی

برسات کی گھٹائیں کچھ اس طرح چھاگئیں

یاد آگئی مجھے تری زلفِ سیاہ کی

آنکھوں میں اشک ہیں نہ لبوںپرہی سسکیاں

کیا ہو خبر اُنھیں مرے حال تباہ کی

ہم مٹ کے تیری راہ میں جب خاک ہوگئے

عزت بڑھی کچھ اور تری گردِ راہ کی

سلطاںؔ نکھر گیا ہے یوں ذوقِ سخن مرا

ہر ایک نے غزل پہ مری واہ واہ کی

Ghazal

is ko khabar nahi hai siray asshk w aah ki

kiya laaj rah sakay gi gham-e-be panah ki

har dil mein iztiraab hai har aankh mein nami

haajat hai door aah mein ek khair khuwa ki

dil tukde tukde hogaya armaan paash paash

ye sab inayateen hain tumhari nigah ki

barsaat ki ghatain kuch is tarha chagain

yaad aagai mujhe teri zulff siyah ki

aankhon mein asshk hain na labun par hi siskiyan

kiya ho khabar unhen marey haal tabah ki

hum mit ke teri raah mein jab khaak hogaye

izzat badhi kuch aur teri gard-e-raah ki

sultan nikhar gaya hai yun zouqe sukhan mera

har ek ne ghazal pay meri wah wah ki

غزل

وفا کے نام پہ تفریق باہمی کیا ہے

جو آدمی کو نہ سمجھے وہ آدمی کیا ہے

اسی سے پوچھ محبت کی زندگی کیا ہے

جیسے خبر نہیں غم کیا ہے اور خوشی کیا ہے

جلا کے میرے نشیمن کو غم بھی کرتے ہو

یہ دوستی ہے تو کیا جانے دشمنی کیا ہے

میں سرجھکادوں جہاں کھینچ کے آستاںآئے

مجھے خبر نہیں معیار بندگی کیا ہے

ہنسے غموں میں کبھی روپڑے مسرت میں

ہم آج تک نہیں سمجھے کہ زندگی کیا ہے

چمن کے ہنستے ہوئے پھول ہی بتادیں گے

کلی کے دل میں مسلسل یہ بے کلی کیا ہے

ہے میرے آئینہ دل میں تیرا عکس لطیف

و گرنہ خلوت دل میں روشنی کیا ہے

جمال غم سے ہر احساس جگمگا جائے

سوا سے اس کے ائے سلطانؔ روشنی کیا ہے

Ghazal

wafa ke naam pay tafreeq bahami kiya hai

jo aadmi ko na samjhay wo aadmi kiya hai

isi se pooch mohabbat ki zindagi kiya hai

jaisay khabar nahi gham kiya hai aur khushi kya hai

jala ke mere nashiman ko gham bhi karte ho

yeh dosti hai to kiya jane dushmani kya hai

mein jhukadun jahan khinch ke aastn aaye

mujhe khabar nahi miyaar bandagi kiya hai

hanse gamoun mein kabhi ropde musarrat mein

hum aaj tak nahi samjhay ke zindagi kiya hai

chaman ke hanstay hue phool hi btadeenge

kali ke dil mein musalsal ye be kali kiya hai

hai mere aaina dil mein tera aks lateef

w grna khalwat dil mein roshni kiya hai

jamal gham se har ehsas jagmaga jaye

siwa se is ke aye sultan roshni kiya hai

غزل

کروٹ بدل کے درد کے سانچے میں ڈھل گیا

وہ لفظ آرزو جو زباں سے نکل گیا

ہونٹوں پہ ان کے جیسے شفق سی بکھر گئی

بجلی چمک اٹھی کہ کلیجہ دہل گیا

اہلِ چمن تو برق حوادث سے بچ گئے

اچھا ہوا کہ میرا نشیمن ہی جل گیا

یہ کس نے آج پیار کے لہجے میں دی صدا

ہر خوف راہِ عشق کا دل سے نکل گیا

پہلی نظر بھی کوئی قیامت سے کم نہ تھی

یہ حادثہ بھی آج بہ آسانی ٹل گیا

بدلے نہیں ہو تم تو تمہیں سے میں پوچھ لوں

پھر کیوں مری حیات کا نقشہ بدل گیا

سلطانؔ حادثے بھی وہ کتنے حسین تھے

میں لغزشوں کا لے کے سہارا سنبھل گئے

Ghazal

karvat badal ke dard ke sanchay mein dhal gaya

wo lafz arzoo jo zuban se nikal gaya

hontun pay un ke jaisay shafaq si bikhar gayi

bijli chamak uthi ke kaleja dahel gaya

ahle chaman to barq hawadis se bach gaye

acha huwa ke mera nashiman hi jal gaya

ye kis ne aaj piyar ke lahjey mein di sada

har khauf raah-e-ishq ka dil se nikal gaya

pahli nazar bhi koi qayamat se kam na thi

ye haadsa bhi aaj ba aasaani tal gaya

badlay nahi ho tum to tumhe se mein pooch lon

phir kyun meri hayaat ka naqsha badal gaya

sultan haadsay bhi woh kitney haseen thay

mein lagzishun ka le ke sahara sambhal gaya

غزل

ٹوٹے ہوئے سفینے ڈوبے ہوئے کنارے

پھر بھی رواں دواں ہیں ہم عزم کے سہارے

اب ناخدا کی منّت ہم سے نہ ہوسکے گی

طوفاں بھی جانتا ہے ہم ہیں اَنا کے مارے

زلفیں ہوئیں جو برہم بکھرا نظامِ عالم

عالم سنور گیا وہ گیسو جہاں سنوارے

ہم میں سکت نہیں تھی خود غرض آرزو کی

نظروں سے کررہے تھے رہ رہ کے وہ اشارے

اُلجھا سکا نہ ہم کو حالات کا بدلنا

ہم نے کئی زمانے اک سانس میں گذارے

ہم نے جلائیں ہر سو نقشِ قدم کی شمعیں

سب راستے وفا کے ممنوں ہیں ہمارے

یہ تجربہ ہے میرا آواز دیتے ہیں وہ

ان کو خلوص دل سے کوئی اگر پکارے

سلطانؔ اس کو کہئے جان غزل کی خوبی

انداز میں کنائے باتوں میں استعارے

Ghazal

tootay hue safeene doobe hue kinare

phir bhi rawan dawaan hain hum azm ke saharay

ab nakhuda ki mnnat hum se na hosakay gi

tufaan bhi jaanta hai hum hain anaa ke maaray

zulfein huien jo barham bikhra nizam aalam

aalam sanwar gaya woh gaisu jahan sanware

hum mein sakt nahi thi khud gharz arzoo ki

nazron se kar rahay thay rah rah ke woh isharay

uljha saka na hum ko halaat ka badalna

hum ne kai zamane ek saans mein guzare

hum ne jalayen har so naqash-e-qadam ki shammen

sab rastay wafa ke mmnon hain hamaray

ye tajurbah hai mera aawaz dete hain woh

un ko khuloos dil se koi agar pukare

sultan is ko khyye jaan ghazal ki khoobi

andaaz mein kanaye baton mein istearay

غزل

کبھی آہ فغاں ہو کر کبھی اشک رواں ہو کر

محبت رہ گئی ہے درد و غم کی داستاں ہو کر

بہر صورت پہنچ جاؤں گا خود آغوش ساحل تک

مری کشتی اگر ڈوبے گی موجوں میں نہاں ہوکر

مرے دل میں ہو تم احساس کیوں مجھ کو نہیں ہوتا

سما جاتے ہیں کیا قطرہ میں بحر بیکساں ہوکر

خدا ہی جانے اہل کارواں کس راہ پر آئے

میں پہنچا خود ہی منزل تک حریف کارواں ہو کر

خوشی کا غم کروں میں یا کروں غم کی خوشی یا رب

جہاں کھویا ہوں داستاں درد داستاں ہوکر

کہیں کا بھی نہ رکھا آپ کی نامہربانی نے

نہ جانے کیا کریں گے آپ ہم پہ مہرباں ہوکر

نظر آتے ہیں اب توآشیانوں کی جگہ شعلے

نکل آئے ہیں سب اہل چمن بے خانماں ہوکر

میرے اشعار میںابھرے ہیں جلوے حسن کے سلطاںؔ

کبھی فکر جواں ہو کر کبھی حسن بیاں ہو کر

Ghazal

kabhi aah fughan ho kar kabhi asshk rawan ho kar

mohabbat rah gayi hai dard o gham ki dastan ho kar

bahar soorat pahuch jaounga khud aagosh saahil tak

meri kashti agar doobegi mouajun mein nihaan hokar

marey dil mein ho tum ehsas kyun mujh ko nahi hota

sama jatay hain kiya qatrah mein behar beksan hokar

khuda hi jane ahle karwan kis raah par aaye

mein pouncha khud hi manzil tak hareef karwan ho kar

khushi ka gham karoon mein ya karoon gham ki khushi ya rab

jahan khoya hon dastan dard dastan hokar

kahin ka bhi na rakha aap ki na meharbani ne

na jane kiya karen ge aap hum pay mehrbaan hokar

nazar atay hain ab tu aashiyanun ki jagah sholay

nikal aaye hain sab ahle chaman be khaanuman hokar

mere ashaar meine ubhrey hain jalvey husn ke sultan

kabhi fikar jawan ho kar kabhi husne bayan ho kar

غزل

ضیا ہے تاروں میں پھولوں میں رنگ و بو تیری

ہر ایک ذرہ سے ظاہر ہوئی نمو تیری

کہیں حرم میں کہیں دیر میں بھٹکتے ہیں

پھرا کرے گی کہاں لے کے جستجو تیری

تصورات کی دنیا میں آگئی ہے بہار

مہک رہی ہے سدا زلف مشک بو تیری

یہ میرے حسن تصور کا فیض ہے شاید

دل و نظر میں ہے تصویر ہو بہ ہو تیری

مجھے یہ سارے زمانے سے کوئی کام نہیں

یہ آرزو ہے رہے دل میں آرزو تیری

خیال تجھ کو کبھی باغباں نہیں ہوتا

جو آبرو ہے چمن کی وہ آبرو تیری

تمنا ہے کہ یہ سلطانؔ بھی سنے آخر

زبانِ دل سے اور نظروں سے گفتگو تیری

Ghazal

zia hai taron mein phoolun mein rang w bo teri

har aik zarra se zahir hui numoo teri

kahin haram mein kahin der mein bhataktey hain

phira kare gi kahan le ke justojoo teri

tasawurat ki duniya mein aagai hai bahhar

mahak rahi hai sada zulff mushk bo teri

ye mere husn tasawwur ka faiz hai shayad

dil o nazar mein hai tasweer ho bah ho teri

mujhe yeh saaray zamane se koi kaam nahi

ye arzoo hai rahay dil mein arzoo teri

khayaal tujh ko kabhi baghban nahi hota

jo aabaroo hai chaman ki wo aabaroo teri

tamanna hai ke yeh sultan bhi sunay aakhir

zban-e-dil se aur nazron se guftagu teri

غزل

ہو رہی ہے جو مسلسل آج خنجر کی تلاش

آپ شاید کر رہے ہوں گے کسی سر کی تلاش

در بدر پھرنے لگی ہے زندگی تیرے بغیر

جیسے گھر میں رہ کے کوئی کرتا ہو گھر کی تلاش

گیسوؤں کے سائے میں دیکھوں تجھے ائے زندگی

کب سے میری نظر کو ایسے منظر کی تلاش

رنگ لایا ہے تقاضا کیا نیاز و ناز کا

ہے جبینِ شوق کو میرے ترے در کی تلاش

اشکِ احساسِ ندامت وجہِ بخش بن گئے

رحمتِ یزداں کو تھی بس دیدۂ تر کی تلاش

بے پیے مدہوش کردے ڈال کر اک ہی نظر

اک مدت سے ہے سلطاںؔ ایسے ساغر کی تلاش

Ghazal

ho rahi hai jo musalsal aaj khanjar ki talaash

aap shayad kar rahay hon ge kisi sar ki talaash

dar badar phirnay lagi hai zindagi tairay baghair

jaisay ghar mein rah ke koi karta ho ghar ki talaash

gesoun ke saaye mein daikhon tujhe aye zindagi

kab se meri nazar ko aisay manzar ki talaash

rang laya hai taqaza kiya niaz w naz ka

hai jabeen shouq ko mere tere dar ki talaash

asshk ehsas-e-nadamat wajh-e-bakhash ban gaye

aahmat yazdan ko thi bas deeda-e-tar ki talaash

be piyay madhosh kardey daal kar ek hi nazar

ek muddat se hai sultan aisay saghar ki talaash

غزل

نشیمن میں ضروری ہے اگر رقصِ شرر ہونا

چمن میں روشنی ہونا تو ہم رنگِ سحر ہونا

چراغوں سے دھواں اٹھے نہ لہرائے کوئی شعلہ

نمایاں اس سلیقہ سے غم قلب و جگر ہونا

دم رخصت نہ بھولوں گا نہ بھولا جاے گا مجھ سے

ترے رخسارکی زردی تری آنکھوں کا تر ہونا

تقاضے یہ نیاز و ناز کے کچھ رنگ لائیں گے

جبینِ شوق میری اور تیرا سنگ در ہونا

ترے نکھرے ہوئے عارض ترے بکھرے ہوئے گیسو

ہماری زندگی کو ایسے ہی شام و سحر ہونا

مرے عزمِ سفر پر جس کے باعث آنچ آجائے

نہ ایسا راہ بر ہونا نہ ایسا ہم سفر ہونا

طبیعت کی روانی بھی ہے اک شرط سخن سلطانؔ

مگر آساں نہیں ہے صاحب فکر و نظر ہونا

Ghazal

nashiman mein zaroori hai agar aaqs aharer hona

chaman mein roshni hona tu ham rang sahar hona

charaghoon se dhuwan utthay na lahraye koi shola

numaya is saleeqa se gham qalb w jigar hona

dam rukhsat nah bhooloon ga nah bhola jaye ga mujh se

tere rukhsar zardi teri aankhon ka tar hona

taqazay yeh niaz w naz ke kuch rang layein ge

jabeen shouq meri aur tera sang dar hona

tere nikhre hue aariz tere bikhare hue gaisu

hamari zindagi ko aisay hi shaam w sahar hona

marey azm-e-safar par jis ke baais aanch aajay

na aisa raah bar hona na aisa hum safar hona

tabiyat ki ravani bhi hai ek shart sukhan sultan

magar aasan nahi hai sahib fikar w nazar hona

غزل

حسین جلوؤں کا جب بھی ظہور ہوتا ہے

کوئی دیوانہ تمہارا ضرور ہوتا ہے

تمہارے عشق میں کیا کھویا اور کیا پایا

یہ سونچنے کا مجھے کب شعور ہوتا ہے

نظر ملی تو ہوئے بے خبر زمانے سے

تمہاری آنکھوں میں کیف و سرور ہوتا ہے

جیسے میں قربِ رگِ جاں سمجھ کے جیتا ہوں

وہ کیسے میری نگاہوں سے دور ہوتا ہے

خبر بھی ہے تجھے زاہد کہ بندگی کیا ہے

ہو دل میں نور تو چہرے پہ نور ہوتا ہے

دکھا کے جلوہ وہ پردے میں چھپ گئے لیکن

تپش عشق سے دل مثلِ طور ہوتا ہے

عمل سے خالی ہے دامانِ زندگی تیرا

تجھے کس بات پہ واعظ غرور ہوتا ہے

یہ کیسا رند بلا نوش ہوگیا سلطاںؔ

کسی کے نشۂ الفت میں چور ہوتا ہے

Ghazal

haseen jalvaun ka jab bhi zahoor hota hai

koi deewana tumhara zaroor hota hai

tumahray ishq mein kiya khoya aur kiya paaya

ye sochne ka mujhe kab shaoor hota hai

nazar mili tu hue be khabar zamane se

tumhari aankhon mein kaif w suroor hota hai

jisay mein qurb rag-e-jaan samajh ke jeeta hon

wo kaisay meri nigahon se door hota hai

khabar bhi hai tujhe zahid ke bandagi kiya hai

ho dil mein noor to chehray pay noor hota hai

dikha ke jalva wo parday mein chup gaye laikin

tapish ishq se dil misl-e-tur hota hai

amal se khaali hai daman-e-zindagi tera

tujhe kis baat pay waiz ghuroor hota hai

ye kaisa rind bilaa nosh hogaya sultan

kisi ke nasha-e-ulfat mein chor hota hai

غزل

خانۂ دل مرا کب نور سے معمور نہیں

کون کہتا ہے کہ سینہ یہ مرا طور نہیں

دیکے معشوق کو دل کس نے لیا ہے واپس

طرزِ الفت یہ نہیں عشق کا دستور نہیں

دیکھ لیتا ہوں تصور میں، میں اس کا جلوہ

دور رہ کے بھی نظر سے وہ مری دور نہیں

اس کی خاطر سے عدو کو نہیں چاہا کس نے

کون ایسا ہے محبت میں جو مجبور نہیں

لطف حق گوئی کا بتلاؤ توکیونکر آئے

دار تو ہے وہی لیکن کوئی منصور نہیں

کس لیے آپ کو ملنے کا ہے ارماں سلطاںؔ

وعدۂ وصل تو اس شوق کو منظور نہیں

Ghazal

khana-e-dil mera kab noor se maamoor nahi

kon kehta hai ke seenah yeh mra tor nahi

dekey mashooq ko dil kis ne liya hai wapas

trzِ ulfat yeh nahi ishhq ka dastoor nahi

dekh laita hon tasawwur mein, mein is ka jalva

daur reh ke bhi nazar se woh meri daur nahi

is ki khatir se ado ko nahi chaha kis ne

kon aisa hai mohabbat mein jo majboor nahi

lutaf haq goi ka batlao tu kiunkar aaye

daar tu hai wohi laikin koi mansoor nahi

kis liye aap ko milnay ka hai arman sultan

wada-e-wasal tu is shouq ko manzoor nahi

غزل

برق سے خرمن ہستی کو سجاتے رہیے

حوصلے اپنے زمانے کو دکھاتے رہیے

آپ نظروں سے مرے دل میں سماتے رہیے

اسی آئینہ میں تصویر سجاتے رہیے

منزل زیست کی مشکل ہر اک آساں ہوگی

شرط یہ ہے کہ قدم اپنے بڑھاتے رہیے

میرا پیمانۂ دل خود ہی کھنک جائے گا

آپ مخمور نگاہوں سے پلاتے رہیے

کیوں زمانے کی گذرگاہ سے بھٹک کر آئے

راستہ سیدھا ہے دل کا چلے آتے رہیے

ایک اک اشک میں پوشیدہ تپش دل ہے

آپ دامن کو ذرا ہم سے بچاتے رہیے

میرے اشعار میں ہیں تلخ حقائق پنہاں

آپ ہر بزم میں بس دھوم مچاتے رہیے

اک گلِ تر بھی نہ پاؤگے کبھی ائے سلطاںؔ

آپ گلشن کو فقط خون پلاتے رہیے

Ghazal

barq se khirman hasti ko sajaate rahiye

hauslay apne zamane ko dikhate rahiye

aap nazron se marey dil mein samate rahiye

isi aaina mein tasweer sajaate rahiye

manzil zeist ki mushkil har ek aasan hogi

shart ye hai ke qadam apne badhate rahiye

mera paimana dil khud hi khanak jaye ga

aap makhmoor nigahon se pilate rahiye

kyun zamane ki guzrgah se bhatak kar aye

rasta seedha hai dil ka chalay atay rahiye

aik ek asshk mein posheeda tapish-e-dil hai

aap daman ko zara hum se bachatey rahiye

mere ashaar mein hain talkh haqayiq pinhan

aap har bazm mein bas dhoom machate rahiye

ek gul-e-tar bhi nah paooge kabhi aye sultan

aap gulshan ko faqat khoon pilate rahiye

غزل

ہم تو قدم قدم پہ چلے راہ بر کے ساتھ

پھر بھی لٹے ہیں راہ میں زادِ سفر کے ساتھ

مشکل ہے زندگی میں اُجالا کہیں ملے

آنے لگی ہے رات بھی اب تو سحر کے ساتھ

آئینہ دیکھتا ہوں تو صورت اُنھیں کی ہے

کیا ہوگی نظر مری ان کی نظر کے ساتھ

بے تابی دل کی بڑھنے لگی اس مقام پر

وابستہ ہیں کہانیاں جس رہگذر کے ساتھ

مشکل ہے اب رہائی ملے ہم کو قید سے

صیاد کھیلتا ہے بہت بال و پر کے ساتھ

ہر نقش گھر کا اجنبی آنے لگا نظر

تعمیر آرزو ہوئی جس بام و در کے ساتھ

سلطانؔ نیک و بد کو سمجھنا محال ہے

کرتے ہیں لوگ عیب بھی گویا ہنرکے ساتھ

Ghazal

hum tu qadam qadam pay chalay raah bar ke saath

phir bhi lutte hain raah mein zaad-e-safar ke saath

mushkil hai zindagi mein ujala kahin miley

anay lagi hai raat bhi ab tu sahar ke saath

aaina dekhta hon tu soorat unhen ki hai

kya hogi nazar meri un ki nazar ke saath

be taabi dil ki badhne lagi is maqam par

wabasta hain kahaniyan jis rahguzar ke saath

mushkil hai ab rihayi miley hum ko qaid se

sayyad kheltaa hai bohat baal w par ke saath

har naqsh ghar ka ajnabi anay laga nazar

taamer arzoo hui jis baam w dar ke saath

sultan naik w bad ko samjhna mahaal hai

karte hain log aib bhi goya hunar ke saath

غزل

دل توڑدیا تونے کوئی بات نہیں ہے

کیا کچھ بھی پاس قیمت سوغات نہیں ہے

ہر شئے میں تجھے دیکھ لیا اہلِ نظر نے

جلوہ ترا پابند مقامات نہیں ہے

نکھرے نہ تیرا چہرہ تودن ہو نہیں سکتا

بکھرے نہ تیرے گیسو توپھر رات نہیں ہے

ہے ظرف نظر کرلے تو نظارہ جاناں

محفل میں کوئی وجہ حجابات نہیں ہے

تشنہ ہے کوئی اور کوئی پی کے ہے مد ہوش

میخانے میں کیوں رنگ مساوات نہیں ہے

کس موڑ پہ پہنچادیا تقدیر نے مجھ کو

احساسِ غم گردشِ حالات نہیں ہے

اشعارمیں پوشیدہ حقائق ہیں ائے سلطاںؔ

دیکھو فقط تصویر خیالات نہیں ہے

Ghazal

dil tode diya tunay koi baat nahi hai

kiya kuch bhi paas qeemat soghaat nahi hai

har shye mein tujhe dekh liya ahle nazar ne

jalva tera paband maqamat nahi hai

nikhre na tera chehra tu din ho nahi sakta

bikhare na tairay gaisu tu pihr raat nahi hai

hai zarf nazar karle tu nzaarah-e-janan

mahfil mein koi wajah hijabaat nahi hai

tishna hai koi aur koi pi ke hai madhosh

maikhanay mein kyun rang masawaat nahi hai

kis mod pay pohancha diya taqdeer ne mujh ko

ahsas-e-gham gardish-e-halaat nahi hai

ashaar mein posheeda haqayiq hain aye sultan

dekho faqat tasweer khayalat nahi hai

غزل

مصیبتوں میں کبھی اور کبھی مسرت میں

گذر رہی ہے مری زندگی محبت میں

چلے بھی آؤ قسم ہے تمہیں محبت کی

تڑپ رہا ہے کوئی صبح و شام فرقت میں

نظر توملنے دو اس شاہ حسن سے میری

کروں گا نذر میں دل حسن کی عقیدت میں

تمہاری آہ سے بیدار ہو نا جائے کہیں

کہ سو رہا ہے کوئی بے قرار تربت میں

ترے ہی سامنے رکھے خلوص کے سجدے

تیرا ہی ذکر میں کرتا رہا عبادت میں

بہار آتے ہی کچھ اور بڑھ گئی وحشت

اضافہ ہوگیا دیوانگی کی حالت میں

گذاری رنج والم میں ہی زندگی سلطاںؔ

لکھا ہے کاتب قسمت نے کیا یہ قسمت میں

Ghazal

musibaton mein kabhi aur kabhi musarrat mein

guzar rahi hai meri zindagi mohabbat mein

chalay bhi aao qasam hai tumhe mohabbat ki

tadap raha hai koi subah w shaam furqat mein

nazar tu milne do is shah husn se meri

karoon ga nazar mein dil husn ki aqeedat mein

tumhari aah se bedaar ho na jaye kahin

ke so raha hai koi be qarar turbat mein

tere hi samnay rakhay khuloos ke sjday

tera hi zikar mein karta raha ibadat mein

bahar atay hi kuch aur badh gayi wahshat

izafah hogaya deewangi ki haalat mein

guzari ranj w alam mein hi zindagi sultan

likha hai katib qismat ne kiya ye qismat mein

غزل

پوچھو نہ آپ محفل دنیا میں کیا ملا

مجھ کو مرے نصیب سے جو بھی ملا ملا

جس کا علاج ہو نہ سکا چارہ ساز سے

اک درد ایسا دل کو مرے ائے خدا ملا

کرکے تلاش اہل جفا تھک گئے مگر

مجھ سا جہاں میں کوئی نہ اہل وفا ملا

ہونٹوں پہ آہ آنکھ سے آنسو نکل پڑے

کیا درد کوئی آپ کو بھلا ہوا ملا

آثار زندگی بھی اب باقی نہیں رہے

بالیں پہ میری ایک نہ محوئے دعا ملا

اب اپنے اور پرائے کا کیجئے نہ تم سوال

دنیا میں ہم کو جو بھی ملا بے وفا ملا

سلطاںؔ یہ کون گذرا ہے راہِ حیات سے

ہر اک قدم پہ مجھ کو جو نقش وفا ملا

Ghazal

pucho na aap mahfil duniya mein kiya mila

mujh ko marey naseeb se jo bhi mila mila

jis ka ilaaj ho na saka charah saaz se

ek dard aisa dil ko marey aye khuda mila

karkay talaash ahle jafaa thak gaye magar

mujh sa jahan mein koi na ahle wafa mila

honton pay aah aankh se ansoo nikal pade

kiya dard koi aap ko bhala huwa mila

assaar zindagi bhi ab baqi nahi rahay

balen pay meri ek na mahway dua mila

ab apne aur paraye ka kijiye na tum sawal

duniya mein hum ko jo bhi mila be wafa mila

sultan ye kon guzra hai raah-e-hayaat se

har ek qadam pay mujh ko jo naqsh wafa mila

غزل

ہنسی میں اشک چھپانا کوئی مذاق نہیں

مذاق اپنا اڑانا کوئی مذاق نہیں

کسی کی یاد سے قائم ہے زندگی میری

کسی کو دل سے بھلانا کوئی مذاق نہیں

نگاہ ڈالیے موسیٰ کی کم نگاہی پر

نظر کسی سے ملانا کوئی مذاق نہیں

سرِ نیاز جھکانا تو سب کو آتا ہے

جبین دل کو جھکانا کوئی مذاق نہیں

تمہیں خبر نہیں دل پاش پاش ہوتا ہے

کہ دردِ عشق چھپانا کوئی مذاق نہیں

ہر ایک دادِ سخن لے گا کیسے محفل میں

مذاقِ شعر کو پانا کوئی مذاق نہیں

غم حیات کے شعلے اگر بھڑک اٹھیں

تو دامنوں کو بچانا کوئی مذاق نہیں

جو دل پہ گذرے بعنوان زیست ائے سلطانؔ

بنام شعر سنانا کوئی مذاق نہیں

Ghazal

hansi mein asshk chupana koi mazaaq nahi

mazaaq apna udana koi mazaaq nahi

kisi ki yaad se qaim hai zindagi meri

kisi ko dil se bhulana koi mazaaq nahi

nigah daliye moosa ki kam nighai par

nazar kisi se milana koi mazaaq nahi

sar-e-niaz jhukana tu sab ko aata hai

jabeen dil ko jhukana koi mazaaq nahi

tumhe khabar nahi dil paash paash hota hai

ke drd-e-ishhq chupana koi mazaaq nahi

har aik dad-e-sukhan le ga kaisay mahfil mein

mazaq e shair ko paana koi mazaaq nahi

gham-e-hayaat ke sholay agar bhadak utheen

tu damnon ko bachana koi mazaaq nahi

jo dil pay guzray banwan zeist aye sultan

banam shair sunana koi mazaaq nahi

غزل

کب چمن کی خستہ حالی جائیگی

کیا یہ رسم پائیمالی جائیگی

میرے لب پہ ان کا نام آجائے گا

جان جب تن سے نکالی جائیگی

مسکرائیں گے وہ میری قبر پر

چادرِ گل اب نہ ڈالی جائیگی

دل کی دنیا کو مٹادوگے اگر

پھر کوئی دنیا بسالی جائیگی

کون لائیگا ترے جلوؤں کی تاب

ہر نظر خود ہی ہٹالی جائیگی

تو نہیں تصویر ہی تیری سہی

اپنے سینے سے لگالی جائیگی

کوئی ہستی جائے گی دنیا سے جب

کھو کے سب کچھ ہاتھ خالی جائیگی

کیا خبر تھی زندگی سلطانؔ کی

درد کے سانچے میں ڈھالی جائیگی

Ghazal

hansi mein asshk chupana koi mazaaq nahi

mazaaq apna udana koi mazaaq nahi

kisi ki yaad se qaim hai zindagi meri

kisi ko dil se bhulana koi mazaaq nahi

nigah daliye moosa ki kam nighai par

nazar kisi se milana koi mazaaq nahi

sar-e-niaz jhukana tu sab ko aata haGhazal

kab chaman ki khasta haali jaygi

kiya ye rasam-e-paaymali jaygi

mere lab pay un ka naam aajay ga

jaan jab tan se nikaali jaygi

muskarayeen ge wo meri qabar par

chadar gul ab na daali jaygi

dil ki duniya ko mitadoge agar

phir koi duniya basali jaygi

kon layyga tere jalvun ki taab

har nazar khud hi hatali jaygi

tu nahi tasweer hi teri sahi

–apne seenay se lagali jaygi

koi hasti jaye gi duniya se jab

khoke sab kuch haath khaali jaygi

kiya khabar thi zindagi sultan ki

dard ke sanchay mein dhali jaygi

نظم

عہدِمحبت

نشاط وکیف کی رعنائی یہ ترے دم سے

یہ زندگی میں بہار آئی ہے ترے دم سے

نظرشعور نظر پائی ہے ترے دم سے

حسین سی یہ فضاء چھائی ہے ترے دم سے

میں نذر کرنے تجھے جان ودل کو لایا ہوں

تو دیکھ تحفہ انمول لے کے آیا ہوں

ہزاروں رنگ محبت کے زندگانی میں

ترا ہی نام ہے پنہاں مری کہانی میں

میں دیکھتا ہوں تجھے اشک کی روانی میں

کیا بات ہے تعلق وہ برقرار نہیں

حیات شوق کا عالم بھی خوشگوار نہیں

کیوں آکے سامنے تومنھ کو موڑ دیتا ہے

کیوں بھر کے جام محبت کا پھوڑ دیتا ہے

کیوں کرکے عہد وفاؤں کا توڑ دیتا ہے

کیوں جیتے جی تومرا ساتھ چھوڑ دیتا ہے

میں ڈر رہا ہوں کہیں بے وفا نہ ہوجائے

تو یاد کر کے جفاؤں کو پھر نہ پچتائے

تو میرے سامنے آبن کے خواب کی تعبیر

ہے میرے آئینہ دل میں جو تری تصویر

مری حیات ہے تیری حیات کی تفسیر

پھر ڈر رہا ہوں نہ الجھے کہیں مری تقدیر

فسانہ تیرا ہے سلطانؔ کے فسانے میں

یہ پیار اپنا مثالی رہے زمانے میں

Nazam

ahad-e-mohabbat

nishat w kaif ki ranayi ye tere dam se

ye zindagi mein bahar aayi hai tere dam se

nazar sahoor nazar payi hai tere dam se

haseen si ye fiza chai hai tere dam se

mein nagh tohfa anmol le ke aaya hon

tu deekh thufa anmol le ke aaya hoon

hazaron rang mohabbat ke zindagani mein

tera hi naam hai pinhan meri kahani mein

mein daikhta hon tujhe asshk ki ravani mein

kiya baat hai talluq wo barqarar nahi

hayaat shouq ka aalam bhi khushgawar nahi

kyum aake samnay tu muh ko moud deta hai

kyun bhar ke jaam mohabbat ka phode deta hai

kyun karkay ahad wafaoun ka toad deta hai

kyun jeetay jee tu mera saath chode deta hai

mein dar raha hon kahin be wafa na hojaye

tu yaad kar ke jafaoun ko phir na pachtay

tu mere samnay aa ban ke khawab ki tabeer

hai mere aaina dil mein jo teri tasweer

meri hayaat hai teri hayaat ki tafseer

phir dar raha hon na uljhe kahin meri taqdeer

fasana tera hai sultan ke fasanay mein

ye piyar apna misali rahay zamane mein

اتحاد

اتحادِ ہند و مسلم کی مثال

دورِ حاضر میں نہ ہوجائے محال

قتل و خوں غارت گری بیکار ہے

عظمت انساں خلوص و پیار ہے

یکجہتی پہ رکھو ہر دم نظر

خدمت مخلوق ہو شام و سحر

اتحادی قوتوں سے کام لو

دامن اخلاص کو تم تھام لو

جذبۂ ایثار سے آگے بڑھو

تم خلوص و پیار سے آگے بڑھو

پرچم ہندوستاں اونچا رہے

یوں ہمارے ملک کے چرچہ رہے

ہر طرف امن واماں کا نام ہو

اندرا کا عام یہ پیغام ہو

ہم وفادار وطن سلطاں ہیں

آبروئے ملک کی پہچان ہیں

Ittehaad

ittehad-e-hind w muslim ki misaal

dour-e-haazir mein na hojaye mahaal

qatal w khon ghaarat gari bekar hai

azmat insaan khuloos w piyar hai

yakjahti pay rakho har dam nazar

khidmat makhlooq ho shaam w sahar

ittehadi quwwatoon se kaam lo

daman ikhlaas ko tum thaam lo

jazba-e-eesaar se agay badho

tum khuloos w piyar se agay badho

parcham hindostan ouncha rahay

yun hamaray malik ke charche rahay

har taraf aman w aman ka naam ho

indra ka aam ye paigham ho

hum wafadar-e-watan sultan hain

aabro e mulk ki pahchan hain

حق پرستی

آہ! کیسا آگیا دورِ جہاں

ڈھونڈتی ہے زندگی امن واماں

مٹ گئے خلق ومسرت کے نشاں

عظمت انسانیت اب ہے کہاں

بڑھ رہا ہے ناروا ظلم و ستم

چھاگئی ہر سو فضائے درد و غم

قتل وخوں غارت گری ہونے لگی

عہد نو پر آنکھ خوں رونے لگی

غفلتوں میں زندگی سونے لگی

دولت ایماں و دین کھونے لگی

کس طرف جارہے ہیں قافلے

ہر قدم ہیں حادثے اور مرحلے

چل رہی ہے زر پرستوں کی ہوا

کون سنتا ہے غریبوں کی صدا

آج ہر اک موڑ پر ہے حادثا

لاج رکھ جمہوریت کی اے خدا

اتحاد و یک جہتی گر رہے

کیوں نہ پھر آباد اپنا گھر رہے

اپنا پیغام وفا سلطانؔ ہے

بس اسی میں زندگی کی شان ہے

جانتا ہے اس کو جو انسان ہے

جو نہ سمجھے وہ بڑا نادان ہے

حق پرستی کی خدا توفیق دے

نیک کاموں کی سدا توفیق دے

Haq Parasti

aah! kaisa agaya dour-e-jahan

dhoondti hai zindagi aman w aman

mit gaye khalq w musarrat ke nishaa

azmat insaaniyat ab hai kahan

badh raha hai naarwa zulm w sitam

chagyi har so fizaiy dard w gham

qatal w khoon ghaarat gari honay lagi

ahad no par aankh khoon ronay lagi

ghafalton mein zindagi sonay lagi

doulat-e-eeman w deen khonay lagi

kis taraf jarahay hain qaafley

har qadam hain haadsay aur marhalay

chal rahi hai zar paraston ki hawa

kon sunta hai ghareebon ki sada

aaj har ik mod par hai hadisa

laaj rakh jamhoriat ki ae khuda

ittehaad w yakjahti gar rahay

kyun na phir abaad apna ghar rahy

apna paigham wafas sultan hai

bas isi mein zindagi ki shaan hai

jaanta hai is ko jo insaan hai

jo na samjhay woh bada nadaan hai

haq parasti ki khuda tufeeq day

naik kamon ki sada tufeeq day

نذرِاندراگاندھی