Bazm Kishwar

buzurag shayer Sufi Sultan Shuttari Sahib qibla ke waalid  buzrugwaar peer tareqat Hazrat Sufi Mohammad Abdulmnnan urf Sufi Fayaz Ali Shah Qadri Shuttari jin ka takhallus  Kishwar tha urdu aur farsi ke apne zamane mein naamwar w maqbool shayar thay aur bazam-e-noor adab  (nirmal( ke naam se idaara qaem kiye thay jis ke tahat na sirf mushairay  aur muzakirat  huwa karte thay balkay taleemi maidan mein apni sargarmian jari rakhay hue thay. awam mein taleemi rujhan ko parwan chadhana aur talaba ko kapiyun aur kitabun waghera se bhi madad ki jati thi. taleem-e-baleghan ka bhi maqool intizam tha.
waalid bzrugwar Hazrat Sufi Mohammad Abdulmnnan Kishwar ki sarparasti mein urdu zabaan aur shair w adab ke farogh ke liye mukhtalif azlaa mein bhi mushairay kiye jatay thay.
hazrat qibla ka 24 November 1979 25 zilhijja ko visaal hogaya. aap ke chahlum ki fatiha ke mauqa par aziz w aqarib aur muredeen ke mashwaray se ‘ ‘ bazm noor w adab ‘ ka naam tabdeel karkay waalid bzrugwar ke takhallus ‘ ‘ kishwar ko apnate hue 1979 mein’ ‘ bazm-e- kishwar’ ‘ ka qeyam amal mein laya gaya. jis ke sarparast Hazrat Sufi Sultan Shuttari ki nigrani mein committee ka intikhab amal mein aaya. jis ke pahlay saddar us waqt ke namwar shayer Kazm Ali Khan Hezeen ka intikhab amal mein aaya tha isi tarha ek aur namwar shayer Sheikh Ismail Sabir ( naib saddar) aur Janab Syed Abdulhkeem yaqoobi (birader-e-kalan) malik su shura Hazrat Auj Yaqoobi ke alawa naamwar w maqbool shayer Janab Pagal adil abadi ka ba hasiyat secretary intikhab amal mein aayatha.
jab ke maujooda waqt mein saddar Janab Sheikh Ismail Sabir sahib hain, aur general secretary Janab Mohammad Abdulmoiz Qadri Shuttari, Janab Ajaaz Mirza , aur Khazin Janab Yousuf Rawish? sahib hain.
” Bazm Kishwar” ‘ ‘ ke zareye jahan har maah pabandi se mahenay ke aitbaar se kabhi natiyah mushairay kabhi mnqbti tu kabhi adbi mushairay munaqqid kiye jatay rahay hain, jis mein is daur ke sabhi naamwar asaatezaa-e-sukhan hazraat ke alawa deegar shura kiraam shirkat karte aur apna kalaam suna kar daad wa tahseen haasil karte. asaatezaa-e-sukhan mein qabil-e-zikar naam Hazrat Moizuddin Multani, malik us shura Hazrat Auj Yaqoobi, Hazrat Khwaja Zakir Godar Shahi, Hazrat Be Hosh Mahboob Nagri waghera ke naam qabil zikar hai.
Bazm Kishwar ke zair-e-ihtemaam mahana mshaaron aur muzakerun ke alawa salana mushairay baday paimanay par jashnn ki tarha munaqid kiye jatay. jis mein hyderabad ke alawa azlaa se naamwar numainda shura kiram hissa letay. aala paimanay par qiyam w taam ke intezamaat kiye jatay. aur ye sirf mushairay ki had tak mahdood nahi rahtay balkay’ ‘ tazkara aolia ‘ ‘ ke unwan se baday paimanay par jalsey munaqqid kiye jatay jis mein naamwar w mumtaaz ulama kiraam aur mushaeqeen uzzzam apne khetabaat se samaeen ke imaan mein jila paida karjate aur mahool ko munawwar bnadete. aur Bazm Kishwar ke tahat harmah islami tareekh ki 29 ko pabandi se mushairay w sama munaqqid hotay aur dawat ka ihtemaam kiya jata.Bazm Kishwar ke zair-e-ihtemaam mahana mshaaron aur muzakerun ke alawa salana mushairay baday paimanay par jashnn ki tarha munaqid kiye jatay. jis mein hyderabad ke alawa azlaa se naamwar numainda shura kiram hissa letay. aala paimanay par qiyam w taam ke intezamaat kiye jatay. aur ye sirf mushairay ki had tak mahdood nahi rahtay balkay’ ‘ tazkara aolia ‘ ‘ ke unwan se baday paimanay par jalsey munaqqid kiye jatay jis mein naamwar w mumtaaz ulama kiraam aur mushaeqeen uzzzam apne khetabaat se samaeen ke imaan mein jila paida karjate aur mahool ko munawwar bnadete. aur Bazm Kishwar ke tahat harmah islami tareekh ki 29 ko pabandi se mushairay w sama munaqqid hotay aur dawat ka ihtemaam kiya jata. degargon halaat ki wajah se ab tareekh ki pabandi tu nahi rahi laikin waqtan fawaqtan abhi bhi yeh mushairay hazrat Sufi Sultan Shuttari ki sarparasti mein hazrat Sheikh Ismail Sabir Senior shayar ki nigrani mein tu kabhi deegar asaatezaa -e-sukhan ki nigrani mein Firdous Manzil malakpet mein munaqqid hotay hain jis mein shahar ke naamwar shura kiram ko madou kiya jata hai aur purtakalluf dawat ka ihtimaam bhi kiya jata aur alhmdu lillah ye silsila jari hai.